انتحار فالشارع و المتهم أنت !!!!

[بوطويشم]

السلام عليكم


لو انا ماشي على السرعة الفانونية وطلع واحد فوجهي ودعمته ومات ابتلش فدمه!!!!

طيب احنا نعرف القتل بالخطأ لكن ذي انتحار و احد يقط نفسه فالشارع

و من الأساس مافي خطوط مشاه عشان يعدي

في بريطانيا

اذا واحد مر فالشارع و ندعم اصاب أو مات و علامة خطوط المشاه غير موجوده

الخطأ يكون على الي مشى فالشارع مب على الي ادعمه

و في أمريكا اذا عبر احد الشارع توقف الدورية وتخالفه

وأكبر مثال شوفو الي بيعبر من مدينة خليفة الى دسمان أو من عند جنوب دحيل الى اللولو

شتبون انسوي يالمرور نبتلش فدمه و غير الديه وهو من الأساس منتحر قاط نفسه فالشارع

من ناحية دينية بتقولون القتل بالخطأ

بس في فرق يعني

واحد ماشي فالفريج 100 ودعم واحد اهني انسميه القتل بالخطأ

لكن واحد قاط نفسه فشارع سواء 80 ولا 100 ولا 120

متى يمديني أوقف ؟؟؟؟

يعني قبل كان القتل بالخطأ تصوب على شي وضربته

أنا ما أفتي

لكن مستغرب انا ولا واحد من رجال الدين عندنا جاء وتكلم أو على الأقل يوضح لنا مفهوم قتل الخطأ

بس ما يسوى على واحد كان ماشي 180 وطلع حد في وجها ونقلب (ادري انه مخالف) طلعو فالجرايد وتكلمو وقالو أنتحار

لكن واحد يقط نفسه فالشارع يسمونه القتل بالخطأ وياليت لو أحد يعرف احد من رجال الدين يقوله عن الموضوع

لان من وجهة نظري و أرد وأقول ما أفتي

زمان الرسول صلى الله عليه وسلم كان في اشياء مفهومها غير

يعني التصورير حرام قبل كان معناتها النحت و عبادة الشي المنحوت وتحدي الله وخلقه

والقتل الخطأ في أيام الرسول مثل ماذكرت ترمي احد بالغلط

لكن وش ذنبي ان واحد قاط نفسه فالشارع و انتحر؟؟؟؟

ياليت توضيح من مشايخنا

[استغفرالله]

كلام معقول

مرة سيكل مر جدامي في الفريج بس وقفت قبل لا ادعمه

[omega]

محد يقط نفسه بالشارع .. هذا كلام غير منطقي


السائق لازم يفتح عينه عشره عشره

[حليتان*]

العام واحد من الشباب دعم له نيبالي وهو طالع من دوار الدله ورقده في العنايه

الحمدلله ان طلع له ظابط محترم وقدر موقفه وما عقد السالفه وان النيبالي ما مات

والمسكين كان طالع من عند المدرس بيروح البيت لان كان عنده امتحان اخر السنه




وانت تعرف الخور يوم الجمعه شلون العمال في الشارع

[حليتان*]

محد يقط نفسه بالشارع .. هذا كلام غير منطقي


السائق لازم يفتح عينه عشره عشره

تعال الخور الحين وبتعرف شلون يقططون نفسهم على السيارات

[شموخ دائم]

,

,

مرحبا


السؤال الان

لماذا لا نحترم هذا الانسان ونعمل له مكان يعبر الشارع منه ؟؟؟

طريق الشمال كله مافيه مكان لعبور المشاه !!!

لا نفق للعبور ولا جسر للعبور ولا خطوط مشاه ولا اشاره حمراء يضغط عليها ويعبر

يعني هذا الانسان امامه خيار واحد فقط لا غير

يقط نفسه ويحاول يعبر بمجهوده بين السيارات

في شخص يقدر يعبر وفي شخص يخونه تقدير المسافه ويموت

لا الذنب ذنب الي يعبر

ولا ذنب الي يسوق السياره

الاثنين ابرياء

والمتهم هو الشخص المسئول الي عمل تخطيط وتنفيذ الشارع

في شارع بالدنيا مافيه مكان لعبور المشاه ؟؟؟؟

نعم يوجد فقط في قطر

:)

اتمنى تصحيح الصوره وتوضيح الموضوع ان الخطاء في الشوارع

والضحيه الاثنين الي يعبر والي يسوق

,

,


اخوكم


شموخ دائم

[omega]

تعال الخور الحين وبتعرف شلون يقططون نفسهم على السيارات

مافهمت

شلون يعنى يقطون نفسهم على السيارات .. الا اذا كان انسان غير عاقل

او يمكن بعير يتمشى في الشارع

[حليتان*]

مافهمت

شلون يعنى يقطون نفسهم على السيارات .. الا اذا كان انسان غير عاقل

او يمكن بعير يتمشى في الشارع

في ناس تفكيرهم جي


يقول ايدي بتنكسر او ريلي وبحصل تعويض مب محصله ان اشتغلت طول حياتي



وهالسوالف مش بس في الشارع
هالاشياء تصير بشكل شبه يومي مع الشركات في مواقع العمل ..
يعني واحد يكسر ريله او ايده

[سعادة الوزير]

مافهمت

شلون يعنى يقطون نفسهم على السيارات .. الا اذا كان انسان غير عاقل

او يمكن بعير يتمشى في الشارع

معليش ، بس باسألك سؤال : انت من صجك ماسمعت عن عن عامل اسيوي منتحر؟؟؟

طيب انا باقول لك قصة صارت قدام عيني ، كنت راكب مع واحد في سيارته وطلعنا في وجهنا واحد من جنسية عربية (يعني حتى مب شرط اسيوي ! حتى اخوانا العمال العرب يسوونها!) بس سايق السيارة قدر انه يتفاداه ووقفناله نبي نعرف شسالفته وليش طلع في وجهنا بهالطريقة ، الا قاعد يصيح ويقول للي معاي (ليش ماريحتني؟؟)!

حسبي الله عليهم ، وحسبي الله على المرور الي بالشين العالم بدم هالمنتحرين الي خربوا بيوت كثير من الناس.

[hamoor4ever]

صارت لواحد من الربع والظاهر الرجال مات وكان يبي ينتحر مثل مايقال ، وهالشي يصير
المشكله ان قوانين وايد غلط عندنا مب بس هالفانون

[بنسل]

تعويــــــــــــــــــــــــــــــــض

[بوطويشم]

مشكورين جميعاً على المرور


محد يقط نفسه بالشارع .. هذا كلام غير منطقي


السائق لازم يفتح عينه عشره عشره

أخوي مر على الأماكن الي ذكرتها وشوف شلون

طيب خط سريع

روح صوب السوق تلاقي خطوط المشاه موجوده بس مايروحون صوبها ما قول كلهم لكن الي ينتحرون




,

,

مرحبا


السؤال الان

لماذا لا نحترم هذا الانسان ونعمل له مكان يعبر الشارع منه ؟؟؟

طريق الشمال كله مافيه مكان لعبور المشاه !!!

لا نفق للعبور ولا جسر للعبور ولا خطوط مشاه ولا اشاره حمراء يضغط عليها ويعبر

يعني هذا الانسان امامه خيار واحد فقط لا غير

يقط نفسه ويحاول يعبر بمجهوده بين السيارات

في شخص يقدر يعبر وفي شخص يخونه تقدير المسافه ويموت

لا الذنب ذنب الي يعبر

ولا ذنب الي يسوق السياره

الاثنين ابرياء

والمتهم هو الشخص المسئول الي عمل تخطيط وتنفيذ الشارع

في شارع بالدنيا مافيه مكان لعبور المشاه ؟؟؟؟

نعم يوجد فقط في قطر

:)

اتمنى تصحيح الصوره وتوضيح الموضوع ان الخطاء في الشوارع

والضحيه الاثنين الي يعبر والي يسوق

,

,


اخوكم


شموخ دائم

صحيح

لكن وش ذنبي ادفع ديه 120 الف

وصوم 60 يوم

هو منتحر ياناس قاط نفسه فالشارع

[مرحوم قطر]

محد يقط نفسه بالشارع .. هذا كلام غير منطقي


السائق لازم يفتح عينه عشره عشره



قبل كم سنه كنت مع واحد من الشباب

و طلع هندي قدامنه و دعمه يات الدوريه و الهندي يتلوى في الشارع

الشرطي مري قال حق الرجال تبي تحل الموضوع

قاله اي

راح حق الهندي قاله تبي سيكل

قال الهندي اي بس مافي فلوس عطان الرجال 500

و تسكر المحضر و مشى الهندي ولا كان في شي


و قعدت اسولف مع المري

قالي ترى بلاوي دوم كذا يقطون نفسهم قدام السيارات عشان ياخذون تعويض

[ميمي 88]

النفق الي من اشارات الغرافه رايح اللقطه السنه الماضيه اسيوي طب من الجسر وطاح على سياره تقدرون تتخيلون الرعب الي صار للناس الي بالسياره !
خاصه ان الي كان يسوق هندي
وفيها حريم

طبعا هو مات بس كان ممكن يسبب وقوعه حادث شنيع لو السايق من الروع صادم السور وصادمينه باقي السيارات خاصه انه نفق والحركه فيه سريعه

الله لايبلانا

[The Blade]

العام واحد من الشباب دعم له نيبالي وهو طالع من دوار الدله ورقده في العنايه

الحمدلله ان طلع له ظابط محترم وقدر موقفه وما عقد السالفه وان النيبالي ما مات

والمسكين كان طالع من عند المدرس بيروح البيت لان كان عنده امتحان اخر السنه




وانت تعرف الخور يوم الجمعه شلون العمال في الشارع
:nice::nice::nice:
هي جات ع العام بس , الخور يومياً تقريبا الزحمه
يعني انواع التشطف :(

[ابو ضمير]

ذكرتني بسالفه من قبل شهور كنت ماشي في شارع الكورنيش وكانت 3 سيارات قدامي كل سيارة ماخذة سيد خبركم الشارع 3 سيود المهم وقبل ما نوصل عند ممر المشاه وطبعا كانت في اشارات ضوئيه فوق الممر كانت خضرة وإلأ واحد من الاجانب يركض بسرعه يقطع الشارع الاجنبي نجى من السيارة الاولى ونجى من السيارة الثانيه ولما وصل لين السيد الثالث المسكين ما درى الا وسياره الثالثه تهفه وطيرته 20 متر تقريبا وكانت سيارة كروه بس ما كان مسرع كانت سرعته قانونيه

وراعي الكروة ابتلش فيه وانحط في موقف ما كان له داعي وما يندرى ايش صار حق الرجال المدعوم

عاد الواحد شيسوي لو جاه مثل هالموقف فاكيد راح فيها وطي:rolleyes2::

[omega]

معليش ، بس باسألك سؤال : انت من صجك ماسمعت عن عن عامل اسيوي منتحر؟؟؟

طيب انا باقول لك قصة صارت قدام عيني ، كنت راكب مع واحد في سيارته وطلعنا في وجهنا واحد من جنسية عربية (يعني حتى مب شرط اسيوي ! حتى اخوانا العمال العرب يسوونها!) بس سايق السيارة قدر انه يتفاداه ووقفناله نبي نعرف شسالفته وليش طلع في وجهنا بهالطريقة ، الا قاعد يصيح ويقول للي معاي (ليش ماريحتني؟؟)!

حسبي الله عليهم ، وحسبي الله على المرور الي بالشين العالم بدم هالمنتحرين الي خربوا بيوت كثير من الناس.

الصراحة ما سمعت .. وليس كل مسموع مصدق

حتى القصة اللي ذكرتها

عامل سرحان او متضايق من شيء او عنده مشاكل

طلع الشارع وما انتبه للسيارات

هل معناه انه منتحر

او افرض انه طفل يركض بالشارع

المهم السائق ينتبه ويمشي بدون تهور وبسرعه مناسبه

[القمه]

الحمدلله أحد منكم فتح هاذا الموضوع في وقته
نفق مشاه في دوله مابه كلشششششش ،،المفروض انفاق للمشاه
مخصصه لهم ،،وهاذا نظام موجود في دول الخليج بس عندنا لحد احين
يمكن في دراسه وتنفيذ بعد عشرين سنه ياويلي من القهر ربي يعين ويرحم

[الصريحه]

الله يعينا افضل شيء ان الواحد يلتزم بالسرعه المحدده علشان كل شيء يكون تمام
ولو لاقدر الله صار شيء مايكون عليه خطا
والله يحفظ الجميع

[eXpert*]

السلام عليكم


لو انا ماشي على السرعة الفانونية وطلع واحد فوجهي ودعمته ومات ابتلش فدمه!!!!

طيب احنا نعرف القتل بالخطأ لكن ذي انتحار و احد يقط نفسه فالشارع

و من الأساس مافي خطوط مشاه عشان يعدي

في بريطانيا

اذا واحد مر فالشارع و ندعم اصاب أو مات و علامة خطوط المشاه غير موجوده

الخطأ يكون على الي مشى فالشارع مب على الي ادعمه

و في أمريكا اذا عبر احد الشارع توقف الدورية وتخالفه

وأكبر مثال شوفو الي بيعبر من مدينة خليفة الى دسمان أو من عند جنوب دحيل الى اللولو

شتبون انسوي يالمرور نبتلش فدمه و غير الديه وهو من الأساس منتحر قاط نفسه فالشارع

من ناحية دينية بتقولون القتل بالخطأ

بس في فرق يعني

واحد ماشي فالفريج 100 ودعم واحد اهني انسميه القتل بالخطأ

لكن واحد قاط نفسه فشارع سواء 80 ولا 100 ولا 120

متى يمديني أوقف ؟؟؟؟

يعني قبل كان القتل بالخطأ تصوب على شي وضربته

أنا ما أفتي

لكن مستغرب انا ولا واحد من رجال الدين عندنا جاء وتكلم أو على الأقل يوضح لنا مفهوم قتل الخطأ

بس ما يسوى على واحد كان ماشي 180 وطلع حد في وجها ونقلب (ادري انه مخالف) طلعو فالجرايد وتكلمو وقالو أنتحار

لكن واحد يقط نفسه فالشارع يسمونه القتل بالخطأ وياليت لو أحد يعرف احد من رجال الدين يقوله عن الموضوع

لان من وجهة نظري و أرد وأقول ما أفتي

زمان الرسول صلى الله عليه وسلم كان في اشياء مفهومها غير

يعني التصورير حرام قبل كان معناتها النحت و عبادة الشي المنحوت وتحدي الله وخلقه

والقتل الخطأ في أيام الرسول مثل ماذكرت ترمي احد بالغلط

لكن وش ذنبي ان واحد قاط نفسه فالشارع و انتحر؟؟؟؟

ياليت توضيح من مشايخنا

اتفق معاك قلبا وقالبا فيما طرحت ويا ريت يتم تطبيق قانون الالتزام بالخطوط الارضية والمعاقبة على من يقطع الشارع في غي ذلك .

[طلعة الروح]

الموضوع يبيله وقفه حاسمه من المرور والسلطه التشريعيه في الدوله

[Qatarianes]

محد يقط نفسه بالشارع .. هذا كلام غير منطقي


السائق لازم يفتح عينه عشره عشره

الريال يقولك انتحار,, قد سمعت بكلمة انتحار,, تعرف شنو يعني انتحار :tease:
الله يهديك كلام غير منطقي يقولك