(( ابي رايكم يا أما أتوافقوني بالرأي أم لاء )).. شاركوني بالراي لانه زوجتي وانا بحيره

[تاجر121]

السلام عليكم اخواني الكرام
\
خلني ادش بصلب الموضوع احسن
الحمد لله عندي بنت الحين واسمها : المـــهـا

وبعد أيام قليله انشالله بتجيني بنوته ثانيه وناوي أسميها : ((( ريــــــماس ))) .. يعني الدلع بيكون رموس ههههه ...

فبغيت رايكم أش رايكم بهالأسم ........
والله يحفظكم يا رب ودعواتكم
ارجوكم فيدووووني

[حمد بن سعد]

الله يبارك لك في مها ويطرح فيها لبركه

ويهون على زوجتج ويقومها لكم بسلامه


معني كلمة ريماس المتوفرة لدي واصلها ،

ريمــــــــاس
اصله من الالماس ولالماس هي حلية ( مجوهرات) مكونة من الذهب المطعم بحجر كريم ، وعادة ما يكون الألماس ، أي أنها خليط بين النوعين في نفس الوقت أو عبارة عن تزيين الذهب بالألماس . وقيل معنى ريماس بريق الالماس وقيل قلب الالماس
و اصل الكلمة فارسي
وقيل ان احد ملوك الفُرس كان لديه حليه عجيبة في زمانها من جمالها ودقة صنعها يقال لها ريماس.

والله اعلم


اخوي كل الاسامي جميله بس قبل لاتختار الاسم تعرف وشهو معنى الاسم


ولا تنسى تعزمنا على العشى ههههههه

[ريم الشمال]

الاسم حلو ... مبروك يابومها والله يقوم ام مها بسلامه
بس اذا عندكم اكبار بسن في العائله بيجبون العيد في الاسم ما يعرفون ينطقونه

ريم الشمال

[jasjar85]

خوش اسم

[بـــــــنت النوخـّــــذه]

الله يخليها لكم بنيتكم والله يسهل على زوجتك 000

صراحه انا احب مشاعر السعاده لمست من موضوعك مشاعر سعاده خفيه لقدوم البنوته الجديده الله يديمها عليكم من سعاده امين:nice:

بالنسبه للاسم دام عاجبك توكل على الله بس فرق بين المها وريماس ليش ما اخترت على نفس الوزن والقافيه <<<اشدخلج:)


بس عموما" دامك انت وزوجتك عاجبكم الاسم توكلو على الله صراحه انا اسمي وايد حلو سموها عليّ :p:p:p:p:p:p

عموما" تتربى بعزكم ومبروك مقدما"

[**هـتــــــان**]

الاسم حلو :) توكل على الله.

[هجمة مرتدة]

أحب الأسماء التي بها معاني الحلي والمجوهرات ..

الدانة ولولوة وموزة والجوهرة وجواهر الخ

أول مرّه أسمع بإسم ريماس، ومن المعنى أراه اسم جميل .. :)

عساها تتربى بعزك إن شاء الله ..







.

[اسعاف]

الاسم حلو ... مبروك يابومها والله يقوم ام مها بسلامه
بس اذا عندكم اكبار بسن في العائله بيجبون العيد في الاسم ما يعرفون ينطقونه

ريم الشمال

ههههههههههههههههههههههههههههههههه

الوالد لما سأل ما اسم بنت اخوك يا ( اسعاف :secret:)

قلت له ك سماها ريماس:secret:(والوالد سمعه ثقيل )

قال الوالد :ملاس!!!

قلت له : لا اسمها

ررررررررررررررررررررررررماسسسسسسسسسسسسسسسس

ونرفع صوتنا له في اذونه،

ويالله يالله عرف يلفظها

لكنه سرعان ما ينساها

يقول : حشه ، هاذي اسم!!

على فكرة قبيلة الكعبان يكثر عنده هذا الأسم(رغم ان اخي ليس بكعبي)

[تاجر121]

صراااااااحة ما قصرتواا وبديت اتشجع وشكلي باتوكل على الله ........ وباشوف وبصلي صلاة استخاره
وشاكر لكم ردودكم ومشاركاتكم

[بوحارب]

الأسم ما يعجبني احسه سعودي اكثر من كونه قطري !!!

بس اذا تبي رايي سمها وضحه او الهنوف او الجازي او جواهر

والله يجيبها لك على خير ومبروك مقدما

[حقيقه]

احب الاسامي اللي تقريبا تكون قديمه وثقيله احسن من الدلع هالايام

العنود ريم لولوه بثينه روضه حصه النايفه هند جواهر الجوهره دارين الجازي


والمهم
الله يبارك لك في البنت ويقوم امها بالسلامه ويخلي المها والمولوده الجديده

[روح الاطلس]

الاسم حلو ومودرن ومنتشر بالسعودية

اغلب المواليد حديثا يا ريماس او لامار

الله يبارك لك فيما اعطاك

[اخر العنقود]

هو في الاخير كيفك بس الاسم مب حلو بكون صريحه معاك والبنت لبكرت بتعقد ليش هالاسماء القديمه او الغريبه وانا والله اسمي عاادي وربي متعقده منه ولو بيدي غيرته
وبقولك الاسماء اللي احبها > عهود / الريم / المها >>ومسمي بنتك / العنود / غاده / هند


ولاتاخذ على كلامي لان الناس اذواق

واسفه اذا كان كلامي ثقيل وتتربى بعزكم انشالله

[تاجر121]

هو في الاخير كيفك بس الاسم مب حلو بكون صريحه معاك والبنت لبكرت بتعقد ليش هالاسماء القديمه او الغريبه وانا والله اسمي عاادي وربي متعقده منه ولو بيدي غيرته
وبقولك الاسماء اللي احبها > عهود / الريم / المها >>ومسمي بنتك / العنود / غاده / هند


ولاتاخذ على كلامي لان الناس اذواق

واسفه اذا كان كلامي ثقيل وتتربى بعزكم انشالله

صراحة اختي خلتيني اتردد ؟

[رُفق المجنّا]

عندك عائشة , وعندك الميّاسة , وصايف

ريماس : سعودي ولكنّي لا أحبه :omen2:


:)

[حليتان*]

الله يخلي لك المها ويطرح فيها البركه

واسم ريماس حلوو

انا ان تزوجت جاتني بنت بسميها على امي :) واذا جاتني غيرها بخلي ام العيال تسميها خخخ

بس احب هالاسامي الريم والغااليه وغدنانه وحصه وموزه وشريفه وروضه << اسامي قديمه هههه

[اخر العنقود]

صراحة اختي خلتيني اتردد ؟

اخوي الراي الاول والاخير لك بس انا قلت رايي بالاسم انه ماعجبني وفي اسماء احلى من ريماس
اذا حاب على هالوزن سم مياسه قريب من الاسم اللي تبيه

وعقب بشرني اذا رسيت علي اسم بنتك :shy:

[تاجر121]

اخوي الراي الاول والاخير لك بس انا قلت رايي بالاسم انه ماعجبني وفي اسماء احلى من ريماس
اذا حاب على هالوزن سم مياسه قريب من الاسم اللي تبيه

وعقب بشرني اذا رسيت علي اسم بنتك :shy:

انشالله خير
على قولتهم بس يجي الصبي بنصلي عالنبي

[روح الاطلس]

اهم شي ام البنت اللي تعبت فيها تكون راضيه بالاسم

ولو هي موافقه على ريماس توكلوا على الله حلو نطقه وحلو معناه ومميز مش تقليدي نفس الاسامي الدارجة

حصة
روضه
ماباقي الا جامعه ولا فسحة <<< بتكفخ

[اخر العنقود]

امها موافقه على الاسم ؟

[وهم قطر]

وجهه نظر أشوف الاسم خفيييييف على اللسان وسريع النسيان بعد فتره


عليك بلاسامي الثقيله الدارجه -اسما-الجازي-هنادي- ريما-تماضر-هعود-نوارا-نور-ساره-

دانا-المياسه- وهكذا اساء حديثه وحلوه

وعلى البركه القرموشه:nice:

[مسمس12]

حلوووووووو

بس فيه اسم الحور والجود عاجبيني

[مسافر77]

الله يجيبها بالسلامة
لفظ الأسم جميل ريماس
والأسم غير عربي وهو أسم جوهرة
تأكد من الإسم أولا
وعندك الأسماء العربية المحببة والجميلة في كل وقت ومكان
ك: أمنة , عائشة, مريم

[sara jsm]

انا بعد احسه مب عربي :o
انزين سمها سارة او ظبيه او غزلان :shy:
لا جد اخوي ,, دام البنت الاولى ( المها ) سم الثانية ( الريم ) ,,
يعني من اسامي الغزلان وعندك اكثر من خيار ,,

وهالاسامي اصيله ماراح تختفي ودومها جديدة ,,
واهم شي ان المعنى حلوووو :victory:

الله يقوم زوجتك بالسلامة ويسهل عليها ,,
ومبروك مقدما ً ,, وعساها من الصالحين والبارين يارب ,, :)

[ظبيــღــه]

^^http://forum.upkelk.com/images/icons/f010.gif^^
احم احم..
________

الله يسهل على ام المهاا ويقومهاا والبنووته -مهماا كان اسمهاا- بسلامه

[شويهينــه]

اولا الله يقوم امها بالسلامه والبنت تكون بصحه وعافيه يارب

انا عن نفسي احب الاسامي التراثيه القديمه الدارجه في مجتمعنا مثل حصه-شيخه-عايشه-فاطمه-نور... وغيرها

اما الاسامي الجديده مادري ليش ماحبيتها والصراحه اسم ريماس مب دارج عندنا وبيكون شي جديد

بس بالنهايه الامر يرجع لكم

[ع.م]

بصراحة ماعجبني ماحسيته قطري..

الأولى اسمها المها وايد حلو..

الثانية خلها ال.. بعد.. يعني حلو بأل التعريف.. الدانة، الجوهرة، الريم.. أكشخ من ريماس.. أحس ريماس موضة وتنتهي..

[%حورية قطر%]

اخوي الاسم حلوو بس مب متداول عندنا !!

و فيه اسامي احلى مثل الدانه والريم


والله يقووم زوجتك بالسلامه

[طموحي عالي]

انا اشوف ان مميز
وتعجبني الاسامي المميزه الغير مكرره
ماحب 10 مها بالعايله و 10 مريم و10 نوره حشا
ومعناه حلو ووايد ناس صاروا مسمينه
ودامه عاجبك وعاجب المدام توكلوا على الله بالنهايه البنت بنتكم

عموما انا اشوف لكل حادث حديث ياما نااس قالوا بيسمون اسم معين وسبحان الله بس يطلع الطفل يطلع معاه اسم ثاني وصارت عندنا اكثر من مره بالعايله
بس عاد لاتقعدون تفكرون وايد انا تميت 20 يوم لين سموني """ حشا 20 يوم طموحي عالي بدون اسم""

[missperfect]

الياهل ينولد اسمه معاه
ياما ناس قرروا بأسماء وأسماء لكن يوم انولد لهم الطفل يجي اسم ثاني ما كان بالبال


ع العموم الاسم رووووووووعه ،، تتربى بعزكم مقدماً

[BO.ABDULLA]

توكل على الله

[ورد قطر]

بحثت عن معنى الاسم وطلعت لي معاني مختلفة منها الزين مثل ما انذكر في الموضوع ومنها الشين والصراحة مب عارفة الصح من الخطأ

شوف الروابط اللي تحت وحاول تتأكد أكثر


هني فتوى
http://www.islamweb.net/ver2/fatwa/ShowFatwa.php?Option=FatwaId&lang=A&Id=36370

وهني المعنى الشين
http://forum.hawaaworld.com/showthread.php?t=2496284

وهني تصحيح وتوضيح للمعنى
http://hadaeeq.nqeia.com/vb303/showthread.php?t=41178


:omen2::omen2:

[بوغانم995]

تاجر121 ..الرجاء ان يسعني حلمك وطيب قلبك .......ومبروك المرة .....وتستاهل السلامه بوصولها

رقـم الفتوى : 36370
عنوان الفتوى : اسم "ريماس" من الأسماء الوافدة
تاريخ الفتوى : 20 جمادي الثانية 1424 / 19-08-2003
السؤال
ما معنى كلمة أو اسم " ريماس " هل هو عربي أو يهودي ؟
الفتوى
الحمد لله والصلاة والسلام على رسول الله وعلى آله وصحبه أما بعد:

فاسم ريماس من أسماء النساء، ليس له أصل في اللغة العربية، وهو من الأسماء الوافدة حديثًا على العالم العربي الإسلامي، حيث صارت تسمى به بعض بنات المسلمين، ولا ندري إن كان أصله من أسماء اليهود أم لا. إلا أنه اسم مستورد وليس له معنىً معلوم، فالواجب الحذر من التسمي بمثل هذه الأسماء الوافدة إلينا من غير المسلمين، خاصة أنه قد يكون لها معنى يتناقض مع عقيدتنا الإسلامية أو أخلاقنا.

فاسم ريماس من أسماء النساء، ليس له أصل في اللغة العربية، وهو من الأسماء الوافدة حديثًا على العالم العربي الإسلامي، حيث صارت تسمى به بعض بنات المسلمين، ولا ندري إن كان أصله من أسماء اليهود أم لا. إلا أنه اسم مستورد وليس له معنىً معلوم، فالواجب الحذر من التسمي بمثل هذه الأسماء الوافدة إلينا من غير المسلمين، خاصة أنه قد يكون لها معنى يتناقض مع عقيدتنا الإسلامية أو أخلاقنا.

هذا ماوجدته عن اسم ريماس ...للفائده والله يهنيك بالبنت ويجعلها غرة عينك ...وينبتها نباتاً حسن .....والسلام .

[جغرافي قطر]

ما احب هالاسامي

حلاته اسامينا العاديه

عايشه فاطمه مريم روضه جواهر ...............