استفسار عن ميونخ..

[احساس غريب]

السلام عليكم..
ياجماعه اذا في حد راح من قبل لميونخ يفيدنا عن المطار مافي مشاكل مع المنقبات وياليت لو تفيدوني عن اماكن تستاهل الزياره واذا في شارع للعرب هناك او مطاعم عربيه وياليت تفيدوني عن قهاوي قعداتهم حلوه اكون شاكرلكم..

[احساس غريب]

ياجماعه فيدوني مابقا شي عالسفره..

[..er..]

ودي اني افيدك صراحه


بس ماتعديت الحسا :(

الشباب ماظنتي بيقصرون

وموفق بالسفره

والله الله بالصوغات :p

[احساس غريب]

ودي اني افيدك صراحه


بس ماتعديت الحسا :(

الشباب ماظنتي بيقصرون

وموفق بالسفره

والله الله بالصوغات :p

عيوني لك افا عليك:d

[نجمة في سماه]

أنا يوم وصلت مطار ميونخ كنت لابسه النقاب طبعا الموظف الي كان يشووف الجوازات طلب مني اني ارفع النقاب بس حتى يتأكد من شكلي او بعدها عادي أو بالنسبه للمناطق السياحيه في واييد اماكن بس لأسف نسيت الأسامي كلها بس انت ممكن لرحت تسأل الفندق بيدلونك على الأماكن كلها... او بالتوفيق

[شموخ-qtr]

مرحبا اخووي

انا الحين ف ميووونخ
خل اقووولك .. ف المطار بتجوووف النفسيه خااايسه ويكلمونك بخياس نننفس وعادي يقط الجواز خلك متساهل معااااااااهم ,,قبل لاتطلع من المطار وانت ماخذ شناطك بتكون اخر نقطه تفتيش يفتشون كل شي وبيسالونك كم معااك من اللفلوس ومعاك كم باكيت زقاير << اذا كنت من المدخنين ماتاخذ الا باكيتين كبار بس هالحد المسمووح

واممممم الحين عندهم مهرجان اكتوبر فيست وحمدلللللللللللللللله انهم بيخلصون لان عااانينا وايد من هالمهرجااان كله سكارا ومش امان ..
وبعد الاماكن السياحيه عندك شارع الماريناااا هاي داخل ميونخ واحنا رحنا زلامسي صراحه تهبل ووورحنا قارمش
صراحه لاتفوت هالمناطق خصوصا انها قريبه
واذا تبي شوبنق عندك الاوتليت كذا اوتليت عندهم للماركات المخفضه .. وبتلاقي ف كل مكان كتيب لونه ازرق طوالي كاتبين عن اماااكن ترفيهيه

وأي استفسار انا حاضره :)

[Northman]

اخوي بخصوص الاماكن التسوق
1- ساحة المارين بلاتز Marien Platz وشارع الماكسميليان Maxmillian كلها محلات ( في كل ممر وداعوس محلات)
2- مجمع كفهوف وتلقاه باكثر من مكان
3ريم اركادا
4-السوق المفتوح Viktualienmarkt

الاماكن السياحيه
1. الحديقة الالومبيه
2- قصر نايفنبرغ Schloss Nymphenburg
3-بحيرة شتان بيرج حلوة حولها قهاوي
4- الحديقة الانجليزية English Garden
5- متحف هتلر dachau stadt
6- حديقة الحيوان Hellabrunn Zoo
7-


بالنسبه للمطاعم

1- مطعم نياوران ايراني
2- المطعم اللبناني كساره
3- بارس ايراني
4- مطعم دريا
5- ارابيسك لبناني
6- مطعم اسادو ستيك مكسيكي لايفوتك صراحه

[احساس غريب]

الله يبيض ويوهكم والله ماقصرتوا الصراحه مشكورين..

[شموخ-qtr]

3ريم اركادا
4-السوق المفتوح viktualienmarkt


6- مطعم اسادو ستيك مكسيكي لايفوتك صراحه



اختي بالنسبه هالأماكن في ويــن ..؟ سوري ع الازعـاج

[Sade]

طبيعي يطلبون من المنقبة انها تكشف علشان يتاكدون
بس الموظف جايز يطلب هالشي بدون أدب .. يعني انصح المنقبه انها من تسلم الموظف الجواز تكشف عن وجهها علشان لا تعطيه فرصة يتفلسف

انا انصحك بمنطقة شتوتقارت وايد حلوة للشوبينغ و فيها اوت لت للماركات بيعجبكم و جو هالمنطقة رائع
و كذلك بحيرة شيليرزي من احلى المناظر صراحه

وفميونخ لازم تروح الـ Karstadt تقريبا يشبة باريس قاليري و ماركس اند سبنسر من اللي عندنا

بس انا كنت هناك من فترة قصيرة جدا اذكر ان كانت في تحويلات وايد و تعديلات بالشوارع

[غير البشر]

اخوي بخصوص الاماكن التسوق
1- ساحة المارين بلاتز Marien Platz وشارع الماكسميليان Maxmillian كلها محلات ( في كل ممر وداعوس محلات)
2- مجمع كفهوف وتلقاه باكثر من مكان
3ريم اركادا
4-السوق المفتوح Viktualienmarkt

الاماكن السياحيه
1. الحديقة الالومبيه
2- قصر نايفنبرغ Schloss Nymphenburg
3-بحيرة شتان بيرج حلوة حولها قهاوي
4- الحديقة الانجليزية English Garden
5- متحف هتلر dachau stadt
6- حديقة الحيوان Hellabrunn Zoo
7-


بالنسبه للمطاعم

1- مطعم نياوران ايراني
2- المطعم اللبناني كساره
3- بارس ايراني
4- مطعم دريا
5- ارابيسك لبناني6- مطعم اسادو ستيك مكسيكي لايفوتك صراحه



ارابيسك هذا تنزل له تحت الارض
اشرايك في الشيشه مالتهم هههههههههههههههههه :shy:

[غير البشر]

الاخوان ماقصرو وقالو تقريبا كل الاماكن
اذا تبي مطعم هندي يسوي كرك مظبوط حاضرين :nice:

[احساس غريب]

لا يالذيب عسى عمرك طويل الكرك انا طاق منه من زمان..
لايشوف ردي بوحارب ويزعل علي..خخخخخخ

[المليونير الفقير]

احساس غريب خدمتني بهالموضوع لاني اخر الشهر رايح مع الاهل ولميونخ بالتحديد الف شكر

[غزلان]

ماقصروا الأخوان

اضيف للأسواق مجمع هيرتي وفيه اولومبيا بارك وانجلش جاردن

وسفره موفقه

[احساس غريب]

مشكورين وماقصرتوا..

[umabdulla77]

اخوي ميووونيخ رووووح وانت مغمض انصحك بهااا مليوون بالمية

بس مثل ماقال اخوي الفاضل الموجود حاليا هناك عيد اكتوبر مصيبة مافي امان وكل حياتهم سكارى
والعيد من فترة 15/9 - 3/10 سنويا

سنويا فيها

أضيف للاخوان اللي قبلي ......

1- ساحة المارين بلاتز Marien Platz وشارع الماكسميليان Maxmillian كلها محلات ( في كل ممر وداعوس محلات)
2- مجمع كفهوف وتلقاه باكثر من مكان

وماقصروا اللي قبلي للتسوق

وبالنسبة للسياحة والملاهي اضافة للي قالوه لك الاخوان

1- مدينة ملاهي سكاي لاين / اسأل في الفندق عشان تعرف توصل لها لو كنت في سيارتك الخاصة لانها خارج ميونيخ وتبعد ساعة تقريبا بالقطار

2- اذا عندكم اطفال انصحكم بملاهي ليجو لاند

بالنسبة للمطاعم :

اذا كنت قريب الميرديان او في الميرديان الشارع اللي خلفه مليااااان مطاعم عربية وفي مطعم او مطعمين هندي / وان كنت من محبي الاكل الهندي نفس حالتنا خلك ماشي طول شارع المشاة في نهايته بتحصل محلات للايس كريم عقبهم بشوي فيه لفه يمين تلقى مطعم هندي ماله حل

واي استفسار حاضرين

واذا مطولين انصحك بزلامسي لان في حوالينها مناطق للسياحة

[العمراني]

انا سافرت مع العائلة شهر يوليو في الصيف وزوجتي منقبة في الوصول ما طلب الضابط انها ترفع النقاب وعدينا عادي والجمارك مرينا من الخط الاخضر ولا فتحنا شناط ولا شي واستلمنا السيارة الايجار بسهولة وركبت الجارمن وعلى الفندق والامور سهالات

في الخروج الامور سهله رجعنا السيارة ودخلنا الاغراض وفي الجوازات طلب ضابط الجوازات من زميلة لة انها تتأكد من زوجتي وكان هذا خلف كبينة الجوازات وبكل ادب واحترام
هذا اللي حصل

بالنسبة لميونخ افضل لك تسكن في السوفتيل او المريدين او شقق في نفس الشارع لانهم قريب من محطة القطار الرئيسية والاندرجراوند واللي ما فية اسهل من استخدامة وعليك بالتذكرة العائلية واللي تكفي 5 بالغين وطفلين لمدة يوم وقيمتها تقريبا 10 يورو وتغطي اغلب اسواق ومناطق ميونخ

في نفس الشارع توجد مطاعم عربية وتركية وغيرها وايضا تقدر تمشي حق محلات كفوف وهو مجمع فيه ماركات وزين للتسوق

هذي ملاحظات سريعه ارجو ان تفيدك
واتمنى لك رحلة موفقة

[احساس غريب]

عسى اعماركم طويله والله ماقصرتوا مشكورين..

[abu abdulla]

مدينه جميله واجراءات المطار سهله واهم شي انك ماتاخذ معاك اكثر من 10000 يورو كاش ويفضل تاخذ شيكات وتسحبهم من ميونخ وا توزعون المبلغ بينكم او عليك بابلاغ موظف الجوازات بان معاك مبلغ اكثر من 10000 بيحولك على الجمارك وباخذون صورة الجواز وعبي نموذج وتوقع عليه في دقائق...
مكان تواجد العرب بيكون في مكان الاتراك حيث الشقق المفروشه والسوبر ماركت وتلاقي الخبز والجبن والحلوى والمكسرات التركيه متوفره وهذا خلف فندق ميرديان اللي مقابل محطة القطارات.
احلى شارع بعد شارع الماركات ماكسميليا هو ليو بولد كله مقاهي ومطاعم وقريب من الحديقه الانجليزيه
لاتنسى زيارة بحيرة تيكنزي 50 كم عن ميونخ طريق سالزبورق

[Bin Hood]

اخوي هذا تقرير عن سفرتي ميونخ والي تامر فيه انا حاضر

http://www.qatarshares.com/vb/showthread.php?t=398957

[احساس غريب]

الله لايهينكم وهذا العشم فيكم والله ..

[نجمة في سماه]

بالعكس الموظف كان في قمه الأدب..

[Diamond]

والله انا انخدمت بهالموضوع ..انا حاليا ف ميونخ وكنت مقزرها كل يوم الماين بلاتز ..
ياجماعه الشباب اللي يقولون ان الالمان عنصرين او متكبرين ويلعوزون الواحد كلامهم غلط...
اطيب من هالشعب ما شفت وشعب خدووم بشكل مو طبيعي ...

انصحك ازم لازم تمر زلامسي وايد حلوه..صدق من قال جنة الارض

[khalid77]

لا يفوتكم مطعم قوا الهندي ( 10\10 ) + مطعم طربوش او رنوش شي جييه في الشارع الخلفي للمارين ( لبناني )

[khalid77]

الطواش :)

[جـاد]

للمزيد من المعلومات في مكتب استعلامات للسياحة في محطة القطار بعض الاوقات في موظف يتكلم اللغة العربية

[شموخ-qtr]

والله انا انخدمت بهالموضوع ..انا حاليا ف ميونخ وكنت مقزرها كل يوم الماين بلاتز ..
ياجماعه الشباب اللي يقولون ان الالمان عنصرين او متكبرين ويلعوزون الواحد كلامهم غلط...
اطيب من هالشعب ما شفت وشعب خدووم بشكل مو طبيعي ...

انصحك ازم لازم تمر زلامسي وايد حلوه..صدق من قال جنة الارض

بالعكس والله عنصرين كم مره يمرون ويقولون مسلم وماعرف شنو :anger1:
في منهم خدومين ويبتسمون في الويه وبعضهم يكشرون

يازين شعب لندن :victory:

وهني العراقين واااايد ومحلاتهم كلها اغراض العرب :)
وولاتطووفكم صيدلية الريحاني عنده اشياء عجيبه

[Bin Hood]

بالعكس والله عنصرين كم مره يمرون ويقولون مسلم وماعرف شنو :anger1:
في منهم خدومين ويبتسمون في الويه وبعضهم يكشرون

يازين شعب لندن :victory:

وهني العراقين واااايد ومحلاتهم كلها اغراض العرب :)
وولاتطووفكم صيدلية الريحاني عنده اشياء عجيبه

ياريال حرام عليك

الشعب محترم اكثر من الخليجين مع احترامي الشديد لهم

طبعا هناك شواذ بسيط

اي واحد تسأله يجاوبك برحابة صدر