+ أفضل طبيب نفسي في قطر +

[saddawi4ever]

السلام عليكم

بغيت اسألكم من هو افضل طبيب نفسي في قطر

وافضل جهة ممكن الشخص يروح لها ويتعالج من اي مشاكل نفسية

وشكرا

[ذوق]

في فرق بين المشاكل النفسيه والامراض النفسيه
الامراض النفسيه عندك نجلاء الحاج ولا تفكر في غيرها لأن دكاترتنا للأسف فيهم امراض نفسيه وتخلف اكثر من المراجعين
والمشاكل النفسيه عندك مركزالراشد عند الاستاذ خالد صالح روووعه بس الساعه عنده ب300 لكن تستاهل وتستفيد منه

[بنت ذياب]

اكثرت هالمواضيع في المنتدى:(

لله يبعد عنكم جميع الامراض

بس اخوي ماوضحت ..

تبي اخصائي نفسي.. يعني استشاري .. ويعالج بالجلسات

ولا دكتور نفسي .. يعني يتعامل مع الادوية ..


:omen2:

[saddawi4ever]

اقصد الناس الي عندهم مشاكل نفسية

مثل انعدام الثقه بالنفس

الخجل

الرهاب الاجتماعي

العقد النفسية

التشاؤم والسلبية

الاثار النفسية نتيجة صدمات او حوادث معينة

وشكرا

[saddawi4ever]

في فرق بين المشاكل النفسيه والامراض النفسيه
الامراض النفسيه عندك نجلاء الحاج ولا تفكر في غيرها لأن دكاترتنا للأسف فيهم امراض نفسيه وتخلف اكثر من المراجعين
والمشاكل النفسيه عندك مركزالراشد عند الاستاذ خالد صالح روووعه بس الساعه عنده ب300 لكن تستاهل وتستفيد منه

شنو الفرق بين الامراض النفسية والمشاكل النفسية

ووين مكان الدكتورة نجلاء الحاج

وشنو هو تخصص الاستاد خالد صالح

ويزاج الله خير

[فلتة زمانها]

اخوي نصيحه افضل مكان للعلاج هو قسم الطب النفسي في حمد فيه دكاتره ممتازين ويجون مرضا من دول مجاوره يتعالجون عندهم مثل الدكتوره سهيله غلوم هي كويتيه وعندك بعدك الدكتور عبدالقادر وطاهر شلتوت هاذيلان التوب شوف اذا بغيت تراجعهم روح طواري حمد واطلب من الدكتور تحويله للطب النفسي وقوله اسم الدكتور اللي تبيه وتروح الطب النفسي مقابل السنتر تقابل الدكتور دايركت

[بنت ذياب]

اخوي الاستشاري النفسي .. تقدر تستشيره ويعطيك جلسات فالعلاج من غير ادوية

وعندك استشاريين مركز الراشد

ومنهم الدكتور خالد صالح .. ممتاز ويعطي دورات ..

وهو استشاري نفسي.. موجود في مركز الراشد

وهذا موقعه اذا حاب تعرف عنه ..
http://khalidsaleh.net/index.php

وعندك الدكتورة هدى السبيعي ..

في مركز الاستشارات العائلية



اما الاطباء النفسانيين اللي يتعاملون مع الادوية

مثل ماقالت فلتة زمانها

عندك :

عبدالقادر مصطفى .. ممتاز

وبالنسبة لسؤالك ..

المشاكل النفسية .. هي موجودة من زمان

مثل القلق والافكار التشاؤمية

اما الامراض .. هي تصير فجاه او بعد موقف او صدمة وتحتاج لعلاج دوائي

مثل الاكتئاب و الهلع .... الخ

بحيث انك ماتقدر تعيش حياتك بشكل طبيعي .. :omen2:


واذا الحالة خفيفة .. حاول تتعالج عند اخصائي نفسي للتخلص من المشكلة ..



والله يشفي مرضى المسلمين ..

[مهل]

السلام عليكم

اذا المقصود بخالد الصالح هو نفسه خالد صالح الي يشتغل في الجزيره ،، انا اعرفه معرفه شخصيه و نعم الرجل دين و خلق وغيره الكثير ولا نزكي على الله احد.

بالتوفيق

[مسافر77]

بالتوفيق أخوي وما تشوف شر
والأخت بنت ذياب أصابت بالإجابة
الدكتورة سهيلة غلوم إستشارية ممتازة جدا

[وارث العز]

طاهر شلتوت / مستشفى الطب النفسي

[رجل الجزيرة]

اخوي نصيحه افضل مكان للعلاج هو قسم الطب النفسي في حمد فيه دكاتره ممتازين ويجون مرضا من دول مجاوره يتعالجون عندهم مثل الدكتوره سهيله غلوم هي كويتيه وعندك بعدك الدكتور عبدالقادر وطاهر شلتوت هاذيلان التوب شوف اذا بغيت تراجعهم روح طواري حمد واطلب من الدكتور تحويله للطب النفسي وقوله اسم الدكتور اللي تبيه وتروح الطب النفسي مقابل السنتر تقابل الدكتور دايركت


نعم كلامج صحيح.

[ديرة العز]

عفوا الدكتوره نجلا الحاج وين مكان عيادتها