المتاجرة في المواقف

[الريحانة]

السلام عليكم اخواني واخواتي
الصراحة اليوم باتكلم عن موضوع غريب شوية الا وهو تجارة السائقين الهنود بمواقف السيارات
بدت السالفة يوم كنت رايحة للسوق وبالتحديد مول الستي سنتر نزلت من السيارة وراح السايق يبحث عن موقف وكانت المواقف مليانة ولحد مايحصل موقف اكون خلصت تسوق المهم لما رجعنا حصلنا السايق ومعاة الشرطى ولما استفسرت من الشرطى عن السالفة قال لي تم ظبط السايق وهو يطلع السيارة من الموقف ويسمح لسيارة اخرى بالدخول مقابل مبلغ من المال يدفع لة ثم يبحث عن موقف اخر لسيارة المعازيب وتعالوا على ماتطلع المعزبة تكون السيارة خلص بترولها والسايق مستانس من هالتجارة المشكلة ان الهنود تعودوا وصاروا يطلبون اكثر يطلعون السيارة من الموقف وكل واحد يطلب اكثر وخصوصا ايام الاعياد
المهم اترك لكم التعليق على الموضوع وحياكم

[qatari 111]

الصراحه اللوم على اللي يعطيييهم فلوس
انا سويتها مره مع دريوال قلت له اوكي بعطيك فلوس ويوم طلع سيارته من الباركن وصفيت قلت له دور ربعك
ولا راح ابلغ عليك الشرطه الحبيب خاف وراح

[الوعد2016]

اخذي المفتاح وخليه في الحر للاسف يشغلون المكيف ونوم ولا يدور
وفوق هذا ياخذ مشوار توصيل ويرجع او يبيع الموقف

[..er..]

اذكر مره عطيته 50 :(

صح صح كنت محتاج اي موقف وكنت مستعجل

بس السواق كان موقفه استراتيجي

مع اني انا الي عارض عليه

صحيح انه غلط بس عند الحاجه مشكله

[حليتان*]

شوفي احنا الي عرضنا عليهم في البداية واحنا الي علمناهم


خلاص خلنا نرضا بالامر الواقع

وعلى مايقولون التجاره شطاره

[ريان]

حصلي هالموقف مرتين في مواقف العيادات الخارجيه

ودفعت بصراحه

[روكي]

المشكله اسال العسكر قوله شنو نوع المخالفه للدريول مايعرف يقولك ايش لان ما في قانون بهذي الحاله

[بوعيسى1]

بصراحة بزنس عدل
يبغيله دراسة بس اخاف التجار يعملون له احتكار
واتعب نفسي على الفاضي

[نتفـه]

عطيت واحد مره وكنت احتاج الموقف من قلب
بس لاني شفت واحد سواها عاد سويتها انا بعد
بس ما عاد عدتها ,,

[تحداني]

ما عمري صادفني هالموقف بس سمعت ان في ناس تعطي مبلغ مقابل موقف
عن نفسي ألقى مواقف في كل مكان إلا السيتي سنتر العله ما احبه ولا أطيقه



جملك الله برضى الرحمن

[وارث العز]

نتكلم بواقع ... فعل السواقين ماله تجريم في القانون واتحدى من يقول غير هالكلام .

[CASH ONLY]

مثل ما قال احد الاخوان

احنا الي علمانهم على هل طبع ... السايق يكون قاعد ينطر معازيبه ويجي واحد يقول هاك خمسين ريال او 20 .. الخ

يعني تبون السواق يقول لا ؟؟

وعلى فكره هل تجاره انتقلت للدواير الحكوميه .. مثل الجوازات و المرور يكون الهندي ماخذ رقم وقاعد وزحمه يجون الشباب ويعرضون عليهم فلوس مقابل الحصول على الرقم

:)

[alihassanali]

الكلام اللي انقال والتعليقات السابقة كلها صحيحة

وصارت مع ادريولي مرتين وهو موصل ام العيال السيتي

وجاته وحده وقالتله خل الموقف وسمع كلامها وتحرك

وبعدين قامت عطته 50 ريال من نفسها من غير ليطلب

" يابلفيت على شهامته"

والسواقين بيستحلون الشغلة وبتصير تجارة لهم

خاصة

لما يروح يخلص شغلة حق المعزب ولا المعزبة في الجوازات او المرور او البنك

ويتنازل عن رقمه حق اللي يدفع له ويتاخر على اللي امطرشه

يعني بالعربي شغلة ما تاخذ ربع ساعة بياخذ فيها ساعتين وثلاث

----------

اللي قاعد يصير يا جماعة الخير بيتحول مع مرور الوقت الى ظاهرة

وكل يشتكي منها مستقبلا (عاجلا او اجلا)

المهم

كيف نتفاداها ونقضي عليها ؟

كل يشارك بما تجود به نفسه وعلى ضوء خبرته وثقافته والشيء المعقول

ويعطيكم العافية جميع

[بوحارب]

لابد من تسنيع الدريولية وعدم التساهل معاهم في هالموضوع وتنبيهم بعدم بيع اي موقف وباي سعر !!!

[باسكن روبنز]

آشوفه يصير وبشكل كثير ،
بس لو صادفت هالموقف راح آبلغ الـ999 ،



لازم مانسكت ،:)

[الصريحه]

الحمد لله ماصارت لي ولاماراح اسكت
عسى ماشر يبيع موقف مب له
قهررررررررررررررررررررررروالله زودوها ترى

[ماريسا]

report

و انتهى الموضوع