استفسار عن ماليزيا ؟؟؟

[alawi23]

السلام عليكم

اخواني محتاج مساعده بخصوص ماليزيا

انا انشالله رايح (( شهر العسل هناك )):shy:

وبيكون بتاريخ 11 ديسمبر

فمحتاج اعرف المناطق اللي تصلح لشهر العسل

واحسن الفنادق

عندي بعض المعلومات بس حبيت اعرف اكثر

فياريت اللي عنده اي معلومات او يقدر يفيدني

يقولها لي بسرعه لاني لازم احجزم على بدايه الاسبوع الجاي :telephone:

ويعطيكم الف عافيه :nice:

[بوسويره]

بالتوفيق

أنا نفسك رايح بعد عشرة أيام ومحتاج حد يفيدني

[alawi23]

هههههههه
الوعد هناك:victory:

[$الملياردير$]

يالربع في موقع اسمه دليل ماليزيا ...ابحثوا عنه في جوقل و على فكره من احسن و افضل الاماكن اللي زرتها و تعامل راقي و محافظين و محترمين و الاهم الطبيعة

[موجه بحر]

اخوي ماليزيا ماتحتاج جدول اركب اي تكسي وهو يرويك الكتالوج وانت تختار رحله موفقه ومبروك مقدما لاكن لازم تزور الجزر مثل بينانق ولنكاوي بس مشكله لنكاوي انه الساعه ٦ كل شي مغلق

[Kuwaiti88]

بالنسبه لي ماحبيت الجزر يعني بينانج ولنكاوي ... بس أتوقع لنكاوي حلوه وشاعريه حق

المعاريس ...

انا رحت كذا مكان العاصمة كوالالمبور وبينانج ولنكاوي ومرتفعات جنتنغ هذي صايره فوق

حلوه حييييل ...

ورحنا بعد مدينة sunway lagoon تقريبا مدينة كاملة منتجع وفندق ومجمع تجاري

ومدينة ملاهي ومدينة مائية ... كانت شي خيالي ...

بالنسبة حق المجمعات عندك ...

suria klcc عند الأبراج التوأم ... عندك sunway ... الميجا مول ...

بصراحة مع ان احنا أول الدفعات الكويتية اللي غزت ماليزيا سنة 2002م بس أتوقع ألحين

صارت أحلى وأحلى ...

:)

[A bin M]

وعليكم السلاااام ..

مرحباً اخوي ..

عندك لنكاوي زينه حق شهر العسل ..

الحد تقعد فيها من 4 إلى 5 ايام

وان شاء الله اذا الله راد رايح لها 25/ 12 .. بس اجباري تقعد 5 ايام

وبعدين عندك العاصمه كوالالمبور .. وعندك جنتغ

وايي استفسار حاظرين

[مهل]

السلام عليكم


بالتوفيق و فالك الذريه الصالحه ان شاءالله


العاوي طال عمرك الشباب بيفيدونك لكن انا ابي انصحك نصيحه ولازم تسويها

ابدا سفرتك في ماليزيا بفندق sunway lagoon ولكن احجز شاليه الي فيه بركه ... يعني من الطياره للفندق هذا و خذ الطياره الي تطير من الدوحه في الليل و توصل ماليزيا الصبح .

هذي نصيحه ولارحت وجعت على خير بتشكرني عليها :victory:

[الورد مفتوني]

مبرررروك مقدما
اول شي احلى منطقة جزيرة لنكاوي واذا بتروح هناك مافي احلى من فندق الفورسيزون وااايد راقي وفيه كل شي يعني مب محتاج تروح مكان ثاني

وفي بعد صن واي لاقون هذي مدينه مائيه واحلى فندق فيها فندق صن واي لاقون نفسه

واهم شي جنتنق هذي منطقه فوق الجبل وكلها ملاهي وفندق هاي لاند هناك وايد حلو ومكسيم بعد حلو

وكولالمبيور هذي العاصمه وانصحك في فندق الماريوت


بالتوفيق

[فــلان]

بسم الله الرحمن الرحيم

بالمبارك ياخوي والله يرزقك الذريه الصالحه

ما قصروا الأخوان

إبدء بفندق صنواي لاقون ريزورت لأن فيه مدينة الألعاب المائيه و مجمع و المنطقه هناك حيويه وعقب طير على لنكاوي إقعد فيها 4 ليالي بالكثير وفيها روح رحلة المنجروف و حديقة الفواكه و الإكواريوم و إركب التلفريك و أرجع مره ثانيه على كوالالمبور عندك فندق شنجريلا توووب بس يبي لك تمشي مسافة كيلو و نص تقريبا ً حق شارع العرب بس هناك المشي غير بتستانس عليه. جو حلو و خضار و بلاد نظيفه و مناظر تشرح القلب

و إذا ماتحبون تمشون عندك فندق التايمز سكوير تحته واحد من أكبر المجمعات هناك وبينه وبين شارع العرب تقريبا ً 400 متر.فندق وايد راقي ونظيف.شارع العرب طبعا ً شارع كله مطاعم و محلات عربيه وفيه مجمع بريفيون قريب منه واجد.شارع ممتع ومسلي .عندك مجمع سوريا اللي فالبيتروناس تون تاور لايفوتك بعد و قبل الرجعه باليلتين إتفق مع سواق تاكسي على 250 رنجت يوديك مرتفعات جنتنق حق الملاهي فوق الجبل.حق جنتق إخذوا جاكيتات لأنكم و إنتوا طالعين بتمرون على السحب و الغيوم و الجو بارد فوق:)


تروح و ترجع بالسلامه و أي مساعده أو خدمه أنا حاضر

[احساس غريب]

اخوي انا رايح من قبل مع الربع وبروح شهر اثنين بعد شهر عسل وترتيبي بيكون يومين في فندق صن واي لاقون في ولاية سيلانقور تبعد عن العاصمه ف السياره تقريبا من 20 الى 30 دقيقه وعقب بروح جزيرة لانكاوي بقعد فيها اربعة ايام في فندق برجايا لانكاوي وعقب برجع كوالالمبور بسكن ف العاصمه في فندق اسمه تايم سكوير مدة ثلاثة ايام طبعا في لازم اروح جنتنق في هالثلاثة ايام وهي تبعد عن العاصمه مسافة ساعه او ساعه ونص ف السياره وبرجع بنفس اليوم يعني اروح الصبح وارجع المغرب..
نصيحتي لك امش على نفس جدولي وشوف صدقني بتدعيلي واذا في اي استفسار انا حاضرلك.

[فــلان]

اخوي انا رايح من قبل مع الربع وبروح شهر اثنين بعد شهر عسل وترتيبي بيكون يومين في فندق صن واي لاقون في ولاية سيلانقور تبعد عن العاصمه ف السياره تقريبا من 20 الى 30 دقيقه وعقب بروح جزيرة لانكاوي بقعد فيها اربعة ايام في فندق برجايا لانكاوي وعقب برجع كوالالمبور بسكن ف العاصمه في فندق اسمه تايم سكوير مدة ثلاثة ايام طبعا في لازم اروح جنتنق في هالثلاثة ايام وهي تبعد عن العاصمه مسافة ساعه او ساعه ونص ف السياره وبرجع بنفس اليوم يعني اروح الصبح وارجع المغرب..
نصيحتي لك امش على نفس جدولي وشوف صدقني بتدعيلي واذا في اي استفسار انا حاضرلك.


:nice:

[اشراقة الشمس]

ماليزيا كلها حلوة

[qatari-vip]

اخوي انا عندي واحد هناك يضبط امورك ماليزي مسلم

وه اللي بيحجز للك انا رحت من الدوحه بس حجزت التذاكر

وهو هحجز السكن وهو السواق

والحمالله ارخص سعر عطااني والسكن مشالله حلو

العاصمه لزم تاخذ فيها ك بدايه 2

وعقب تروج بيننق تخذه فيها 2 او اكثر احلا شي البحر
وعقب منهاا تروح لنكااوي تاخذ فيها 3 ايام
وعقب منها تروح مرتفعات الكامرون وتخذ فيها 2

وعقب ترجع العاصمه وتريح يوم ويوم تروح لجتنق مكاان حلو العااب
واذا بغيت رقم الرجال طرش لي خاص

[المتفائله]

بالمبارك مقدما والاعضاء ما قصروا

نصيحتي لك تروح لانكاوي لكن لاتحجز من سفرياتنا لان بياكلونك في السعر واحتمال تفوتك الرحله لاي سبب من الاسباب وبتدفع غرامه" اسأل مجرب :mad:" ,والافضل من المطار تحجز رحله داخليه على لانكاوي ويفضل ان مايكون معاك وزن وتسكن في الشيراتون لانه الاكواخ اللي فيه ع البحر للعرسان فوق الخيال والوصف:thumbup: وبعدين تروح بينانغ ومن هناك ممكن تاخذ باص من باصات الدرجه الاولى "كانك في الطياره من حيث الخدمه والترفيه"وما تكلف وتروح تايلاند وتتسوق وترجع في نفس اليوم. اما بالنسبه لجنتنغ انا ما انصح بالسكن فيها يعني ممكن تاخذ تاكسي من الصبح وترجع اخر اليوم والفنادق في كوالا عندك المندرين بصراحه من الفنادق المميزه واسعاره مقبوله وافضل لك تحجز عن طريق النت او تتصل بالفندق مباشره لان السفريات بياخذون الدبل واحيانا بعض الفنادق فيها اوفرات ممكن تستفيد منها لان السفريات ماراح يخبرونك عنها وفي الوقت اللي انت موجود فيه في العاصمه كوالا ممكن تروح افاموسى من الصبح وترجع اخر اليوم . اما بخصوص الجوله السياحيه ممكن تاخذ البروشورز وانت تعمل لك برنامج لان بهاذي الطريقه تطلع التكلفه عليك اقل بواجد. وممكن بعد تروح سنغافوره يومين "يكفي" بعد بالباص من الدرجه الاولى التكلفه 90 رنجت للشخص شامله وجبه وماي ومشروب ساخن"كوفي او شاي اخضر" الله يوفقكم

[qatar 2011]

اخوي احجز عن طريق الشركة العربية وموقعهم هو دليل ماليزيا انا كنت حاجز عن طريقهم معاملتهم فوق الممتاز ماعليك الا تحجز عن طريق موقعهم طبعا باللغه العربية وتشوف فية كل المناطق والفنادق بالصور ونبذة عن كل ولاية او فندق والاسعار واضحه وقدام عينك ... ويتواصلون معاك اول باول على العموم انا سافرت ماليزيا في نوفمبر 2008وجلست 20 يوم
وكانت رحلتي كالاتي:
يومين في ولاية سيلانجور طبعا فندق صانوي لاقون
وبعدها من مطار رحلات داخليه الى جزيرة لنكاوي 3 ايام
وبعدها السفر في عبارة في الى جزيرة بيننج وجلست يومين وتستاهل اربع ايام
عقب السفر عن طريق السياره من بيننج الى مرتفعات الكامرون وتتميز بلون الاحمر في الاسواق وين ماتروح اللون الاحمر موجود لانها منبع مزارع الفراوله
وبعدها الى مرتفعات جنتينج وجلست يومين ومن ثم الى ملكا في منتجع افاموسا وجلست يومين واخر شي العاصمه كولالمبور 4 ايام .

[المتحدث الرسمي]

اول شي الله يتمم لك العرس على خير ان شالله اخوي وموفق باذن الله

اخوي انا رحت شهر العسل ماليزيا وكانت المره الثالثه لي

كان جدول رحلتي كالتالي :

ولاية سيلانجور - فندق سن واي لاجون - 3ليالي

فندق فخم وعجيب و قريب من المطار وتقدر تروح كذا مكان في نفس الولايه و ملحق بالفندق مدينة مائيه
جزيرة لنكاوي - فندق ويستن ( انا خذت شاليه على البحر ) - 3 ليالي


حلوة وشرحه و نفس جزيرة بيننانغ نفس الاكتفيتي الموجود في لنكاوي موجود في بيينانغ فنصيحتي لك يا تروح لنكاوي او بيننانغ مع اني افضل لنكاوي لانه اغلب شعبها مسلمين و تعاملهم حلو


كوالالمبور - فندق مندرين اورينتال - 5 ليالي


فندق فخم و حلو و من الـ5 ايام رحت مدينة جنتنج الي فوق الجبل رحت الضحى وعودت بالليل
ما تستاهل انك تبات فيها واذا ودك تبات فليله وحده كفايه

[alawi23]

يعطيكم الف عافيه وما قصرتو

وفي ميزان حسناتكم ان شاء الله