ماهذا يالجنة الاستقدام ؟!!

[ساعي الخير]

عندما يؤسس مواطن شركة صغيرة في مجال من المجالات الخدمية أو غيرها من الأنشطة التي تعتمد على الأيدي العاملة ( الفنية) فإن حلمه الأوّل أن يجد تلك العمالة من المكان وفي الزمان المناسبين ليتسنى له انطلاق تلك الشركة نحو النجاح المأمول وتحقيق حلمه في تحسين وضعه المعيشي في بلد حباه الله بخيرات كثيرة تمثّلت في النهضة الشاملة والتي شهد لها القاصي قبل الداني.

إلاّ أنني لاحظت منذ عدة سنوات ومن خلال تجارب مع هذه اللجنة، ومن خلال معاناة من هم على شاكلتي من أصحاب هذه الشركات الناشئة ، لاحظت أن هذه اللجنة لاتعين هذه الشركات الناشئة على الإنطلاق ، بل أنها تساهم بشكل كبير في إعاقة هذا التقدّم ..

لماذا؟!

إن العمل الخدمي وخاصة قطاع المقاولات يعتمد في الأساس على المهارات الفنية ..كالنجارة المسلحة والحدادة والسباكة والكهرباء....الخ .والبلدان التي توجد بها هذه المهارات ( معظمها في جنوب شرق آسيا ومصر) وتتفاوت هذه البلدان فيما بينها أيضا في مسألة الكفاءة في بعض هذه التخصصات . ويتميز بلد واحد في هذه التخصصات جميعها من حيث الكم والكيف أيضا ألا وهو ( الهند) ولكن هذه اللجنة أصبحت - وللأسف - مخيّبة لآمال الكثير من أصحاب هذه الشركات من خلال عدم تمكينهم من جلب العمالة الفنية اللازمة لتنفيذ مشاريعهم من البلدان التي يرون أن هذه المهارات متوافرة فيها بحجة لاندري ما أهميتها إذا علمنا أن هذه التحكم في جنسيات العمالة لاينال شركات بعينها...أكتفي بهذا ونريد توضيحا صحيحا أو تعديلا لوضع أرى - من وجهة نظري ومعي الكثيرون - أنه مائل.

[المولع22]

اقول يالغالي ردد معاي بس وقول ( ياليل ماطولك )

انا مقدم على استقدام ( فلبينيات + موظفين من جنسيات عربية مختلفه )

للعمل في الشركة

وصارلي اكثر من 3 شهور اراكض وراهم ولاحد معبرني وكل يوم يقولون بكرة نعطيك موافقه

وبكرة وبكرة وبكرة ,, وياااااالييييل ماطوللللك

كلمة ورد غطاها

اذا عندك ظهر في وزارة العمل صدقني وانت قاعد على المكتب ماتخلص الشاهي , الا وانت اوراقك جاهزة

تحياتي للجميع

( حد عنده واسطه فارطه مني والا مني )

[Bu Rashid]

ما يعطووووونك فيز
ولا تحووويل من والى
اكيد وراهم مصالح شخصية وراء هذى الايقاف :nop:

[HIGHNESS]

اكيد مابيخلونكم تنافسون الهوامير ... هههههههههههه ...

[مندهش]

حالة يرثى لها بامانه تتقدم بطلب وتفاجئ بجنسيات ------

اخر مرة من يومين طالب فورمان مصري اعطوني تونسي !!!!!!!!!!!!!!!!!!!!!!!!!!!!!!!!!!

[الشمالي111]

يا حيك انت عطوك تونسي


انا تدري وش اللي عطوني يوم قدمت عليهم ابي حدادين ونجارين وافقولي على جنسيتين من منيمار ولبنان

ابي افهم هالجنسيتين وش فهمم في الشغل اللي ابيه

والله حرام

[ساعي الخير]

لابد للأخوة المتضررين من اجراءات هذه اللجنة من الوقوف بحزم أمام هذه اللجنة وان استدعى الأمر اتخاذ إجراء قانوني بحقها لكشف مخالفاتها ومن ثم تحميلها تبعات هذه السياسة غير الحكيمة ( من خسائر مادية وغيرها).

أني لاأنكر ومعي آخرون التفكير في تكليف محام ينبش أوراقا لابد وأنهم حريصون على إخفائها.

[شموخ دائم]

,


,


مرحبا


يكفي بس لما ينقلونك من غرفه الى غرفه وتنتظر على الدور من صباح الله خير

ويعطونك رقم الانتظار ويكون مكتوب فيه رقم ( 70 ) وبعد عناء وزحمه الانتظار

وفي الاخير تجلس امام اللجنه ال 6 الي قطر كلها تترجاهم من صباح الله خير

وشكلنا يكسر الخاطر نطلب ( فيزه هندي واحد )

وتستمر المقابله مع اللجنه ( دقيقه ونص ) بالكثير

وفي الاخير يقولك ( يصير خير شوف النتيجه على النت )

وتطلع ونت ما تعرف بيعطونك ( الفيزه ) الي تترجاهم عليها

او لا

سبحان الله على شان فيزه يحس الانسان انه جاي يترجا اللجنه

هذا هو الحال وهذا هو تشجيع الاستثمار الي نشوفه بالجرائد للاسف فقط

وتروح المجلس في المساء تسولف تتفاجا ان واحد بالمجلس اعطوه

100 فيزا من الهند ودون مقابله اللجنه !!!!!:swoon2:

فقط لانه صديق فلان الموظف في وزاره العمل

الشركات الصغيره لها دور كبير في الاقتصاد المحلي لانها توفر كل ما يحتاجه المواطن في يومه ومستلزماته الضروريه

من لبس الى اكل الى خدمات وللاسف هذه الفئه مطحونه بين جنون اسعار الايجارات وبين مشاكل الحصول على العماله الجيده

لا تفرضون علينا الفيز من لبنان ومنيمار صار لنا اكثر من سنتين انتم تعطونا هذه الجنسيات واحنا نرفضها

وتتعطل مصالحنا ونقابل اللجنه ونرجع نعيد الطلبات صار لنا ( سنتين محلك سر )

اذا تبون تساعدون هذه الدول ( لبنان ومنيمار ) عطوهم فلوس

بس لا تجبرونا نجيبهم قطر بالقوه والله تعبنا من كثر المراجعات مع اللجنه

حسبه بسيطه

تفتح لك شركه صغيره وايجار المكان 10 الاف تدفع اول شهر

تقدم على عمال يعطونك لبنان ومنيمار ترفضها وتقدم كتاب مقابله اللجنه

يحددون لك موعد بعد 3 شهور لمقابله اللجنه

الحين دفعت 4 شهور ايجار = 40 الف

تتفاجا ان اللجنه ما عطوك العمال الي تبيها

تطلب تعديل جنسيه ونتتظر اللجنه بعد 3 شهور

تدفع 60 الف وانت لسه ما عملت اي تجاره وراح راس المال في الايجارات ومواعيد اللجنه

مو حرام هذا الي يصير !!






,

,



اخوك



شموخ دائم

[سهم متردد]

من زمااااااااااااااااااااااااااااااااااااان وهذه حركاتهم

والصراحه نستااااهل واولهم انا

تسكت عن حقك اكيييد مابتحصله
ولا واحد صااااؤ له شهووووووووووور يدور فيز مصر والهند وكل مايطر من اللجنه الي اصلا ماتعطيك مجال تتكلم واخر شي يقول بنشوووف بنشوووف
ليش انا طالب مساعده ؟؟
وللعلم واتحدااااى الي حد يقدر ينكر
مسؤول هنااك بنفسه قالي فيز مصر انسي وعقب كمن شهر احصله جايب قروب مصريين في شركة ابوه ويوم اسالهم منى وانتوا في الدوحه يقول شهرين
من ويييين طلعت الفيز يااااا شيخ
الواااااااااسطه ثم الواااااااسطه ثم الواااااااسطه ومافي حل غيره

مع احترامي لادارة العمل ولكن من اكثر الاماكن الي فيهاااا واسطه عينك عييينك

[مالي ومال الناس]

اعرف واحد عنده مؤسسه طلب فيزتين من دولة عربية توقعوا وش عطوه ؟

عطوه فيزتين من لبنان واحد منهم بمسمى مدير والثاني محاسب او إداري مااذكر

صاروا الجنسيتين المذكورة اجباري على صاحب المؤسسة ؟؟ هل اللجنة المذكورة بتتحمل الضرر لو سرقوه ؟؟

[(رمز المحبه)]

اي والله ظلم وقهر .. الواحد يطلب من دوله معينه يقطونه لدوله ثانيه طيب انا مابي من هالديره ما عندي حد او ما يفهمون .. اجيبهم كذا بس عشانكم .. لا يبووي ابي اللي انا طالبه .. لو اني منكم نجتمع كلنا اللي عندنا طلبات واقفه .. واللي معصلقينها معاهم امثالنا .. ونحدهم في زاويه ذاللجنه ويقوووم البقس لين يعروفون ان الله حق

ظلم وقهر عيني عينك .. حلال عليهم وحرام علينا

[قطري !]

أنت اول ماتجلس وياهم تحس انهم ناس غير مؤهلين انهم يكونون في لجنه الظاهر انهم غير متعلمين ولا عندهم الثقافه الاقتصاديه لانهم لايعلمون بإنك في امس الحاجه لجنسيه معينه....



ماعندهم حس الرقي للدوله بانهم يوفرون للشركه الاشخاص اللي يطلبونهم حتى يطورون من نشاطهم الاقتصادي



انا مره طلبت تاشيرات معطيني من لبنان تونس .. والمهنه المطلوبه لاتصلح لهؤلا الاشخاص مع احترامي لجنسيتهم .. لا يوم رديت اطلب غيرهم .ز قالوا عدل جنسيات الاشخاص البناني والتونسي.. زين انا ماطلبتهم من الاساس..؟؟؟

[ساعي الخير]

أشكر الأخوة والأخوات الذين تفاعلوا مع الموضوع وهو يستحق المزيد من الاهتمام ولذلك أرى أنه من الضروري اتخاذ إجراء قانوني ضد هذه اللجنة وتوكيل محام بارع أمر لابدّ منه لعرض القضية على المحكمة الإدارية.

[الخاتم]

ذكرتوني باخوي جاب وكالة مصاعد لازم العمال من الهند على الاتفاق فنيين سكر المحل لانه عطوه هندي واحد بعد ماكان يدفع 11 الف اقساط المحل

[ساعي الخير]

ذكرتوني باخوي جاب وكالة مصاعد لازم العمال من الهند على الاتفاق فنيين سكر المحل لانه عطوه هندي واحد بعد ماكان يدفع 11 الف اقساط المحل

أفضّل أن يرفع قضية مشتركة مع آخرين ويطلبون تعويضا مجزيا مع إبطال قانونهم ( غير العادل ) والذي بموجبه يعطون ويحرمون من يريدون دون ضوابط قانونية .:rolleyes2:

[العمراني]

واللي يزيدك قهر ان الجنسيات الممنوعة تشوفها داخلة يوميا" من المطار
وين غرفة التجارة عن هاللعبة
والا الغرفة تاخذ اشتراكات من الشركات على شان يصرفونها على اجتماعاتهم وسفراتهم
وين الخدمة اللي اتقدمها الغرفة والا هي حق ناس وناس
شاطرين صوركم في الجرايد ومخلينا ضايعيين مع اللجنة
حسبنا الله ونعم الوكيل

[mohammed68]

يا جماعة بعد تجربة طويلة اللي ما عنده واسطة او اسم قوي عمره ما راح يحصل على التأشيرات اللي يبقيها ..