تعلوا نشوف ايجابيات وسلبيات

[منصوربن حمد]

السلام عليكم ورحمة الله وبركاتة؛من يذكر قطر في الثمانينات يوم كان الدوام من الساعة 7 الى صلاة الظهر ويرجع الموظف البيت ويتغدى مع العائلة ويقيل ساعتين ويقوم لصلاة العصر في المسجد مع الجماعة وبعدها يرجع المجلس ويتقهوى مع الربع والاخوان ونفسيتة مرتاحة وشبعان نوم ومستفيد من يومة ومن الترابط الاسري وصلة الارحام وزيارة المريض وصحة البدن ويقضي اشغالة على الراحة مب احسن من الدوام الى العصر ويرجع منهوك البدن والعقل والنفسية ضاربة والارهاق والارق والتعب ووقت الصلاة يكون راقد ويقوم المغرب والنفسية تعبانة والذبانة ماتجرأ تمر على خشمة يعني النوم غلط والاكل وقتة غلط بيكون لحالة وصلة الارحام بدل كل يوم بتصير كل شهر والاشغال متعطلة والجسم منهك من التعب والتفكير والحين اشرايكم نبي السلبيات والايجابيات بعد تحليل الاعضاء المحترمين مع ان الدوام من بعد الساعة 11 او12 يكون انتر نت وسوالف والفعلي من الساعة 8 الى 11:30 لابعد الاجازة يوم الاحد جايتكم

[عزيزوف]

انا ما راح اتكلم عن سلبيات وايجابيات
بس كل زمن عن زمن يختلف ...

لازم الدنيا تتغير لان متطلبات الحياه زادت وكل شي تغير

[maruuma]

دوام هالايام ما اشوف فيه اي ايجابية

والله المستعان

[مرتبش]

استمر الحال لتقريبا سبتمير 1999
الاجازة يوم واحد بس الدوام لبعد صلاة الظهر وكان ممتاز.. اهل اجازة اليومين بيزعلون لو نرجع ليوم واحد رغم انه لو يتفكرون فيها كانت ايامنا كلها اجازة لان بعد انتهاء الدوام يوجد متسع من الوقت للراحة وقضاء الاشغال ..

الحين لخبطة وشربكة ..المدارس دومهم للوحدة ونص وبعضهم اكثر والامهات يعملن للعصر والاباء للعصر واذا عنده تجارة يكمل الشفت الثاني لليل
البيت صار فندق كل من يوصله يجهز فراشه وينام عشان غدا يوما اخر

[MAZEN37]

والله ايام ا ول احسن على الاقل الوقت فيه بركه ويوم السبت دوام وعلى الاقل العايله تتجمع

على الغداا والطلاب والكل مرتاح الحين ترا الوقت مضغوط ومحد مستفيد منه بعد ال 12

ولا فيه زحمه - قديمك نديمك

ولا ايجابيه وحده بدوام هالايام برئي

[PoBox]

السلام عليكم ورحمة الله وبركاتة؛من يذكر قطر في الثمانينات يوم كان الدوام من الساعة 7 الى صلاة الظهر ويرجع الموظف البيت ويتغدى مع العائلة ويقيل ساعتين ويقوم لصلاة العصر في المسجد مع الجماعة وبعدها يرجع المجلس ويتقهوى مع الربع والاخوان ونفسيتة مرتاحة وشبعان نوم ومستفيد من يومة ومن الترابط الاسري وصلة الارحام وزيارة المريض وصحة البدن ويقضي اشغالة على الراحة مب احسن من الدوام الى العصر ويرجع منهوك البدن والعقل والنفسية ضاربة والارهاق والارق والتعب ووقت الصلاة يكون راقد ويقوم المغرب والنفسية تعبانة والذبانة ماتجرأ تمر على خشمة يعني النوم غلط والاكل وقتة غلط بيكون لحالة وصلة الارحام بدل كل يوم بتصير كل شهر والاشغال متعطلة والجسم منهك من التعب والتفكير والحين اشرايكم نبي السلبيات والايجابيات بعد تحليل الاعضاء المحترمين مع ان الدوام من بعد الساعة 11 او12 يكون انتر نت وسوالف والفعلي من الساعة 8 الى 11:30 لابعد الاجازة يوم الاحد جايتكم


وين تشتغلون انتو :no:

[أم شيوخ]

في ناس قالوا الزمن يتغير ومتطلبات الحياه تزيد
انا ضد هالمقوله لنه احنا الي غيرنا كل شي حولنا وزدنا علينا اشغال حتى لو مانقدر بنسويها
احنا الي غيرنا الدنيا مب الدنيا الي غيرتنا وكله بقرارات تكون في وجهة نظري خاطئه وماخذوه من اشخاص معدودين بس مجتمج ككل

[ANONYMOUS]

ياخي خنقتني العبرا

الحمد لله على كل حال

[عزووز قطر]

أكيد أيام قبل غييييييييييير

بس دوام الحال من المحال وهذا لزوم التطور
مع ان ماستفدنا شي من التطور وساعات الدوام غير التفكك الأسري ودمار الأجيال الشابة

[منصوربن حمد]

وين تشتغلون انتو :no:

اغلب الدوائر الحكومية

[vtc_4.8]

الدوحه بعد سنة 2000 تغيرت وايد

وراحو الطيبيييييييين

[حسن]

الحمدلله غداي عقب صلاه الضهر ماسك سلك الشياب يازينه من غدا حياكم تفضلو

[ناصر30]

اكيد ايام قبل احسن وتحس الوقت فيه خير وبركه

انا اشوف السلبيات كالاتي :

بسبب الارهاق تضييع الصلاه

وقله الترابط الاسرى والتربيه لان الام تشتغل والاب يشتغل

والابناء مايكون لهم النصيب الاكبر من اهتمام الاب والام

قله التواصل بين الارحام والجيران والاصدقاء

يمكن والله اعلم سبب في الطلاق والمشاكل الزوجيه لان

النفسيات تعبانه وفترات كثيره الانسان يكون مشغول عن بيته

هذا اللى اشوفه تغير وتبقى وجهه نظر تحتمل الخطا والصواب


وبالنسبه للايجابيات اتركهاا لباقي الاخوان



لك كل الود يابو حمد

[العقل الحر]

اخوي بوحمد احييك على طرح الموضوع

وهو فعلا يناقش الماضي والحاضر والسلبيات والايجابيات

وانا شخصياً افضل السابق لانه بصراحه يمديك تزور حد ولا تقلط في مجالس الربع وعيال العم اما الحين حدك مجلسك وتعبان بعد وتبي ترقد والنفسية ضاربه وساعتين والى انت معود الفراش

[بنت شيوخ]

صج قبل احسن الحين مانشوف حد ولاحد يشوفنا نومنا غير وجلستنا غير حتى الاكل مانشوف حد
\
ايام قبل احلى

الرجعه 12 ونص الغداى ونومه لين صلاه العصر والعصر نتجمع مع بعض بالبيت ونسولف والمغربيه نشوف شنو علينا

وبعدها ننام بدري


صج اريح قبل

[احمد1]

رايي في الموضوع صدقني اي زمان تتمسك فيه بالتعاليم الاسلاميه انت وتغذيها لعيالك بتلقى ان الزمان حلو ولو جمعت نعمت اليوم الي كانت امس قليله والحين الله مكثرها والحمدلله مع الدين وشكر النعمه بتعرف لذة الحياه

[العـوا]

الي راح راح يا منصور

[الحياة الخالدة]

السلام عليكم و رحمة الله ..


جزاك الله خير أخوي منصور ..


أكيد أيام قبل كانت أحلى ..
بس بعد ما نقدر ننكر ان الكثير منا كان يشتكي .. لأن الانسان دايماً في حالة تذمر ..
و انا متأكدة .. ان باجر ( مستقبلاً ) بعد بيجون ناس يتحسرون على هذا الوقت .. مع صعوبته و سلبياته ..
لأن القادم أصعب بلا شك ..

يمكن ياخوي .. احنا الحين نتحسر على أيام قبل و نشوفها أحلى و أمتع .. لأن كانت أمهاتنا و آبائنا حوالينا .. و كانوا هم اللي شايلين الهم و المسؤوليات عنا .. واحنا كان همنا محدود في أشياء معينة ..
أخوي منصور .. أهلنا ( الله يرحم الميتين منهم .. و يبارك في الباقين ) .. كانوا يقولون : كل وقت ما يستحي من وقته ..


و ماقول غير .. الله يعين عيالنا على الزمن الياي ..

[jassim]

الله اكبر كبيرا ......والحمدلله كثيرا ....... وسبحان الله والحمدلله بكره واصيلا

[لوردغاليري]

وااااااااااااااايد اريح قبل بس شنقول وشنسوي

[المغروره]

احيييك بووحمد ع موضوعك الطيب لكن الناااااس تغيرت والعالم تغيررروا حتااا الاقارب مايدرون عن بعض
كل شي تحووول لكن في من الايااام موجوده عند البعض لكن بالشي القليل وليس الكثيررر عساااا التووواصل والترررابط يدووووم لاهنت ياابوحمد تحياتي لك

[منصوربن حمد]

مرحبا ومسهلا شرفتي الموضوع بمرورك
احيييك بووحمد ع موضوعك الطيب لكن الناااااس تغيرت والعالم تغيررروا حتااا الاقارب مايدرون عن بعض
كل شي تحووول لكن في من الايااام موجوده عند البعض لكن بالشي القليل وليس الكثيررر عساااا التووواصل والترررابط يدووووم لاهنت ياابوحمد تحياتي لك