معقولة خلصت الوظايف في الديرة ؟

[بويوسف]

ليش اسمع شكاوي من من حولي انهم يسون المقابلة والثانية والثالثة بدون مستجيب ؟

http://www.raya.com/mritems/images/2010/9/29/2_565416_1_209.jpg?ref=nf

[نايم سهران]

يمكن الي تسمع منهم شكاوي ناس فاشلين
او
ماعندهم مؤهل يدخله الوظيفه
او
سووا معاه المقابله وما نجح
لو قطري مستحيل ما يتوظف

[بنت ابوها 19]

يمكن الي تسمع منهم شكاوي ناس فاشلين
او
ماعندهم مؤهل يدخله الوظيفه
او
سووا معاه المقابله وما نجح
لو قطري مستحيل ما يتوظف

حرام عليك لاتستهين بغيرك

والله عندي رفيجه دارسه بامريكا

وجايه وعندها بكالوريوس ادارة اعمال
وشاطره وطموحه


مش محصله شغله


معقوله تكون فاشله مثل ماتقول ؟؟؟

[مشتاقة لقطر]

اهم شي ام البراطم .. والمدير بوخشم منفووووخ

[كازانوفا]

اذا الدنيا ل ناس وناس
اجت على الوظايف ؟؟؟؟؟


الله المستعان ...

[نايم سهران]

حرام عليك لاتستهين بغيرك

والله عندي رفيجه دارسه بامريكا

وجايه وعندها بكالوريوس ادارة اعمال
وشاطره وطموحه


مش محصله شغله


معقوله تكون فاشله مثل ماتقول ؟؟؟


بكالوريوس ومن امريكا وما توظفت ؟؟؟؟

شكلها ما تبي اي شغل عسى ما شر وين قاعدين قالت بكالوريوس ومن امريكا الي يدرسون ف جامعة قطر كل واحد قبل لا يدخل الجامعه عنده سبونسرشب وكل مكان يبونهم الجامعيين تقولين من امريكا .!!!!

[الراقيه سبشل]

انا للحين ادور ومايأست << تعلموا مني :tooth:

[لمعة الالماس]

وانا بعد جامعية وللحين ادور لي شغل ولا حصلت !!!!

[الصريحه]

صحيح هالكلام وحتى بالمدارس المستقله نفس الشيء
يحطون اعلانات بس علشان يسكتون الناس
الله كريم ويحصل كل واحد وظيفه

[فلتة زمانها]

هو يعتمد عالتخصص والله في تخصصات وظايفها شاغره بس ناااادر جدا يحصلون قطريين عندهم هالشهاده
خصوصا في المجال الطبي بس البعض ما يبي يتعب فيدرس شي اداري وريح نفسه

[بويوسف]

يمكن الي تسمع منهم شكاوي ناس فاشلين
او
ماعندهم مؤهل يدخله الوظيفه
او
سووا معاه المقابله وما نجح
لو قطري مستحيل ما يتوظف

لا غلطان يا اخوي .. اسمع بناس عندهم ماجستير وتخصصات فنية هندسية وتكنولوجية شلون صاروا فاشلين مثل ماتقول اذا وصلوا الى اعلى مستوى من العلم ؟

[مهـرة قطـر]

/

مساءكمـ ورد .. اول مشاركة لي هنا ..
بعد سنوات من متابعة المنتدى .. قدرت اسجل اليوم .. < يعني باركوا لي :shy:


يمكن الي تسمع منهم شكاوي ناس فاشلين
او
ماعندهم مؤهل يدخله الوظيفه
او
سووا معاه المقابله وما نجح
لو قطري مستحيل ما يتوظف

لا أبد ياخوي .. الفاشلين اللي تتكلم عنهم ماراح يبحثون أصلا عن الوظايف
ولا راح يكلفون نفسهمـ بالكلام .. لآنهم على قولتك فاشلين ..

واسمحوا لي انا صحيح اني ثانوية عامة لكني ما اسمح لآحد يقول اني فاشلة
كون اني ماخلصت جامعة .. لأنكم ماتدرون بظروف الناس ..

مب كل جامعي .. ممتاز ويصلح للشغل ..
ومب كل ثانوي او اقل مستوى يكون فاشل ..!

اما اللي ماعنده مؤهل يدخله الوظيفة .. فليش من الاساس يسوون معاه مقابلة ؟!..
ويخلونه يتأمل خير وكل يوم ينطر اتصالاتهم ..!

ومافيه شيء مستحيل .. كثير قطريين وقطريات ماهم متوظفين ..

|

بصراحة فيني حرة بداخلي .. من المدارس اللي ينزلون اعلانات ..
ومايمدي توصلهمـ .. الا يقولون مافيه شاغر ..
بسم الله متى راحت شواغركم ؟!..
والا حق وشو الخساير طيب ومنزلين اعلانات ؟!..

شكرا بويوسف .. الكاركتير ع الجرح ..
واسمحوا لي ع الفضفضـة .. من القهر اللي فيني =(

،

[OTOsan]

لا غلطان يا اخوي .. اسمع بناس عندهم ماجستير وتخصصات فنية هندسية وتكنولوجية شلون صاروا فاشلين مثل ماتقول اذا وصلوا الى اعلى مستوى من العلم ؟

يمكن يابويوسف هذا سبب عدم توظيف بعضهم للاسف ..!
Over Qualified

مب غلطتهم طبعا .. ولكن المشكله في المسؤول عن التوظيف لنظرة يراها هو ..وبعينه هو !!

سمعت كذلك ان توظيف خريج الثانويه اسهل منه بكثير لخريج الجامعه .. مع انه من المفترض ان يكون الجامعي مرحب به .. وبقوة !!

[بويوسف]

حرام عليك لاتستهين بغيرك

والله عندي رفيجه دارسه بامريكا

وجايه وعندها بكالوريوس ادارة اعمال
وشاطره وطموحه


مش محصله شغله


معقوله تكون فاشله مثل ماتقول ؟؟؟

لا مش معقولة ..

معناها ان في خلل عندنا خصوصا ان احنا نسبتنا 10-15 % من اجمالي السكان ..

اتصلت في احد الجهات كلمني واحد اجنبي .. طيب .. اهني اهناك حولني على وحدة اجنبية ايضا .. طيب يا طيبين من البوس .. اخر شي المسئولة في الاتش ار اجنبية اوروبية ..

وين اهل قطر ؟ مادري ؟ هل كتب علي القطريين العمل في الوزارات الحكومية واللي مافيها تطوير ولااهتمام ولانقطة حافز للعمل فيها؟ والا مالهم حق يشتغلون في الاماكن اللي كل يوم يتم انشاءها مثل الفقع ؟

[بويوسف]

اهم شي ام البراطم .. والمدير بوخشم منفووووخ

مشتاقة .. ام براطم وبوخشم يترزقون الله .. نلومهم ؟ ماظن لهم خص.

[بويوسف]

انا للحين ادور ومايأست << تعلموا مني :tooth:


وانا بعد جامعية وللحين ادور لي شغل ولا حصلت !!!!

عينة واقعية لمن لايصدق.

[نتفـه]

عندكم واو تمشي اموركم ,, ماميش !! الله يعين بس

[Northman]

واقع موجود ,, ندعي من الله انه ينتهي و كلن يحصل الوظيفه الي تناسبه و تناسب مؤهلاته

[um3lianny]

خطير الرسام محمد
كل شي في الرسمه له معنى
معنى الخشم الاحمر
الويندوز
البراطم
و غيره

[طلعة الروح]

مشكور عزيزي بو يوسف
متابعه الموضوع
وانشالله لي عوده ...

[دانـة قطـر]

أنا بعد جامعيه صار لي 4 سنين متخرجه وما اشتغلت <<<:funny:

الله المستعان

[انسان]

اذا جيتهم بالثانويه ....قالو لك نبي جامعي ......واذا جيتهم جامعي ... قالو لك نبي جامعي وخبره ........واذا جيتهم جامعي وخبره ......قالو لك نبي شهادة اعداديه :tease::tease::tease:

[سـ ع ـود]

خلوكم مثلي بطاليه شفيها الرقده الصبح في البيت يازينها زيناه <<< اسكت نفسي :weeping:


خلوها على الله

[%حورية قطر%]

عندكم واو تمشي اموركم ,, ماميش !! الله يعين بس

:ok::victory::playball:

[مستجدة]

الله يعين الناس كل واحد عنده همه
الوظائف صارت صعبه واعرف ناس واجد مقدمين على وظائف من سنه ونستين
ومب محصلين

[العقل الحر]

اذا جيتهم بالثانويه ....قالو لك نبي جامعي ......واذا جيتهم جامعي ... قالو لك نبي جامعي وخبره ........واذا جيتهم جامعي وخبره ......قالو لك نبي شهادة اعداديه :tease::tease::tease:

اشهد انك صدقت :app2:

[ع ــلي]

يمكن الي تسمع منهم شكاوي ناس فاشلين
او
ماعندهم مؤهل يدخله الوظيفه
او
سووا معاه المقابله وما نجح
لو قطري مستحيل ما يتوظف



في شباب اعرفهم توهم مخلصين الثانويه ونسبهم اقل واحد 73 طيب وقدموا على وضايف ولاحد قبلهم وقدموا على الترشيح وماقبلوهم شتبيهم يسوون وبعضم عنده سات وتوفل
و اي سي دي ال
ما قلبوهم *******ما احد يمشي الا بــ(و)
لوهم على قولتك فاشلين ما قدموا اصلا

تحياتي

[N7eEeS]

بكل بساطه لان كبار المسؤولين لاهين في الاستثمارات وحل الازمات الخارجية والرياضة وتاركين البلد من غير راعي!
لو في مسؤول يحاسب ويعاقب كان ماشفت هذا حال البلد.
الله المستعان.
من فترة اطلبوا مني اسوي خطة تقطير في الجهه اللي أعملبها طبعا بناء على التوجه العام في البلد !وعملت الخطه ورفعتها وانا في داخليأعرف ربعنا وخابرهم.
يفترض اول شخص يقطر الوظائف اللي عنده هو الشخص الاول في الجهه لاهو قطر وفي المقابل اللي تحته من مدراء ماراح يقطرون لان يعرفون أن مسؤولهم مهوب هامه الموضوع!
مع ان حرام والله الرواتب ذي يتمتعون فيها اجانب!!

[باندلر]

قطر قدامها 100 سنة على ما تكتفي من توظيف القطريين

[بـــــــنت النوخـّــــذه]

لو قطري مستحيل ما يتوظف

احس كلمه (ما) سقطت سهوا" او خطأ مطبعي ^________^

عموما" ترى حملة الشهادات العليا والجامعيه اقل فئه ممكن يتوظفون 00اعرف وحده زوجها دارس بامريكا وماخذ الماجستير اهناك بتخصص نادر وصعب بالاضافه للغته التوب المهم قدم على مكان معروف بالدوله وقدم ال c.v لان بعد ما اخذ الماجستير من امريكا حب يروح وظيفه تناسب قدراته وكفاءته قال له المسئول بكل صراحه (انا ما اقدر اوظفك عندنا لان اذا بوظفك يا اتكون مكاني او اعلى من مكاني ):playball:0000000هذي سياسه متبعه عند (البعض) ووراء هذي السياسه هدف غير سامي 00للحفاظ على الكراسي والمناصب لاصحابها

[بويوسف]

كل ما ادخل مواقع التوظيف القطرية او الخليجية خصوصا الموجهه الى الاجانب اتفاجأ من كمية الوظائف الشاغرة

ومع اني احاول يوما بعد يوم للبحث عن ما يناسبني والتقديم فيه الا ان الغالبية لاتستجيب لي

وللأمانة أحد الجهات ردت علي وذهبت للمقابلة ومن قابلني هناك كان شخصا لايعرف عن المشاريع شئ مع صاحبه خبير في الموارد البشرية والوظيفة كانت مدير مشروع

فلكم ان تتخيلوا اعزائي ان يقابلك ويقيمك الذي لايعرف في الوظيفة المعنية شيئا

وعندما يجدوك تطلب راتبا بحد أدنى يناسب مؤهلاتك وخبراتك ولايعجبهم ذلك فالغريب ان القطري مطالب دائما بأن يعمل ويوافق على اقل القليل ويقنع بما يقررونه هم

احدى الاخوات خريجة علوم كمبيوتر ذهبت لمقابلة في احد الشركات ليعرض عليها وظيفة فتح طلبات وسكرتارية

احد الاخوة وفقه الله للعمل في شركة عملاقة عندها مشروع ملياري في قطر يحكي لنا ان عدد القطرييين بعدد اصابع اليد في حين ان الساريات بأشكال وانواع والوان وانه رغم شهادته الهندسية وخبرته الا ان السكرتيرة الهندية تأخذ راتب يساوي ماياخذه وانها قريبة للمدير الهندي الاخر وان الشركة ومعظم من يعمل بها من اجانب يوظفون بعضهم البعض

انا اقول ان نوافذ اليوبيفي سي افضل من الالمونيوم بمراحل فما رأيكم؟

[captin]

كل سنة كل وزارة او جهة حكومية تعطى عدد كبير من الوظائف الشاغرة
من ادارة الموازنة لتعيين القطريين عليها ولسد النقص

بس
الوظايف

محجوزة عند المسئولين لكبار ومدراء الموارد البشرية

لتوظيف اشخاص معينين يقربون لأشخاص
عندهم مصالح خاصة مع هؤلاء المسئولين

يعني السيناريو بالمختصر

طرش لي اوراق زوجتك او اختك او اخوك بكرة اعينها
بس ياخوي ما عليك امر خلص لي طلب الارض في الصناعية
او طلع لي ارض في المكان الفلاني تسوى لها ملايين او طلع لي
رخصة النشاط الفلاني او طلع لي رقم خاص او او او الخ من المصالح اليومية.

والفقير المسكين ضايع يطرق الابواب

لكن الله موجود يسمع ويرى وكل من هؤلاء المسئولين سيقف بين يدي
رب العالمين وسيسأل عن الامانة حفظها ام ضيعها.

[kooool]

بسم الله تعالى وبه استعين واشهد ان لااله الا الله وان محمد عبده ورسوله صلوات ربي وسلامه عليه ..يمكن اللي بقوله يكون السبب الاقرب للحقيقة في البطالة او صعوبة التوظيف ..هناك في شغله اسمها ادارة التوظيف ومعناها ربط المتقدم للعمل بمهمة فعلية تكون هي سبب لتوظيفه..يعني ان التوظيف لحل مشكلة اداء مهمة او مهام وعدم التسبب بمشكلة موظف بلا عمل ..واعتقد ان السبب الرئيسي يبدأ من تحديد الاحتياجات لمدراء الادارات ورؤساء الاقسام من الوظائف للسنة المالية الجديدة ورفعها للمالية بعد اعتمادها ..حيث تاتي اللخبطة والسياسة والاجتهاد الذي ليس في محله فبعض المدراء يحب يكون عنده جيش من الموظفين كانه قائد متوجه لمعركة وبعضهم يحب توفير مخصصات للتوظيف لنقلها بعد ذلك لبنود اخرى ..يعني توفير مال عن طريق بند التوظيف لتحويله لبند اخر ..وهناك يأتي دور التدقيق الداخلي للجهات على عملية تحديد الاحتياجات الفعلية المستحقة وليست الصورية ..وذلك بمراجعة مهام كل ادارة وكم الاعمال المكلفة بها مع قدرات الموظفين وعددهم للقيام بهذه الاعمال , فان كان هناك كم عمل مستمر يحتاج لعدد معين من الموظفين فيتم قبوله والا يتم تطوير قدرات الموظفين وتأهيلهم وتبسيط الاجراءات بذات العدد..ولكن هناك نقطة ..قد يكون لدى جهة عمالة فائضة ناتجة عن تناقص العمل لديها اما بسحب اختصاصاتها الى جهة اخرى او اعادة هيكلتها , وهذا مايحصل الان وللاسف يكون نهايتهم التقاااعد ويكون عبء اضافي على صندوق التقاعد حيث ان بعضهم لم تتجاوز مدة خدمة سنة او سنتين ...والطاااامة الكبرى خسااارة عناصر وطنية تم تدريبها وتأهيلها وكلفت الدولة في البداية والان تكلف الدولة في النهاية ..هنا اقترح ..وجود مخرج لحالة الاحتقان البشري في الحكومة وذلك بإيجاد مراكز تدريبيه تحول الموظف 180 درجة لتخصص اخر تماما ليحل محل وافد او اجنبي في قطاااع مهم من الدولة كالبترول والغاز ..وهنا يأتي دور ادارة التوظيف العام (القوى العاملة) في وزارة العمل والتي تناااااااااام في العسل وماعندها فكره عن الوضع الحقيقي للجهات من حيث احتياجاتها الحقيقية واين يكمن النقص من عدمه (تطوير ادارة القوى العاملة) لتكون الموزع الذكي ..اتصور انه اينما يكون هناك عمل يكون توظيف ..وهنا تاتي اهمية الهيكلة (ادارة التنظيم الحكومي في مجلس الوزراء )التي ترااعي توزيع كم الاعمال في الجهات الحكومية على كم الموظفين بما يتناسب مع اهداف كل جهة ..لتكون عملية التوظيف حل لمشكلة وليست ايجاد مشكلة اضافيه ..

[بوحارب]

الله يعين عيال البلد من الناس اللي ما عندها ذمة!!!

[La.Queen]

يمكن الي تسمع منهم شكاوي ناس فاشلين
او
ماعندهم مؤهل يدخله الوظيفه
او
سووا معاه المقابله وما نجح
لو قطري مستحيل ما يتوظف

كلام كلش مب سليم ... ظلمت وايد قطريين وقطريات بمستويات وموهلات ..

[FAUCHON]

انا قعدت سنه ونص في البيت وطبعا في هالسنه ونص كنت ادخل دورات واطور من نفسي لاني جدا طموحه

بس عقب السنه ونص الحمدلله توظفت

ورفيجتي توها متخرجه جامعيه وبعد هي طموحه وشاطره

جاتها وظيفه في البنك تتوقعون كم الراتب


(( 9000 ))

قطريه وجامعيه وهذا راتبها ومديرتها هنديه


متخيلين الظلم

القطري مظلوووووووووم من ناحيه التوظيف

ومع قانون الموارد البشريه تساوت رواتبنا مع الاجانب شهالظظظظظلم

احنا نلقى الوظيفه عقب عناء في بلادنا والاجنبي مدير علينا


الله المستعان

[شموخ العز]

كل سنة كل وزارة او جهة حكومية تعطى عدد كبير من الوظائف الشاغرة
من ادارة الموازنة لتعيين القطريين عليها ولسد النقص

بس
الوظايف

محجوزة عند المسئولين لكبار ومدراء الموارد البشرية

لتوظيف اشخاص معينين يقربون لأشخاص
عندهم مصالح خاصة مع هؤلاء المسئولين

يعني السيناريو بالمختصر

طرش لي اوراق زوجتك او اختك او اخوك بكرة اعينها
بس ياخوي ما عليك امر خلص لي طلب الارض في الصناعية
او طلع لي ارض في المكان الفلاني تسوى لها ملايين او طلع لي
رخصة النشاط الفلاني او طلع لي رقم خاص او او او الخ من المصالح اليومية.

والفقير المسكين ضايع يطرق الابواب هذا له الله في الدنيا قبل الاخره( لاتحزن)

لكن الله موجود يسمع ويرى وكل من هؤلاء المسئولين سيقف بين يدي
رب العالمين وسيسأل عن الامانة حفظها ام ضيعها.



:omg::omg::omg::omg::omg::omg:

والله مشكله هاذي

[بويوسف]

هو يعتمد عالتخصص والله في تخصصات وظايفها شاغره بس ناااادر جدا يحصلون قطريين عندهم هالشهاده
خصوصا في المجال الطبي بس البعض ما يبي يتعب فيدرس شي اداري وريح نفسه

صحيح هذه مشكلة موجودة والحل هو بتوفير معاهد مهنية لتدريب القطريين !! الغريب هو عدم او ندرة هذه المعاهد ..

اين المعاهد الخاصة بتدريب المدرسين والمدرسات في مختلف التخصصات ؟

اين المعاهد الخاصة بتدريب المهندسين القطريين من المتخرجين الجدد او حتى في التخصصات الدقيقة ؟

اين المعاهد الخاصة بتجهيز الكوادر الفنية التي تحتاج اليها الدولة ؟

معقولة كل ماحتجنا شي دورنا في بلدان العالم الثانية ؟

كل شي بلا مبالغة ؟؟

من الابرة الى العمالة الى الوظائف التنفيذية العالية ..

[بويوسف]

/

مساءكمـ ورد .. اول مشاركة لي هنا ..
بعد سنوات من متابعة المنتدى .. قدرت اسجل اليوم .. < يعني باركوا لي :shy:



لا أبد ياخوي .. الفاشلين اللي تتكلم عنهم ماراح يبحثون أصلا عن الوظايف
ولا راح يكلفون نفسهمـ بالكلام .. لآنهم على قولتك فاشلين ..

واسمحوا لي انا صحيح اني ثانوية عامة لكني ما اسمح لآحد يقول اني فاشلة
كون اني ماخلصت جامعة .. لأنكم ماتدرون بظروف الناس ..

مب كل جامعي .. ممتاز ويصلح للشغل ..
ومب كل ثانوي او اقل مستوى يكون فاشل ..!

اما اللي ماعنده مؤهل يدخله الوظيفة .. فليش من الاساس يسوون معاه مقابلة ؟!..
ويخلونه يتأمل خير وكل يوم ينطر اتصالاتهم ..!

ومافيه شيء مستحيل .. كثير قطريين وقطريات ماهم متوظفين ..

|

بصراحة فيني حرة بداخلي .. من المدارس اللي ينزلون اعلانات ..
ومايمدي توصلهمـ .. الا يقولون مافيه شاغر ..
بسم الله متى راحت شواغركم ؟!..
والا حق وشو الخساير طيب ومنزلين اعلانات ؟!..

شكرا بويوسف .. الكاركتير ع الجرح ..
واسمحوا لي ع الفضفضـة .. من القهر اللي فيني =(

،

مشاركة متميزة ... وتسائلات مشروعة ..

اعلانات الوظايف هذي قصة ثانية .. تلاقين الاعلان في الجريدة والوظيفة محجوزة في كثير من الأحيان.

[صوت الضمير]

الله يرزقكم بالوظائف


أبداع

[طلعة الروح]

اعتقد انه مشكله مثل هذي تشترك فيها الدوله - الجامعه - المتقدم للوظيفه- جهات العمل

جهات العمل مطلوب منها تكون flexible ومتعاونه مع المواطنين طالبي الوظيفه من خلال تنفيذ تعليمات وتوجيهات الدوله ونص دستورها الصريح في هذا المجال..
المتقدم للعمل لازم يطور ويدرب نفسه وهنيه يجي دور الدوله بتوفير نوعية التدريب المطلوبه بزيادة المعاهد ومراكز التدريب بعد التخرج..
الجامعه مسؤوله كذلك عن خريجينها مب بس تخرج الطلاب وبالنهايه لا وظايف شاغره وبنفس الوقت تحل المشكله بايجاد دعم اكاديمي لاكمال الدراسة العليا للطموحين علميا...
الوزارات والهيئات الحكومية يجب وقف عمليات الفساد المنتشره والواسطات من خلال الوظايف الشاغره اللي لا يتم الاعلان عنها واللي لو تم الاعلان عنها تم وضع العراقيل للمتقدم وتطفيشه بحجة
عدم تحقيقه لشروط الوظيفه المطلوبه ولو رجعنا للمسؤول نلقاه هو نفسه ماحقق الشروط بس لو حبتك عيني ماضامك الدهر

وطبعا في امور كثيره تعترض طالبين الوظايف لازم كلنا نكون على علم فيها لاغلاق منافذها والحد منها قدرالامكان وهذي مسؤولية الجميع...

[قطرية وبس]

لا مش معقولة ..

معناها ان في خلل عندنا خصوصا ان احنا نسبتنا 10-15 % من اجمالي السكان ..

اتصلت في احد الجهات كلمني واحد اجنبي .. طيب .. اهني اهناك حولني على وحدة اجنبية ايضا .. طيب يا طيبين من البوس .. اخر شي المسئولة في الاتش ار اجنبية اوروبية ..

وين اهل قطر ؟ مادري ؟ هل كتب علي القطريين العمل في الوزارات الحكومية واللي مافيها تطوير ولااهتمام ولانقطة حافز للعمل فيها؟ والا مالهم حق يشتغلون في الاماكن اللي كل يوم يتم انشاءها مثل الفقع ؟


اهالي قطر الي عندهم خبرة وكفاءة في البند المركزي
علشان يسون مكان حق الخبرات الاجنبية .....
الله المستعان ..................................................

[asadfg]

والله يخوي انا بقولك كلمه حق الحين كله نسمع عيالنا يقولون مافي وظايف ومافي وظايف وخاصه بالمنتدى

انا مره نزلت اعلان توظيف وحطيت الاولويه للقطرين اقسم بالله ماوصلني الا سيفين او 3 قطرين والباقين كلهم اجانب او خليجين او والله لو مب اداره العمل كان خذتهم لانهم ناس يبون يشتغلون وقول وفعل ولا قالو

فانا مثل ماتقول كانت صدمه لي يوم شفت بس سيفين او 3 حق قطرين

انا اتوقع مش بالصعوبه الي متخيلنها انتو مافي توظيف لكن احنا شوي نحب نتشرط ونحب نشوف شلي عاجبنا وشلي مب عاجبنا وكنه الوظيفه الي محتاجه لنا مب احنا الي محتاجين لها

واداره العمل مش مقصره مع القطرين معطتهم الاولويه في كل شي

على العموم الله يوفق الجميع

[روح الاطلس]

والله يخوي انا بقولك كلمه حق الحين كله نسمع عيالنا يقولون مافي وظايف ومافي وظايف وخاصه بالمنتدى

انا مره نزلت اعلان توظيف وحطيت الاولويه للقطرين اقسم بالله ماوصلني الا سيفين او 3 قطرين والباقين كلهم اجانب او خليجين او والله لو مب اداره العمل كان خذتهم لانهم ناس يبون يشتغلون وقول وفعل ولا قالو

فانا مثل ماتقول كانت صدمه لي يوم شفت بس سيفين او 3 حق قطرين

انا اتوقع مش بالصعوبه الي متخيلنها انتو مافي توظيف لكن احنا شوي نحب نتشرط ونحب نشوف شلي عاجبنا وشلي مب عاجبنا وكنه الوظيفه الي محتاجه لنا مب احنا الي محتاجين لها

واداره العمل مش مقصره مع القطرين معطتهم الاولويه في كل شي

على العموم الله يوفق الجميع

اخوي وليه ما اخذتوا السيفين او الثلاث للقطريين وسويتوا معهم مقابلة ؟؟

وتقول لولا ادارة العمل كان اخذتوا الاجانب لانهم يبون يشتغلون طيب والقطريين الثلاث مايبون يشتغلون؟؟

عسى بس ماوظفتوا اجنبي في الوظيفة اللي كنت عارضها :( << احساسي يقول ايه

بس للاسف الشديد اغلب العاملين بالموارد البشرية من القطريين هذا تفكيرهم ومبدأهم لو جاهم قطري واحد وعشرة اجانب اخذوا الاجانب وخلو المسكين

[hamoor4ever]

والله يخوي انا بقولك كلمه حق الحين كله نسمع عيالنا يقولون مافي وظايف ومافي وظايف وخاصه بالمنتدى

انا مره نزلت اعلان توظيف وحطيت الاولويه للقطرين اقسم بالله ماوصلني الا سيفين او 3 قطرين والباقين كلهم اجانب او خليجين او والله لو مب اداره العمل كان خذتهم لانهم ناس يبون يشتغلون وقول وفعل ولا قالو

فانا مثل ماتقول كانت صدمه لي يوم شفت بس سيفين او 3 حق قطرين

انا اتوقع مش بالصعوبه الي متخيلنها انتو مافي توظيف لكن احنا شوي نحب نتشرط ونحب نشوف شلي عاجبنا وشلي مب عاجبنا وكنه الوظيفه الي محتاجه لنا مب احنا الي محتاجين لها

واداره العمل مش مقصره مع القطرين معطتهم الاولويه في كل شي

على العموم الله يوفق الجميع

وانا بقول لك تجربتي كنت ارسل السي في لاعلانات الجرايد ولاحد رد علي مع اني شخص حاب اشتغل لكن الظاهر ان القطرين عرفو لعبه الاعلانات وبصراحه الحين ماحب اقدم مكان الا يكون عندي حد او واسطه لان اصلا التقديم من غير واسطه مضيعه وقت والاولويه للقطرين صحيح بس لاقل الوظائف وكان الخبره واللي جايين يشتغلون بس الاجانب

[koketa]

مؤسسه حمد الطبيه و مستشفى الوكره فيها وظايف للقطرين ويبون موظفين

اللي يبي يروح يقدم في شؤون الموظفين