المساعد الشخصي الرقمي

مشاهدة النسخة كاملة : يآليت حـد يحـس... طريـق روضـة رآشـد (طريق المـوت)


ممنوع اللمس
02-10-2010, 03:42 AM
بسم الله الرحمن الرحيم...


انا اليوم بتكلم بموضوع مهم سكان الشحانية وروضة راشد يعانون منه معاناه بس محد حاس...


طبعا الكل عارف طريق روضة راشد طريق سايد واحد رايح جاي
مافيه ولا ليت اناره... وكله لفات وصعدات ونزلات
ويستخدمونه اهل الشاحنات المتهـورين وبنفس الوقت يستخدمونه اهل السيارات الصغيره والكل عارف ان هالشارع خطير جدا جدا جدا
ياما شباب ماتو على هالشارع وياما صارت حوادث واكثرها بين شاحنه وسياره صغيره وطبعا لازم الناتج ضحيه...
قبل يومين وانا راجع على هالشارع صاحب شاحنه يمشي فالنص واول ما كبست له ليت العالي ابيه يوخر ... قام ولف علي وسرنا وجه بوجه .. وكان مسرع سرعه جنونيه .. انا لفيت عنه ونزلت بر وتقلبت ثلاث قلبات والسياره جي اكس 2009 والحمد لله طلعت برضوض والقهر صاحب الشاحنه كمل طريقه ولا وقف ولا قدرت اخذ بيانات سيارته والحين بصلح سيارتي على حسابي
والله يا جماعه غيري ماتو وقدام عيني ولا حد قالي ...
اهل الشاحنات متهورين والشارع خطير
اللي بعرفه لمتى هالشارع بيكون كذا والضحايا كل شهر او شهرين؟
ليش هالشارع ما يتعدل ويسير سيدين واناره؟
ليش ما يسوون شارع جديد ويخلون الشارع القديم بس لاهل الشاحنات؟
والله تعبنا واحنا نناشد بس محد يرد علينا

السموحه عالاطاله بس كتبت هالموضوع من القهر اللي فيني والله
حقيقه
02-10-2010, 04:30 AM
طالع من الشر

وياليت بعد لو تخفف السرعه بيكون شيء لصالحك انه تتجنب الحوادث القويه

الله يكافينا شر هالحوادث
ممنوع اللمس
02-10-2010, 04:35 AM
الشر ما يجييك وانا ما عمري سرعت على هالخط
بس اللي خلاني اقلب ثلاث مرات لاني طلعت من الشارع وكانت نزله قويه
الشمالي111
02-10-2010, 05:10 AM
اول

شي الحمد لله على سلامتك وما تشوف شر


واللي يقهر زياده عند لفه الكسارة اللي عقب روضه راشد يشوفك جاي ويطلع ولا كنه فيه حد على الشارع

ويتجاوزون بعض على الشارع

ومثل ما قلت هالشاررع المفروض ما تجي معاه التريلات الكبيره لنه اضعف الايمان قزاز سيارتك مكسور وبانه موترك رايحه فيها وكله من هالشارع ولا لهم نيه يجددونه او يسونه طرق سريع مع انه حيوي ورابط مناطق واجده
GULFSUN
02-10-2010, 11:12 AM
الحمد لله على سلامتك في الحديد ولافيك

الكلام والشكاوي كثيرة عن طريق روضة راشد ولكن «عمك أصمخ»! استعمال هاذا الطريق بكثرة ستكون نهايتها كارثية لاسمح الله ولكن لا يوجد مجيب لهذا الكلام.

المشاركه 28
http://www.qatarshares.com/vb/showthread.php?t=315990&highlight=%E1%DD%E5+%D1%E6%D6%C9+%D1%C7%D4%CF
الصريحه
02-10-2010, 11:15 AM
انشاء الله يلاقون له حل
هام السحاب
02-10-2010, 11:22 AM
الزم ماعليهم ملاعب كاس العالم
المها قطر
02-10-2010, 01:42 PM
حسبي الله على راعي الشاحنة ...ليش تصرف هالتصرف غير لان ماحد حولهم يردعهم
الحمدلله على السلامة ..ان شاء الله يعدلون هالشارع ويخلونة شارعين ووالقديم يخلونة خاص بالشاحنات اللي كسرت الناس
تحداني
02-10-2010, 01:54 PM
الطرق الخارجيه مأساه .. والله يعينكم عليها
بالفعل تحس داخل مراثون سرعه ما بين السيارات والشاحنات وتحويلات ودخله وطلعه من هنا وهناك ..

والي مو من هالمنطاق راح يتعب كثير وهو يسوق فيها
أذكر مره وحده في حياتي رحت وليتني ما رحت ندمت ندم والسبب مهمه عمل



العالم لاهيه بس في شوارع الإكباريه
وكسر وعدل في هالكورنيش .. والشوارع الي توصلك للمكان الي يبونه
مو فاضين للشحانيه وروضه محمد وخالد وعلي


خلي الي في القلب في القلب



جملك الله برضى الرحمن
ممنوع اللمس
02-10-2010, 06:33 PM
جزاكم الله خير كلكم عالردود والله يحفظكم جميعا وماقصرتو
والشكوى لغير الله مذلـه
عزيزوف
02-10-2010, 06:46 PM
الحمدلله ع السلامه

الله يسهل ويلقون له حل