المساعد الشخصي الرقمي

مشاهدة النسخة كاملة : الزواج السريع و؟؟؟؟؟؟؟؟؟؟؟؟؟!!!!!!!!!!


ام شوشي
02-10-2010, 11:24 AM
السلام عليكم ورحمة الله وبركاتة

مثل مانتوا عارفين الحين البنت تتزوج وتم مع زوجها اسبوع ..شهر والا هي مطلقة؟؟؟؟؟

انا من وجهة نظري عندي اكثر من سبب لحدوث الطلاق السريع بين الزوجين؟؟
1-الموافقة السريعة من قبل اهل الزوجة على الخاطب من غير مايكون عندنا الوقت الكافي لكي نسأل عنة من ناحية امور كثيرة..
2-عدم تطبيق الرؤية الشرعية .
وغيرها الكثير واترك لكم المجال لنناقشها سويا لانة فعلا تلك المشكلة تعتبر عويصة وتعج بها المحاكم

في انتظاااااااار مشاركاتكم البناءة
العـوا
02-10-2010, 11:29 AM
الزواج زواج سريع ولا بطي المشكله اختي في البنات الله يهداهم ماتدقق في الاختيار وتغرها المظاهر
قناص 787
02-10-2010, 12:03 PM
المشكله ممكن تكون من الطرفين مش من طرف واحد
المستريح
02-10-2010, 12:09 PM
انا معاك لازم السوال عن الرجال لكن مانوعيه الاسئله هنيه المشكله الدراسه وين يشتغل وش عنده اخر شى يسئلون عن الدين هذا اذا ذكر عليهم بعد بعضهم يقول مايصلى مب مشكله الله بيهديه بعد الزواج المثل يقول مب شب على شئ شاب عليه الامن رحمه الله
CASH ONLY
02-10-2010, 12:24 PM
الموضوع مب موضوع العيب من الرجل او المره ....

الرجل والمره لما يتزوجون وخصوصن اول فتره اتكون وايد صعبه لان التفكير غير و شخصيتين ما يعرفون بعض والاطباع ممكن تختلف في الفتره الاولى شي طيبيعي المشاكل اتزيد .. وللاسف هذا الي يأدي للطلاق .. لكن لما كل واحد فيهم يضحي شوي مع الوقت خلاص يجي الحب و التفاهم والانسجام اكثر

ودور الاهل بعد مهم ... ام المره و اهل الرجال

السوال هل بيعدون الفتره الاولى ؟؟ الفتره الاولى الي هي من سنتين الى 3

وجهة نظر لا اكثر
eXpert*
02-10-2010, 12:33 PM
الموضوع مب موضوع العيب من الرجل او المره ....

الرجل والمره لما يتزوجون وخصوصن اول فتره اتكون وايد صعبه لان التفكير غير و شخصيتين ما يعرفون بعض والاطباع ممكن تختلف في الفتره الاولى شي طيبيعي المشاكل اتزيد .. وللاسف هذا الي يأدي للطلاق .. لكن لما كل واحد فيهم يضحي شوي مع الوقت خلاص يجي الحب و التفاهم والانسجام اكثر

ودور الاهل بعد مهم ... ام المره و اهل الرجال

السوال هل بيعدون الفتره الاولى ؟؟ الفتره الاولى الي هي من سنتين الى 3

وجهة نظر لا اكثر

كلام جميل جداً ، منطقي وواقعي
بوعيسى1
02-10-2010, 12:41 PM
السلام عليكم ورحمة الله وبركاته
المشكلة ياختي موب في زواج السريع المشكلة في تطابق الاراء
الرجل يكون عنده وجهة نظر غير عن المرا وتختلف اهدافهم في تكوين الاسرة
الرجل يحب يجمع المال ويعدل الاوضاع بعد الزواج مباشرة . ويتوقع من البنت اسهام في تكوين المستقبل
اما البنت مسكينة تكون صعب عليها فهم الحياة وبناء اسس حياة زوجية
والزوج الله يهديه ما يفهم الوضع بان البنت تحتاج الى وقت علشان تستقر وتتفاهم مع الوضع
والمشكلة الكبيرة في مجتمعنا بان كثير من الناس يرجعون الى اخذ سلفة علشان يستقرون ويتزوجون
والبنت تحب تدلع نفسه في بداية الزواج . عاد المشكلة البنت تتعود على شيء صعب تتغيرها
خاصة جدام رفيجاته لازم يكون كل يوم كشخة غير واكسسوارات غالية وملابس راقية وتحب تجدد
وتحب تغير الاثاث . تبي تاكل في افخم الفنادق . عاد الولد مسكين يكسر ظهره . الفلوس الي المفروض
يحطون في تكوين المستقبل الاسري واستثمار بالمبلغ لشيء ينفعهم في المستقبل .
واحياناً تكون المشاكل من اسرة الولد او العكس حيث الام والاخوات تغار من العروس
ونفس الشيء ام البنت تقول حق البنت اطلبي منه كل شيء حاولي تعيشين احلى عيشة
لا تعودي زوجك على الفقر . استانسي لا تعطي وجه حق امه ولا اخواته وتقعي لهم
انزين اهني تطلع الحساسيات والمشاكل . الزوج بروحه تعبان من متطلبات الزايدة
فوق هذه كله مشاكل البيت . فتكون الشجارات والعواقب توصل الى الطلاق
المشكلة البنت اول ما تتشاجر على طول تقول طلقني ما ابغي اعيش معاك .
والولد يكون غبي ما يصبر وما يفهم بان البنت موب قاصدة هي بس منقهرة .وتبي تطلع حرتها
اقول حق كل الي ما تزوج شوفوا حتى اخوان والاخوات تتشاجر مع بعض بس هذا ما يعني
بانهم خلاص يفارقون مدة الحياة بل يرجعون يتصالحون ويصبحون اعز من الاول حتى ولو كان شجار عنيف
فانا نصيحتي لكل زوج ما يتسارع في قراره ويصبر على البلاء ويتقي الله في زوجته
ونفس الشيء انصح كل زوجة بعدم تطاول على زوجها و على اهله حتى ولو كانوا ضده .صدقوني مع مرور الايام تتعدل الاوضاع وتنتهي الحساسية وتتكون الصداقات .
ما دري والله شكلي كتبت وايد
العموم هذا وجهة نظري واحترم آراء الجميع سواء كان معي او ضدي
ANONYMOUS
02-10-2010, 12:42 PM
الزواج زواج سريع ولا بطي المشكله اختي في البنات الله يهداهم ماتدقق في الاختيار وتغرها المظاهر



رأيي ان الشباب الله يهداهم مايدققون في الاختيار ويغرهم المظهر
ANONYMOUS
02-10-2010, 12:46 PM
1-الموافقة السريعة من قبل اهل الزوجة على الخاطب من غير مايكون عندنا الوقت الكافي لكي نسأل عنة من ناحية امور كثيرة..




شاللي يحدهم يوافقون بسرعه


مشكله اللي متخرع ع الزواج وكأن الخلود في الزواج بيكون فقط مع هالشخص
unless
02-10-2010, 12:48 PM
هذاك اول يام شوشي السؤال عن الرجال بس
الحين اشوف الاهم السؤال عن البنت لأن حسب
مانسمع ونشوف البنات هاليومين مخفات ماتربوا على المسئولية
جريئات (تسمع بالاحترام) ضاقوا من البيوت ..
وإللي بيقول غير كلامي وانه فيه بنات عكس فوق ..يتواصل عالخاص
لأن مهتم فعلاً.واخيرا الله يحفظ الجميع.
فلتة زمانها
02-10-2010, 12:51 PM
العناد هو السبب استغرب من بنات عاشوا قصص حب روميو وجوليت وعقب ماعرسوا اسمع انهم
انفصلوا ليش كل واحد يحاول يفرض رايه عالثاني طبيعي تصير مشاكل لانه كل واحد تربيته غير والبعض يدرون ان الشاب راعي سكر وخربطه ومع ذلك يوافقون عشان فلوسه ويكفي انه ولد فلان:nice:
KHALiDiSH
02-10-2010, 01:52 PM
المشكلة في الاباء والامهات

معودين البنت على الدلع والاسترخاء
لما تروح بيت الزوج تعتقد بتحصل نفس الدلع وبتحط رجل على رجل وطلباتها اوامر

والادهى والامر لو صارت مشكلة بسيطة بين الزوج وزوجته
تقوم البنت تلم اغراضها وتروح بيت ابوها لسبب انها زعلانه

والام والاب يستقبلونها بصدر رحب ويقولوها ترى البيت موجود دوم لا تخافين

وين تبون البنت بعد كل هذا تفكر تعيش مع الزوج اذا وسائل الراحه متوفره عند والدينها
وعند كل مشكلة لبست عبايتها وراحت بيت ابوها

طبعاً انا ما اقول المشكلة بس من البنات ... بعد الشباب
بس البنت هي تقدر تحافظ على استقرار الزواج اكثر من الرجال <--- هذا رأي

الله يرحم الوالد.. كان يوصي بناته يقولهم من بعد ما تزوجوا
"من ما تطلعين من البيت يا بنتي لا تجيني الا زيارات، مبيت ما في. الا اذا ريلج موافق"
أبو مناير
02-10-2010, 02:42 PM
المشكلة في عدم معرفة العروسين لأهمية الزواج وحقوق وواجبات كل طرف.
فارس الكلمة
02-10-2010, 03:12 PM
2-عدم تطبيق الرؤية الشرعية .


هل ترضين بتطبيق هذا الأمر .. قبل عقد القران مثلاً ..؟!

أغلب العائلات لا يرضون بدخول رجل غريب لمشاهدة أبنتهم إن كانت تصلح للزواج أم لا ..؟
قطرية فذة
02-10-2010, 03:16 PM
تعقد الامور وهي في قمه سلاستها

الامور الفكريه عدم توافقها؟!

طبيعي في بدايه الزواج

وماجاء الاسلام بدينه حتى يثقف المرأه بكيفيه ان تكون نعم الزوجه بآن توازي كل امورها معه

جمع الله شمل كل اثنين
بوحارب
02-10-2010, 03:46 PM
الزواج السريع ممتاز وعن تجربة :)

وخاصة لما يكون عمر الشاب 21 والبنت 18

بس اهم شي يكون الحب والتفاهم بين الطرفين موجوووووووووووووووووووود
بوحارب
02-10-2010, 03:47 PM
هل ترضين بتطبيق هذا الأمر .. قبل عقد القران مثلاً ..؟!

أغلب العائلات لا يرضون بدخول رجل غريب لمشاهدة أبنتهم إن كانت تصلح للزواج أم لا ..؟

مرحبا اخوي فارس

لابد من وجود الرؤية الشرعية قبل الزواج

حتى لايحصل ما لا يحمد عقباه بعد الزواج
كاشف الغطاء
02-10-2010, 03:57 PM
^^^^^

بخصوص التوقيع تذكرت مدرجات نادي الغرافة
بوحارب
02-10-2010, 04:04 PM
^^^^^

بخصوص التوقيع تذكرت مدرجات نادي الغرافة

:telephone:
Right
02-10-2010, 04:06 PM
مب شرط أن كان الزواج بطئ ولا سرعته 200 كيلو بالساعة

المشكلة أن معظم البنات هالأيام همهم الأول والأخير هو الحياة المادية فقط

أي تسوق وزيارات مالها معنى وسفر وغيره وغيره

والأجدر بهم أن يكون الإهتمام ينصب على الحياة بما تحمل من خير وشر ومن أعباء ومواقف سواء كانت في السراء أو الضراء

أكيد بيحدث الطلاق إن كانت هذه نظرتهم للحياة

هذا بعد ما يخسر الواحد مبالغ كبيرة من مهر ومن غيره أشياء كثيرة وبالنهاية هو " الطلاق "

أكثر شباب قطر يتزوجون من الخارج وذلك لعدة أسباب منها أن البنات يبون الستر بعيد الهياااط الفاضي وأشياء كثيرة غيرها
هبوب الكوس
02-10-2010, 04:13 PM
الاسباب

1- الاغلب اختيار الاهل ( الام ) العروس لولدها

2- الفتاه ترسم فارس احلامها وتتخيله في احسن صوره يعني كل سنه يسفرها بلاد اوروبا

يطلعون كل يوم مجمع ومطعم والكلام العسل 24 ساعه مستحيل

وتتفاجأ العكس سفره في العمر دبي طلعه في الشهر مره وناس ولاطلعه

ولاكلمه حلوه مسكينه

ولاكن الي ترضا وتحمد الله بتتوفق ان شاء الله

ولاتشوف غريها وتقول ليش افلانه احسن مني ؟..........

3- يخصوص السؤال عن الرجل في ناس تسأل وكل الامور طيبه

لاكن في شي خافي عن الناس الي هو المريض نفسي وشلون بطلعونه

هنا مربط الفرس
الصريحه
02-10-2010, 04:40 PM
الاجيال هذي الايام ينقصها واجد مب كفو زواج لين يتربون مثل الاول
MAZEN37
02-10-2010, 05:09 PM
رائي قلة الدين للطرفين

هانت علينا انفسنا فهنااا على الناس
OREO
02-10-2010, 05:20 PM
من اسمع إن وحده تطلقت !!!

اول سؤالين اسألهم ..
هل البنت تشتغل ام ربة بيت ؟؟
هل البنت تصرف من مصروف بعلها او من مصروفها الخاص؟؟


----------------------------

خلونا نرجع عشرين سنة ورا .. ليش ما كنا نسمع بحالات الطلاق الا نادر نادر ما نسمع .. ؟؟

و خلونا نسأل نفسنا ايش الفروقات مابين العقد هذا و العقد الماضي؟؟

على سبيل المثال ..

هل سروال بوزري و البرمودا لهم علاقة في الطلاق ؟؟
هل البطوله و الوان القوس قزح على الوجه لهم علاقة في الطلاق؟؟
هل الدفة الواسعه و العباية الضيقة لهم علاقة في الطلاق؟؟
هل ربية البيت و الموظفة لهم علاقة في الطلاق؟؟
هل جمعة البنات في البيت و الجمعه في الكافية و الفنادق لهم علاقة في الطلاق؟؟
هل تربية الام لعيالها و في بيتها .. و تربية الناس لعيالها في المجتمع لهم علاقة في الطلاق؟؟
هل توفير احتياجات البيت من رب الاسره و توفير احتياجات البيت من ربة الاسرة لهم علاقة في الطلاق؟؟


هذه امثلة بسيطه و ان شاءالله لي رجعه ..
قلب قطر..!
02-10-2010, 06:00 PM
السبب هو انهم ماتاقلموووو على الوضع وخصوصا اول سنه هي اخطر مرحله لان كل واحد يبي يثبت نفسه ورايه

ما اقول الا هونوها يا عالم .. انت شد وهي ترخي

هي تشد وانت ارخي

الحياه ماتمشي الا بهالطريقه

والله يوفق كل المقبلين على الزواج ويسعدهم بحياتهم ^___^
خليفـة
02-10-2010, 06:01 PM
الله يعطيج العافية اختي ام شوشي على مثل هالمواضيع ذات الاهمية الكبيرة

انا من وجهة نظري هناك اسباب عديدة لها دور كبير في حدوث الطلاق بين الزوجين بعد مرور فترة وجيزة من الزواج .. من ضمنها :

1 - الموافقة السريعة من قبل الأهل على الزوج .. ومن دون التأكد من اخلاقياته والتزامة الديني وسمعته بين الناس .
2 - التدخل المباشر او الغير مباشر من قبل أهل وأقارب الزوجين بالحياة الزوجية بين الزوجين .. مما يسبب الضيق والكراهية بين جميع الأطراف وعدم الشعور بالاستقلالية والخصوصية بينهم .
3 - عناد وصعوبة مزاجية بعض الزوجات .. وتمسكهم بأرائهم مهما كلفهم الأمر .. والشعور لدى الزوجة بأن موافقتها على رأي الزوج ما هو الا تنازل ورضوخ وهزيمة لها امام الزوج .
4 - ضعف الوازع الديني لدى احد الطرفين .. فالحياة مستحيلة بين رجل سكير وعربيد .. وامرأة صالحة تخاف الله ( والعكس صحيح )
5 - النصيب والقضاء والقدر .. ففي كثير من الاحيان يُصاب المرء سواء كان رجل أو امرأة بمكروه ولكن هذا قضاء الله وقدرة ولا اعتراض .
بالاضافة لما تقدم هناك اسباب عديدة بالطبع .. ولكن تبقى هذه الاسباب أكثرها رواجاً .

اللهم وفق بين كل زوجين صالحين .. واصلح اللهم احوال رجالنا ونسائنا
اللهم امين

:)
ام شوشي
02-10-2010, 06:04 PM
الموضوع مب موضوع العيب من الرجل او المره ....

الرجل والمره لما يتزوجون وخصوصن اول فتره اتكون وايد صعبه لان التفكير غير و شخصيتين ما يعرفون بعض والاطباع ممكن تختلف في الفتره الاولى شي طيبيعي المشاكل اتزيد .. وللاسف هذا الي يأدي للطلاق .. لكن لما كل واحد فيهم يضحي شوي مع الوقت خلاص يجي الحب و التفاهم والانسجام اكثر

ودور الاهل بعد مهم ... ام المره و اهل الرجال

السوال هل بيعدون الفتره الاولى ؟؟ الفتره الاولى الي هي من سنتين الى 3

وجهة نظر لا اكثر

انا معاك اخوي انة لابد من المشاكل في بداية الزواج وهذا امر طبيعي على اساس لين كل واحد فيهم يعرف طبع الثاني ولكن ماخفي اعظم في هناك امور كفيلة بأن تعجل با الطلاق
مثال بسيط تارك الصلاة كل شي ممنوع هو مرغوب ومسموح عندة وهاذي الطامة الكبرى
وضحى قطر
02-10-2010, 07:41 PM
الاسباب

1- الاغلب اختيار الاهل ( الام ) العروس لولدها

2- الفتاه ترسم فارس احلامها وتتخيله في احسن صوره يعني كل سنه يسفرها بلاد اوروبا

يطلعون كل يوم مجمع ومطعم والكلام العسل 24 ساعه مستحيل

وتتفاجأ العكس سفره في العمر دبي طلعه في الشهر مره وناس ولاطلعه

ولاكلمه حلوه مسكينه

ولاكن الي ترضا وتحمد الله بتتوفق ان شاء الله

ولاتشوف غريها وتقول ليش افلانه احسن مني ؟..........

3- يخصوص السؤال عن الرجل في ناس تسأل وكل الامور طيبه

لاكن في شي خافي عن الناس الي هو المريض نفسي وشلون بطلعونه

هنا مربط الفرس



الموضوع مب موضوع العيب من الرجل او المره ....

الرجل والمره لما يتزوجون وخصوصن اول فتره اتكون وايد صعبه لان التفكير غير و شخصيتين ما يعرفون بعض والاطباع ممكن تختلف في الفتره الاولى شي طيبيعي المشاكل اتزيد .. وللاسف هذا الي يأدي للطلاق .. لكن لما كل واحد فيهم يضحي شوي مع الوقت خلاص يجي الحب و التفاهم والانسجام اكثر

ودور الاهل بعد مهم ... ام المره و اهل الرجال

السوال هل بيعدون الفتره الاولى ؟؟ الفتره الاولى الي هي من سنتين الى 3
وجهة نظر لا اكثر

عين العقل والراي بس شتقول مايفهمون للاسف عبالهم الزواج بيوم يتغير كل شي وبيعيشون فسعاده وكلا بيمشي علاثاني وعلى رايه وطبايعه وكيفه والله انا اعرف وحده تقول صارلي 5 سنين متزوجه وتوني فهمت زوجي عدل بس بعد ما تخلو حياتنا من المشاكل والصراعات والمزاجات المتقلبه



ما اقول الا هونوها يا عالم .. انت شد وهي ترخي

هي تشد وانت ارخي

الحياه ماتمشي الا بهالطريقه

والله يوفق كل المقبلين على الزواج ويسعدهم بحياتهم ^___^

الله يثبتج بالدين ويجزيج الجنه






السلام عليكم ورحمة الله وبركاته
المشكلة ياختي موب في زواج السريع المشكلة في تطابق الاراء
الرجل يكون عنده وجهة نظر غير عن المرا وتختلف اهدافهم في تكوين الاسرة
الرجل يحب يجمع المال ويعدل الاوضاع بعد الزواج مباشرة . ويتوقع من البنت اسهام في تكوين المستقبل
اما البنت مسكينة تكون صعب عليها فهم الحياة وبناء اسس حياة زوجية
والزوج الله يهديه ما يفهم الوضع بان البنت تحتاج الى وقت علشان تستقر وتتفاهم مع الوضع
والمشكلة الكبيرة في مجتمعنا بان كثير من الناس يرجعون الى اخذ سلفة علشان يستقرون ويتزوجون
والبنت تحب تدلع نفسه في بداية الزواج . عاد المشكلة البنت تتعود على شيء صعب تتغيرها
خاصة جدام رفيجاته لازم يكون كل يوم كشخة غير واكسسوارات غالية وملابس راقية وتحب تجدد
وتحب تغير الاثاث . تبي تاكل في افخم الفنادق . عاد الولد مسكين يكسر ظهره . الفلوس الي المفروض
يحطون في تكوين المستقبل الاسري واستثمار بالمبلغ لشيء ينفعهم في المستقبل .
واحياناً تكون المشاكل من اسرة الولد او العكس حيث الام والاخوات تغار من العروس
ونفس الشيء ام البنت تقول حق البنت اطلبي منه كل شيء حاولي تعيشين احلى عيشة
لا تعودي زوجك على الفقر . استانسي لا تعطي وجه حق امه ولا اخواته وتقعي لهم
انزين اهني تطلع الحساسيات والمشاكل . الزوج بروحه تعبان من متطلبات الزايدة
فوق هذه كله مشاكل البيت . فتكون الشجارات والعواقب توصل الى الطلاق
المشكلة البنت اول ما تتشاجر على طول تقول طلقني ما ابغي اعيش معاك .
والولد يكون غبي ما يصبر وما يفهم بان البنت موب قاصدة هي بس منقهرة .وتبي تطلع حرتها
اقول حق كل الي ما تزوج شوفوا حتى اخوان والاخوات تتشاجر مع بعض بس هذا ما يعني
بانهم خلاص يفارقون مدة الحياة بل يرجعون يتصالحون ويصبحون اعز من الاول حتى ولو كان شجار عنيف
فانا نصيحتي لكل زوج ما يتسارع في قراره ويصبر على البلاء ويتقي الله في زوجته
ونفس الشيء انصح كل زوجة بعدم تطاول على زوجها و على اهله حتى ولو كانوا ضده .صدقوني مع مرور الايام تتعدل الاوضاع وتنتهي الحساسية وتتكون الصداقات .
ما دري والله شكلي كتبت وايد
العموم هذا وجهة نظري واحترم آراء الجميع سواء كان معي او ضدي

كلام صحيح اميه بالاميه راي عاقل
ام شوشي
02-10-2010, 08:41 PM
السلام عليكم ورحمة الله وبركاته
المشكلة ياختي موب في زواج السريع المشكلة في تطابق الاراء
الرجل يكون عنده وجهة نظر غير عن المرا وتختلف اهدافهم في تكوين الاسرة
الرجل يحب يجمع المال ويعدل الاوضاع بعد الزواج مباشرة . ويتوقع من البنت اسهام في تكوين المستقبل
اما البنت مسكينة تكون صعب عليها فهم الحياة وبناء اسس حياة زوجية
والزوج الله يهديه ما يفهم الوضع بان البنت تحتاج الى وقت علشان تستقر وتتفاهم مع الوضع
والمشكلة الكبيرة في مجتمعنا بان كثير من الناس يرجعون الى اخذ سلفة علشان يستقرون ويتزوجون
والبنت تحب تدلع نفسه في بداية الزواج . عاد المشكلة البنت تتعود على شيء صعب تتغيرها
خاصة جدام رفيجاته لازم يكون كل يوم كشخة غير واكسسوارات غالية وملابس راقية وتحب تجدد
وتحب تغير الاثاث . تبي تاكل في افخم الفنادق . عاد الولد مسكين يكسر ظهره . الفلوس الي المفروض
يحطون في تكوين المستقبل الاسري واستثمار بالمبلغ لشيء ينفعهم في المستقبل .
واحياناً تكون المشاكل من اسرة الولد او العكس حيث الام والاخوات تغار من العروس
ونفس الشيء ام البنت تقول حق البنت اطلبي منه كل شيء حاولي تعيشين احلى عيشة
لا تعودي زوجك على الفقر . استانسي لا تعطي وجه حق امه ولا اخواته وتقعي لهم
انزين اهني تطلع الحساسيات والمشاكل . الزوج بروحه تعبان من متطلبات الزايدة
فوق هذه كله مشاكل البيت . فتكون الشجارات والعواقب توصل الى الطلاق
المشكلة البنت اول ما تتشاجر على طول تقول طلقني ما ابغي اعيش معاك .
والولد يكون غبي ما يصبر وما يفهم بان البنت موب قاصدة هي بس منقهرة .وتبي تطلع حرتها
اقول حق كل الي ما تزوج شوفوا حتى اخوان والاخوات تتشاجر مع بعض بس هذا ما يعني
بانهم خلاص يفارقون مدة الحياة بل يرجعون يتصالحون ويصبحون اعز من الاول حتى ولو كان شجار عنيف
فانا نصيحتي لكل زوج ما يتسارع في قراره ويصبر على البلاء ويتقي الله في زوجته
ونفس الشيء انصح كل زوجة بعدم تطاول على زوجها و على اهله حتى ولو كانوا ضده .صدقوني مع مرور الايام تتعدل الاوضاع وتنتهي الحساسية وتتكون الصداقات .
ما دري والله شكلي كتبت وايد
العموم هذا وجهة نظري واحترم آراء الجميع سواء كان معي او ضدي


اخوي كلامك صحيح 100% ولكن هناك امور اخرى تكون سبب من اسباب تلك المشكلة
ومشكور على مرورك
ام شوشي
02-10-2010, 10:32 PM
المشكلة في الاباء والامهات

معودين البنت على الدلع والاسترخاء
لما تروح بيت الزوج تعتقد بتحصل نفس الدلع وبتحط رجل على رجل وطلباتها اوامر

والادهى والامر لو صارت مشكلة بسيطة بين الزوج وزوجته
تقوم البنت تلم اغراضها وتروح بيت ابوها لسبب انها زعلانه

والام والاب يستقبلونها بصدر رحب ويقولوها ترى البيت موجود دوم لا تخافين

وين تبون البنت بعد كل هذا تفكر تعيش مع الزوج اذا وسائل الراحه متوفره عند والدينها
وعند كل مشكلة لبست عبايتها وراحت بيت ابوها

طبعاً انا ما اقول المشكلة بس من البنات ... بعد الشباب
بس البنت هي تقدر تحافظ على استقرار الزواج اكثر من الرجال <--- هذا رأي

الله يرحم الوالد.. كان يوصي بناته يقولهم من بعد ما تزوجوا
"من ما تطلعين من البيت يا بنتي لا تجيني الا زيارات، مبيت ما في. الا اذا ريلج موافق"



اتفق معاك اخي الكريم ولكن مش الكل بل على العكس في البعض منهم انظلم با الزواج سواء
من المرأة او الرجل مثل ماتفضلت بانة بعض البنات دلوعات ايضاكذلك يوجد بعض الشباب
متربين على الدلع ولايتحملون ادنى مسؤلية
باظلوف
02-10-2010, 11:12 PM
المشكلة الاساسية اعتقد عدم التكافؤ

وان فترة الخطوبة عندنا جدا قصيرة (يعني مايمدي الشخص يكتشف عيوب الآخر)
ام شوشي
03-10-2010, 01:52 PM
هل ترضين بتطبيق هذا الأمر .. قبل عقد القران مثلاً ..؟!

أغلب العائلات لا يرضون بدخول رجل غريب لمشاهدة أبنتهم إن كانت تصلح للزواج أم لا ..؟


اخوي فارس اي نعم ارضى با الرؤية الشرعية وبسنا تخلف اذا الاسلام محلل الرؤية شا المانع
ليش احنا نحرم اللي الله حللة والنتايج واضحة الطلاق السريع ولوتعددت الاسباب ولكن مثل مايقولون الفأس طاح با الراس لومطبقين الرؤية الشرعية لعيالنا كان تفادينا مشاكل كثيرة حنا
في غنى عنها ولكن ليست الرؤية الشرعية هي السبب الوحيد ولكن توجد اسباب اخرى تؤدي الى
الطلاق
ابو خليفه
03-10-2010, 02:58 PM
هذاك اول يام شوشي السؤال عن الرجال بس
الحين اشوف الاهم السؤال عن البنت لأن حسب
مانسمع ونشوف البنات هاليومين مخفات ماتربوا على المسئولية
جريئات (تسمع بالاحترام) ضاقوا من البيوت ..
وإللي بيقول غير كلامي وانه فيه بنات عكس فوق ..يتواصل عالخاص
لأن مهتم فعلاً.واخيرا الله يحفظ الجميع.

:nice:
CASH ONLY
03-10-2010, 04:28 PM
[QUOTE=وضحى قطر;6415915][size="4"][color="purple"]




عين العقل والراي بس شتقول مايفهمون للاسف عبالهم الزواج بيوم يتغير كل شي وبيعيشون فسعاده وكلا بيمشي علاثاني وعلى رايه وطبايعه وكيفه والله انا اعرف وحده تقول صارلي 5 سنين متزوجه وتوني فهمت زوجي عدل بس بعد ما تخلو حياتنا من المشاكل والصراعات والمزاجات المتقلبه

-------------------------------

اختي انا اقول لج هل كلام من تجربه

المشكله ترجع بعد لشي ثاني ... شنو مفهوم الزواج عند الرجل والمره قبل الزواج

خل اتكلم عن الرجال اول ... ينظر للموضوع ممكن اشباع رغباته و يهال ويمكن انزيد عليها شغلات بسيطه .... لكن للاسف النظره ضيقه جدن

والبنت ... مفهومها حياااه ورديه ونوم في العسل ... واتخيل انها بتلاقي فتى احلامها

لكن مفهوم الزواج اكبر من هذا كله ... صدق الي قال الزواج نص الدين

كلمها كنت اسمعها قبل ولا اعرف معناها الى بعد التجربه ... نظااام حيااه ثاني

لازم الواحد قبل الزواج يتعلم هل امور ويقدر قيمة الخطوه الي ناوي عليها
CASH ONLY
03-10-2010, 04:33 PM
انا معاك اخوي انة لابد من المشاكل في بداية الزواج وهذا امر طبيعي على اساس لين كل واحد فيهم يعرف طبع الثاني ولكن ماخفي اعظم في هناك امور كفيلة بأن تعجل با الطلاق
مثال بسيط تارك الصلاة كل شي ممنوع هو مرغوب ومسموح عندة وهاذي الطامة الكبرى

اختي مافيه شي في هل دنيا ما يتصلح

بس الصبر والحكمه من الزوجين مطلوبه ... وهل شغلتين وايد مهمه

تقدر المره اتغير حياة الرجال والعكس صحيح ...

انا اعرف لي حريم تزوجو شباب خربانين واهل لعبه ومهملين في حق زوجاتهم

لكن سبحان الله مع الحكمه والصبر صارو ما يشوفون غير حريمهم و تغيرت حياتهم كلها
ام شوشي
03-10-2010, 05:54 PM
الله يعطيج العافية اختي ام شوشي على مثل هالمواضيع ذات الاهمية الكبيرة

انا من وجهة نظري هناك اسباب عديدة لها دور كبير في حدوث الطلاق بين الزوجين بعد مرور فترة وجيزة من الزواج .. من ضمنها :

1 - الموافقة السريعة من قبل الأهل على الزوج .. ومن دون التأكد من اخلاقياته والتزامة الديني وسمعته بين الناس .
2 - التدخل المباشر او الغير مباشر من قبل أهل وأقارب الزوجين بالحياة الزوجية بين الزوجين .. مما يسبب الضيق والكراهية بين جميع الأطراف وعدم الشعور بالاستقلالية والخصوصية بينهم .
3 - عناد وصعوبة مزاجية بعض الزوجات .. وتمسكهم بأرائهم مهما كلفهم الأمر .. والشعور لدى الزوجة بأن موافقتها على رأي الزوج ما هو الا تنازل ورضوخ وهزيمة لها امام الزوج .
4 - ضعف الوازع الديني لدى احد الطرفين .. فالحياة مستحيلة بين رجل سكير وعربيد .. وامرأة صالحة تخاف الله ( والعكس صحيح )
5 - النصيب والقضاء والقدر .. ففي كثير من الاحيان يُصاب المرء سواء كان رجل أو امرأة بمكروه ولكن هذا قضاء الله وقدرة ولا اعتراض .
بالاضافة لما تقدم هناك اسباب عديدة بالطبع .. ولكن تبقى هذه الاسباب أكثرها رواجاً .

اللهم وفق بين كل زوجين صالحين .. واصلح اللهم احوال رجالنا ونسائنا
اللهم امين

:)




اهم شي مثل ماتفضلت اخوي مالكم امل الوازع الديني للطرفين

ومشكور اخوي على مرورك
قطراوي للأبد
04-10-2010, 12:44 AM
انا اشوف !! بعد سالفه الدين وو الصلاه والأخلاق !!!

ان يكون السبب بالتأثر من الأهل او المسلسلات

تجيكم ام العرووس .. تحشي بنتها كلام .. " خليييه يسوي ويسوي .. "

ولا تجوف هالمسلسلات اللي كلها هالجمله " خليته خاتم فـ صبعي ومايرد لي طلب "


وهو نفس الشي .. ينحشي كلام .. لاتخليها تلعب بكيفها !! ترى ان عطيتها على مزاجها ركبت فوق راسك :rolleyes2: ..


ونسينا ان كل شي بالتفاهم حلو !!! وان الرجال قوامون عالنساء ..

ماتيي المره وتكون هي الريال فالسالفه وتبي تسوي كل شي بكيفها ..!!! ترى محد يرضاها :eek5:

وبالتالي تتطلق !!! :secret:


أوووووووووووووووو

تكون البنت مدلعه بزياده فالبيت !! حتى بياله شاي ماتصب !!!

ونظره اهلها .. ان بكره تتزوج وتتعلم وتحتد !
انزين شذنب الريال مسكين :anger1: ..

ياخذ المره وهي اببببببببببد .. حتى بيض ماتعرف تسوي ..

ولا تقدر تقوم بـمسؤوليات البيت .. كل اللي تقدر عليه تصيح وبس :eek5:


الواحد مايتزوج عشان يشيل نفسه بنفسه!!! يبي حد يدلعه بعد مثل ما الحريم يبون من يدلعهم

:weeping:


والله يزوج كل عزوبي قولوا امين :nice:

^

الحين الكل بيحبني على هالدعوه :tease: .. لحد ينساني .. تراني منهم :(
وضحى قطر
04-10-2010, 02:20 AM
انا اشوف !! بعد سالفه الدين وو الصلاه والأخلاق !!!

ان يكون السبب بالتأثر من الأهل او المسلسلات

تجيكم ام العرووس .. تحشي بنتها كلام .. " خليييه يسوي ويسوي .. "

ولا تجوف هالمسلسلات اللي كلها هالجمله " خليته خاتم فـ صبعي ومايرد لي طلب "


وهو نفس الشي .. ينحشي كلام .. لاتخليها تلعب بكيفها !! ترى ان عطيتها على مزاجها ركبت فوق راسك :rolleyes2: ..


ونسينا ان كل شي بالتفاهم حلو !!! وان الرجال قوامون عالنساء ..

ماتيي المره وتكون هي الريال فالسالفه وتبي تسوي كل شي بكيفها ..!!! ترى محد يرضاها :eek5:

وبالتالي تتطلق !!! :secret:


أوووووووووووووووو

تكون البنت مدلعه بزياده فالبيت !! حتى بياله شاي ماتصب !!!

ونظره اهلها .. ان بكره تتزوج وتتعلم وتحتد !
انزين شذنب الريال مسكين :anger1: ..

ياخذ المره وهي اببببببببببد .. حتى بيض ماتعرف تسوي ..

ولا تقدر تقوم بـمسؤوليات البيت .. كل اللي تقدر عليه تصيح وبس :eek5:


الواحد مايتزوج عشان يشيل نفسه بنفسه!!! يبي حد يدلعه بعد مثل ما الحريم يبون من يدلعهم

:weeping:


والله يزوج كل عزوبي قولوا امين :nice:

^

الحين الكل بيحبني على هالدعوه :tease: .. لحد ينساني .. تراني منهم :(

صل عالنبي اخوي قلنا في ردود سابقه واجمع الاعضاء على انه في اختلاف بينهم وكل من فيهم فيه او في اهله عيوب وكل منهم ملزوم يصبر عالثاني والموضوع ياخذ سنين ..وانت لانك مهوب متزوج فما تعرف حجم الاختلافات وصعوبة تغييرها اخوي الي يشوف مواضيع من برع غير عن الي يعيشها وترى اذا بينهم موده ورحمه وفهم بانه هم بشر وكل المتزوجين غيرهم يعانون من الاختلافات والعيوب لانهم بشر مثلهم بيزيد صبرهم وحرصهم على بناء الاسره لا تشتيتها وهدمها
قطراوي للأبد
04-10-2010, 07:21 AM
صل عالنبي اخوي قلنا في ردود سابقه واجمع الاعضاء على انه في اختلاف بينهم وكل من فيهم فيه او في اهله عيوب وكل منهم ملزوم يصبر عالثاني والموضوع ياخذ سنين ..وانت لانك مهوب متزوج فما تعرف حجم الاختلافات وصعوبة تغييرها اخوي الي يشوف مواضيع من برع غير عن الي يعيشها وترى اذا بينهم موده ورحمه وفهم بانه هم بشر وكل المتزوجين غيرهم يعانون من الاختلافات والعيوب لانهم بشر مثلهم بيزيد صبرهم وحرصهم على بناء الاسره لا تشتيتها وهدمها

عليه الصلاه والسلام ... اكيد اكيد ياخووي .. صحيح انا مب متزوج لكن اشوف واسمع .. واكيد ان هاي غير عن التجربه بنفسها .. وو ياما شفنا خلافات بعد 10 سنين زواج ..

فالخلاصه من الكلام .. ان لو في قاعده مبنيه عالدين والصبر . . ان شاء الله مايضرهم شي
ع.م
04-10-2010, 07:29 AM
من أسباب الطلاق السريع الأسباب التافهة الناتجة عن نقص العقل..

وبعد إذنج هذا رابط موضوعي ياأم شوشي عن الاسباب التافهة :)

http://qatarshares.com/vb/showthread.php?t=404228
ام شوشي
04-10-2010, 09:04 AM
من أسباب الطلاق السريع الأسباب التافهة الناتجة عن نقص العقل..

وبعد إذنج هذا رابط موضوعي ياأم شوشي عن الاسباب التافهة :)

http://qatarshares.com/vb/showthread.php?t=404228


صدقت والله اخوي اغلب المشاكل اللي تحدث بين الزوجين تكون امور تافهة ماتوصل لحد الطلاق بس ماقول الا الله يهدي الجميع
ومشكور اخوي على مرورك
أم شيوخ
04-10-2010, 11:23 AM
الاسباب فيها تافهه وفيها منطقيه يعني الي تزوج وحده على نياتها يقوم يلعب من وراها ويكلم بناات وتجي هديه وتروح هديه واهي ياغافلين لكم الله ويقولها رفيجي شاريلي اي قصوا علينا وكل المشاكل تصير من ورا هالبنات الي يخربون بيوت والامر الاهل لين بدوا يكوكون الولد على مرته انه لا تعطيها لا تصرف عليها اهي الي لازم تسويلك يالله عليكم هاي شنو يعني...واهو اذن من طين واذن من عيين المره كافيه خيرها شرها وجابتله عيال وتسويله يادهينه لا تنطتين ولين صادته قالها ها ها تونا بداية الزواج على ما اتاقلم واخلي هالسوالف ههههههههاي بالله عليكم في اي مخ تدخل هالسوالف....

عشان ما تقولون كله من المره وتلومونها بعدين تنبذونها في المجتمع.....

حتى في حريم ما يصونون بيتهم وكله هياته والريال مسويلها يدهينه لا تنكتين بس اهي مب حامده نعمتها وبس على قولتها ملت من الارتباط وتبي الطلاق.....

بس مرات يكون الاختيار من كلا الطرفين خطا يعني سبحان الله افكارهم وعقلياتهم ما توافقت يصر ليه لا ويتطلقون بس مب كارهين بعض...

مافي شي اسمه اختيار سريع.....والاهم واكبر شي في فترة الخطوبه الريال يكون اووو مدلع مرته وانتي يابعد طوايفي بعدين ينقلب تقولون كنه السيدي ينقلب بعد هاي اكبر غلط

بس مشكلتنا في هالمجتمع يلقون اللوم كله على المره ويذمونها لنها مطلقه والريال يقولونله كفو عليك...هاي الي المفروض انتعلمه من الغرب انه ماعندهم فرق بين مطلق ومطلقه والا شرايكم
بنت ابوها 19
04-10-2010, 11:33 AM
ذكرتني برفجتي تقدم لها شيخ غني

من كثر الخرعه والصمرقعه وافقو عليه بسررررررعه


تخيل عرسها كان يوم الاحد طلاقها يوم الاثنين

والسبب انه قالها : انا ماكنت ابي اتززوج بس كنت ابي ارضي امي
وخلاص رضيتها وردي بيت هلج


هاي بذمتكم اسمه اختيار صحيح ؟؟؟


في بنات يغرهم العز والفشخره قبل كل شي

شلي نفعها الحين غير انها بنت وصغيره ويقال لها بيوم وليلة (( مطلقه )) ؟؟؟
مخطط قطري
04-10-2010, 11:59 AM
ذكرتني برفجتي تقدم لها شيخ غني

من كثر الخرعه والصمرقعه وافقو عليه بسررررررعه


تخيل عرسها كان يوم الاحد طلاقها يوم الاثنين

والسبب انه قالها : انا ماكنت ابي اتززوج بس كنت ابي ارضي امي
وخلاص رضيتها وردي بيت هلج


هاي بذمتكم اسمه اختيار صحيح ؟؟؟


في بنات يغرهم العز والفشخره قبل كل شي

شلي نفعها الحين غير انها بنت وصغيره ويقال لها بيوم وليلة (( مطلقه )) ؟؟؟
اول شي شيخ = ال ثاني
ثاني شي ماخبر شيوخنا هذي سواياهم واغلبهم فيهم الخير والبركه وشورهم في يدهم مب في يد حد غيرهم
ممكن تفسير لكلمه صمرقعه لانها عمرها مارت على في القاموس القطري الحديث والتراثي منه
الشي الثالث قطر صغيره عمرنا ماسمعنا عن شيخ تزوج وطلق ثاني يوم
فيليت تكونين دقيقه اكثر في كلامج
انا ماكذبج بس اتمنى الدقه في نقل وخصوصا انج تكلمين عن اسره حاكمه هي ال ثاني
وهذا تشهير بشي قد يكون غير صحيح