اي حمله افضل؟؟؟؟؟؟؟؟؟؟؟؟؟؟؟

[الصريحه]

السلام عليكم ورحمه الله وبركاته
خاطري احج السنه انشاءالله ولين الحين ماسجلت صارت ظروف والحمد لله على كل حال
اتصلت فيه كم من حمله لين الحين ممكن يسجلوني معاهم
السؤال؟؟؟؟؟؟؟؟؟؟؟؟؟؟
شرايكم بحمله التقوى او حمله حاتم
ابي درجه الف وابي حمله مريحه
لحد يقول لي الفرقان خلاص من شعبان ماشاء الله سكروا
الله يوفقه راعي الحمله
انتظر ردودكم الطيبه::victory:

[شموخ دائم]

,

,



مرحبا


الله يكتب لك الحج السنه ان شاء الله يارب ويكتب لنا

انا سجلت مع الفرقان

وامس واحد من الاصدقاء سجل مع ( حاتم ) وهو من الحملات ذات الخبره و المعروفه


وياريت تسجلون بسرعه

لان صار الوقت ضيق على التسجيل

موفقين

,

,



اخوك


شموخ دائم

[بوراشد82]

اختي انا العام سجلت في الهدى وراعيها حمادي ونعم فيه ..

دايم يكون في الحملة الدكتور نبيل العوضي ودايم يحاضرنا .. وحملة مريحة جدا والعام حج ويانا شيوخ ماذكر اسمه من شيخ قطر الطيبين وحج معانا الوزير السابق علي بن سعيد الخيارين واخوانه يعني شخصيات كبيرة وفعاليات جميلة جدا وخدمات راقية وسكن نظيف وغيره وغيره ..

اتمنى لج ولجميع المسلمين حج مبرور وسعي مشكور وعمل متقبل صالح

[صلاتي]

جميع حملات الحج ( أ )

كلهم ممتازين

ولا تنسين أخوك من الدعاء

[القمه]

(حملة الهدى) بطريق سلوى مكتبهم تصلي 180 وطلبي رقمهم

[بوحارب]

الحملات القطرية كلها ممتازة

بالتوفيق اختي الصريحة ولاتنسينا من دعائج الصالح :)

[Right]

حج مبرور وذنب مغفور مقدماً

أتوقع أن التسجيل صعب في هالوقت الحالي

الصريحة المفروض سجلتي من قبل رمضان كان أحسن لج

بالنسبة لأحسن حملة حج من واقع تجربتي معاهم

هي حملة الفرقان

الصراحة كل شي فوق المستوى المطلوب حتى الأشخاص الي يشتغلون معاهم

قمة في الأخلاق والإحترام وخصوصاً صاحب الحملة محمد جوهر

أرجو من الله وأتمنى إنج تلقين تسجيل بأي حملة وتحجين هالسنة بإذن الله

[الصريحه]

شاكره مروركم الطيب
انشاءالله الاقي وبدعي لكم وياي

[المها قطر]

ان حج مبرور وذنب مغفور
اتمنى احج السنة
ادعوا لي اني احج السنة يارب يارب يارب السنة تقدرني ان احج

[الصريحه]

يارب انشاءالله

[ابوعلي]

الفرقان أفضلهم

وعندج فرصة بحملة الهدى او حاتم

وحاولي تستعجلين لأن الوقت ضيق

والله يتقبل طاعاتكم ولا تنسينا من صالح الدعاء

[بوخالد911]

حاااتم

بلا منازع


والله يتقبل منا ومنكم

[سهم سهم]

مافية احلا من الفرقان



الحمد لله انا سجلت من بداية 8



والله ايوفقج اختي في التسجيل فى اى حمله قطرية

وحج يا حااااااااج

[ali440]

بدون كلام

حملة حاتم

راحة مابعدها راحة

الله يسهل اموركم ان شاء الله

[كويتى1]

حج مبرور وذنب مغفور

أن شاالله

[الصريحه]

جزيتو كل خير انشاء الله الاقي حجز وتيسر الامور

[bo_s3ood]

هذا موقع لجنة شئون الحج القطريه

http://www.hajj.gov.qa/

بتحلصين كل حملات قطر واراقم تلفوناتهم من قسم دليل البعثه بتحصلين الحملات المرخصه دخلي عليه

والله يكتب لج الخير

وان شاءالله السنه يكون الجوو نفس العاام واحسن

[حليتان*]

حج مبرور وذنب مغفور

والله يعطيج الصحه والعافيه

[الجووري]

سجلنا في حاااااتم الكل يمدحه

[يراعٌ فراتي]

الفرقان وحاتم
والله اعلم

[captin]

انـــــــــــــــــا ,

حاولت من قبل رمضان وسجلت في الفرقان على سمعتهم الكبيرة
ولما راجعتهم بعد العيد قالوا ما في اماكن وما بقى الا في vip
وهاذي الفئة تكلفتها تبتدي من 55 الف ريال وطالع

المهم تداركا للأمر ونظرا لضيق الوقت وبعد ما سألت
كثير من الربع من ذوي الخبرة الكل نصح على حملة

حـــــــــــــــــــــــــــــــــــــــــــــــــ ـــــــــاتم

والحمد لله من كم يوم سجلت ودفعت لهم فلوسهم
واعتقد ان عندهم بعض الامكان لازالت متوفرة

وهذا رقمهم : 44654440
وموقعهم طريق الوكرة جنب معرض المفتاح للأثاث
والأشخاص المسئولين عن التسجيل
واحد اسمه محمد والثاني عصام

الله يكتب لنا ولكم حج هاذي السنة ان شاء الله

[البدع]

الاقصى

ماشفت منهم الا كل خير

[لجين]

من بعد الفرقان

حملة الهدى ( الحمادي)