البند المركزي

[انجود]

السلام عليكم ورحمة الله

ياريت اللي يعرف كم مده البند المركزي يقول لنا ناس تقول 3 اشهر والثاني يقول 6 اشهر والباقين يقول سنتين

ياريت اللي عنده مصدر يقول كم المدة بالضبط وبعدها شيصير
هل صدق انه يتحول للتقاعد واذا يتحول للتقاعد كم بجي من الراتب وكم بخصمون اذا انا للحين ماوصلت سن التقاعد المطلوب


ياريت حد يفيدنا

[aljaber1]

لا يوجد بند مركزي الان
كان على ايام ديوان الخدمة المدنية والغي

الان اي جهة الديها فائض ينتظرون حتى يتم استدعائهم
من جهة عملهم
لايحال الموظف التقاعد ان لم تلغي ادارته اختصاصه
وفي هذه الحاله تقوم المؤسسة او الجهة بتحمل الخصومات
عن الموظف لدى صندوق التقاعد
هذا الي اعرفه

[aljaber1]

المادة رقم 7
بالإضافة إلى المزايا التي قد وفقاً للقانون يسوي المعاش وفقاً الأسس التالية :
1-مدة الخدمة الفعلية أو أو مدة خدمة اعتبارية مقدارها عشرون سنة أيهما أطول ، إذا كان انتهاء الخدمة بالوفاة أو لعدم اللياقة الطبية بسسب الخدمة أو أثنائها في أي من الحالتين.
2-مدة الخدمة الفعلية أو مدة خدمة اعتبارية مقدارها خمس عشرة سنة أيهما أطول ،إذا كان انتهاء الخدمة بالوفاة أو لعدم اللياقة الطبية ، أو لإلغاء الوظيفة ، أو كان بغير الطريق التأديبي.
3-مدة الخدمة الفعلية إذا كان انتهاء الخدمة لغير الأسباب المنصوص عليها في البنود السابقة.
وفي جميع الأحوال تلتزم جهة العمل الأحوال تلتزم جهة العمل بسداد جميع الاشتراكات عن الفرق بين مدة الخدمة الفعلية ومدة الخدمة الاعتبارية ، وكذلك قيمة المبالغ الإضافية في حالتي إلغاء الوظيفة أو إنهاء الخدمة بغير الطريق التأديبي ، وفقا لما تحدده الائحة التنفيذية لهذا القانون.

[basma222]

البند المركزي سنتين وبعدين التقاعد
الراتب الاساسي والعلاوة الاجتماعية

[ايام السراب]

انا كنت عند طارق العبدالله وقالي البند مدتة سنتين اذا كنتي مدة الخدمة تطابق قانون التقاعد بعد سنتين تحصلين على التقاعد اما اذا كنتي ما كملتي المدة المطلوبة لازم ادورين على وظيفة خلال السنتين ويتم نقلج بالمخصصات المالية وترقيات وسنوات الخدمة واذا انقضت المدة المطلوبة وهي سنتين من غير ما تتوظفين راح يتم سحب رقم الوظيفي يعني تفنيش طبعا انا قلتله القطري ما يتفنش قالي احنا عطيناكم فرصة وانتو الي رفضتوا العمل

[%حورية قطر%]

اختي انا اليوم سامعه عبدالعزيز الكعبي يقول البند بس مدته 6 شهور

[ايام السراب]

والله احترنا الحين من الصدق طارق ولا عبد العزيز انا كنت عند طارق اليوم وهو قالي هالكلام
اختي حورية انتي كلمتيه بنفسج ولا سمعتي من الناس انه قال ..الصراحه مهزلة ليش مب واضحين معانا ليش لف ودوران حسبي الله عليهم

[%حورية قطر%]

والله احترنا الحين من الصدق طارق ولا عبد العزيز انا كنت عند طارق اليوم وهو قالي هالكلام
اختي حورية انتي كلمتيه بنفسج ولا سمعتي من الناس انه قال ..الصراحه مهزلة ليش مب واضحين معانا ليش لف ودوران حسبي الله عليهم

اختي انا كنت عنده واسالته وحده كم مدة البند قالها بس 6 شهور

انا سامعته بإذني

قلت لكم هالمجلس ما تأخذون منه لا حق ولا باطل :nono:

كل واحد يقول شئ

حسبي الله عليهم ونعم الوكيل

بس عندي سؤال

فيه تخصصات مالهم بند او اجلوا النظر في موضوعهم

مثل الرياضيات والانجليزي على قولته هاي نبغيهم :mad:

اذا فيه حد تخصصه رياضيات او انجليزي وتحول ع البند يا ليت يفيدني حتى لو ع الخاص

واكون شاكره له

[ريماس الغلا]

احتــــــــــرنــــــــــــــا

[meshwar]

انا من 10 سنين على البند المركزي
متى صار 6 شهور ؟؟ ماعندي خبر!!

[sendarala]

واللي طالبين وما جاء لهم بند ايش يسوون


هل في لسته ثانية يوم السبت ولا بس اللي اليوم اختاروهم

[ماني بهين]

واللي طالبين وما جاء لهم بند ايش يسوون


هل في لسته ثانية يوم السبت ولا بس اللي اليوم اختاروهم



نفس السؤال

قدمت انا وصديقتي ولنا نفس سنوات الخبرة ونفس التخصص
واتصلوا عليها اليوم وبلغوها بالموافقه
وانا للحين على أمل

[ايام السراب]

هاي انا سمعته يوم كنت في البرج عند طارق كانت تسأل وحدة ليش ما طلع اسمها قالولها فيه لسته بتطلع على الأسبوع الجاي

[الغريب3]

اختي انامن ضمن الناس الي حصلنا على التحويل للامانه العامه( البند المركزي) من بداية العام الدراسي الحالي والخص بالمدراء والوكلاء وطبعا عن طريق الاخ عبدالعزيز الكعبي وقالي بالحرف الواحد اسمك في الكشف محال على الامانه العامه لمجلس الوزراء ومعاشك يمشي (كامل لمدة سنتين ) والحين قال انه البند بس 6 شهور شسالفه لعبه عندهم الناس ويقررون على كيفهم

[إنسان عادي]

اختي انامن ضمن الناس الي حصلنا على التحويل للامانه العامه( البند المركزي) من بداية العام الدراسي الحالي والخص بالمدراء والوكلاء وطبعا عن طريق الاخ عبدالعزيز الكعبي وقالي بالحرف الواحد اسمك في الكشف محال على الامانه العامه لمجلس الوزراء ومعاشك يمشي (كامل لمدة سنتين ) والحين قال انه البند بس 6 شهور شسالفه لعبه عندهم الناس ويقررون على كيفهم

البند المركزي سنتين عقب لازم ادور وظيفة او تقاعد او تفنيش ... كلام 100 %

[سينابون]

توني أدري ان البند مفتوح هل الحق عليه يوم الاحد علما اني تخصص رياضيات ادعو لي جزاكم الله خير

[الوحداني]

للحين في كشوفات باسماء المحالين على الامانه العامه بتطلع الاسبوع القادم

والاخ الي مالحق على التقديم تعال يوم الاحد في الدور الارضي قسم الاتصال واشرحلهم ضروفك انك ماقدرت تجي تقدم الاسبوع الي طاف وانشالله يقبلون طلبك واذا رفضوا روح طابق الميزان عند سعيد السيد وحاول معاه واذا رفض روح الطابق الثالث عند عبدالعزيز الكعبي واذا رفض روح الطابق الثاني عند طارق العبدالله وكلمه
وانشالله يوافق واتوقع انهم راح يمددون استقبال الطلبات

[ريماس الغلا]

ليش ما تكون جهه وحده لاستقبال الطلبات ؟؟

[خـــــــــاص]

( إحالة الدرجات الوظيفيه للأمانه العامة لمجلس الوزراء)

يتم تحديد مدة بقاء الدرجات من قبل الامانه العامه لمجلس الوزراء وليس عن طريق الجهه

المحول منها الموظف.

[خطوة]

البند المركزي كان سنتين ويحق لك البحث عن وظيفه خلال هالمده

او انقضت المده بعد سنتين بالضبط تحال تقاعد براتب اساسي وعلاوة اجتماعيه فقط

الاساسي يكون كامل في حال كانت خدمتك 20 سنه واكثر

هذا الي صار معي انا بند مركزي من 3 سنوات سنيت بند والثالثه تقاعد

قبل يحولوني تققاعد ققالو عندج فرصه لوظيفه قبل التقاعد انا رفضت وتقاعدت

الي سمعته والله اعلم ان البند الححالي اقل من سنتين

الاكيد ان الي خدمته اقل من عشرين بيكون عليه خصم

هذا الكلام الي صار معنا

والله اعلم

[انجود]

يعطيكم العافيه وماقصرتو على الردود
وللحين ننتظر المصير المظلم