بناء اكبر مستشفى تخصصي فالعالم في قطر

[المليونير الفقير]

السلام عليكم ورحمة الله وبركاته















هاذا ليس صحيح مجرد حلم يراودني من زمن واسال الله العظيم انه يتحقق قولو امين

تصدقون من كم يوم كنت فالطوارئ وابصراحه شفت العجب حسيت اني اشوف فلم حالات وفاة والدكاتره عاجزون عن فعل شي وذالك لقلة خبرتهم وصغر سنهم يعني اتشوف واحد عمره فال30 ويقلون لك هاي الدكتور المسؤل والي ادهى وامر ان المستشفى مافيه غرف يقولك كله فل شدعوه فندق هاي المستشفى الوحيد فالدوله مفروض يشوفون له حل مايعرفون الا المغذي والادول والفولتارين المهدي فقط لاغير مع العلم ان بعض المهديات يضر المريض اكثر من انه ينفعه وبعدين عندهم مشكله مزمنه عدم معرفة التشخيص يعني تجي تصارخ من الالم مايقدر يشخص حالتك او يعرف السبب بقولكم قصه مختصره واحد من الربع كان رايح الطوارئ يبي اجازه واوهمهم انه مريض ومعاه مغص حاد تدرون اشسوو فيه دخلوه العمليات قالو معاك زايده هههههههه بذمتكم لهم حل مااقول الا الله يعين كبار السن واهل الحالات الطارئه والحوادث

[بو فهد]

بناء اكبر مستشفى تخصصي فالعالم في قطر


لو كنيسة ممكن اصدقك لاكن مستشفى مب كفو على المسئولين عن الصحة يبنونة في قطر.

[..er..]

الله المستعان


تصدق قبل فتره رحت للطوارئ ونقعت من الساعه 11:45 في الليل لين 1:27 عقب منتصف الليل

وبعد مازهقت طلعت لـ مستشفى الاهلي وخلصت بربع سآعه

واللي طفشني اكثر الزحمه اخر الليل ومافيه الا غرفه كشف واحده

مانقول الا الله يعين ..

وعلى فكره بتكثر الاحلام :)

[(رمز المحبه)]

الله يعين والله .. الواحد ما له الا يحلم والله كريم ..

تصدقون انه فكرة المستشفى هذي مب بس نافعه لهل قطر وبس .. لو كان مستشفى تخصصي ويبرز في كافة التخصصات والمجالات والتكنولوجيا تكون فيه متطوره راح يكوون محط انظار من العالم كله

راح تنشط عندنا حتى السياحه العلاجيه

عالعموم الله كريم

[مسافر77]

مشكور
بناء اكبر مستشفى تخصصي فالعالم في قطر ؟؟؟؟
صعبة وايد
والسبب : أسباب لا تعد ولا تحصى
خلهم يحلون موضوع العوين المنشور في المنتدى...
والله يوفق قطر

[مناحي السادس عشر]

شوية تفااااااااااااااائل يا ناس
ان شاء الله كل شي فيه خير يصير

[المستقل]

لانحتاج إلى مباني
نحتاج إلى كوادر طبية مؤهلة وخبرة

يعني المبالغ إلي بيدفعونها في مباني يوظفون بها كوادر متخصصة وخبرة


والله يجزاهم عنا كل خير

[maruuma]

omen

اسم الله علي انا قلت انها اضغاث احلام

اعوذ بالله منك يا ابليس

[hot_chocolat]

والله انا اشووف نحتاااااااج مباني وخبرااااااااات..

لا دكاتره عدله.. ولا غرف واماكن كشف عدله..

الله المستعاان

[قطر501]

والله لو العالج في خيمة لكن يكون هناك دكاترة على مستوى مب قصابين

[الصريحه]

اللهم امين
انشاءالله قريب

[موجه بحر]

ان شاء الله قريب بينفتح مستشفى السدره

[روح الاطلس]

خلهم بس على الاقل يفتحون افرع للمستشفيات المعروفة على الاقل

بلد عدد سكانه بيصك المليونين ولا فيه غير مستشفى تعيس واحد

[روح الاطلس]

ان شاء الله قريب بينفتح مستشفى السدره


لا تفرح وايد

هاي مستشفى محدود فقط اطفال ونساء
والله العالم بيكون الجميع يقدر يدخله ولا بس موظفين قطر فاونديشن

[نمـر]

مانبيهم يبنون مستشفى على الاقل يشوفون حل لمرض السرطان الي كمل اهل قطر

[مرتبش]

السلام عليكم ورحمة الله وبركاته













بقولكم قصه مختصره واحد من الربع كان رايح الطوارئ يبي اجازه واوهمهم انه مريض ومعاه مغص حاد تدرون اشسوو فيه دخلوه العمليات قالو معاك زايده هههههههه بذمتكم لهم حل مااقول الا الله يعين كبار السن واهل الحالات الطارئه والحوادث

معقول هالكلام؟

الطوارئ زحمة ولك حق تنتقد هالشي..لكن اصطناع المرض ..ترى الدكتور يحاول اللي يقدر عليه واذا الوصف نفس اعراض الدودة الزايدة تهقى في وقت يقول للمريض اصبر واشرب زعتر يمكن بطنك يخف ..

حركة مب حلوة.. لازم فيها ازعاج للسلطات:eek5:

[بنت الدوسري]

بناء اكبر مستشفى تخصصي فالعالم في قطر


لو كنيسة ممكن اصدقك لاكن مستشفى مب كفو على المسئولين عن الصحة يبنونة في قطر.

ههههههههههههههههههههههههههههههههههههههه والله انك صاج
ذبحتني من الضحك

[AL_MUTAEM]

مجرد حلم يراود الجميع

[bo_s3ood]

نبي دكاتره سنعه

نبي الناس لين تروح عند دكتور تطلع وتدعي له مب تدعي عليه

[اشراقة الشمس]

الله كريم يتحقق هالحلم ألي في بال الجميع

[الحره]

لانحتاج إلى مباني
نحتاج إلى كوادر طبية مؤهلة وخبرة

يعني المبالغ إلي بيدفعونها في مباني يوظفون بها كوادر متخصصة وخبرة


والله يجزاهم عنا كل خير

yes .

[بوحارب]

الله يخلي المستشفيات الخاصة :)

اما طوارئ حمد صار ملجأ للعمال ومركز لتعليم الدكاتره !!

[العمراني]

احسن شي يحولون المستشفيات والمراكز الصحية الى مستقلات مثل المدارس

[qatari 111]

اهم شي الدكاتره وخبرتهم ومتشارين طبيين على مستوى مب اللي عندنا بعضهم مب عارف يشخص نفسه

هنا المصيبه صارو نفس الميكانيكيه للي عندنا تودي سيارتك وكل واحد يألف من عنده كلام ومب عارف ايش اللي فيها

الله المستعان

[الخفي]

(( لو قلت ملعب باصدقك بس مستشفى ماعتقد لان احنا عندنا المنشئات الرياضيه اهم من المنشئات

الحيويه والدليل 20 ملعب ومستشفى واحد ))

[عسولة]

واااااللة نتمنا ان الصحة تكون نفس التعليم ؟؟؟ مثل ماهتموا بالتعليم ووفرو كليات ومعاهد تحسدنا الناس عليها ؟؟؟ ياليتهم يبنون لنا مستشفيات خاصة ببطاقات التأمين نفس نظام ابوظبي

[وهم قطر]

شوف اخوي خل في بالك ولزمن اذا سمعت اي مشروع في العالم ان كان


اذا فندق أو ملاهي أو برج أو..... الخ

اذا كان اكبر في العالم على طول لازم تدري انه غير ربحي هذا مجرد شهره ومنافسه بين الدول (تباهي )

انا في بالي اسكن فندق يكون 5 ستار نظيف سعره معقول

ولا اسكن الي اكبر ف في العالم عشان مايقص ظهري

فأتمنى يسوون مستشفى تخصصي كبير ومب اكبر في العالم .

[محمد الحمدان]

الله يكون في العون

[ميمي 88]

ياااااليت يسوون مستشفى تخصصي ع الاقل حق الولاده وهم ذبحووو نص حريم قطر الله يكفينااا الشررر
وكللللللللللله الغرف فل اشدعوووا

[إينشتاين]

بناء اكبر مستشفى تخصصي فالعالم في قطر


لو كنيسة ممكن اصدقك لاكن مستشفى مب كفو على المسئولين عن الصحة يبنونة في قطر.


ماعتقد إن قرار بناء مثل هالمشروع من اختصاصات المسؤولين عن الصحة ،،،

الموضوع هذا من اختصاص القيادة العليا للدولة.

[فلتة زمانها]

لا تلومون المستشفى اللوم والعتب على الدوله لانها تاخرت وااايد في تطوير القطاع الصحي
بذمتكم مستشفى حكومي طاقتة الاستعابيه 599 سرير وعدد السكان تجاوز المليون ونص
وين تكفيهم الاسره هاي غير انه العمال والكوليه ماخذين نصيب الاسد من الاسره في كل الاقسام
بالذات في الايمرجنسي والسيرجيكال وحتى في اقسام I.c.u unit بسبب كثرة اصاباتهم في اماكن
العمل باصابات بالغه وخطيره والدكاتره في حمد بعضهم ممتازين بس ينقصنا قانون يحاسب الدكتور على اخطائه ويضمن حقوق المريض اسوة بالدول الاوروبيه
:nice:all the best 4 hammad corporation

[المليونير الفقير]

تدرون لو يجيبون طاقم مستشفى حمد من دكاتره واستشارين وسسترات من تايلند بيوفرون نصف الاجور وبيلاقون المرضا يدعون لهم لان عندهم خبره كافيه وناس عندهم ضمير فالعمل وناس عندهم رحمه واحساس فاتمنى علالاقل يغيرون طاقمهم الفاشل الى مالقينا منه الا الوفيات او العلاج برا بسبب اخطائهم



بتصدقون اعرف واحد دخل مستشفى حمد لعمليه افتاق فالبطن وبعد العمليه وصل به الامر بدخوله العنايه المركزيه وعمل اكثر من عمليه خطره جدا منها قص الامعاء وكاد ان يموت والحمدلله سفروه لندن على احساب مؤسسة حمد وان شالله انه بخير بس للعلم قالوله 6 اشهور بطنه مفتوح بسبب البكتيريا المنتشره والمشاكل الاخرى فالبطن بذمتكم عمليه افتاق فالبطن توصل لدرجة فقدان الحياة مع العلم ان وقتها ربع ساعه فقط ماقول الا الله المستعان

[بنت شيوخ]

ان شالله

[المليونير الفقير]

وللعلم مستشفى تايلند الملقب بالملكي سيفتح قريبا فرع في ابوظبي بالاشتراك مع حكومة ابوظبي وطبعا كلنا بنروح والخليج كله بعد لانه مستشفى على مستوى واطبائه اكفاء

[اشراقة الشمس]

تفاءلوا بالخير تجدوه

[وحيد-الشوق]

تفاءلوا بالخير تجدوه


كان زين نقدر نتفاءل :anger1:

فلوس الدولة كلها رايحه حق الرياضة والكورة واشياء مالها داعي اهتموا بالقطاع الصحي وخلوا عنكم كأس العالم :omen2:

نفسي اسمع اخبار طيبة عن القطاع الصحي حتى المستشفيات الخاصه في قطر تعبانه :weeping:

[المليونير الفقير]

المستشفيات الخاصه مثل الاهلي والعمادي والدوحه تصدقون محد منهم عنده دكتور متخصص للسكر:eek5:

[المليونير الفقير]

ان شالله قريبا بيتحقق هالحلم بدعواتكم الطيبه

[al-lord]

اوكي..بيبنون مب مستشفي واحد..خلها اثنين..من وين بييبون طاقم طبي لهم؟...ولا بترسونهم هنود و...و...مثل الي في حمد...كان لازم تكون للصحه خطه من زمان لتعزيز المستشفي بكوادر قطريه..حتي يوم شفنا جامعه وايل كورنيل قلنا..كاهم دكاتره المستقبل القطريين بيترسون البلد...دفعتين تخرجت والقطريين فيها ينعدون علي اصابع اليد..وياريت الاجانب الي فيها.الي ادرسوا بمكرمه من صاحبه السمو بينفعون البلد..كل واحد سافر بالفيت يكمل دراسته..يرجع قطر بهدها ليش..لا شغل لا اجواء لا ابحث لا بيئه محفزه..الا اذا كان بيدفعونلهم..مره ثانيه..
الله يعين الجميع..وين ما اطقها عوويه:weeping:

[بنت ابوها 19]

على بالي بناء قطر اكبر مستشفي تخصيص فالعالم باللبنان

وع اخس مشفى بالعم قول مشفي قطر

وقسم بالله المشفي يفششششششششل
بس فالحين يبنون للي برع واحنا ؟؟؟؟

لا بس المهم الي يبين لكن احنا لنا مايبين


استغفرالله

[قطري !]

لا لا لا



مستعدين يبنون أكبر ملعب في العالم , وشرط انه مكيف بالكامل بعد ..!!!!

[ولد الزبارة]

الله كريم

[موضي قطر]

ووووول كسرت خاطري يامواطن !!

اقصى أحلامك مستشفى :weeping: