... في اجنبي محتاج في قطر ... بختصار دعوة للمناقشة...

[عالم المحيطات]

(( بسم الله الرحمن الرحيم ))

اول شي يعطيكم الف عافيه .. موضوع بختصار للمناقشة (( بخصوص الاجانب الي يجون من بلادهم واحس انه مايتم التدقيق على شهادتهم لانه اصلا لو هم كفاءة ليش بلادهم مايتمسك فيهم بس ربعنا الله يهداهم كلمة اجنبي لها علاوة خاصة جدا.. انا والله يحز في خاطري انهم في بلادنا ومرتاحين اكثر منا من ماكل وملبس وبيت بلاش وعلاوات وحوافز.. والاخطر هم يكونون المسؤولين علينا..وكضمان لمنصبهم يعطونا اقل التقدير ف وظايفنا ..

هاذي مقدمة بسيطة مني... والرجاء المناقشة بجدية بعيد عن التجريح او ذكر جنسية معينة .. والكل يقول الي بخاطره...:secret:


اخوكم / عالم المحيطات :weeping:

[كآن يا مكآن]

اللَّـہ يرزق الجميع و يغنيهم بـ حلآله عن حرآمه ..

وشـ المشكله بالضبط ان الاجنبي مَآ يكون محتآج
فِيِےْ الديره لكل مجتهد بهـ الدُنٍيًـآإ نصيب لا نقعد
نطآلع ارزاق خلق اللَّـہ !

واذا كانت شهادته بالغش او التحايل
حبل الكذب قصير وان نفذ بـ الدُنٍيًـآإ
بأي وجه بيقآبل رب العالمين ؟!

اللَّـہ يبآرك لهم فيما اتآهم و يرزقنآ مثل مَآ رزقهم واكثر ،،

[الشمالي111]

بكل بساطه اجنبي اكيد بيكون عنده خبرة


وابغي اذكر شي صار عندنا في الدوام


اذكر ان فيه مرة اخترب عندنا جهاز في الدوام والجهاز كان لتشغيل الة واللي اخترب فيه هي عمليه تشغيل الاله وش قالو ربعنا لازم نتصل على الشركه الام علشان يجي واحد من عندهم وفعلن جاء خبير بعدة واجهزتة وقعد ثلاث ايام وهو يحاول في الاخير احنا الشباب شغلنا الاله بطريقه احنا ابتكرنها ورد كل شي طبيعي


تدرون وش صار

الخبير خذ فلوسه وراح لبلادة ولا كن شي صار واحنا والله العظيم محد قالنا شي بالعكس قالو لنا هذا شغلكم

بس ارد واقول اللي قلته اخوي عالم المحيطات


اجنبي له معامله غير عند ربعنا

[Bin qatar]

عنز الفريج ماتبي الا التيس الغريب

[khalid-qtr]

تدري المشكلة موب في الاجنبي ولا فيني ولا فيك

المشكلة بكل صراحة في المسؤلين الي المفروض هم يتسرحون علشان يبين كل شي

كثير ناس مسكين مناصب في الدولة يحاربون القطري منهم مدير شركة معروف ولد عرب

لكن يموت في الاجانب ويحارب القطرين يكفي انة اذا قطري كفاءة او قطرية تشتغل عندة من او

ست شهور يطفشهم حبيبي المشكلة بختصر في المسؤلين ومدراء الشركات

[الحياة الخالدة]

السلام عليكم و رحمة الله ..


جزاك الله خير أخوي .. عالم المحيطات


بخصوص الاجانب الي يجون من بلادهم واحس انه مايتم التدقيق على شهادتهم لانه اصلا لو هم كفاءة ليش بلادهم مايتمسك فيهم


هذا الشي ملحوظ في كل الوظايف ..
و لكن لما يصير في مجال يتعلق بأرواح البشر .. فهاذي مصيبة ..


في مجال عملي ..
كانوا يجيبون معانا أطباء من دول أوروبا الشرقية و الغربية .. شهاداتهم .. الله بالخير ..
بس عيونهم خضر و زرق ..
بعضهم يتكلم انجليزي عدل .. و بعضهم يتعتع فيها و يالله يمشي عمره ..
بغض النظر عن عدم تمكنه في تخصصه اللي جايبينه عشانه ..
والله انهم كانوا يحضرون معانا جلسات المناقشات الصبح .. و ريحة الكحول فايحة منهم ..
الواحد تلوع جبده على هالصبح ..
و غير جذيه لو جاك صاحي شوية .. يدور بالحالات اللي متوهق فيها على الأطباء الثانيين ..
يبلفيت ياخذ رايهم ... و هو بس يبي يلاقي أي شي يكتبه في تقريره ..


و المصيبة انه جايبينه على أساس اختصاصي .. أو استشاري ..
و ياخذ أضعاف اللي ياخذونه أمثاله من أهل البلد ..
يقعد له كم سنة لما تطلع بلاويه و تطفح .. و يسافر
عشان يروح دولة خليجية ثانية .. يكرر فيها نفس المأساة ..
عقب ما يكون كون له ثروة لا بأس بها ..
و رزق الهبل على المجانين ( على قولة القايل ) مع احترامي للكل ..


صحيح .. هاذي أرزاق من الله سبحانه ..
و احنا ما نناشب أحد على رزقه ..
لكن .. يحز في النفس ان خير البلد .. يروح حق ناس ما تستاهله .. و لا نستفيد منها أي شي ..
بل بالعكس .. ما نحصل منها الا المضرة ..


الله المستعان ..

[عالم المحيطات]

ردود ناس فاهمه وواعية وربي يعطيكم الف عافيه اخواني الاعزاء وعساكم دوم بخير... الله كريم :weeping::weeping:...

هي المسأله .. مش بالارزاق .. المشكلة بأنه الاشقر وبعيون زرق له مميزات ... شكلي بصبغ شعري وبلبس عدسات وبجرب حظي

طلعت الصبح اليوم وتخيلت اني في الشارع غريب .. بمجرد اني فكرت بأنه الاجنبي له تفضيل اكثر:weeping::weeping:

[قطرية فذة]

شاطر عرف كيف يسوق لنفسه فهم القطري شلون يفكر دخل له من باب القبول لجل يقبلون فيه

بعدين تخصصات ماشاء الله والبلد محتاجه يعني فيه قطري عنده نفس تخصصاتهم؟


اهل قطر حدهم يعيشون على المعترف فيه مايفكرون يكملون بتخصصات ثانيه

يعني قولي من بيسد في الاماكن الأخرى ؟ من بيبدع فيها؟

بعدين اثبت نفسك بقوه دام عندك التخصص

كون لك فريق ابني شبكه متعاونه صحح جمله ان القطري لايعمل ان القطري همه فقط منصبه


سؤال انت الحين
بتفتح تجاره

وجاك واحد اجنبي وواحد قطري من بتختار اتاجر معاه؟؟

لاتعطيني اجابه دبلوماسيه

اعتقد الفكره وجوابها وصل وليش

/

يعطيك العافيه

[عالم المحيطات]

شاطر عرف كيف يسوق لنفسه فهم القطري شلون يفكر دخل له من باب القبول لجل يقبلون فيه

بعدين تخصصات ماشاء الله والبلد محتاجه يعني فيه قطري عنده نفس تخصصاتهم؟


اهل قطر حدهم يعيشون على المعترف فيه مايفكرون يكملون بتخصصات ثانيه

يعني قولي من بيسد في الاماكن الأخرى ؟ من بيبدع فيها؟

بعدين اثبت نفسك بقوه دام عندك التخصص

كون لك فريق ابني شبكه متعاونه صحح جمله ان القطري لايعمل ان القطري همه فقط منصبه


سؤال انت الحين
بتفتح تجاره

وجاك واحد اجنبي وواحد قطري من بتختار اتاجر معاه؟؟

لاتعطيني اجابه دبلوماسيه

اعتقد الفكره وجوابها وصل وليش

/

يعطيك العافيه


الفكره وصلت اختي .. لكن ليش مايتم التدقيق على الاجنبي وعمل اختبار قبول لتحديد الكفائة ولا بس يجيبونه من بلاده فل ابشن جهاز يعني . وبس فالحين يصعبون الطريق على ربعنا...

وبعدين انتي حاطه صور حيايه انا اخاف:shy:

تحياتي لج اختي

[الصريحه]

عبنا من موضوع الاجانب كل يوم
وفعلا معروف ان كثير يتلاعبون بشهاداتهم واللي توهم داريين عنهم الاماكن اللي وظفتهم
كمثال تتذكرون يوم اعلنوا ان حوالي 100 او 200 شهاده في مجال الطب وتخصصاته طلعت كذب
وينهم اول قبل مايتعينون يتاكدون من شهاداتهم
وهذا الشيء في كل مكان من وزارات وادارات
واذا اي واحد منهم مسك منصب خلا الاعمال الادلريه والسكرتاريه والطباعه حق اهله وبراوتب قويه
لحد يقول ماعند القطريين هذي الشهادات بالعكس على قفى من يشيل
الله كريم
ويتم تقطير القطري مب تابينه
وينشال كل اجنبي زائف ومصلحي في بلادنا

[الراقيه سبشل]

توقيعك يخرع :omg:

[عالم المحيطات]

عبنا من موضوع الاجانب كل يوم
وفعلا معروف ان كثير يتلاعبون بشهاداتهم واللي توهم داريين عنهم الاماكن اللي وظفتهم
كمثال تتذكرون يوم اعلنوا ان حوالي 100 او 200 شهاده في مجال الطب وتخصصاته طلعت كذب
وينهم اول قبل مايتعينون يتاكدون من شهاداتهم
وهذا الشيء في كل مكان من وزارات وادارات
واذا اي واحد منهم مسك منصب خلا الاعمال الادلريه والسكرتاريه والطباعه حق اهله وبراوتب قويه
لحد يقول ماعند القطريين هذي الشهادات بالعكس على قفى من يشيل
الله كريم
ويتم تقطير القطري مب تابينه
وينشال كل اجنبي زائف ومصلحي في بلادنا

:secret::secret: بنمووووووووووت قهر

[عالم المحيطات]

توقيعك يخرع :omg:

شرايج اغيره علشان تاخذين راحتج وتبدين رايج ف الموضوع...:secret: وبعدين هذا الشارك صديقي وهو مبتسم حق الكيمره

[الراقيه سبشل]

شرايج اغيره علشان تاخذين راحتج وتبدين رايج ف الموضوع...:secret: وبعدين هذا الشارك صديقي وهو مبتسم حق الكيمره

انزين لو غيرته ببدي رأيي :funny:

[عالم المحيطات]

انزين لو غيرته ببدي رأيي :funny:

:eek5:

[قطر501]

ايه فيه اجنبي محتاج إلي وهو الموطن القطري الي صار أجنبي في بلده وصار الاجنبي هو ولد البلد

[s o s o]

ايه فيه اجنبي محتاج إلي وهو الموطن القطري الي صار أجنبي في بلده وصار الاجنبي هو ولد البلد

فلسفة واقع ..تقارب الحقيقة أحيانا كثيرة ..

[تميم بن خالد]

الناس لبعضها وهذه الدنيا من ستوت الناس ترحل خلف الرزق .. اذا الله لا سمح بكره البترول والغاز ماله مشتري وش بتسوي .. لازم بتشوف لك مكان تعيش منه ..

وفيه فرق بين اخوانا العرب . والاجانب .. والاقربون اولا بالمعروف .. اولا القطري ثم الخليجي ثم العربي ثم الاجنبي...

[خالـــــد]

يا يبه محد جبرنا حنا اللي جبناهم ونقدر نسفرهم !!!!

اذن الاجنبي قالو له تعال جا الرجال لا سرق ولا دخل البلاد تهريب

ينطبق علينا المثل القائل ( خبز خبزتيه يالرفله كليه )

تحياتي

[عسولة]

صارت لي سالفة في الصيف .... زوجي راح يحجز لنا تذاكر حق دبي تخيلو شو صار ؟؟؟ يقول لي زوجي ان واحد من هالأجانب قاعدين في السفريات ويحجز حق دولة من الدول الأوروبية المشكلة ان التذاكر والفندق وصرف الرحلة كلها ع المميزات اللي في الشغل ؟؟؟؟؟ واللة اني انقهرت وتخيلو ان حتى فلوس البترول والصرف والسيارة من مميزات الشغل ؟؟؟؟ دااااااااار راسي اللحين احنا القطريين بطلعة الروووح نقدر ع دبي او الدول اللي عملتها رخيصة ... مع ان زوجي جامعي وانا جامعية بس للأسف ماعندنا مميزات نفس الأجانب ... حتة موظفة السفريات تقول اللة يكون بعونكم

[خالـــــد]

صارت لي سالفة في الصيف .... زوجي راح يحجز لنا تذاكر حق دبي تخيلو شو صار ؟؟؟ يقول لي زوجي ان واحد من هالأجانب قاعدين في السفريات ويحجز حق دولة من الدول الأوروبية المشكلة ان التذاكر والفندق وصرف الرحلة كلها ع المميزات اللي في الشغل ؟؟؟؟؟ واللة اني انقهرت وتخيلو ان حتى فلوس البترول والصرف والسيارة من مميزات الشغل ؟؟؟؟ دااااااااار راسي اللحين احنا القطريين بطلعة الروووح نقدر ع دبي او الدول اللي عملتها رخيصة ... مع ان زوجي جامعي وانا جامعية بس للأسف ماعندنا مميزات نفس الأجانب ... حتة موظفة السفريات تقول اللة يكون بعونكم


مممممممم

اتوقع هذا تاكيد للمثل القائل من راقب الناس مات هما

[الخليـفـي]

ســيــاســة البلد تتطلب أن يكون الأجنبي له المكانة المرموقة ، ولا هذا الأجنبي مايحلم في بلاده يكون في هاذي المناصب الي بقطر .
وأعتقد السبب حتى تكون قطر ضمن الدول المتقدمة ، وليست من دول "الباك وارلدس" !!

[MAZEN37]

لا يجوز التعميم - في وفي

[عالم المحيطات]

ســيــاســة البلد تتطلب أن يكون الأجنبي له المكانة المرموقة ، ولا هذا الأجنبي مايحلم في بلاده يكون في هاذي المناصب الي بقطر .
وأعتقد السبب حتى تكون قطر ضمن الدول المتقدمة ، وليست من دول "الباك وارلدس" !!

:weeping::weeping: