حمله خلوها تخيس في الكويت

[GULFSUN]

http://up.3ros.net/get-10-2010-jdwq6eob.png (http://up.3ros.net)

تحت شعار «خلوها تخيس» تنطلق اليوم 1/10/2010 م حملة شعبية لمقاطعة الطماطم والخضار التي حققت ارتفاعات غير مسبوقة بالأسعار حتى %1000 كما هو في سعر الطماطم التي سجلت سعر 5 دنانير للصندوق = 63 ريال .
وقد دعا الى هذه الحملة أطراف عدة منها مجموعات شبابية على مواقع الكترونية فيما وصف النائب فيصل المسلم امس «ارتفاع أسعار بعض الخضراوات ولا سيما الطماطم %1000 تقريباً بغير المعقول» داعياً الى مواجهته لكونه «يمس الجميع».
وقال المسلم: «من هذا المنطلق نعلن تأييدنا لحملة المقاطعة التي ستنطلق غداً (اليوم) للمطالبة بعودة الأسعار لمستواها الطبيعي»، مؤكدا ان عدم تحقيق هذا الهدف يستوجب تدارس كل الخيارات.

مطلوب التطبيق عندنا بعد الارتفاع الجنوني في الاسعار :anger1:
تــكــفــون يــا جــمــاعــة ، إخذوا حاجتكم فقط و إذا زاد السعر خلوها تخيس ، وإذا إرخصت إشتروا

http://alwatan.kuwait.tt/ArticleDetails.aspx?Id=57741

[Qatarianes]

لاعت جبدي ياخي بغيت اشتري فواكه وخضروات للبيت واشوف سعره محسسني انه منجا
شكلي بكتب ستيكر على موتري من ورى الى الجحيم ياتجار الطماط:anger1:

[تميم بن خالد]

هذا الكلام الي يجيب النفع مب كل شيء نبغي الحكومة تحله .. تحيه للشعب الكويتي ..شعب متعاون ومؤثر ..

[ابوعلي]

اخوي مافي داعي ناخذ حاجتنا


نستبدل الطماط بالكتشب او الصلصل

[جرح الزمان]

اليوم شاري طمام وخيار الكيلو ب 8 ريال

لكن لا الطماط طماط ولا الخيار خيار

حسبي الله ونعم الوكيل

[سعادة الوزير]

تحية للشعب الكويتي ، و ياحسرتي على الشعب القطري!

[غزلان]

احسن حل ينزلون التجار راسهم وأسعارهم

[ابوعلي]

تحية للشعب الكويتي ، و ياحسرتي على الشعب القطري!

بدون زعل شعبنا بس حجي في وطني الحبيب والمنتديات والجرايد وبنفس الوقت نروح نشتري بكميات يعني كانك يابوزيد ما غزيت:(

[qatari 111]

من ناحيتي انا الحمدلله قاطعهم من زمان والثلاجه فاضيه ما فيها لا خضار ولا فواكه ماراح نموت من غيرها

[aljaber1]

خلوكم على الشيلاني مع صافي احسن من البرياني مايحتاج طماطم

[وبشرالصابرين]

الطماط صار اغلا من لاسهم

مدري شفيها الناس يوم غلا الطمام زاد الاقبال عليه ؟؟ سبحان الله

[بوسعود911]

انا اليوم شاري كرتون طماط ب39 ريال وقبل فترة بسيطة ب16 ريال يعني زاد 23 ريال والشكوى لغير الله مذله

[..er..]

هنا بتقولون بنقاطع ومادري شلون .. إلخ


وبكره كل واحد رايح وماخذ الي يبيه

الي بيقدر ياخذ والي ماراح يقدر يخليها لين تنزل :)

[الوعد2016]

نعم مقاطعه وناكل معلب افضل
ولكن
اذا المعلب ارتفع سعره بعد

[بوجبر]

طيب ليش ماقاطعو ستار بكس والمطاعم الامريكية التي تسبب السمنة والامراض!!!

[عذاري قطر 2011]

عيل الحقو على الكاتشب وصلصة الطماط قبل ما تخلص من الجمعيات:secret: :

[دااانة قطر]

صج اليوم رحت اخذ كيلو طمااط طلع بعشر بس خذته شسوي
لأني بس أحتااجه في الويكند الطبااخ بس في الويكند

الله المستعاان
سوو نفس امي الله يحفظها زرعت طمااط وكزبره وجرجير ومدري ايش
والحمدلله


يعني بتسوون اضرااب على اكل المطااعم
انا قلت ماعندنا غير التحجج على خاالي بلاااش

[هند88]

لاعت جبدي ياخي بغيت اشتري فواكه وخضروات للبيت واشوف سعره محسسني انه منجا
شكلي بكتب ستيكر على موتري من ورى الى الجحيم ياتجار الطماط:anger1:

هههههههههههههههههههههههههههههههههههههههه
ههههههههههههههههههههههههههههههههههههههههه

الله كريم:(

[وهم قطر]

والله عفيه على الكويتيين اذا اتفقو اتفقو

مب عندنا كل واحد هبابه عمره وكله متكل على الغير هم الي بيقولون وهم الي بيقاطعون وهم وهم..

ولا مره اذكر قاطعنا شي لا منتوجات امريكيه ولا هنديه كله شكايين في الجرايد والاذاعات

[بوطويشم]

بدون زعل شعبنا بس حجي في وطني الحبيب والمنتديات والجرايد وبنفس الوقت نروح نشتري بكميات يعني كانك يابوزيد ما غزيت:(

ليش الزعل كلامك صحيح

البعض

ينقد وتلاقيه ثاني يوم يشتري

[Arab!an]

امس مشتري صلصل بدل الطماط

تراه ابرك

عادي انسوي سلطة خس وصلصل =)

[ضوى]

مقاطعة الطماط من يوم غلا ثمنه ، ومايهمني وجوده وايد في السلطة يا حلو سلطة الجرجير والبقدونس والجبنة البيضا وشوية زيت زيتون وانتهى الموضوع

[captin]

والله,


لكويت على حله

مب احنا شعب مستهلك
طرش السايق يترس البيك اب من الخضرة والفواكه

لو كل واحد فينا يكاسر البايع ويشتري كمية على قده واللي سعره غالي
يخليه مكانه جان نزلت الاسعار وجان عرف التاجر ان نص بضاعته
بتخيس عنده

لكن للأسف اذا السايق الهندي هو يقوم مقام رب البيت مب هامه شي
بيروح يشتري والدفع على راعي البيت او راعية البيت

[طلعة الروح]

المطلوب التعاون من الجميع في هالقضيه

[unless]

ياجماعة الخير على هونكم شوي هي بس الثقافة الاستهلاكية
نسوي لها شوية مراجعة والامور طيبــــة إن شاء الرحمن
ومن ناحية اخرى سمعت وليس دفاعاً عن التجار فقط للحقيقة
ان السبب كارثة الطماط تايتنيك ..انه الانتاج الاردني انضرب
مع العلم أنهم في الفترة الاخيرة تعاونوا مع اهل العهد والامانة
والذمة حافظي العهود محيين الانبياء المستضعفين في الارض المساكين اللي كل(ن) يعتدي عليهم.. وماتذكروا اللي صار في ارض الكنانة بعد اتفاقيات التعاون الزراعي وكان نتيجته بوار الاف الهكتارات
الزراعية من فعل البذور المعالجة .. ياترى ايييييييييين المشكلة.

[Qtr95]

فديت زرع بيتنا والله
ملفوف وطماط وخيار :nice:
مايبيله شي:)
وهالسنة بزرع ذرة انشالله

[هدهد سليمان]

ليش الطماط موجود فقط بالأردن؟ وين السودان اليمن ليش ما يتم التعامل مع هذه الدول .. نرد موضوعنا .. كفو عليكم يالكويتيين .. مب مثلنا !!

[Rayane]

لابو الطماط لابو ستين كلب يبيعه .

الله يسلم معجون الطماط . مهو صارت الدوله فوضى لكل من هب ودب ولا حسيب ولا رقيب .

[PIX]

وانا اقول والله عيب

الاولى في العالم وعلى مستوى العالم في اي شيء

الحين قطر ام المليارت السباقه في كل شيء في العالم

ماعندها طماط .... معليه معليه بكره بتكون قطر الاولى في تربية الطمام

انا اقول نستبدل الطماط بالفول ... والله يمدحزن الفول مع الزيت والخبز الايراني

[Bo_7aMaD_Q8]

ياخوفك بطنا اللى يخيس مو الطماط

انا واحد من الناس ذباح بيض وطماط شسوي بيض ومعجون

مع الحملة من اليوم لي اسبوع .. واذا اصملوها التجار ورافعين السعر اول من يخون بربع انا

[بوحارب]

اهم شي سعر الكرك ما يرتفع :(

[عنوووود]

ممكن إستبدالها بالطماطم القواطي في الجمعيات " طماطم مقشور وكامل ،،،، بالعكس ،،،، احلى في الصالونة وله طعم



" وعلى قولت اخوانا الكويتين خلها تخيس "

[المها قطر]

والله كفو على الكويت ومو احنا ماحد متعاون مع الثاني وكلن هبابة نفسة
احنا لو نتعاون ونخلي طماطهم لهم والله بيخيس وبيرخصونة او يرجع مثل السابق

[ضوى]

على فكرة مو كل الكويتين على قلب واحد ، من كم يوم لقاء مع المستهلكين في سوق الخضرة في الكويت على قناة الوطن ، والله ان اكثرهم يقولون يعني شنو نقاطع الطماطم مانقدر ولو وصل 10 دنانيير بعد بنشتري مانقدر