ابغي اجيب يخت من دبي شلحل ؟؟؟

[HEART_LION]

السلام عليكم

العنوان واضح اللي عنده خبره في هالمجل يراسلني شلون الطريقه والاجراءات؟

فيه حد بيخلصني؟ وشنو المطلوب؟

جزاكم الله خير

[dahr]

في واحد ايجيبة اذا حبيت بارسل رقمة لك

[HEART_LION]

في واحد ايجيبة اذا حبيت بارسل رقمة لك

رقمه الشيخ لاهنت

[bo_s3ood]

اخوي تونا جايبين واحد بس شوف اذا هو طوله لين 44 قدم يعني يركب علي سطحه ويجي علي طريق البر ولا بتيدره شركه قلف كرفت الي في دبي يوصلونه لك ب 13000 الف واذا هو اكبر وماله تيدر ولا تقدر اتركبه علي سطحه ... بعطيك نصيحه شوف الشياب الي قاعدين صوب مجلس الصيادين الي في البندر ... في شايب اسمه بوعلي وعنده هندي نسيت اسمه يسحبه لك بلنج من الامارات

[al-obaidly]

شوف ليش ماتجيبه طريق البحر منها تمشايه اواشحنه على لوبد احسن من السطحه بس لازم عندك قواعد الجرف التحتي

[مسافر77]

أخوي إذا طول وعرض اليخت مناسب لتحميله ع سطحة أو لوبد
روح شركة إرلينك أو أدسو في دبي وإرلينك لها فرع في الدوحة عند إشارات السينما
وإذا أنت تبي تخلصه بنفسك خليهم يطلعون لك في دبي الفاتورة التجارية وشهادة المنشأ
وروح منطقة العوير اللي فيها سوق الخضار مال دبي كلها مكاتب شحن ونقل وشاحنات بكل أنواعها
وشوف الشاحنة المناسبة وحمل اليخت وبتوفر على نفسك العمولة
ولو تعطيني مواصفات اليخت طول وعرض وأرتفاع والوزن بعطيك الحل المناسب
وبالتوفيق

[HEART_LION]

أخوي إذا طول وعرض اليخت مناسب لتحميله ع سطحة أو لوبد
روح شركة إرلينك أو أدسو في دبي وإرلينك لها فرع في الدوحة عند إشارات السينما
وإذا أنت تبي تخلصه بنفسك خليهم يطلعون لك في دبي الفاتورة التجارية وشهادة المنشأ
وروح منطقة العوير اللي فيها سوق الخضار مال دبي كلها مكاتب شحن ونقل وشاحنات بكل أنواعها
وشوف الشاحنة المناسبة وحمل اليخت وبتوفر على نفسك العمولة
ولو تعطيني مواصفات اليخت طول وعرض وأرتفاع والوزن بعطيك الحل المناسب
وبالتوفيق

50 قدم

كل اللي ردوا يعطيكم العافيه ماقصرتوا

[عزيزوف]

بالتوفيق

[احب قطر]

شوف الشيخ ، افضل طريقة انك تجي فيه ولو عندك خبره في البحر مافي مشاكل ولو ماعندك ممكن اعطيك رقم كابتن استرالي في الامارات بيجي معاك بس راح يكلفك أعتقد 5000 ريال غير تذكرته من الدوحة لدبي .

بالنسبة للطريق اول شي الديزل وايد غالي من الامارات ، اذا كان يختك ماجستي يشيل 500 جالون * 11 درهم يعني 5500 وانصحك تشيل معاك درامين احتياط كل واحد 50 جالون . يعني بعد 1100 درهم غير الطرمبة والدرامات.

وبعدها في شركات تخليص تسوي لك الاوراق كلها ، يعني اذا شاريه مستعمل لازم تسوي مبايعة وتلغي اللاسلكي وتسوي بيبان جمركي ، واذا ماتبي تدفع جمارك ادا كان 2005 وطالع تجيب نفس البيان الجمركي واذا كان ماجستي المصنع يطلع لك شهادة منشأ ، وبعدها تقدر تختم الجوازات وتصريح الابحار من ميناء جبل علي واحسن لك تخلصها قبل بيوم وثاني يوم تحرك الفجر لو مثلا 4 الفجر وتمشي على 2000 rpm تقريبا 20 عقده ان شاء الله توصل بعد 10 ساعات لان المسافة 200 ميل بحري.

وطبعا قبلها لازم تتأكد من الجو في الامارات وفي الدوحة قبلها بكم يوم لين يوم السفر ، وفي الطلعة من دبي اول شي حط لك عالنفيجيشن جزيرة صير بو نعير وبعدها داس (وخلك فوق داس) لانها منطقة ابار نفط وفي ممرات مائية معينه علشان مايجونك الخفر وبعدها بوية الدوحة.

ولين توصل الدوحة تمر عالدوبة وبعدها بيطلعون طراد معاك للجمارك ، وعقب الله يكون في عونك عليهم .

وبالسلامة ان شاء الله.

وماانصحك ان تقلصه ولاتخلي الكابتن يجي بروحه فيه ، واذا اعطيك تفاصيل اكثر عطني نوع اليخت والمكاين.

[BO.ABDULLA]

بالتوفيق انشالله

[خوي الشوق]

انا جبت يخت من دبي 6000 ريال واصل الدوحه بس انصحك في شيبه اماراتي اسئل عنه في الجلف كرفت يجيبه لك لين الميناء والجو هالايام مايحتاج كلها 8ساعات واصل اتوقع وافضل ترجع معاه وياخذ 3000 وتاخذ له تذكره عوده على الخليجيه 200ريال انا مجرب الشحن لين وصل الدوحه ويختك 50 قدم بتتعب معاه عشان تدور كرين عدل يشيله

[HEART_LION]

الله يعطيكم العافيه كفيتوا ووفيتوا خلصت اموري والحمد لله