.. إفتتاح مضمار خط الشمال الدولي لسباق السيارات )

[شيط ويط]

بداية نبارك للجميع افتتاح جزء هام وكبير من خط الشمال (الطريق السريع) .. والحمدلله بـ (4 مسارات) ومخارج منظمة ورائعة .. بدلا عن (المسارين) سابقا .. لكن المستخدم لهذا الطريق يكتشف انه قد تحول مع الأسف في عقلية بعض المستهترين من الشباب وحتى البنات :secret: إلى (مضمار لسباق السيارات) .. وان الفرصة أتت لهم لممارسة استهتارهم من خلال قيادة المركبات برعونه وسرعة زائدة :rolleyes2:

ولعل المستخدم لهذا الطريق قد لاحظ او عانى من السرعه الزائدة والاستهتار من بعض قائدي المركبات من الشباب والمراهقين .. ( بدون أي داعي ) .. وتشاهد الكثير منهم (مستعجل) .. فما ادري هل اصبحت (القيادة بسرعة زائدة ) سمة من ثقافة وعقلية هؤلاء البعض ؟؟

لدرجة انك قمت تتوقع ان يحصل لك حادث في اي لحظة رغم انه مالك اي علاقة في الموضوع وماشي في السليم .
افتتاح هذا الطريق .. جعلني اصل الى قناعة تامة ان السبب الرئيسي وبالدرجة الأولى للحوادث المميتة هو (استهتار الشباب)
ولا أظن ان المرور او اشغال او حتى التخطيط أو مطعم كنتاكي <-- مع ان ماله خص
لهم اي دخل في وقوع الحوادث - في مثل هذا المشروع - بعد افتتاح مثل هذا الشارع الحيوي ذو الاربع مسارات .
فالمشروع من وجهة نظري اراه متكامل ، مسارات عرضية تتسع للكثير من السيارات ، اشارات ولوحات ارشادية تبين المخارج والمسارات ،جسووور ومخارج منظمة .


إذا ماذا يريد هؤلاء الشباب المستهترين ؟؟؟؟
ولماذا هؤلاء المستهترين يتنقلون من مسار إلى آخر وكأننا في مضمار لسباق السيارات ؟؟
هل لديهم الاستعداد لتغيير ثقافتهم وقناعاتهم عن قيادة السيارات في مثل هذه الطرق الحيوية ؟؟


لذلك أقول / رفقا بأرواح الناس يا (شوماخر) ويا (سيباستيان لوب ) ويا (سيباستيان اوجييه ) :p

[الرويـس]

والفقيد (أيرتون سينا)
:(

[ANONYMOUS]

نطالب بوضع مطبات انترلوك كل 3 كيلو

وفورا..

وخل شوماخر وربعه يطقون صبع بدال مايحمدون ربهم

:)

[الآغا]

اول امس كنت مار بالليل على الساعة 10:30 تقريبا

وكان هناك رادار متحرك على الطريق

خلي اللي يمشون بسرعة ويستهترون يصيدونهم مخالفات

[خسران من قلب]

والله اكتشفت ان هل قطر مافيه شي يعجبهم

[ولد الزبارة]

يزيدون من الدوريات والرادارات وتنحل المشكله

[شيط ويط]

والفقيد (أيرتون سينا)
:(

برازيلي اظن صح ؟

[الصريحه]

الله يهديهم

[شيط ويط]

نطالب بوضع مطبات انترلوك كل 3 كيلو

وفورا..

وخل شوماخر وربعه يطقون صبع بدال مايحمدون ربهم

:)

بيستوي الشارع .. مضمار (تيلي ماتش) :rolleyes2:

[الرويـس]

برازيلي اظن صح ؟

جواب نهائي ؟
:(

[شيط ويط]

اول امس كنت مار بالليل على الساعة 10:30 تقريبا

وكان هناك رادار متحرك على الطريق

خلي اللي يمشون بسرعة ويستهترون يصيدونهم مخالفات

الرادار قد يحل جزء من هالإشكالية .. بحيث تقل السرعه الى 120 كم وهي السرعة المحددة حاليا في الطريق .. لكن الاستهتار كيف يمكن مكافحته .. هالفئة المستهترة يبي لها جهاز رادار (يمسح) الثقافة اللي ترسبت في أدمغتهم :rolleyes2:

[شيط ويط]

والله اكتشفت ان هل قطر مافيه شي يعجبهم

مافهمت ؟؟ :rolleyes2:

[مناحي السادس عشر]

خلاص
لازم المرور يطلع قرار ان كل موتر يركبون له مسمار تحت دواسة البترول
بحيث ان السرعه ماتتعدى ثمانين كيلو متر في الساعه :(
هذي السرعه عباره عن مراهقه او الشيطان يربشه وهو عايش عالمزيكه في السياره
يعني ان شاء الله ان ربك يهدي اخوانا وخواتنا المسرعين والمسرعات

[الراقيه سبشل]

خل يحطون رادار متحرك ومطب كل 5 متر ومركز شرطة وبتنحل المشكلة :funny:

[مهل]

السلام عليكم

الله يسامحك يا شيط ويط .... انا والله ضد السرعه و ضد اي شي يعرض حياه اي انسان للخطر .

لكن موضوعك هذا كانك تقول للمرور يالله حطو الرادار و بهدلو خلق الله .. انا ساكن في الشمال و شفت الي تقوله من سرعه ولكن بشكل بسيط جدا و اعتقد السرعه الي شفتها ماكانت بشكل جنوني او استهتار ... ناس طالعه من دواماتها و تبي توصل بيوتها .

الشارع زين لله الحمد و ريحنا و انا واثق ان الشارع بتكون عليه رادارات ثابته و حصل نقاش سابق في المنتدى بخصوص سرعه الشارع تكون 140 او اكثر و هذا الي كلنا نتمناه . احنا نقطع مسافات طويله لين دواماتنا و الحمد لله السيارات جديده و الشارع فوق الممتاز وواسع و لفات الجسو امنه جدا مافيه داعي تكون السرعه 120 و مافيه داعي هل الشمال يدفعون نص رواتبهم في مخالفات الرادار

[تحداني]

عندهم مشكله عقليه ونفسيه
الله يعينهم .. ولا إنسان عاقل يطير في شارع مخصص للسيارات


إلي يبي يموت خل يموت يمكن شبع من الحياه
بس لا يموت الغلابه الي مالهم ذنب



والحمد لله هالشارع مالي حاجه فيه
ولا راح يجيني إنهيار عصبي .. ولا بعد يناشدون ويقولون نريد طرق متطوره
إنتوا بالأول طوروا مفاهيم السواقه والذوق وإحترام الطريق والبشر
بعدها طالبوا بالي تبونه



قدر بعض الناس شوارع إمكسره
ولا البعض الأكثر ما يستاهل شئ مثل العالم والناس


أكره السرعه .. وقله الأدب في السواقه

[مرتبش]

عنوان بليغ
السرعة والاستهتار..السرعة نوعا ما ممكن وضع رادارات واتمنى من المرور اضافة بعض الرادارات الوهمية وتحريكها بين فترة وفترة..
الاستهتار ماله الا حل واحد ..الدوريات لابد من تفعيلها ..لازم الدوريات تتواجد في الشوارع..الشرطة ما نشوفهم الا لتنظيم السير هل فعلا يوجد هذا النقص الواضح في اعدادهم..لو شفنا الدوريات وقامت بدورها في ايقاف المستهترين والمخالفين لابسط قواعد المرور بتشوف النظام عشرة على عشرة

كم عدد الدوريات في قطر؟ اكيد انه اقل معدل في العالم

[ام السعف]

http://www.qatarshares.com/vb/image.php?u=24313&dateline=1285827717

هذا مب الممثل الفرنسي Jean Reno اللي له فيلم اسمه ليون ؟:telephone:

[حسن]

اتمنى من المرور الى يمسكونه يحلقونه قرعه ويحطون صورته في الجريده

[ام السعف]

اتمنى من المرور الى يمسكونه يحلقونه قرعه ويحطون صورته في الجريده

والبنات يقرعونهم ويطلعون القرعة ويخشون وييوهم :eek5:

[حسن]

نسيت البنات مالهم الاالخيازرين

[ام السعف]

نسيت البنات مالهم الاالخيازرين

عنصرية:(

يا تحليق للاثنين او خيازرين للاثنين :(

[OTOsan]

اهم شي انه انفتح الحين .. وان شاء الله مشكلة السرعة يجدون لها الاخوة في المرور حل باسرع وقت ،، ويعطيك العافيه ياشيط ،،


http://www.qatarshares.com/vb/image.php?u=24313&dateline=1285827717

هذا مب الممثل الفرنسي jean reno اللي له فيلم اسمه ليون ؟:telephone:

اعتقد انه هو .. بس صايده (شد عضلي) بخشمه !!

[شيط ويط]

يزيدون من الدوريات والرادارات وتنحل المشكله



وليش نضطر لعمل هالاجراء .. دام الشارع وسيع واربع مسارات وكل شي تمام ومرتب ؟؟ .. الرادارات ما راح تحل المشكلة كثير ولكن راح تقلل منها .. والاستهتار راح يكون موجود خصوصا مع تعدد المسارات وسرعة 120 كم

:rolleyes2:

[ام السعف]

اهم شي انه انفتح الحين .. وان شاء الله مشكلة السرعة يجدون لها الاخوة في المرور حل باسرع وقت ،، ويعطيك العافيه ياشيط ،،



اعتقد انه هو .. بس صايده (شد عضلي) بخشمه !!

اهاا
لازم يصيده شد عضلي دام انه في يد شيط وويط:shy:

[شيط ويط]

الله يهديهم

اللهم آمين

[شيط ويط]

جواب نهائي ؟
:(

يس :yes:

[شيط ويط]

خلاص
لازم المرور يطلع قرار ان كل موتر يركبون له مسمار تحت دواسة البترول
بحيث ان السرعه ماتتعدى ثمانين كيلو متر في الساعه :(
هذي السرعه عباره عن مراهقه او الشيطان يربشه وهو عايش عالمزيكه في السياره
يعني ان شاء الله ان ربك يهدي اخوانا وخواتنا المسرعين والمسرعات

حل عملي :secret:

[شيط ويط]

خل يحطون رادار متحرك ومطب كل 5 متر ومركز شرطة وبتنحل المشكلة :funny:

:rolleyes2: بيستوي الشارع لعبة شرطي حرامي

[رُفق المجنّا]

كاميرات مراقبة , ورادارات , وانتهى الموضوع

[شيط ويط]

السلام عليكم

الله يسامحك يا شيط ويط .... انا والله ضد السرعه و ضد اي شي يعرض حياه اي انسان للخطر .

لكن موضوعك هذا كانك تقول للمرور يالله حطو الرادار و بهدلو خلق الله .. انا ساكن في الشمال و شفت الي تقوله من سرعه ولكن بشكل بسيط جدا و اعتقد السرعه الي شفتها ماكانت بشكل جنوني او استهتار ... ناس طالعه من دواماتها و تبي توصل بيوتها .

الشارع زين لله الحمد و ريحنا و انا واثق ان الشارع بتكون عليه رادارات ثابته و حصل نقاش سابق في المنتدى بخصوص سرعه الشارع تكون 140 او اكثر و هذا الي كلنا نتمناه . احنا نقطع مسافات طويله لين دواماتنا و الحمد لله السيارات جديده و الشارع فوق الممتاز وواسع و لفات الجسو امنه جدا مافيه داعي تكون السرعه 120 و مافيه داعي هل الشمال يدفعون نص رواتبهم في مخالفات الرادار


وعليكم السلام اخوي مهل .. ياهلا بك .. الموضوع مش سرعة وخلاص ولكن استهتار .. مسابق احيانا واحيانا تلفف على خلق الله واحيانا انتقال من مسار لمسار بدون ادنى اعتبار لبقية السيارات ... إلخ

لا شك انها فئة بسيطة ولكنها تسبب خطر للاخرين .. حتى في غير اوقات الدوام .. ولو سلمنا بهالشي لكن مايعطيهم الحق في تعريض حياة الآخرين لخطر الحوادث .

الرادارات الثابتة راح تنعمل وهذا شي مفروغ منه لكن صدقني ماراح تنعمل عشان هالفئة ولكن راح تنعمل لحفظ ارواح الناس الملتزمين .. والا المستهتر في ستين داهيه دام كل هالجهود وكل هالتوعية والى الآن مش قادر يستوعب (مصلحته) ومش قادر (يستشعر) انه ثروة وطنية يجب ان يحافظ على نفسها .

ياخي اذا جات على دفع المخالفات صدقني حياة البني آدم اغلى واثمن من رواتب الدنيا كلها .. وياما ناس راحوا ضحايا الاستهتار والسرعه وغيبهم الموت لو يحصل لهم يرجعون للحياة ويخيرون أهاليهم يدفعون ضريبة رجعوهم .. بحيث تقتص من ثلثين رواتبهم على مدى الحياة كان قالوا ماعندنا مشكله .. كفاية (شبابنا) راحت دماهم هدر في الشوارع وعلى الارصفه وعلى سيتات السيارات وطبلوناتها

الله يستر علينا جميع

[مهل]

كاميرات مراقبة , ورادارات , وانتهى الموضوع

اول مشاركه فيها حل مبتكر و مقبول
عشت

[بوخالد2]

والله اكتشفت ان هل قطر مافيه شي يعجبهم

:nice::nice::nice::nice:

[qatari 111]

الصراحه انا اشوف الخط ماشاءالله 4 مسارات وسرعة 120 قليله بالنسبه للشارع والمفروض يحطون على سرعة 140 نفس خط سلوى
واما بالنسبه للشباااب لاحول ولا قوةالا بالله شباب مراهقين وفيهم طيش وما خذوا عبره من ربعهم وغيرهم
باللي صار فيهم مانقول الا الله يهديهم

[شيط ويط]

http://www.qatarshares.com/vb/image.php?u=24313&dateline=1285827717

هذا مب الممثل الفرنسي Jean Reno اللي له فيلم اسمه ليون ؟:telephone:

لا .. هذا مستر (شيط ويط) لكن (برسم كاريكاتيري) بأنامل رسام (ياباني) كان منزوي في أحد ممرات (مجمع تجاري) :secret:

[Abu Deeb]

الله يهديهم المستهترين صج الطرق الجديدة حلوة وجيدة لكن الشباب المستهتر يفسدها

[شبح الصمت]

انت تقولي 4 خطوط
انا من كم يوم مع هلي على خط الشمال وخطين وتعديلات

وامشي بالسرعة المحددة على الخط اليسار وما وعيت الا رنج وراي
لبق خلاص في ظهر موتري ماشاء الله عليه ما خلاني اتنسم ابي افك يمين وسيارات
يوم عطيته ريس ودعست ولفيت يمين والله ويعطيه ما اسمع الا دباته تشخل

هي خطين
لو يبون ترى الاربع خطوط موجودة في خط سلوى
بس كلا وظرفه اخوي والي يسابقون الف مكان ومكان
والحين السباق ترى مب نفس قبل 10 كيلوا يسابق

خلاص مال اول الحين بس كيلو ويحذف الموتر الي في بطنه وسلام عليكم

الله يستر على الجميع ويحفظهم

[مهل]

وعليكم السلام اخوي مهل .. ياهلا بك .. الموضوع مش سرعة وخلاص ولكن استهتار .. مسابق احيانا واحيانا تلفف على خلق الله واحيانا انتقال من مسار لمسار بدون ادنى اعتبار لبقية السيارات ... إلخ

لا شك انها فئة بسيطة ولكنها تسبب خطر للاخرين .. حتى في غير اوقات الدوام .. ولو سلمنا بهالشي لكن مايعطيهم الحق في تعريض حياة الآخرين لخطر الحوادث .

الرادارات الثابتة راح تنعمل وهذا شي مفروغ منه لكن صدقني ماراح تنعمل عشان هالفئة ولكن راح تنعمل لحفظ ارواح الناس الملتزمين .. والا المستهتر في ستين داهيه دام كل هالجهود وكل هالتوعية والى الآن مش قادر يستوعب (مصلحته) ومش قادر (يستشعر) انه ثروة وطنية يجب ان يحافظ على نفسها .

ياخي اذا جات على دفع المخالفات صدقني حياة البني آدم اغلى واثمن من رواتب الدنيا كلها .. وياما ناس راحوا ضحايا الاستهتار والسرعه وغيبهم الموت لو يحصل لهم يرجعون للحياة ويخيرون أهاليهم يدفعون ضريبة رجعوهم .. بحيث تقتص من ثلثين رواتبهم على مدى الحياة كان قالوا ماعندنا مشكله .. كفاية (شبابنا) راحت دماهم هدر في الشوارع وعلى الارصفه وعلى سيتات السيارات وطبلوناتها

الله يستر علينا جميع

اتفق معاك في الي ضللته باللون الاحمر .. وجود الرادار لغرض مادي و كانه ضريبه جبايه على الطرقات هذا شي مانختلف عليه .
يعني بالعربي مامنه ذيك الفايده ولا اطالب ابدا في الغاءه ولكن مثل ماذكر اخونا رُفق المجنّا هذا حل ممتاز .. طبعا كثير من شوارعنا مراقبه بكمرات مراقبه ولكن لغرض امني وليس لحفظ سلامه السائقين .

خط الشمال فعلا يحتاج لمثل هذي الكاميرات .. والله اني احيانا القى ناس تمشي عكس السير تخيل
و احيانا تشوف سياره مطعم طايف اللفه و راد ريوس .. هذا و حط في بالك ان الشارع مسارين فقط .
و غيره الكثير من العجايب الي محد يصدقها .
الكمرات فعلا حل و يطلبون الشخص المخالف و تتم معاقبته و الفيديو اثبات .. و هذا شي معمول فيه في كثير من دول العالم

لاهنت

[الرويـس]

يس :yes:

مبروك
صار معك شيك بمبلغ هميمببمتساؤ ريال ، وما بئى فيك تخسره :(

[The Blade]

نطالب بوضع مطبات انترلوك كل 3 كيلو

وفورا..

وخل شوماخر وربعه يطقون صبع بدال مايحمدون ربهم

:)

:nice: من كثر ما اقبض الخط كنت افكر من فتره بهذه الفكره

[هبوب الكوس]

الله يغربل ابليسك شيط

اسم الموضوع ضحكني بس جبتها صح :nice:

[بوحارب]

:looking:

[ولدالمنتدي]

لابد ا نهم بحفرون فيه مب مخلينه

[halcrow]

الوعي المروري اهم شي اخوي شيط قبل السرعه... اتركك من السرعه خلنا انشوف الموضوع بطرق ثانيه
انت اتقول 4 مسارات طيب المسار الثاني ليش تمشي فيه ع سرعة 80 او 90 لا وتحصلهم ورى بعض والمسار الاخير للشاحنات طبعا
يعني ماعندك الا المسار الاول او الثالث :)
ولله الحمد بعد فتح المسارات الاربع لم تحدث فيه حوادث وان شاء الله دووم مانسمع بالحوادث
وبخصوص الرادارات اكيد رايحه تتركب . بالأخير الله الحافظ .

[BoAof]

بسالك سوال اللي يزرق نفس ماتقول ويلف يمين يسار تقول في حلبه
ماهو شارع
ما سالت نفسك ليش ؟

قبل ما تقول الشباب وفلان وعلان مستهتر ويسرع ويزرق

الخط اليمين شاحنات
وثلاث خطوط للسيارات
طبعن الشيبه والبنت ما يجيب راسهم الا الخط اليسار ( السريع) ويمشون 60 واذا كثرو وقامو يشوفون ملك المووت قدامهم 80

قسم بالله شي يقهر والشباب اللي تتكلم عنهم تلاقيه على ثاني خط ويتمشى وداق المسجل واغاني شعبيه ويتعبث بالبلاك بيري لا ضار احد ولا مفتكر في الاولي والتالي لانه ماشي بسرعة الشارع
بس الشيبه والبنت اللي على الخط السريع لا يشوفون لفتهم قربت طبعا لا اشاره ولا هم يحزنون تعال ولف من اليساااااااااااااااااااار لين اليمييييييييييييييين وانت احسب كم موتر وراهم دعس بريك وتداعمو
طبعا البنت والا الشيبا اول ما يسوي كذا ويشوف العالم وراه بريكات وتداعمو يجون ويقولون الله يهدي الشباب مدري متى بيعقلون

والله قهر وكلامك ما اتفق معاك فيه
لأن لو كل واحد التزم بمساره والخط السريع للي مسرع ومستعجل
ما شفت التزرق اللي تقول عنه ولا شفت الحوادث اللي تقول عنها
شبابنا عقل واللي يبي يستعرض يعرف وين يروح واللي يبي يسابق يعرف بعد وين يروح
روح الامارات ولا السعوديه
وشوف الخطوط اللي 4 مسارات ما عمري قد شفت احد يمشي على الخط اليسار السريع ويمشي 50 نفسنا

[شيط ويط]

عندهم مشكله عقليه ونفسيه
الله يعينهم .. ولا إنسان عاقل يطير في شارع مخصص للسيارات


إلي يبي يموت خل يموت يمكن شبع من الحياه
بس لا يموت الغلابه الي مالهم ذنب



والحمد لله هالشارع مالي حاجه فيه
ولا راح يجيني إنهيار عصبي .. ولا بعد يناشدون ويقولون نريد طرق متطوره
إنتوا بالأول طوروا مفاهيم السواقه والذوق وإحترام الطريق والبشر
بعدها طالبوا بالي تبونه



قدر بعض الناس شوارع إمكسره
ولا البعض الأكثر ما يستاهل شئ مثل العالم والناس


أكره السرعه .. وقله الأدب في السواقه


اتفق وياج مع كل حرف كتبتيه (قلبا) و (قالبا) :nice:

عندي سؤال :

وين عبارتج الشهيره ما ختمتي بها الموضوع ؟؟ والا النفسيه ما تسمح ؟؟ :secret:

[مهل]

حوبتك شيط ويط ،،، قبل شوي و انا راد على خط الشمال اشوفهم ركبو الرادارات الثابته .

عاد ياليت رادارات جديده ،، مستعمله :secret:
ياخي احنا مساهمين في مشروع الرادار من حقنا نطالب باجهزه جديده :nice:

[nouar]

حرام خطيه لو تمشي فيه على 150 بتحس انك ماشي على 50 ......

بس بصراحه خلوه فتره بدون مطبات ....

نستانس :)

[Salman911]

وصلني قبل شوي انه في حادث على الخط
سيارة طاحت في حفرة وفي وفيات ومصابين

[Salman911]

والله ما ينفع الا يسووون مثل دبي



أن هنالك شارع جميرا الذي قلت فيه حوادث الوفيات إلى الصفر مع العلم أن طوله 8 كيلومترات وكان يعتبر من أخطر الشوارع، حيث تم وضع 52 رادارا للسيطرة على المتهورين. وذكر المزروعي أن رادار (جن) الحديث من شأنه أن يقلل ويردع الذين يقودون بطيش وتهور وهو دقيق جدا ويعتبر من أفضل الأجهزة التقنية الذي يمكنه أن يصور بالفيديو حيث يتم مخالفة المتهورين من خلال الكاميرات الدقيقة الموضوعة في الشوارع، ويتم مراقبتهم من خلال الأفراد الموجودين في غرفة العمليات.




أكدت الإدارة العامة للمرور في دبي أنها ستضيف إلى راداراتها ذات الوجهين 500 رادار جديد خلال العام الجاري، وسيتم تركيب الدفعة الأولى من أجهزة الضبط الأسبوع المقبل ويبلغ عددها 50 راداراً على شارع الشيخ زايد.


وأشار المقدم سيف مهير المزروعي مدير الإدارة العامة لمرور دبي إلى أن هذه الأجهزة تصور أيضا بالفيديو ومن خلال ربط الكتروني مباشر بين تلك الأجهزة والقيادة العامة لشرطة دبي والإدارة العامة للمرور يتم نقل الصورة في نفس لحظة التقاطها.

وأوضح أن ميزة هذه الأجهزة بخلاف أنها تصور الاتجاهين فإنها تعمل بالليزر وخاصة في النهار وأيضا في الليل في حال توافر الإضاءة الكافية فإنها تصور بدون فلاش أي بالليزر أيضا وفي حال عدم وجود إضاءة كافية فالفلاش يعمل تلقائيا مشيرا إلى أن المدى التصويري لهذه الأجهزة يصل مابين 300 إلى 500 متر وأحيانا يصل إلى الكيلومتر

[ام السعف]

لا .. هذا مستر (شيط ويط) لكن (برسم كاريكاتيري) بأنامل رسام (ياباني) كان منزوي في أحد ممرات (مجمع تجاري) :secret:
سبحان الله ،، سبحان الله ،، سبحان الله

يخلق من الشبه شيط ويط:shy:

[شيط ويط]

عنوان بليغ
السرعة والاستهتار..السرعة نوعا ما ممكن وضع رادارات واتمنى من المرور اضافة بعض الرادارات الوهمية وتحريكها بين فترة وفترة..
الاستهتار ماله الا حل واحد ..الدوريات لابد من تفعيلها ..لازم الدوريات تتواجد في الشوارع..الشرطة ما نشوفهم الا لتنظيم السير هل فعلا يوجد هذا النقص الواضح في اعدادهم..لو شفنا الدوريات وقامت بدورها في ايقاف المستهترين والمخالفين لابسط قواعد المرور بتشوف النظام عشرة على عشرة

كم عدد الدوريات في قطر؟ اكيد انه اقل معدل في العالم

اتفق وياك اخوي مرتبش واعتقد المفروض كل شخص يكون عنده الوعي ويترك الاستهتار اللي ماله داعي .. وبالنسبة للدوريات احيلك للاخ جاجاسم للرد على سؤالك :telephone:

[شيط ويط]

سبحان الله ،، سبحان الله ،، سبحان الله

يخلق من الشبه شيط ويط:shy:

هو فيه شبه بس مب وايد .. لحد يصدق :secret:

[ام السعف]

هو فيه شبه بس مب وايد .. لحد يصدق :secret:

سبحان حتى الشبه اللي مب وايد يشبهه وايد:shy:

[شيط ويط]

اتمنى من المرور الى يمسكونه يحلقونه قرعه ويحطون صورته في الجريده

اتفق وياك اقتراح حلو ومجدي :nice:


والبنات يقرعونهم ويطلعون القرعة ويخشون وييوهم :eek5:

البنات يحرمونهم من المكياج :secret:


نسيت البنات مالهم الاالخيازرين

رفقا بالقوارير :secret:


عنصرية:(

يا تحليق للاثنين او خيازرين للاثنين :(

وانتي ماعندج حلول وسط :secret:


اهم شي انه انفتح الحين .. وان شاء الله مشكلة السرعة يجدون لها الاخوة في المرور حل باسرع وقت ،، ويعطيك العافيه ياشيط ،،



اعتقد انه هو .. بس صايده (شد عضلي) بخشمه !!

وانت الصادق صايده (دوالي) في الخشم :secret:


اهاا
لازم يصيده شد عضلي دام انه في يد شيط وويط:shy:

بس عاد ترى (أستحي) :shy:

[شيط ويط]

سبحان حتى الشبه اللي مب وايد يشبهه وايد:shy:

يبيله نحط (النقاط على الحروف) بس مب الحين ومب في هالموضوع يبيله موضوع مستقل :p

[شيط ويط]

كاميرات مراقبة , ورادارات , وانتهى الموضوع

كاميرات المراقبة جاري تنفيذها في المستقبل القريب لزوم مشروع مركز الدفاع الوطني والله أعلم . واقتراحك جيد .




اول مشاركه فيها حل مبتكر و مقبول
عشت

حياك اخوي مهل وفعلا مقترح جيد نتمنى ان يخفف من حالات الاستهتار .


:nice::nice::nice::nice:

هلا بك اخوي بوخالد :nice:

[تحداني]

اتفق وياج مع كل حرف كتبتيه (قلبا) و (قالبا) :nice:

عندي سؤال :

وين عبارتج الشهيره ما ختمتي بها الموضوع ؟؟ والا النفسيه ما تسمح ؟؟ :secret:




كنت محتره وإمعصبه


جملك الله برضى الرحمن .. والله يحفظكم يارب من السرعه

[الحـ قطر ــب]

انزين و ألونسو وين راح ؟

[بواردي]

والله ياشباب انا عندي مشكلة اني اسرع وايد
يعني 180 عادي جدا
وابي اتخلص من هالمشكلة واحيانا اطلع مشوار واحلف اني ما اطلع فوق 100
واحيانا لما يكون المود تعبان

العداد منسدح يمين

[ANONYMOUS]

والله ياشباب انا عندي مشكلة اني اسرع وايد
يعني 180 عادي جدا
وابي اتخلص من هالمشكلة واحيانا اطلع مشوار واحلف اني ما اطلع فوق 100
واحيانا لما يكون المود تعبان

العداد منسدح يمين


مايستحي العداد... كله ينسدح يمين

يعني ريلك مالها خص بالموضوع


انت لو تخف على الريس .. بيصطلب المؤشر وبيتم واقف ..

ولو تخف زياده.. بينسدح يسار..

وماعليك شر

[مهل]

والله ياشباب انا عندي مشكلة اني اسرع وايد
يعني 180 عادي جدا
وابي اتخلص من هالمشكلة واحيانا اطلع مشوار واحلف اني ما اطلع فوق 100
واحيانا لما يكون المود تعبان

العداد منسدح يمين

الحل بسيط جدا و من تجربه .. استخدم مثبت السرعه في السياره و بتشوف شلون

بتديلي ان شاءالله

[بواردي]

مايستحي العداد... كله ينسدح يمين

يعني ريلك مالها خص بالموضوع


انت لو تخف على الريس .. بيصطلب المؤشر وبيتم واقف ..

ولو تخف زياده.. بينسدح يسار..

وماعليك شر
:nice: هي مشكلة الريل ثقيلةةةةةة وانا اخوك
وليته يتم واقف
بس بو طبيع ما يوز عن طبعه





الحل بسيط جدا و من تجربه .. استخدم مثبت السرعه في السياره و بتشوف شلون

بتديلي ان شاءالله

بدعي لك
بس جربتها وما نفعت
والله احيانا اثبتها قبل الكتمة بشوي يعني حول 178

عشان ما يبند

[مهل]

لا لا ماينفع

اسمع مني ،، مثلا انت على خط الشحانيه ،، السرعه ١٢٠ ،،، ثبت تحت الـ ١٢٠ بشوي و بالمره احسب الوقت الي تاخذه في الطريق
و قارن بين الوقت بسرعه ١٢٠ و بين الوقت اذا تمشي ١٨٠ بتنصدم
الفرق صدقني اقل من ٤ دقايق

الله يحفظك

[شيط ويط]

الصراحه انا اشوف الخط ماشاءالله 4 مسارات وسرعة 120 قليله بالنسبه للشارع والمفروض يحطون على سرعة 140 نفس خط سلوى
واما بالنسبه للشباااب لاحول ولا قوةالا بالله شباب مراهقين وفيهم طيش وما خذوا عبره من ربعهم وغيرهم
باللي صار فيهم مانقول الا الله يهديهم

المشكلة اخوي قطري111.. الشارع حيوي مب نفس خط سلوى .. لان عندك تحويلات وجسور ومخارج كثيره .. بداية من الخور مرورا بام العمد وعقب ام صلال علي وعقبه الخيسه وعقب الخريطيات .... إلخ

[مرتبش]

اتفق وياك اخوي مرتبش واعتقد المفروض كل شخص يكون عنده الوعي ويترك الاستهتار اللي ماله داعي .. وبالنسبة للدوريات احيلك للاخ جاجاسم للرد على سؤالك :telephone:

احب الدوريات
خاطري اشوفهم كل يوم وكل ساعة وكل دقيقة..

شحلاتهم لو يلفون بالشوارع ..ما ابي اشوفهم واقفين على دوار ولا اشارة ..احس اني في دولة متخلفة ماتحترم الانسانية ..ادمي يوقف في الشمس عشان يمشي السيد.. في الوقت اللي عندنا كل شي متوفر ,,فلوس الحمدلله موجودة ..اختراعات طب وتنقي تبي كاميرات تبي اشارة ذكية تبي شركة تشيل الدوار وتقلبه اشارة بتحصل ..بكل بساطة كل شي متوفر مالهم عذر يحطون شرطة تمشي السيد.

لو الشرطة يتفرغون لمهاهم اللي المفروض يقومون فيها مثل اي دولة متحضرة..تحصل الشرطي له هيبة لما يقول لك stop NOW ..ترتعد فرائصك وتوقف ويقول لك تعرف ليش وقفتك؟ وانت مرتبش ارتباش مابعده ارتباش.. هالشكل خاطري اشوفهم.. بس من تنحل هالقضية بتشوف الشوارع صارت اخر حلاوة

[راعي المواجب]

السلام عليكم ورحمة لله وبركاتة
اولا وفى البداية احب اشكرررك شكر خاااص اخوووي شيط ويط على هل طرح القيم والمفيد صرراحة ومشاء لله الشباااب عندهم اراء ومقترحااات حلووة ومفيدة واايد واناا اتفق وياااهم ... للاسف شبابنااا ماينفع معااهم اللى الحزززم والقوانين الجاامدة عشااان يرتدعون عن هل جنووون وهل استهتااار الزاايد .. قولولي اشذنب الفقير المسكين اللى طالع من بيتة وتارك عيالة وهلة ورايح دوااامة يكد عشانهم؟؟ وللى شذنب اللى طالع يخلص اشغالة بيتة وامور عيالة؟؟ وللى شذنب المسكيين اللى رايح يوصل هلة للخور ؟؟ حرااام عليكم يشباااب قطر انتو ذخرنا وسندنا لاا يغركم الخط الكبير والموتر اليديد ترااا لا قدر لله لوو بنجر او صار شي تدرون شيصيررر!!! ... لاازم الردار والدورياات تشتغل عل هل خط ..ان شاء لله يمشوون لهم علاوة خاصة ومتيازات مو مشكلة المهم الامن والامان وسلامة الاروااح ... تحياااتي للجميع ودمتم بحفظ الرحماااان

[جرح الزمان]

عندي اقتراح بسيط ......يمكن أقول يمكن

بدل ما يحطون لوحة أعلانات في الجزيره

يحطون لوحات كبيره لصور لحوادث خشنه

ويحطون أحصائيات بعدد الحوادث والأصابات

والوفيات ...... وكل 10 كيلو يحطون سياره

من هالسيارات ........... يمكن هالمستهترين يتعضون

جزاك الله خير أخوي شيط ويط

[qatari911]

احب الدوريات
خاطري اشوفهم كل يوم وكل ساعة وكل دقيقة..

شحلاتهم لو يلفون بالشوارع ..ما ابي اشوفهم واقفين على دوار ولا اشارة ..احس اني في دولة متخلفة ماتحترم الانسانية ..ادمي يوقف في الشمس عشان يمشي السيد.. في الوقت اللي عندنا كل شي متوفر ,,فلوس الحمدلله موجودة ..اختراعات طب وتنقي تبي كاميرات تبي اشارة ذكية تبي شركة تشيل الدوار وتقلبه اشارة بتحصل ..بكل بساطة كل شي متوفر مالهم عذر يحطون شرطة تمشي السيد.

لو الشرطة يتفرغون لمهاهم اللي المفروض يقومون فيها مثل اي دولة متحضرة..تحصل الشرطي له هيبة لما يقول لك stop NOW ..ترتعد فرائصك وتوقف ويقول لك تعرف ليش وقفتك؟ وانت مرتبش ارتباش مابعده ارتباش.. هالشكل خاطري اشوفهم.. بس من تنحل هالقضية بتشوف الشوارع صارت اخر حلاوة

وازيدك من الشعر بيت
البعض عند كرك النعيمي يكرك
والبعض الاخر يمر واذا شاف سيارتين بنص الطريق حادث بسيط مايوقف الا اذا جاه بلاغ
وياليت يحطون ردرات على هالخط
وخلهم يكثرون الملح اسف اقصد اردارات على هالخط والله بيجمعون فلوس
مو يحطون لنا الرادارات في الشوارع الضيقه والا القصيره
الله المستعان
تحياتي لكم
في حفظ الرحمن:shy:

[شيط ويط]

الله يهديهم المستهترين صج الطرق الجديدة حلوة وجيدة لكن الشباب المستهتر يفسدها

اللهم أمين وشكرا لك اخوي ابوديب :)

[شيط ويط]

انت تقولي 4 خطوط
انا من كم يوم مع هلي على خط الشمال وخطين وتعديلات

وامشي بالسرعة المحددة على الخط اليسار وما وعيت الا رنج وراي
لبق خلاص في ظهر موتري ماشاء الله عليه ما خلاني اتنسم ابي افك يمين وسيارات
يوم عطيته ريس ودعست ولفيت يمين والله ويعطيه ما اسمع الا دباته تشخل

هي خطين
لو يبون ترى الاربع خطوط موجودة في خط سلوى
بس كلا وظرفه اخوي والي يسابقون الف مكان ومكان
والحين السباق ترى مب نفس قبل 10 كيلوا يسابق

خلاص مال اول الحين بس كيلو ويحذف الموتر الي في بطنه وسلام عليكم

الله يستر على الجميع ويحفظهم

اللهم آمين .. والله يستر عليك اخوي شبح الصمت .. ويكفينا شر المستهترين اللي مب (صاحيين) :nice:

[naklan]

سابقا كانت السرعه والمخاطره في سن المراهقه فقط

يعني حده عشرين اذا كان حي ويعقل

الحين اتعجب حلبه الاستعراض الي في الصناعيه

يدشونها ناس المفروض يكونون عقلا واصلاحيين في المجتمع

يحجز الحلبه ويدخل واصطه حتى يجيه الدور

ويدخل سياره مزوده بالاف الريالات ويحرقها في 10 دقائق

العقل زينه الانسان ذكرني الموضوع باثنين كانو يتسابقون

والسيارتين مع بعض وصلو الدوار واحد خفف والثاني لا

دش في الدوار سئلوه ليش ما خففت قدامك دوار قال

اهم شي طفته وحتلى لو دخلت في الدوار

الحل تركيب رادار كل 3 كيلو وسجن الي تكون سرعته

عاليه وخطره !! ارواح راحت وكله من الاستهتار

فتره بسيطه وبيتعودون على السواقه بحرص

ووفق السرعه المطلوبه احفظ لهم وللناس

شكراً اخوي شيط ويط على الموضوع الاكثر من رائع

وانا واحد من متابعين مواضيعك الجميله

والله يحفظك ويحفظ

الجمــــــــــــــــــــــــــــــــــــــــــــــ ـــــيع

اخوك/naklan

[تاله]

الله يحفظ عيالنا

[eXpert*]

بعض الناس للحين فاهمه ان الحارة الاخيرة للسرعة !! الحارة الاخيرة موجودة للتجاوز فقط لـــ (Take Over) وبعدها يرجع السائق ويلزم الحارة الوسطى.

البعض بحاجه الى كورس قيادة في الخارج :)

أعتذر على الصراحة

[شيط ويط]

اتفق معاك في الي ضللته باللون الاحمر .. وجود الرادار لغرض مادي و كانه ضريبه جبايه على الطرقات هذا شي مانختلف عليه .
يعني بالعربي مامنه ذيك الفايده ولا اطالب ابدا في الغاءه ولكن مثل ماذكر اخونا رُفق المجنّا هذا حل ممتاز .. طبعا كثير من شوارعنا مراقبه بكمرات مراقبه ولكن لغرض امني وليس لحفظ سلامه السائقين .

خط الشمال فعلا يحتاج لمثل هذي الكاميرات .. والله اني احيانا القى ناس تمشي عكس السير تخيل
و احيانا تشوف سياره مطعم طايف اللفه و راد ريوس .. هذا و حط في بالك ان الشارع مسارين فقط .
و غيره الكثير من العجايب الي محد يصدقها .
الكمرات فعلا حل و يطلبون الشخص المخالف و تتم معاقبته و الفيديو اثبات .. و هذا شي معمول فيه في كثير من دول العالم

لاهنت

اعتقد الكاميرات قادمه لا محاله .. بحكم ان الشارع صار حيوي .. واعتقد ان الكاميرات راح تكون ضمن مشروع (مركز الدفاع الوطني ) <--- اظن كذا اسمه .. وبالتوفيق ان شاء الله
والله يهدي المستهترين


مبروك
صار معك شيك بمبلغ هميمببمتساؤ ريال ، وما بئى فيك تخسره :(

اوكى :rolleyes2:




:nice: من كثر ما اقبض الخط كنت افكر من فتره بهذه الفكره

فكره جنونية :p

[شيط ويط]

الله يغربل ابليسك شيط

اسم الموضوع ضحكني بس جبتها صح :nice:

حياك الله الشيخ :nice:


:looking:

ويش معنا ؟؟ :p


لابد ا نهم بحفرون فيه مب مخلينه

من اللي بيحفرون فيه الشباب والا المقاول ؟؟ :p

[شيط ويط]

الوعي المروري اهم شي اخوي شيط قبل السرعه... اتركك من السرعه خلنا انشوف الموضوع بطرق ثانيه
انت اتقول 4 مسارات طيب المسار الثاني ليش تمشي فيه ع سرعة 80 او 90 لا وتحصلهم ورى بعض والمسار الاخير للشاحنات طبعا
يعني ماعندك الا المسار الاول او الثالث :)
ولله الحمد بعد فتح المسارات الاربع لم تحدث فيه حوادث وان شاء الله دووم مانسمع بالحوادث
وبخصوص الرادارات اكيد رايحه تتركب . بالأخير الله الحافظ .

صدقت اخوي هالكرو في نقطة الوعي .. اما قضية المسار .. السرعه المحدده في الطريق 120 ريال .. يعني ما يحق لاي سايق يحاسب غيره اذا مشى بسرعه أقل من 120 .. واللي يمشي بسرعه 90 في المسار الثاني يبقى حق له صحيح المنطق يقول المفروض يمشي في المسار الثالث .. لكن تدري بعضهم يخاف من الشاحنات وتصيده الرقاله عاد تخيل يمشي في المسار الثالث وعن يمينه في المسار الرابع الشاحنات :p

عموما ملاحظتك جيده وجديرة بالاهتمام :nice:

[شيط ويط]

اليوم الظهر صار حادث خشن والسبب السرعه

[الـقـاسـي]

عسى الله يحفظ المسلمين اللي يمرون بهالخط سواء صغار ولا كبار الحوادث ماتعرف عمر ولا تعرف كبار ولا صغار ومب ترى كل الشباب طايشين ولا كل الشياب راكدين ..

للاسف صار الحين اللي يسوي حادث ولا ينقلب كشخه يتباهون بعض الشباب بحوادثهم انا صار لي الحادث الفلاني وكنسلت موترين ولا ثلاث ..

[فزعـــــ قطر ـــــة]

http://www.w6w.net/album/35/w6w20050413135150664f9f403.gif
الله يهدي شبابنا ويحفظهم ..ويخليهم لعين ترجيهم
هالسرعه والاستهتار في السواقه راحت فيها ارواح افضت الى خالقها
http://www.w6w.net/album/35/w6w20050413135150664f9f403.gif

[R 7 A L]

من تاريخ كتابتك للمواضيع كل كم يوم نسمع عن حالة وفاة على هذا الطريق

[شيط ويط]

ما زال العرض مستمرا ً :)

[الخفاجي]

الله يهديهم

[jajassim]

عنوان بليغ
السرعة والاستهتار..السرعة نوعا ما ممكن وضع رادارات واتمنى من المرور اضافة بعض الرادارات الوهمية وتحريكها بين فترة وفترة..
الاستهتار ماله الا حل واحد ..الدوريات لابد من تفعيلها ..لازم الدوريات تتواجد في الشوارع..الشرطة ما نشوفهم الا لتنظيم السير هل فعلا يوجد هذا النقص الواضح في اعدادهم..لو شفنا الدوريات وقامت بدورها في ايقاف المستهترين والمخالفين لابسط قواعد المرور بتشوف النظام عشرة على عشرة

كم عدد الدوريات في قطر؟ اكيد انه اقل معدل في العالم


اتفق وياك اخوي مرتبش واعتقد المفروض كل شخص يكون عنده الوعي ويترك الاستهتار اللي ماله داعي .. وبالنسبة للدوريات احيلك للاخ جاجاسم للرد على سؤالك :telephone:

:secret::secret:


ما اقول الا الله يحفظكم من كل شر ،، omen

[ماجد]

اخوي جاسم والاعضاء الكرام عندي حل بسيط وجذري وياليت حد بقدر يوصله لادارة المرور

اولا
يرفع لمت السرعة على الشارع الى 140 كم

ثانيا
يتم وضع كباين مخصصة للرادار المتحرك كل 2 كم بحيث ان السائق لا يعرف في اي كبينة وضع الرادار ويتم تغيير اماكن الرادارات بشكل دوري يعني مجرد نقل الرادار ووضعة في كبينة اخرى.
وانا متاكد لو يطبق هالاقتراح راح تنحل المشكلة من الاساس ونحافظ على ارواح الناس

[شيط ويط]

شوف الله يسلمك , سمو الامير و ولي عهده الأمين لهم كل تقدير واحترام , والي عنيت في كلامي واضحين من حيث المسؤليه قدام الجميع . وعسى ان ينضاف الى اعماله ذاك الي يدافع عن تقصيرهم ويكون من ذيلاك الي وصفهم ربي (وقفوهم إنهم مسؤولون‏) .

لأن هؤلاء المسؤلين عن قضايا المرور لا زالوا يكررون نفس الحلول بكل كبر لقضيه عدم فعاليه الحلول . لأن الكبر يكون بالفعل مثل ما بعضهم يعطيك بسطاره وانت تسلم عليه . لقوله تعالى ( كذبت ثمود بطغواها ) , وفي الحديث الشريف لصلوات ربي وسلامه عليه أن الكبر ( بَطَر الحق وغَمْط الناس ).

فهم لا زالوا ماسكين مناصبهم مع علمهم انهم ليسوا اهل امانه على شغلهم ولا قوه والدليل هذه الارقام الي يشوفونها من قتلى نتيجه سياستهم الفاشله , مثل ما يشوف البعض نشره الاسعار الي تطلع في الجرايد .

ليه ماسكين هذه المناصب مع عدم تقديم حلول فعاله لقضيه الحوادث المميته , روح واسئلهم . لأن اذا هم ما مسكوا هذه المشكله ترى ارواح هذه الناس في ذمتهم , و نعيد الكلمه الي قالها عمر بن الخطاب رضي الله عنه , خشيت ان اسآل عن بقره عثرت في العراق , لِم لم تسو لها الطريق ؟

عمر بن الخطاب يراقب الله في بهائم , كيف كانت مراقبته لبشر , ولا اي بشر , هؤلاء مسلمين .
وقد جاء في الصحيح ان (‏لهدم الكعبة حجرا حجرا أهون على الله من قتل المسلم‏) فكيف فيمن فرط في حفظ امن الطريق .

يجب ان نسمي المسؤلين بهذه المشكله ونطلب ان يقدموا حلول فعاله لهذه المشكله , فأن لم يستطيعوا عليهم ان يتركوا هذه المسؤليه لمن هم اكفئ منهم .



أخوي صدقني هالمسؤولين احرص الناس على هالموضوع ، وشغالين على هالموضوع وفق أمور كثيرة ماخذينها في الإعتبار ، والجماعة يشتغلون بذمة ونزاهه ولا نزكي أحد ، وصدقني الاخوان في المرور ماعندهم اي مانع اي شخص يتقدم لهم بأي حلول يشوف انها عملية وابوابهم مفتوحه وياخذون الحلول والاقتراحات بكل جديه واهتمام اذا ما كانت تخالف خططهم واهدافهم وسياسة البلد .. مابي اقولك ان الدولة مهتمه في هالموضوع بدرجة كبيرة .. يعني انت برايك شنهي الحلول اللي ممكن انت تقدمها عشان نقلل من ضحايا ووفيات حوادث السيارات ؟؟؟؟؟؟؟؟؟؟؟؟

موضوع وفيات حوادث السيارات ليست مسؤولية المرور او وزير الداخلية او اي شخص كائن من كان ... الموضوع هذا (مسؤولية) الجميييييييييييييع ..

البيت
المدرسة
الصحبة
التربية
ثقافة المجتمع
القوانين
شركات السيارات
البلديه
المرور
مؤسسات المجتمع المختلفة


كل هذيلا مسؤولييين عن ضحايا الحوادث كل واحد لازم يجتهد ويسعى ويشتغل عشان نقلل من عدد ضحايا وفيات حوادث السيارة

من الظلم انه نحمل المسؤولية الكاملة لادارة المرور

ولازم نكون منصفين

ياخي الشخص اللي مب متربي ومب متعلم يسوق بركاده ومتعود ع السرعة لو تحط له قوانين الدنيا كلها بعد بيتم يخالف ويستهتر في سواقته .. في الاخير ذي عقليته وهو مسؤول عنها واذا ما حاول يغير عقليته او يصلح حاله ماراح يرتدع

[bu 3li]

يامكثر الدوريات اللي تتيمع على حادث بسيط ولا على اتفه بلاغ

يحطون دوريات متحركه رايحه وراده على الخطوط الخارجيه ..
واذا لاحظوا اي سباق او سرعه جنونيه .. يوقفون الشخص

غير جذي مافي اي حل ثاني .. ان شاء الله لو الشارع طوله متر في متر
لازم بنشوف ناس ( الله يهديهم ) يسوون مصيبه في هـ الشارع

[الكــاســــر]

الحل زيادة اللمت الى 140

سبب الحوادث بشكل عام هو اختلاف سرعات القيادة بين السائقين يعني فيزيائيا لو (واحد طاير على 160 يدعم واحد ماشي على 120 ) أهون من (واحد ماشي على 120 يدعم واحد يحبي على 60 )

المشكلة بالتفصيل:

1- الشاب الطائش يشعر أن حد السرعة في هذا الشارع منخفض بشكل غير منطقي والصحيح أن يتم رفعه، فعندما يرى الشاب أمامه سيارة ملتزمة بحدود السرعة فإنه يعتبر ذلك بلادة غير منطقية ويبدا يغير مساره عدة مرات حتى يعدي، مما يربك حركة السير ويوقع في حوادث

2- المشكلة الثانية أن الأشخاص الملتزمين في بعض الأحيان لا يعملون حساب الشباب الطائش على الطريق، فتجدهم يلفون على المسار الايسر فجأة وينسون أن هنالك من لا تعجبه حدود السرعة، مما قد يوقع في حادث

الحل:

1- يرفعون حدود السرعة إلى 140

النتيجة:

1- معظم الشباب الطائش راح يشعرون أن هذي السرعة تناسب أكثر وما راح يلفلفون عل عالم مما يقلل نسبة الحوادث ، حتى الي كان قبل يسوق على 160 يمكن يقتنع بال 140 ويحس ان مصخها

2- الي بالنسبة له 140 وايد راح يمسك المسار الي في النص ولكن هالمرة راح يعمل حساب الي ماشيين على 140 و حتى 180 (للشباب الي ليحن ما عجبهم الوضع) قبل لا يلف يسار

شرايكم