إجراءات المطار

[هواجس _q6r]

السلام عليكم ورحمة الله وبركاته
بغيت استفسر وياليت تساعدوني
انا ما عرف اجرأت المطارات
وناويه اروح بانكوك ان شاء الله
ياليت تعلموني ع اجرات الي تصير بالمطار
وشلون اعرف البوابه واستلام الشنط واجرأت الدخول وغيره


وياليت تنصحوني بالفنادق الحلوه هناك علما اني بروح انا
وزوجي بس فا ابي شي راقي ونظيف وهادي وسعره حلو


:victory:

[الوفي]

مارحت لبانكوك من قبل بس الاعضاء مم مقصرين معاج انتظريهم خبرج الاعضاء في الويكند وصباح الاحد بتحصلين الجواب الشافي

[روكي]

اختي الاول اذكري الامور الماليه للفندق يعني في فنادق الصراحه ماتنفع للعوائل
ثانيا المطار انتوا على السياحي ولا البزنس
فحوصات ولا مشتريات

علشان اقدر ارد عليج

[£عبدالعزيز£]

اختي الموضوع سهل بس يبيله تركيز شوي

اول شي تدخلين شناطج في الكونتر وتاخذين البوردنق

http://i.ytimg.com/vi/9Xu4gqzV4kw/2.jpg

عقب تشوفين رقم البوابة من الشاشة

وعقبها تختمين الجواز وتروحين للبوابة

واخيرا تركبين الطيارة

http://www.runway30.com/Runway30/OpenFile.aspx?large=yes&id=4000





..


ههههههههههه اتغشمر معاج اختي

وتروحون وتردون بالسلامة

وانا الصراحة ولا مرة رحت صوب شرق اسيا بشكل عام

ان شاء الله الاعضاء راح يفيدونج

[خشوف]

حبيبتي مطار بانكوك اللفتات كلها بالعربي ماراح تضيعين 100%
لاحقي الي انزلوا من طيارتكم الى اخر خطوه مايبغي لها شي:nice:


وعندج تقريري بيفيدج واذا انتي وريلج بروحكم اكتبوا بالحجز الفندق هني مووون:victory: عشان يرقون لكم الغرفه ويعدلونها لمعاريس:shy:

http://www.qatarshares.com/vb/showthread.php?t=286078


تروحون وترجعون بالسلامه

[Abdullah_89]

اختي توني راد من اسبوع من بانكوك

اولا اجراءات المطار بسيطه جدا بس فيها مشي وايد

فالطيارة يعطونج ورقة تكتبين الاسم واسم الاب واسم العايله بالانجليزي بس الموظفين في الطيارة بيساعدونج تعبينها

فالمطار اولا الجوازات بياخذون لج صورة وانتي تختمين الجواز ممنوع النقاب او النظارة او اي شي يخفي الوجة للذكور والاناث

بعدها تروحين عند حزام الشنط بتلاقين رقم الرحله على الشاشه اللي بتلاقينها عند كل حزام

بعدها تطلعين من المطار وتاخذين تاكسي ميتر ارخص لكم واحسن لكم تلاقونه فالطابق الارضي

اما بالنسبة للفنادق الله يسلمج لو ميزانيتكم عاليه اسكنوا في marriott او grand majestic وهاي رابط الفنادق

http://www.marriott.com/hotels/travel/bkkdt-jw-marriott-hotel-bangkok/

http://www.majesticgrande.com/

انا عن نفسي سكنت في فندق اسمة جراند ان grand in على الشارع العام تطلعين من الفندق تروحين يمين تمشين 10 خطوات تدخلين شارع العرب على يمين الفندق روعه وهادي مافيه لا ديسكو ولا بار ولا شراب ولا بنات ليل ولا هم يحزنون الفندق عائلي ومريح 100% والموظفين طيبين حدهم كانت سعر الغرفه 1700 بات يعني تقريبا 170 ريال الفندق عباره عن 3 نجوم لكن للأمانة مستوى الغرف فيه مستوى 5 نجوم

موقع الفندق
http://www.grandinnthailand.com/


ونصيحه اختي بالنسبة للسوق ارخص الاسواق عندج

سوق يوم الاحد
سوق الباتونام
مجمع طوكيو او MBK
وطبعا شارع العرب

واسعار البضائع لو قالوا لج مثلا 3000 بات انتي قولي 1500 بات وارفعي 100 بات اذا شفتيه شبة مقتنع وماعطاج ويبي ينزل اكثر حركي عنه وبيلحقج يعطيج بالسعر اللي تبينه انا ماقصرت وياهم في المكاسر

بالنسبة للشحن فيه شركات شحن وايد في شارع العرب انا شحنت اغراضي لان المطار القطرية بيدفعونج على كل كيلو 90 ريال انا شحنت الكيلو ب 7 ريالات ونص وخذوا رسوم 300 ريال ومحل الشحن يعطيج كارتون حق اغراضج لاتشترين شنط
انا شحنتها عالعمانيه لانها ارخص ووصلت الدوحة بعد 3 ايام بالضبط

واي استفسار انا حاظر طرشي مسج عالخاص وان شاء الله ماقصر معاج