لاهل الخبرة ( لندن - فرنسا)

[ام الحلوين]

السلام عليكم ورحمة الله وبركاته
ناوين نروح لندن وفرنسا شهر فبراير اجازة الربيع
لكن قالت لي وحدة انصحكم لاتروحون بهالوقت لان كل مقاهي الشانز مسكرة بسبب البرد الشديد
هل صحيح لندن وفرنسا ماتصلح بهالوقت وكل المقاهي مسكرة بسبب البرد؟؟؟
ياليت اهل الخبرة يردون

[ANONYMOUS]

اذا رايحين على شان المقاهي..

لا تروحون..

اجازة الربيع انا انصح في مقاهي تقاطع رمادا..

باي ذى وي ... محدثكم مش من اهل الخبره :shy:

[غاردينيا]

المكان شبه ميت الحياة تكون في الصيف

اجازة الربيع الواحد يروح شرق آسيا فرض الاستمتاع أكثر

وإجازة الصيف خلوها حق أوروبا

[£عبدالعزيز£]

بالعكس هاي احلى وقت الواحد ممكن يروح فيه لندن

بعيد عن زحمة الخليجيين والبلشتية اللي مب جايفين خير

اللي اغلبهم ينمحون من الوجود عقب الصيف

[تحداني]

أوروبا في الربيع يعني الاستمتاع بالبرد والاجواء الهادئه
والتسوق لانها تعتبر فتره تتسم بالهدوء والبرد القارص


اما عن المقاهي .. ايش لج فيها
حلاه السفر رحلات وروحه وجيه . وتشري
والتلذذ بكل نسمه هواء بارده نفتقد لهذه الاجواء




بعض المقاهي نعم تقفل
والبعض الاخر مفتوحه
بس مافي وايد قعدات خارجيه
والناس مالهم مزاج

جملك الله برضى الرحمن

[A l i]

ياحلووو باريس من شهر ديسمبر لين مارس <3

[هارودز]

باريس المقاهي مسكره لكن لندن مفتوحه القهاوي بس برد ومافي حركه مثل الصيف
بس انصحكم تروحون وتستمتعون في الجو روووووعه والله

[مستر قطر]

مانصح حد يقرب من لندن وباريس في فبراير الجو مايساعد وحرام لان وقتج كله بيضيع وانت فالفندق يومين مطر وثلج وانصح الي يبي يسافر شهر فبراير وهو مغمض ((((((لبنان)))))) تبين ثلج اطلعي الجبل تبين طبيعه روحي الجنوب تبي المقاهي والتسوق بيروت.

[Chambray]

فبراير موسم التنزيلات في فرنسا

والمقاهي شغاله

[N7eEeS]

هو من ناحية برد برد يعني عادي توصل -10 بالليل.
شوفي لندن حلوه في كل وقت في الشتاء لها حلاوه غير عن الصيف ان مب زحمه وصح الجو بارد بس ممتع بس عيبها النهار قصير يعني بالكثير 5 الدنيا مظلمة بعكس الصيف بس المحلات اتم فاتحه لين 8 بالليل.
ميزة لندن كثرة المجمعات التجارية فما راح تحسين بالبرد ومن داخل مليانه قهاوي عندج هارودز وسلفرج وهارفي وجون لوس ودبنهامز وهاوس اوف فريزر وماركس هذا غير المجمعات اللي خارج لندن.
خلوا الفتره الاطول في لندن وباريس كم يوم لانها في الصيف ممله فما بالج في الشتاء.
واجازه سعيده.

[رايق و فايق]

احسن وقت شهر اربعه

الصيف زحمه والاسعار توب

والشتاء برد ومحد يستحمل بردهم

[KhalidQ]

انا رحت باريس 19 سبتمبر و رجعت 25 يعني قبل خمسة ايام و صراحه 18 درجه بارد بنسبه لي
وما اقدر اتمشى مع الاهل والحمد الله اخر يوم كان برد و الا يام الباقيه كان الجو لطيف ما تحتاج جاكيت واذا تبي الصراح
لا تروح الا اذا درجة الحراره 22 و صادفتها ب 19 و 20 و 21 و 22 و 23 سيتمبر

والله يوفقك

[ام الحلوين]

جزاكم الله خير

[هند88]

انا كنت اقول نفسج
بس رحت باريس شهر 12 عزززز الثلج ودرجة الحرارة 6 تحت الصفر.. والقهاوي شغاله ميه ميه :ok2:

وشهر 2 ترى مو برد قارص

وعلى فكرة هالاوقات احلى من الصيف لان حشرة :omen2:
انشاالله تستمتعون :victory:

[Rashid554]

والله حلوه لندن هالوقت امطار مستمره وجو بارد تحت الصفر وكل شي مفتوح
العام من شده الثلوج في يناير توقفت بعض الرحلات بالقطار لخارج لندن
طبعا الانجليز مايحبون هالاجواء عكسنا الي احنا متشوقين لها
انصحج تجربين الرحله وتستمعين بس ملاحظه في هذه الاجواء في اشياء تغلق

1- مدن الالعاب الترفيهيه
2- الاماكن المفتوحه ( الحدائق )
3- عين لندن ( اعتقد والعلم عندالله )

اما الاسواق والاندرقراوند والقهاوي كل شي مفتوح عادي

والميزة الاكبر في هذه الفتره عدم تواجد الخليجين سوا الطلاب فقط ودائما متركزين في ايجور رود يعني خذي راحتج مع عيالج


واهم شي خذي القفازات معاج ( الاصابع تتجمد بشكل سريع )

[بو خليفه 123]

معظم المقاهي مفتوحه و تتحول قعداتها الى الداخل

مثل قهوة فوكيت تصير قعدتها على البلكونه ..

و لو مدريجال تصير قعدتها داخليه .. و مرات خارجيه على حسب الجو اذا كان ثلج او مطر ..



نصيحتي لج .. والله اوروبا بكبرها ماتسوى نيو يورك .. هناك المتعه الحقيقيه .

[ام الحلوين]

شاااااااكرة لكم حمستوني من جد وعيالي انا وعدتهم بالربيع بوديهم لندن وباريس ولا ابي اخذلهم
اكرر شكري والي يعرف شقق سعرها كويس ياريت يعلمني

[منصوربن حمد]

بالعكس هذا احلى وقت لان مافية زحمة وصحيح انة برد قارص بس بردهم مب نفس بردنا يدخل العظم وانصحك بالسكن في فندق مندرين وخذي السويت اللي على الفيو الهايدبارك وجربي الفطور الصبح والستارة مفتوحة على الفيو والمقاهي اكيد بتكون جلستها داخلية لاكن الجو والرومانسية لاتوصف

[ام الحلوين]

|شكرا لك اخوي منصور

[ذيب الريان]

انصحكم بهالوقت عن الغلفج في الصيف

[مدريدي بفخر]

الصراحه يعتمد على الشخص نفسه
انا رحت لندن وفرنسا مع بعض في شهر 2 2008
5 ايام فلندن و7 ايام فباريس
ووااااايد حلوه وهاديه والجو بااارد وعجيب
واحلى شي مافي خليجيين وعرب وااايد
يعني لازحمه ولا سنداره
والواحد يبي يروح مكان بارد ومطر وثلج
تدرون المطر والثلج مايوقف عندنا

[مشعل 111]

احلى شي لندن في الربييييييييييييييييع

جو فضيع واجواء راااااايقه

[البركان]

انا شهر 2 الماضى كنت بلندن من ناحية البرد للامانه برد ولكن كل شئ مفتوح المقاهى والاسواق والمطاعم ماااااااافى شئ مغلق وحتى الخصومات ممتازه

[شيخ القبيلة]

بالعكس هاي احلى وقت الواحد ممكن يروح فيه لندن

بعيد عن زحمة الخليجيين والبلشتية اللي مب جايفين خير

اللي اغلبهم ينمحون من الوجود عقب الصيف

صدقت أخوي بوسعود مافي احلى من لندن في الشتاء فبراير ومارس وابريل روووووووعة افضل اسافر لندن في هالأشهر بعيد عن الخليجين والخمام والزحمة تحصلها راااااايقة وتدور فيها على كيفك .