لين متى يا ناس تعبنا !!!!!!!!!

[vtc_4.8]

السلام عليكم

اليوم بكتب معاناتي ومعانات وايد ناس نفس حالتي

انا سجلت في المنتدى خصيصا عشان اكتب هالموضوع


يا ناس الجواز القطري او التجنيس متى راح يشمل الناس القدام في البلاد ؟؟؟ والله معاناة الله لا يروريكم

جدي من ال30 هني وانا مواليد قطر والله متبهدلين شعور تحس انك انسان ناقص

تقعد مع ربعك القطريين تدخل مدرسة معاهم بعد فترة تشوف رااحو مسار ثاني وانت مسار ثاني لانك اجنبي بس على هيئة قطري .... والله اني في مسجل في جامعه ومصاريفها فووووووووق اسمع الشباب يسولفون وانا طبعا دايما منطوي ومنعزل بروحي اخاف حد يسألني او يتعرف علي يقولي شصلك او من منه ؟؟

اسمعهم يسولفون ويقول فلان خذت الراتب ومادري ايش والله انه تدمع عيني واروح الحمام الله يعزكم اغسل ويهي وارجع اقعد مرة ثانية


كل مافكر في الوالد المسكين الي من شاف هالدنيا وهو يشتغل ويكرف لحد الحين تدمع عيني وادعي انه الله يقويه ويحفظه ...
وللعلم جوازنا ايراني ومقدمين من سنين بس لحين مافي رد ولا شي .. وهاي حالة الكثير
للأسف سنين طويلة في البلاد والله معاناة والي يقهرني لاعب كافر يحصل الجواز القطري ولا مغني للأسف

لي متى ياناس وهالي كاتبه ولا شي من معاناتنا ... متى راح نسمع اخبار حلوة عن هالموضوع

والله يعطيكم الصحه والعافيه

[حسن]

الله يفرجها انشالله

[أم شيوخ]

ذكرتني بناس اعرفهم امهم قطريه 100% بس ابوهم ايراني وعندهم وثيقه وحرام والله في كل شي متبهدلين معاشاتهم لازم تكون فوق ال13 وفوق واهم 6 واااايد بعد ..
الله يعينكم وان شالله تنحل اموركم

[قلب قطر..!]

صحيح في ناس اولى بالجواز القطري من غيرهم

ويبين أصلك طيب وتحب الدوحه وتعتبر نفسك قطري
وتفداها. بروحك مثلنااا

الاولى أنت تاخذه بدال هاللعيبه ولا الدكاتره
اللي حتى النشيد الوطني مايعرفونه

الله يرزقك اللي فيه الخير

[عزووز قطر]

شي معروف ان الولد يتبع أبوه
وياطويل العمر قول الحمدالله انك للحين في البلاد
في ناس كانو يشتغلون وفنشوهم وطيروهم على بلادهم ..
وفي ناس يتمنون انهم يدخلون قطر ومب قادرين
والحمدالله اذا ابوك موظف وانت تدرس في الجامعة
وضعك أحسن من وضع غيرك

والشيخ في شي لازم تعرفه
ان الجنسية مب بالشي السهل..

وانا اللي فهمته انك تبي الجواز علشان اذا قعدت مع ربعك ماتتفشل !! والمفروض كل واحد يفتخر بأصله وجنسيته
والله يوفقك

[جغرافي قطر]

ياليت اللي يقرا هالموضوع من اصحاب القرار في الدولة يكون عنده ضمير حي

[عزووز قطر]

وبخصوص اللاعبين ترى جوازاتهم للمهمات ولتمثيل البلاد فقط..
وبعد مايخلص مهمته ينسحب منه

[vtc_4.8]

شي معروف ان الولد يتبع أبوه
وياطويل العمر قول الحمدالله انك للحين في البلاد
في ناس كانو يشتغلون وفنشوهم وطيروهم على بلادهم ..
وفي ناس يتمنون انهم يدخلون قطر ومب قادرين
والحمدالله اذا ابوك موظف وانت تدرس في الجامعة
وضعك أحسن من وضع غيرك

والشيخ في شي لازم تعرفه
ان الجنسية مب بالشي السهل..

وانا اللي فهمته انك تبي الجواز علشان اذا قعدت مع ربعك ماتتفشل !! والمفروض كل واحد يفتخر بأصله وجنسيته
والله يوفقك

الله يهديك اخوي شنو الولد يتبع ابوه انزين انا اعتبر ابوي بعد ولد قطر وماله الا هالبلاد ...
وانزين الي في ناس لعلمك في البلاد يعني بعدنا بكم سنة وحصلو الجواز وهم قطريين الحين هذول شتقول عنهم ...

يالغالي بخصوص الجامعه اقولك والله الوضع صعب جدا ومصاريفها وايد يعني تخيل ظاغط على عائلة بكبرها بسبب اني بدرس في الجامعه والله العالم اذا هاي بتوظف بعدين ولالا والله ياخوي انت ماتدري بظروف الناس ولا تقولي اني ابي الجواز عشان ماتفشل بين ربعي ربعي يعرفون ظروفي وهم اغلبهم معاي من الابتدائية بس انا بروحي انقطعت عنهم من فترة لظروفي وفيهم الخير

الحين الي خذو الجواز وهم عوايل مابي اذكرها صارو ناس واصله في البلاد وتجار الله يزيدهم ...يعني مالهم حق في الجواز القطري ؟

في النهاية يالربع الي له اي حد يعرفه من هالحالة او واحد مقرب من اي واحد من ربعه يسأله عن حالة هالناس الي صارلهم سنين ويمكن مافي فرق بينه وبين اي اجنبي ثاني جاي جاي شتغله سنتين ويروح

الله يكون في العون ومشكورين على مشاركاتكم جميعا

[شموخ دائم]

,

,

السلام عليكم ورحمه الله


الله يعيك العافيه والله يسهل امورك ويتحقق الي تتمناه

اكيد كلنا نتعاطف مع موضوعك خاصه انك من مواليد هذه البلد الطيبه الكريمه

مثل ما تحب هذه البلد تأكد ان هذه البلد والناس هنا يبادلونك نفس الحب ونفس العواطف مشتركه بينا والدليلا لردود الايجابيه على الموضوع هي خير برهان

لكن الدول والقوانين المنظمه لحقوق الجنسيه لا تنظر للعواطف وتنظر للقانون المنظم

وهناك عوامل كثيره للاسف وشائكه جدا وموضوعك من اصعب المواضيع الموجوده في الدول العربيه بشكل عام والدول الخليجيه بشكل خاص
وتعقد اجتماعات سنويه لهذا الموضوع
مشكلتك اخوي هي نفسها مشكله اكثر من 5 مليون شخص بالوطن العربي
واكثر من 500 الف في دول لخليج العربي المشكله هذي مشكله تخص دول
وليس دوله قطر فقط
اتمنى ان شاء الله يتم وضع حل خاصه لمواليد هذه الدوله
الي تربوا هنا ودرسو هنا وما يعرفون دوله اخرى غير دوله قطر هم قطريون قلبا وقالبا من دون اوراق قطريه

الله يكتب الي فيه الخير لكم ولقطر






,

,

اخوك


شموخ دائم

[كازانوفا]

صبر جميل والله المستعان ...

[رذاذ]

استبشر بالخير تجده

والله يسر حالك وحال الغير .

[vtc_4.8]

,

,

السلام عليكم ورحمه الله


الله يعيك العافيه والله يسهل امورك ويتحقق الي تتمناه

اكيد كلنا نتعاطف مع موضوعك خاصه انك من مواليد هذه البلد الطيبه الكريمه

مثل ما تحب هذه البلد تأكد ان هذه البلد والناس هنا يبادلونك نفس الحب ونفس العواطف مشتركه بينا والدليلا لردود الايجابيه على الموضوع هي خير برهان

لكن الدول والقوانين المنظمه لحقوق الجنسيه لا تنظر للعواطف وتنظر للقانون المنظم

وهناك عوامل كثيره للاسف وشائكه جدا وموضوعك من اصعب المواضيع الموجوده في الدول العربيه بشكل عام والدول الخليجيه بشكل خاص
وتعقد اجتماعات سنويه لهذا الموضوع
مشكلتك اخوي هي نفسها مشكله اكثر من 5 مليون شخص بالوطن العربي
واكثر من 500 الف في دول لخليج العربي المشكله هذي مشكله تخص دول
وليس دوله قطر فقط
اتمنى ان شاء الله يتم وضع حل خاصه لمواليد هذه الدوله
الي تربوا هنا ودرسو هنا وما يعرفون دوله اخرى غير دوله قطر هم قطريون قلبا وقالبا من دون اوراق قطريه

الله يكتب الي فيه الخير لكم ولقطر






,

,

اخوك


شموخ دائم


الله يجازيكم خير عالردود الطيبه

اخوي شموخ كلامك حلو ويدل على شخص فاهم .. بس ماتوقع في الدول العربية يعني فوق ال70 سنة وبدون جنسية

هي المشكلة تقدر تقول خاصة بالخليج وانا اتكلم عن السنين الطويلة مب 10 ولا 20 سنة

[MAZEN37]

اعتقد القانون الخاص بمنح الجنسيه يظلم فئه وممكن تعديله

والله يرزقك اذا فيه خير لك

[الدوحي7]

اذا انت عندك عود وتعرف تدق عود ومطرب كبير بيعطونك جواز،،


الله يكون في عونكم،،

[hasss1969]

عليك بالصبر وكثرة الاستغفار....فالعبد لايدري ما هو النافع له وماهو الضار...

[missperfect]

الله يسهل امورك ويحقق لك كل الي تتمناه

[mohd89]

اخوي مب شرط كل واحد عاش في بلد لفتره طويله ان يحمل جنسيته
في ناس وايد من مواليد قطر ومتربيين في قطر وعايشين فيها طول عمرهم وولائهم لقطر
بس ما طالبوا بالجنسيه .. وهذا امر طبيعي

الوالد صار له 40 سنه في قطر وانا من مواليد قطر وما اتخيل نفسي عايش في مكان ثاني غير قطر لانه هذا المكان اللي عشت وتربيت فيه ومالي مكان غيره
بس ما عمرنا طالبنا بالجواز ولا فكرنا حتى
صحيح الواحد يحس بفرق بينه وبين ربعه القطريين وهذا شي طبيعي
مثلا نروح نتعشى في مطعم فرايدايز يطلع الحساب 800 ريال كل واحد يقط مبلغ او واحد منا يدفع الحساب كامل
انا كـ مقيم ما اقدر اتحمل هذا المبلغ بروحي والربع يعرفون هذا الامر ويقدرون ظروفي
والربع الله يجازيهم خير يعاملوني مثل اخوهم وأكثر وما في فرق بيننا لا مواطن ولا مقيم

وأنت اذا بتفكر فيها من ناحيه ماديه صدقني بتتعب ولا تقارن نفسك بأهل البلد بالنهايه هم اولى بكل شبر فيه

وقول الحمدلله انك عايش في الدوحه .. ناس وايد عاشوا عمرهم في الدوحه في النهايه تكنسلت اقاماتهم ورجعوا بلادهم وأبتدوا حياتهم من الصفر

انا عن نفسي ادعي ربي اقامتي ما تتكنسل ومابي شي اكثر من جذي :secret:
وكل واحد له حدود ما يقدر يتخطاها

الله يهونها عليك

[vtc_4.8]

اخوي مب شرط كل واحد عاش في بلد لفتره طويله ان يحمل جنسيته
في ناس وايد من مواليد قطر ومتربيين في قطر وعايشين فيها طول عمرهم وولائهم لقطر
بس ما طالبوا بالجنسيه .. وهذا امر طبيعي

الوالد صار له 40 سنه في قطر وانا من مواليد قطر وما اتخيل نفسي عايش في مكان ثاني غير قطر لانه هذا المكان اللي عشت وتربيت فيه ومالي مكان غيره
بس ما عمرنا طالبنا بالجواز ولا فكرنا حتى
صحيح الواحد يحس بفرق بينه وبين ربعه القطريين وهذا شي طبيعي
مثلا نروح نتعشى في مطعم فرايدايز يطلع الحساب 800 ريال كل واحد يقط مبلغ او واحد منا يدفع الحساب كامل
انا كـ مقيم ما اقدر اتحمل هذا المبلغ بروحي والربع يعرفون هذا الامر ويقدرون ظروفي
والربع الله يجازيهم خير يعاملوني مثل اخوهم وأكثر وما في فرق بيننا لا مواطن ولا مقيم

وأنت اذا بتفكر فيها من ناحيه ماديه صدقني بتتعب ولا تقارن نفسك بأهل البلد بالنهايه هم اولى بكل شبر فيه

وقول الحمدلله انك عايش في الدوحه .. ناس وايد عاشوا عمرهم في الدوحه في النهايه تكنسلت اقاماتهم ورجعوا بلادهم وأبتدوا حياتهم من الصفر

انا عن نفسي ادعي ربي اقامتي ما تتكنسل ومابي شي اكثر من جذي :secret:
وكل واحد له حدود ما يقدر يتخطاها

الله يهونها عليك


مشكور عالرد وانا مافكر من ناحية الفلوس لما قلت لك تركت ربعي لا شيخي في اسباب ثانية
المهم اخوي في فرق بين ايراني وفلسطيني مثلا واكيد انت فاهم شقصدي او جنسية عربية

[بنت ذياب]

:(

الله ايوفقك اخوي .. ويعطيك اللي تتمناه

بس اللي فهمته .. ان عندك جواز .. وهالشي يمكن يصعب الامر

لو ماعندك .. يمكن يعطونكم ..

وايد اعرف ناس جذي فالدوحة .. مناصب .. وتجار .. بس بدون .. :(


بس صدقني كل شي خير .. والخيرة فيما اختارهُ الله

لاتياس اخوي

واستغفر وايد .. وتصدق بنية الحصول على الجواز

والله اييسر امورك ان شاءالله ويفرجها ..

[vtc_4.8]

:(

الله ايوفقك اخوي .. ويعطيك اللي تتمناه

بس اللي فهمته .. ان عندك جواز .. وهالشي يمكن يصعب الامر

لو ماعندك .. يمكن يعطونكم ..

وايد اعرف ناس جذي فالدوحة .. مناصب .. وتجار .. بس بدون .. :(


بس صدقني كل شي خير .. والخيرة فيما اختارهُ الله

لاتياس اخوي

واستغفر وايد .. وتصدق بنية الحصول على الجواز

والله اييسر امورك ان شاءالله ويفرجها ..


الله يجزاج خير اختي

والله تبين الصج اول كانت عندنا الوثيقة في ال80 يمكن قبل لا انولد طبعا بس ماجددوها لنا وقالو خذو الجواز الاصلي او انه الوالد قال ماكنا نقدر نسافر بالوثيقه ذيج الايام

وعن الصبر من صف 6 ابتدائي وانا قاعد على هالامل وان شاء الله يجي هاليوم

نورتي

[عزيزوف]

الله يستر عليك ياخوي الجواز مجرد ورقه مكتوب فيها انك قطري او لا

والله اني اعرف ناس جايين من 4 سنوات والي جاي من 3 سنوات وبحجة انه الي جايبه ولد عمه ولا اخوه من امه ولا من ابوه واخذ الجواز .!!!!

وفي الي اجدادهم عاشوا وماتوا اهني ولا خذوا الجواز مجرد ارزاق ....!!!

ماتدري الجواز فيه خير لك ولا شر .. انت موب ادرى من رب العالمين ..

احمد ربك انه ربك معطيك نعمة الصحه والعافيه وغيرها من النعم مثلا الحمدلله انك موب مشلول وتقدر تمشي غيرك عنده جواز تلاقيه ما يقدر يمشي واذا مشى ما يقدر يتحرك من غير كرسي بذمتك هاي تسميها حياه ؟؟؟؟


ترى مثل ما قلت لك الجواز مجرد ورقه وحتى في ناس والله اعرفهم وربي انه ما يستاهلونه بغض النظر من يكون ومن هو الله يستر عليهم على قولتهم يسمونه جواز معيشه فقط .!!!

قول الحمدلله على كل حال والعياذ بالله من حال اهل النار

واسمحلي اذا طولت عليك واعتبر نفسك عايش بين اهلك في بلادك