المساعد الشخصي الرقمي

مشاهدة النسخة كاملة : تساؤلات عن بنك تنميه


لبتونه
02-10-2010, 04:10 AM
السلام عليكم



اخواني عندي كذا استفسار جزاكم الله خير


اللي نزل له قرض بنك تنميه يقدر يشتري بيت عظم او لا ؟


اقدر اخذ قرض واشتري بيت سعره مليونين وادفع قرض مليون وميتين والباقي اخذه دين عقاري او لا؟ لانه سلف شخصيه محدودة وكبيرة اقساط

ففكرت بدين عقاري



الي نزلت اسمائهم شهر 8 وكان اخر استحقاق شهر 3 متى يقدر ياخذ القرض الحين او لا؟




لاني بصراحه تعبت كل مااتصلت لحد في بنك تنميه من موظفين مانعرف وراجعي غقب شهر مادري ليه حاطينهم بوظايف ومايقدرون بخدمون جمهوووووووووووور
شموخ دائم
02-10-2010, 10:39 AM
,


,


مرحبا


اقدر اجاوب على هذا السؤال


اللي نزل له قرض بنك تنميه يقدر يشتري بيت عظم او لا ؟

للاسف ما يصير

لازم البيت الي تبون تشترونه يكون له شهاده ( اتمام بناء )

يعني تقريبا جاهز مشطب

والله يوفقكم

,

,


اخوك


شموخ دائم
القمه
02-10-2010, 10:45 AM
نفس كلام شموخ دائم كلامه صحيح
لكن اذا عندج سائق اكتبي لهم استفسار في ورقه وطرشي سائق
وبيردون عليج في الورقه او رساله للي تبين تستفسرين عن لي تبينه
عطيتج الفكره او انطري ليما انا اروح بكره وبرد عليج بالخبر اليقين
ونتي وختيارج
ZURICH
02-10-2010, 11:07 AM
الدوام المسائي 6 إلى 8 مساء
من الأحد إلى الخميس
بالتوفيق
a7med0_0
02-10-2010, 04:19 PM
ما اعتقد يصير
وبصراحه شروطهم شوي معقده وما عندهم استثناءات
والله كريم ونلحق على القرض
كاروهات
02-10-2010, 04:21 PM
اخواني انا خلصت والحمدلله باوقع العقود مع بنك التنمية الاسبوع القادم

بس في شي انصدمت منه ابي احد يفهمني شسالفة الرسوم اللي ياخذها السجل العقاري حد يفهمني عنها !!!!
qatari1
02-10-2010, 06:40 PM
اخواني انا خلصت والحمدلله باوقع العقود مع بنك التنمية الاسبوع القادم

بس في شي انصدمت منه ابي احد يفهمني شسالفة الرسوم اللي ياخذها السجل العقاري حد يفهمني عنها !!!!

هذه رسوم تسجيل العقار باسمك! بمعني سند الملكية.

وتحسب على أساس سعر العقار مقسوماً على 400 بالإضافة إلي رسوم أخرى!
كاروهات
02-10-2010, 08:16 PM
اقدر اعرف شنهي الرسوم الاخرى

والله سالفة

شكثر دفعت لحد الان !!!!!!!!!!!!!!
qatari1
04-10-2010, 11:40 PM
باقي الرسوم بسيطة.
أعتقد في رسوم للرهن، واستخراج صورة طبق الأصل لسند الملكية.*