هل تؤيد لطلاب الابتدائي - مدرسات او مدرسين ؟

[MAZEN37]

السلام لاهل الاسلام

ما رائيكم بتدريس المعلمات للمرحله الابتدائيه للبنين ؟

انا اشوف انه لو المعلمات يدرسوا الطلاب البنين صف اول وثاني بس

احس انه الطالب يجب انه يكون عليه صرامه اكثر بعد الصف الثاني والي هي مفقوده عند

الحريم وبالاضافه الي انه الولد يصطلب شوي - سمعت انه السنه هذه الحريم بيدرسون

للسادس . اشوف هالجيل الي طالع غير :omg: - ترا الموضوع مهم

( الله يستر )

[PP]

انا اشوف ان مكان المُدرِسَة في تدريس طلاب , مبدأ خاطئ .
ولكن هذا الشيء يحدث وهو بسبب زيادة عدد التروبيين الإناث عن الذكور .
وفي النهاية يطلع طالب ركيك او مايع .
بس مب الكل , ولكن الإحتمال يكون كبير .
وقرأت دراسة امريكية عن ذلك .

وشكراَ
P!nk Panther

[حقيقه]

مافهمت

اصلن المدرسات هم اللي يدرسون الطلاب من الروضه لتمهيدي لين صف سادس ابتدائي
سادس ابتدائي بعض الطلاب بطول المدرسه ومنحرفين للاسف وسهالات عند البعض مايعاقبون البعض على تصرفات غلط المفروض حد يوقفهم عند حدهم

[PP]

مافهمت

اصلن المدرسات هم اللي يدرسون الطلاب من الروضه لتمهيدي لين صف سادس ابتدائي
سادس ابتدائي بعض الطلاب بطول المدرسه ومنحرفين للاسف وسهالات عند البعض مايعاقبون البعض على تصرفات غلط المفروض حد يوقفهم عند حدهم

لا , المدرسات يدرسون في النمودجية من صف أول الى الخامس.

[تاله]

انا عندي المدرسات احسن خاصه لصف الاول والثاني

[حقيقه]

لا , المدرسات يدرسون في النمودجية من صف أول الى الخامس.


من الروضه لتمهيدي لين سادس

[maruuma]

أأيدهم لين صف ثالث وبس

لان عقبها الولد محتاج رجال يصلبه .. مهما كانت المدرسة شديدة

والله المستعان

[(حوريه)]

انا مع تدريس الاولاد الى الصف الثالث
وبعدها يحول الى مدارس فيها اساتذة

لان تبدا عليه بوادر التوحش والتحول الى رجل خليجي يرى المراه حرمة مكانها البيت

[bo_s3ood]

المدرسات يدرسون الطلاب في النموذجيه لين الصف السادس

بس لو تكوون لين الراابع احسن

[maruuma]

انا مع تدريس الاولاد الى الصف الثالث
وبعدها يحول الى مدارس فيها اساتذة

لان تبدا عليه بوادر التوحش والتحول الى رجل خليجي يرى المراه حرمة مكانها البيت



وانا اشهد :victory:

[بواردي]

انا اقول لو يخلون الابتدائي من اول لين رابع
عقب متوسط اربع سنين
وعقب ثانوي اربع سنوات
مثل الكويت وغيرها

ويخلون الابتدائي حريم
والمتوسط والثانوي رياييل

ابرك


لان في طلاب خامس وسادس

شنب والله اطول من المدرسة

[ابو ريم]

انا ايد الصف الاول والثاني فقط وبعدها اطلق لها العنان

[وهم قطر]

أفضل المدرسه على المدرس

اشوف قابليه الطلاب للمدرسه قويه اكثر من الرجل

يحسون انها أمهم

[مهل]

انا اقول لو يخلون الابتدائي من اول لين رابع
عقب متوسط اربع سنين
وعقب ثانوي اربع سنوات

لان في طلاب خامس وسادس

شنب والله اطول من المدرسة

هذا افضل رأي

ولو اني افضل ان يكون مدرس (رجل) من اول ابتدائي .

و اعتقد ان الحكومه قامت بهذه الخطوه (تدريس المدرسات للطلبه الذكور) بسبب عدد المدسات المتزايد في مجال التدريس

[jassim]

اايد وبقوووووووه ان الي يدرسهم رجل
مش امراه

النموذجيه احس غللللللللللللط من يوم ما جات
هي افضل للارمله انها تتابع ابنها لانها مدارس كلها نساء
غير كذا لالالالا

[bo_hamad]

البنين = مدرس

البنات = مدرسة

[ام خليفه]

يسعد صباحكم

والله من كم يوم افكر انزل موضوع عن المدارس النموذجيه ..
واناشد سمو ولي العهد بانه ينظر في هذا الموضوع لانها تربية جيل من رجال المستقبل ..مثلما اقر الزي المدرسي ..يامر بتغيير هالنظام في المدارس النموذجيه لانه اهم واصلح لابنائنا

الطالب من خامس وتبدا تطلع عليه علامات الرجوله فما بالكم في سادس تعالوا شوفوهم ..والله ان بعضهم يستحي يرفع عينه بعين المدرسه

والطامه الكبرى اللي رسب كم سنه ..عمره 14 و15 ..تشوفونهم بالساحه والله اطول من المدرسات ولا صارت مشادة بينهم من يقدر يفككهم رجاجيل والله

غير عن هذي المسأله الافضل للولد من بعد ال10 او 11 يدخل عالم الرجال ..وانا كأم عندي اولاد صحيح أأمن لي اخليهم عند الحريم لكن الواحد لافكر لصالحهم بيكون تعليمهم من قبل رجال افضل لتكوين شخصياتهم وتهيئتهم لعالم الرجال

وانا كنت باقترح يرفعون الصف السادس للمرحله الاعدادية ويطبق نظام الفسحتين بالمدرسه فسحه لسادس واول اعدادي وفسحه لثاني وثالث اعدادي ..

واقتراح الاخ بواردي جدأ رائع

هذا هنا اقتراحين نرجو تطبيق احداهما والذي يمكن تطبيقه اسرع لمصلحة ابنائنا الطلاب رجال الغد

[جرح الزمان]

أتمنى ان يكون معانا مدرسين أعداديه

ونسمع رأيه ........ لانهم اكثر ناس

يعانون من هالنقطه بالذات ..

اما بالنسبه لرأيي .... المدرس أفضل

وأقدر اروح أستفسر عن ولدي وأتابعه

وإن كان ولا بد من المعلمات فبحد أقصر

ثالث أو رابع ابتدائي

[رُفق المجنّا]

من أوّل لـ رابع : مدرسّات

تعليمهم يرسخ في عقل الطّالب وأسلوبهم أفضل , وتجد ميول الطلاب الصغار لهم

[حقيقه]

انا اللي لاحظته على طلاب النموذجيه
انه فيهم جراءه اكثر

لدرجه انهم يركزون على المدرسات ولبسهم وحتى الجسم يوصفونه بينهم وبين بعض او يقولون لاهلهم بالبيت
يعني اطفال لكن تفكيرهم استغفر الله مدري اشلون واهم بهالعمر اشلون اذا اوصلو لسن البلوغ

والحل مش انه نمنع تدريس الطلاب على يد مدرسات
لا المفروض هو انه نطالب المدرسات بالبس الساتر ابرك لهن

[انا حره]

صراحه اايد المدرسات عشان نتواصل معاهم لان هالايام الاباء مو متفرغين لعيالهم لازم الام الي تتابع كل شي وتتواصل مع المدرسه

[الصريحه]

غلط واكبر غلط
ماشفت الشباب مالوا للانوثه
يااخي وش فيهم الرجال اذا كانوا قليل زيدوا لهم رواتبهم وبتشوف شلون يكونون كثير

[التيما]

اايد لين الصف الرابع .. بحكم خبرتي عند الرابع لازم ينفصل الطالب ويروح عند الرياييل ..