طلب استشاره عاجله من اهل الخبره

[ثامر]

السلام عليكم
ارجو من الي له خبره في ها الموضوع ان يفيدني وله مني كل الشكر

انا خليجي مقيم في الدوحه واكتتبت في بنك الريان بمجموعه من جوازات ربعي

وربعي مقيمين ايضا في الدوحه بس ابي اعرف في حال ابي ابيع وهم

مو موجودين قد يكون اكثر من شخص منهم في سفر اشلون اعمل على

شان اقدر ابيع في حاله انهم ما يكونون موجودين ؟؟؟

واذا كان لازم توكيل انا ما اعرف اين اعمل هذه الاجراءات هل في قطر ام في بلدي

ارجو من الي له خبره في هذا المواضيع ان يفيدني

وجزاه الله خير

[alkaabi]

تقدر تفتح لهم حسابات في المجموعة

ويكون رقمك مسجل في حساباتهم للبيع او الشراء

ولازم يكونون موجودين اثناء فتح الحساب فقط

بس الشيك مايصرف الا للمستفيد الاول اللي هو صاحب الاسهم

بس تقدر تستلمه بعد البيع بس هم يصرفونه

[عاشق الدوحة]

- توكيل بصيغيه موجوده عند المحكمه
2- الذهاب الئ قطر و استخراج رقم مستثمر لكل شخص و علئ ما أعتقد ان المساهمين في الريان يطلع لهم ارقام اوتوماتكلي
3- اخذ ارقام المستثمرين من الكاونتر الكبير في سوق قطر لالوراق الماليه الموجود علئ شارع حمد الكبير
4- الذهاب في اعلئ المبنئ لشركه دلاله الأسلاميه و فتح حساب بأسمك و ترويهم التوكيلات المصدقه و علئ فكره التوكيلات تصادق من الخارجيه السعوديه بقيمت 30 ريال و ما يحتاج السفاره القطريه
5- التداول عن طريق الأنترنت و لا يحتاج يكون عندك حساب في بنك قطري و لا لو بغيت تبيع و تشتري في الأسهم القطريه أنصح ببنك الأسلامي

الله يوصلك بالسلامه لأهلك

النصيحه يا أخي انك اذا منت محتاج للماده تخليه سنوات علشان تستفيد اكثر

و أتوقع بيصير مثل بروه أو يمكن اسوء



منقووووووووووووووووول من اخوى القحطاانى 91 وشاكرله

[المراقب]

يا ليت سيكون مثل بروة...............

بروة مدفوعة : 10 ريال + مقومات على الأرض كبيرة تجعل
قيمتها السوقية بي 23 - 25 + ستوزع أرباح على مدى
5 سنوات تصل إلى فوق 9 ريال + إمكانية مضاعفة رأس
المال + أسهم قليلة نسبيا ...............

ومع كل هذا سعرها على 25 - 26

الريان
مدفوع : 5
أسهم : 2.5 أكثر من بروة
لا يمتلك أية أصول حتى تاريخه
توزيعات بعد 5 سنوات أقل من ريال.
لا توجد غمكانية لزيادة رأس المال على المدى القريب.
تعطش الناس للبيع وبكميات كبيرة.

فبكم سيكون السعر ؟

[ثامر]

تسلموا اخوي الكعبي وعاشق الدوحه والمراقب

على رد طلب الاستشاره

مشكورين وما قصرتوا