رحلتي لفرنسا وفيينا

[نجمة في سماه]

السلام عليكم ورحمة الله وبركاته أول شي احب اسلم عليكم كلكم وأقول لكم اني توني راجعه من السفر بس اتصدقون اني سمعت عن الشعب الفرنسي انه متكبر ومتعجرف ما صدقت لأني رحت لفرنسا قبل او ما شفت شي منهم بس هالمره الصراحه تأكدت من هالشي لأني طولت في فرنسا الصراحه واييد شايفيين نفسهم على ايش ما ادري؟؟؟؟ او لاحظت بعد عليهم شي انهم ما يحبون صراخ الأطفال وإذا صاح او صارخ لك طفل الكل يلتفت عليك كأنك امسوي لك مصيبه ولا كأنها حاجه عاديه انا ما اظن اني بروح فرنسا مره ثانيه بس اشوي ارتحت يوم طلعت من فرنسا او رحت فيينا شعب النمسا اطييب ابواييد منهم وارحم.انا انصح الي امفكر يروح فرنسا لا يطول فيها لأنه الشعب الفرنسي يلوع الجبد؟؟؟؟؟؟:

[تميم بن خالد]

والله ياختي دولنا العربيه حلوه وجوها حلو .. بس مشكلتنا ازعاج بقوة .. اوروبا هدوء ولا احد يقول وين رايح ولا وين جاي..

مثال تروح دوله عربيه تجاهد عشان لا احد ينصب عليك .. بعكس اوروبا كل شيء عليه سعره لك ولغير ..
المطاعم بالدول العربيه احيانا فاتورتك مضروبه بثلاثه او اكثر بعكس اوروبا ..

الشوارع فوضى ولا فيه احترام للمشاة ولا للانسان .. بعكس اوروبا المشاة لهم احترامهم ...

[نجمة في سماه]

والله في هالشي صدقت يا اخوي المشاة لهم احترامهم في الدول الاوروبيه... بس في النهايه كل شي له مميزات او بالمقابل له ايضا مساوء والله المستعان... شكرا

[شموخ دائم]

,


,

مرحبا


الحمدالله على السلامه

كل دوله ولشعبها طبيعه معينه

الفرنسي متكبر

الانجليزي بارد

الالماني عنصري

لكن دولهم الجو فيها حلو والنظام والخدمات من فنادق وشقق والمواصلات راقيه جدا ونظيفه

وكثره الاماكن السياحيه والقعدات والساحات وشوارع المشاه والاسواق مرتبه والحدائق والمتاحف والحلو ايضا عندهم دولهم قريبه من بعض

وما في تعقيدات الانتقال من المانيا الى النمسا او من النمسا الى فرنسا او الى سويسرا

الانتقال سهل ومافي تعقيدات الحدود وشبكه القطارات راقيه جدا

المميزات الي عندهم تخيلنا نفضل الاجازات تكون في اوربا

ونستحمل الكبر والعنصريه

:)

بالدول العربيه للاسف اكبر مشكله عدم وجود لا نظام ولا قانون

اتذكر في مصر اول ما نزلت المطار وعندي شنطتين

كل شنطه راحت في تكسي وانا مو عارف اركب وين وصار هواش بين اصحاب التكسي

وانا اتفرج والتكاسي غير صالحه للعمل وسخه وقديمه والجو متلوث وصوت الهرن والصراخ

هذي الامور ما نشوفها في اوربا وانا من عشاق المانيا هذه البلد الرائعه بكل شي

تروح وترجع ما تسمع صوت هرن ولا تشوف اثنين يتهاوشون في هذي البلد

:)


دمتي بطيب

,

,


اخوك


شموخ دائم

[naklan]

فعلا فينا من اجمل البلدان الي يرتاح فيها السايح انا زرتها 4 مرات

وارتحت لها اكثر من بقيه الدول الاوربيه رحتي سالز بورق اختي نجمه في سماه

وين لفيتي في فينا رحتي سقروته رحتي شنبرون رحتي للبراتر

زرتي شارع المشاه الكيرتنر فينا من اجمل

الاماكن في اوربا :nice:

[تاله]

شعب فيينا وايد مؤدبين ويحبون اليهال بس الفرنسيين زي ماقلتي شايفين روحهم

[قطري هامور]

اختي : انتي غلطانة يوم رحتي فرنسا + النمسا تدرين
ليش ؟ الجو حار +رطوبة
كان قعدي بالدوحة يالله لك الحمد براد وخضرة ومعالم سياحية تفتح النفس

[نجمة في سماه]

لو كنت ادري الجو بيكون جذي في الدوحه كان ما رحت بس ولا يهمك المره الجايه إن شاء الالله ..هههه مشكور على المشاركه الحلوه....

[نجمة في سماه]

كل هالأماكن رحتا اول مره بس هالمره ما قدرت لأني كنت تعبانه حتى الشارع التجاري ما قدرت امشي فيه او رجعت الفندق على طول ... من ضيق التنفس الي جاني من ريحة الدخان خبرج ما شاء الله عليهم الشعب كله يدخن لا من رجالهم ولا من حريمهم او من سوء حظي نسيت البخاخ او سافرت؟؟ الله ستر هالمره علي من الربو..

[نجمة في سماه]

في هالشي صدقتي فعلا انهم اطيب من الفرنسيين واحسن ابواييد مشكوره على المشاركه

[خشوف]

الفرنسيين لوعه نظراتهم كنا ماكلين حلالهم عن تجربه

[ذيب الريان]

يالبييييييه اوروبا

[سمو الاميره]

يسلمووووو