عاد الغرافة للانتصارات .. ولكن ... !!

[£عبدالعزيز£]

السلام عليكم ورحمة الله وبركاته


انتهت قبل قليل مباراة الغرافة والخور بفوز الغرافة بثلاثية نظيفة

منها هدفين لانس مبارك وهدف لكليمرسون من ضربة جزاء

وشهدت المباراة غياب يونس محمود .. وعودة ابراهيم الغانم من الايقاف

..

الحمدلله الغرافة اليوم طلع بالمطلوب منه في هالمباراة

وهو عودة الانتصارات بغض النظر عن الاداء

..

ولكن احنا مب نفس (بعض) جماهير الاندية الاخرى الفاشلة

اللي لو فريقها فاز مباراة او مباراتين يرفعونه في السما مع ان الدوري للحين في بدايته

..

المشكلة التي يعاني منها الغرافة ما انحلت بنسبة 100%

صحيح انهم قدروا تجاوز الجانب النفسي اللي يشكل اكثر من 60% على حسب وجهة نظري المتواضعة

ولكن الغرافة الحين محتاج للعودة الى مستواه المعهود للعودة للمنافسة على اللقب بقوة

ويجب استغلال فترة توقف الدوري بافضل شكل ممكن لاعادة الروح للفريق

والتي عاد جزء كبير منها بالفوز اليوم .. ولكن يجب ان تستمر معالجة الجانب النفسي طوال

فترة التوقف .. بالاضافة الى اعطاء اللاعبين راحة كانوا يبحثون عنها طويلا

بالرغم من تواجد عدد كبير من اللاعبين في المنتخب خلال فترة التوقف

الا ان المدرب والادارة يقدرون انهم يرجعون المياه لمجاريها

ونفوز باللقب للمرة الرابعة على التوالي .. صحيح ان الكلام يعتبر مبكر عن الفوز باللقب

بس اول خطوات الفوز باللقب هي عودة الفريق لوضعه الطبيعي

..

باختصار اللي ابي اوصله من الموضوع

هو انه ما نكون نفس جماهير بعض الاندية اللي مب شايفة خير ونوصل فريقنا للسماء

وانه نكون واقعيين ونوقف مع الفريق لين ما يرجع لمستواه الطبيعي ان شاء الله

..

وفي الختام .. تحية كبيرة موجهة للاعبين الغرافة على الفوز اللي جاء في وقته

وان شاء الله يكون بداية العودة

ونقول لكل اللعيبة يعطيكم العافية

[عاشق الشهادة]

حلو ان الغرافة فاز اليوم بس لا تنسى المحك الحقيقي للغرافة اذا واجه السد او الريان وفوز الغرافة اليوم على فريق الخور يعتبر شي لا جديد للمشاهد الكروي بتقولي فاز على السد باقولك ايش الفرق بين السد والخور هذه السنه وخاصه في الاربع الجولات الماضية من الدوري؟
ويمكن الغرافه يلحقهم نصبر ونشوف نهاية القسم الاول ,
وبخصوص يونس انا قلت من مباراة الهلال بالدوحه ان يونس انتهى ومعاه لاعب آخر بالفريق وسميتهم بالسكراييب والي اكد على كلامي يوم لعب الغرافة مع العربي وضح من يونس انه فقد الحس التهديفي يمكن يبيله راحه بنشوف هو مالعب مباراة الخور وعنده 10 ايام لين مباراتهم القادمه نصبر ونشوف .

[الخليـفـي]

مبروك للغرافة الثلاث نقاط ، بس أخوي أتمنى يكون كلامك أكثر وضوحاً عن تلك الأندية اللي تتكلم عنها ، ويعطيك العافية

[£عبدالعزيز£]

حلو ان الغرافة فاز اليوم بس لا تنسى المحك الحقيقي للغرافة اذا واجه السد او الريان وفوز الغرافة اليوم على فريق الخور يعتبر شي لا جديد للمشاهد الكروي بتقولي فاز على السد باقولك ايش الفرق بين السد والخور هذه السنه وخاصه في الاربع الجولات الماضية من الدوري؟
ويمكن الغرافه يلحقهم نصبر ونشوف نهاية القسم الاول ,
وبخصوص يونس انا قلت من مباراة الهلال بالدوحه ان يونس انتهى ومعاه لاعب آخر بالفريق وسميتهم بالسكراييب والي اكد على كلامي يوم لعب الغرافة مع العربي وضح من يونس انه فقد الحس التهديفي يمكن يبيله راحه بنشوف هو مالعب مباراة الخور وعنده 10 ايام لين مباراتهم القادمه نصبر ونشوف .

اخوي شكلك قريت الموضوع بسرعة وما ركزت في اللي قلته

انا قلت ان الفريق رجع له جزء من روحه المعنوية

وانه الحين لازم يركزون على اعادة الفريق لمستواه الطبيعي

ما قلت ان الفريق رجع خلاص

يعني ما قلت ان الخور محك حقيقي على قولتك

بس تراه فريق جيد ولا يستهان به

وسواء كان الخور او غيره .. المهم هو الفوز لعودة الروح

مب مهم ضد من لاعبين

..

اما عن يونس

اي حس تهديفي اللي تتكلم عنه في مباراة العربي وهو توه كان جاي من 120 دقيقة قبلها ب3 ايام

وقبلها ب3 ايام لاعب مباراة مع لخويا

وقبلها ب3 ايام مع الهلال السعودي

وبالرغم من كل هذا كان ممكن جدا انه يسجل من الدقيقة الاولى لولا الراية الخاطئة من الحكم المساعد

..

على العموم احنا ما راح نتكلم عن الماضي

ورايك عن يونس انت حر فيه .. وطبعا مب مجبور تقول يونس لاعب كبير

ولا حتى يونس محتاج شهادة حد

[£عبدالعزيز£]

مبروك للغرافة الثلاث نقاط ، بس أخوي أتمنى يكون كلامك أكثر وضوحاً عن تلك الأندية اللي تتكلم عنها ، ويعطيك العافية

الله يبارك فيك

اخوي انا اتكلم بشكل عام

في اندية كثيرة متعودة على الفشل

فلما فريقها يفوز مباراتين او 3 ورا بعض يوصلونه للسما

واحنا ما نحب انه نكون نفسهم

[الخليـفـي]

الله يبارك فيك

اخوي انا اتكلم بشكل عام

في اندية كثيرة متعودة على الفشل

فلما فريقها يفوز مباراتين او 3 ورا بعض يوصلونه للسما

واحنا ما نحب انه نكون نفسهم

وصلت فكرتك ، ولكن الكبير يبقى كبير !!

[Qatarianes]

طبعاً ياعبدالعزيز فنحنُ كجمهور, طموحنا اكبر من مجرد فوز او اثنين في الدوري المحلي ^.^

[عاشق الشهادة]

وصلت فكرتك ، ولكن الكبير يبقى كبير !!


ذبحته :victory:

[بواردي]

ياخي ما ادري في حد مسويلهم عمل ويكرهون الغرافة

اسهم الطماط هالايام لمت اب
انطر شوي بس يبرد الجو وبيرجع المثل القديم " برخص الطماط "

واخوي عزوز الغرافة يمرض بس ما يموت

[دعوه]

ياخي ما ادري في حد مسويلهم عمل ويكرهون الغرافة

اسهم الطماط هالايام لمت اب
انطر شوي بس يبرد الجو وبيرجع المثل القديم " برخص الطماط "

واخوي عزوز الغرافة يمرض بس ما يموت




هههههههههههههههههههههههههههههه

اما طماط :tease: