طبيب نفسي ...

[سارا البدر]

السلام عليكم

لو سمحتوا بغيت اسالكم عن دكتور او دكتوره نفسيه
يكونون ممتازين , في المستشفى او عياده خاصه مب مشكله

الله يجزاكم خير :shy:

[الصريحه]

الله يعينكم ويشفي مريضكم
عليكم بالقران

[وبشرالصابرين]

كل المستشفيات الخاصه عندهم دكاتره زينه

عندك مستشفى لاهلي عندهم دكتور زين

والله يشفيك يارب

[فلتة زمانها]

افضل دكاترة السايكاتري عندج الدكتور عبدالقادر وضياء الدين في الطب النفسي التابع لمؤسسة حمد

[بوحارب]

انا واحد لا أؤمن بشي اسمه دكتور نفسي :(

[العقل المدمر]

انا واحد لا أؤمن بشي اسمه دكتور نفسي :(


نفس الحاله :shy:
الدين يحل كل المشاكل النفسيه وخصوصا القرآن :shy:
الله يشفي المريض :shy:

[فلتة زمانها]

نفس الحاله :shy:
الدين يحل كل المشاكل النفسيه وخصوصا القرآن :shy:
الله يشفي المريض :shy:

شدخل والامراض العقليه اللي ترتفع فيها هرمانات الدوبامين والسيراتونين شلون يعالجها القران :omen2:

[سارا البدر]

الله يجزاكم خير

ولله الحمد القران هو دوانا وملتزمين فيه ولله الحمد
ولو العلاج النفسي ماله داعي ما كان موجود

[شمس المغيب]

الدكتور طارق الحبيب
من أحسن الدكاترة النفسانيين وعيادته في الرياض
عنده موقع على الانترنت وفيه كل اللي تبي تعرفه عنه..

مشاركاتي ماتسمح لي ارسل لك رقمه على الخاص
لكن على الموقع راح تلقى طريقة الاتصال وعنوان العيادة

الله يشفي مريضكم ومراضانا ومرضى المسلمين

[عضو قديم]

اسمع نصيحتي في الدوحة لا ادور لان مافي الكل يمهدلك علشان تراجعه كل اسبوع وعليك تدفع رسوم دخول كل مرة وفي الاخير ماراح تحصل نتيجة

[كيفـي]

عندج بقسم الصحة النفسية برميلة..
ومركز التأهيل الاجتماعي..

[بوحارب]

نفس الحاله :shy:
الدين يحل كل المشاكل النفسيه وخصوصا القرآن :shy:
الله يشفي المريض :shy:
يزاج الله خير :)

شدخل والامراض العقليه اللي ترتفع فيها هرمانات الدوبامين والسيراتونين شلون يعالجها القران :omen2:

الله يهديج فلته
اذا ماتعرفين شي سكتي ابرك لج واستغفري ربج على هالكلام

خلي عندج يقين بكلام الله والرسول صلى الله عليه وسلم
والقرآن شفاء من كل داء

[سارا البدر]

الله يجزاكم خير اخووواني

[بنت ذياب]

يمدحون الدكتور عبدالقادر مصطفى .. سوداني

[على نياتي]

الدكتور طارق الحبيب
من أحسن الدكاترة النفسانيين وعيادته في الرياض
عنده موقع على الانترنت وفيه كل اللي تبي تعرفه عنه..

مشاركاتي ماتسمح لي ارسل لك رقمه على الخاص
لكن على الموقع راح تلقى طريقة الاتصال وعنوان العيادة

الله يشفي مريضكم ومراضانا ومرضى المسلمين

والله انيي داااشه موضوعج عشان أقول لج طاااااااارق الحبييييييب

هو مب مجرد دكتور وبس ! هو بروفيسووووور في علم النفس .. متعممق في دراسة علم النفس غير خبرته اللي اكتسبها
وفوق هاي كله..ملتزم!

يعني لو صج تبين تغيرين حياتج للاحسن مالج غيره

والله يوفق الجميع

[مطراش]

شدخل في اشياء لازم دكتور نفسي نفس الوسوسه ازياده عن الازم يمكن يكون شحنات كهربائيه ازياده وفي الها دوه حتى مشايخ الدين يقولون لازم اتشوف دكتور نفسي عشان تتعالج وفي ناس اتمر في انهيارات عصبيه وغيره وغيره

[الأمبراطور]

الله يعينكم ويشفي مريضكم
عليكم بالقران
القران ماله شغل بالطب النفسي :eek5::eek5:

[وارث العز]

انا واحد لا أؤمن بشي اسمه دكتور نفسي :(

المرض النفسي هو مرض حالة حال الصخونة و الكحة يبيلة علاج على يد دكتور .

اختي فية دكتور اسمة يسري استاذ الطب النفسي في جامعة القاهرة يعني


خطير اشوف اعلاناتة في الجرايد وفية طاهر شلتوت في الطب النفسي

والله يشفي مريضكم ومرضى المسلمين

[باسكن روبنز]

الحل في آيجاد وظيفه ،:telephone:






آتغشمر معاج وماتشوفون شر آختي سارااااااااااا ،:)

[qatar)]

الله يشفى الجميع
انشاء الله

[ابو محمد7]

يا اخوان ويا اخوات

الطب النفسي مايختلف عن الطب العضوي واحنا محتاجين الاثنين قراءة القران ومحتاجين ايضا للطبيب وكل منهم يكمل الاخر

انا انصح بمراجعة دكتور داخل قطر حتى يكون من الممكن مراجعته بشكل اسبوعي او اكثر او اقل على حسب الحالة مع العلم بانه بعض الاطباء في دول الخليج نفس السعودية افضل من اللي عندنا بقطر

اسأل عن افضل الاطباء سواء في قطر او في الخليج وخلي ايمانك بالله قوي ولا تيأس صدقني تأكد مهمها حسيت الحالة صعبه ومالها حل في النهاية باذن الله راح يكون في تحسن وتغيير للأفضل بس انت حارب وقاوم

في دكتور في قطر اسمه اجو ابراهام (بريطاني من اصل هندي واعتقد انه مسيحي ) دكتور جيد اذا كنت تتكلم انجليزي بارتياح وهذا موقعه الالكتروني

http://www.drajusclinic.com/Default.aspx

[سارا البدر]

باسكن روبنز

هههههههه الله يوسع صدرك
ترى صج الوظيفه مسببه لي ازمه


بس الدكتور مب لي :) الله يشافي مرضى المسلمين

وكل اللي فادني ورد على الموضوع بميزان حسناتكم وكثر الله خيركم