خلصتوا من الشوارع .. ورحتوا المعاصر ..!!

[عزووز قطر]

السلام عليكم ورحمه الله وبركاته ،،

في البداية أحب أشيد في جهود إدارة المرور والدوريات ولخويا ووقفتهم في الشمس لتسهيل حركة المرور ..

بس اللي صار أمس شي غرريب وأول مرة في حياتي أشوف مثل هالموضوع

على الساعة 7 ونص بعد صلاة العشاء قلنا بنروح (كرك النعيمي) اللي عند اللاند مارك
وعند مدخل محطة البترول لاحظت ان المكان مافيه ولا سيارة :omen2: استغربت بس كملت طريقي ،، ويوم قربت عند الهنود علشان أطلب .. شفت اثنين من أفراد المرور والدوريات وكل واحد ماسك دفتره ويسجلون مخالفات ممنوع الوقوف وحزام

ياجماعة الخير هل يعقل ان يكون تفتيش أو تسجيل مخالفات عند مطعم أو كافتيريا ؟؟

:omen2: :omen2: :omen2:

[قلب قطر..!]

غير معقول

[الحبتور]

الظاهر فلسوا وشنوا حرب جديده

[bo_s3ood]

مالقوو الا النعيمي اشهد انهم خلصوو دفاتر امس

وقريبا بتشوف النعيمي انتقل لفرع ثااني

[مرتبش]

من صجهم
ليش المرور مركزين كل جهدهم على الحزام بينما الاجانب لاعبين لعبتهم في الشوارع..اليوم الصبح اجنبي راكب بسيارته على الرصيف وماشي فوق الحشيش ليما وصل الدوار..لا حد خالفه ولا حد يسوي له شي

هي جات على واحد يشرب شاي عند معصرة..


مشكلة المرور انهم يفكرون كل قطر قطريين ..فيدورون المشاكل اللي يطيح فيها القطريين ويركزون عليها..واهمها الحزام ويتناسون كل مشاكل المرور الثانية..


كل هذا عشان يطلعون في الصورة انهم شغاليين ومنتبهين..
بالمصري شغل اونطة وبالقطري شغل حملات..حملة حزام وحملة في الاذاعة واخر السنة تقرير الاداء ممتاز

[حراير قطر]

عادي

بكره بتشوفهم عند باب بيتك :rolleyes2::secret:

[مستـريــح البـــال]

كل شي جايز في هالزمن، عادي بعد يخالفونك وانت داش باب بيتكم ..

بس سؤال ياما شفنا بعض الدوريات صافه وتشرب كرك، وياما بعضهم صافين احذا بعض في الفرجان، وياما عند المعاصر، فخاطر اعرف ليش مره يكونون مع عامة الشعب، ومره يكونون على عامة الشعب ؟؟

احتراااامي لكل من يؤدي واجبه على اكمل وجه، سواء مدير او شرطي او جندي او سائق :victory:

[بوجاسم 75]

غير معقول

[عزووز قطر]

غير معقول

والله هذا اللي شفته أمس بعيني


الظاهر فلسوا وشنوا حرب جديده

واحد من الشباب يقول : الظاهر يبون ( يكركون) على حسابنا



مالقوو الا النعيمي اشهد انهم خلصوو دفاتر امس

وقريبا بتشوف النعيمي انتقل لفرع ثااني

والله سبب خسارة حق النعيمي .. تخيل شكثر شباب وصلهم الخبر وماراحوا



من صجهم
ليش المرور مركزين كل جهدهم على الحزام بينما الاجانب لاعبين لعبتهم في الشوارع..اليوم الصبح اجنبي راكب بسيارته على الرصيف وماشي فوق الحشيش ليما وصل الدوار..لا حد خالفه ولا حد يسوي له شي

هي جات على واحد يشرب شاي عند معصرة..


مشكلة المرور انهم يفكرون كل قطر قطريين ..فيدورون المشاكل اللي يطيح فيها القطريين ويركزون عليها..واهمها الحزام ويتناسون كل مشاكل المرور الثانية..


كل هذا عشان يطلعون في الصورة انهم شغاليين ومنتبهين..
بالمصري شغل اونطة وبالقطري شغل حملات..حملة حزام وحملة في الاذاعة واخر السنة تقرير الاداء ممتاز

لأن في نظرهم ان الاستهتار بس من القطريين .. واتركوا كل الشوارع والزحمة ووقفوا عند النعيمي .. والله للحين مب مستوعب :rolleyes2:




عادي

بكره بتشوفهم عند باب بيتك :rolleyes2::secret:

والله عاااادي بس لازم الفريج يكون حيوي علشان وقفتهم تكون على شي يستاهل

[عزووز قطر]

كل شي جايز في هالزمن، عادي بعد يخالفونك وانت داش باب بيتكم ..

بس سؤال ياما شفنا بعض الدوريات صافه وتشرب كرك، وياما بعضهم صافين احذا بعض في الفرجان، وياما عند المعاصر، فخاطر اعرف ليش مره يكونون مع عامة الشعب، ومره يكونون على عامة الشعب ؟؟

احتراااامي لكل من يؤدي واجبه على اكمل وجه، سواء مدير او شرطي او جندي او سائق :victory:

والله مااقصد يكونون مع الشعب
بس ياليت يسهلون الأمور على الشعب ،، واحد رايح يشتري كرك بريال وتتسجل عليه مخالفة بـ 500 ريال ؟؟
والله لو يوقفون في الدوار ويسجلون مخالفات حزام ماعندي مانع ..
بس عند الكافتيريا !!!!!


غير معقول

كل شي معقول عندنا

[ميمي 88]

من صجهم
ليش المرور مركزين كل جهدهم على الحزام بينما الاجانب لاعبين لعبتهم في الشوارع..اليوم الصبح اجنبي راكب بسيارته على الرصيف وماشي فوق الحشيش ليما وصل الدوار..لا حد خالفه ولا حد يسوي له شي


اذا الشرطي ماخالفه اوشافه اعتقد مفروض انت مسجل رقمه ومبلغ عليه:)


بس واقفين عند معصره للمخالفات قويه يالمرور:(

[الوحداني]

بالعكس الله يجزاهم خير
الواحد اذا يبي يمر هناك مايقدر يطلع الي داخل راون سيد ولي صاف بنص الشارع الصراحه قلة ادب صف بعيد بالمواقف وانزل من السياره واشتري كرك ورد اشربه بسيارتك ليش مافيك شده تنزل من السياره ولا انت مره مستحي من الشباب تنزل ولا مب متعود ولا ماتتنزل يشوفونك
وزين سوو فيهم

[الدوحي7]

الزحمه في السوق ، ويمكن هذا الشرطي يريد يشوف ربعه يمرون عليه،،

[الوحداني]

من صجهم
ليش المرور مركزين كل جهدهم على الحزام بينما الاجانب لاعبين لعبتهم في الشوارع..اليوم الصبح اجنبي راكب بسيارته على الرصيف وماشي فوق الحشيش ليما وصل الدوار..لا حد خالفه ولا حد يسوي له شي



ياخوي بسنا بلاليط

[بوخالد911]

الله يعيين

وهل الشرطة ما يكركووون؟

اشوووفهم وايد ياخذون كرك
وينخشووون ويشربوون

:)

[هبوب الكوس]

هذي خطه من (اكوا بارك)

يكرهون الشباب من المكان التجمع المعاصر حتي يتجهون عندهم :omg:

[ومن الغباء ماقتل]

بالعكس الله يجزاهم خير
الواحد اذا يبي يمر هناك مايقدر يطلع الي داخل راون سيد ولي صاف بنص الشارع الصراحه قلة ادب صف بعيد بالمواقف وانزل من السياره واشتري كرك ورد اشربه بسيارتك ليش مافيك شده تنزل من السياره ولا انت مره مستحي من الشباب تنزل ولا مب متعود ولا ماتتنزل يشوفونك
وزين سوو فيهم

كلامك عين العقل ، بس وين الي يفهم هالكلام!!!

[كازانوفا]

تفسيره عشان ما حد يطلع من بيته وما يصير في زحمه
:)

[butterfly qatar]

اخاف اصف فبيتنا يصكوني مخالفه
ولا
اخاف ادش البيت احصل رادار :$

[عزووز قطر]

بالعكس الله يجزاهم خير
الواحد اذا يبي يمر هناك مايقدر يطلع الي داخل راون سيد ولي صاف بنص الشارع الصراحه قلة ادب صف بعيد بالمواقف وانزل من السياره واشتري كرك ورد اشربه بسيارتك ليش مافيك شده تنزل من السياره ولا انت مره مستحي من الشباب تنزل ولا مب متعود ولا ماتتنزل يشوفونك
وزين سوو فيهم





كلامك عين العقل ، بس وين الي يفهم هالكلام!!!

انا ماأنكر وجود الزحمة والبعض يوقف وينتظر الطلب ومو مفتكر في اللي وراه
بس انا يوميا هناك .. وكلنا شباب وفاهمين بعض
اي واحد يدخل عكس السير تحصل الاثنين يرجعون كل واحد يفتح حق الثاني ،، والشباب متعاونين في هالأمور ..

[مرتبش]

اذا الشرطي ماخالفه اوشافه اعتقد مفروض انت مسجل رقمه ومبلغ عليه:)


بس واقفين عند معصره للمخالفات قويه يالمرور:(

ودي اسويها بس تهقين ينفع نبلغ عن اللي يسوون هالحركات اليومية ..ياكثرهم والاخ اللي تحت يقول بلاليط ..اخاف اتصل بالمرور يقولون لي متريق بلاليط


ياخوي بسنا بلاليط

الاولويات اهم من فرد العضلات..المرور يروحون هالاماكن عشان يقولون احنا نشتغل .. ويتركون واجبهم في حفظ النظام في الشوارع
يروحون للشي السهل اللي مايتعب..يوقف بدفتر ويكتب الرقم ..بس

اشوف انه تطبيق النظام في الشوارع اهم من مخالفة ناس عند معصرة.. في ناس سكارى يطلعون من الفنادق ما يتخالفون ولاحد يدري عنهم لان الشرطة يهتمون بالشباب بس

انت لما تتجاوز السرعة القانونية امام دورية الشرطة ( اذا تواجدو في الشارع وهو شي نادر)هل يوقفونك؟ هل يخالفونك
لما تطلع من الشارع الفرعي للرئيسي بدون ما تتاكد انه خالي وشافك الشرطي( اذا وقته يسمح بعد نفاذ اوراق الدفتر) هل يكلمك؟ حتى لو صار حادث هل يتدخل الشرطي ولا يقول لك انطر تحقيق المرور ويمشي

[qatari 111]

عندي لكم حل وحيد كل واحد يبيع سيارته ويشتري سيكل لا مخالفات ولا هم يحزنون صدقوني راح يصكرون ادارة المرور بكبرها وراح يقدمون استغالتهم ويدورون شغل ثاني

[qatari 111]

:nice:
بالعكس الله يجزاهم خير
الواحد اذا يبي يمر هناك مايقدر يطلع الي داخل راون سيد ولي صاف بنص الشارع الصراحه قلة ادب صف بعيد بالمواقف وانزل من السياره واشتري كرك ورد اشربه بسيارتك ليش مافيك شده تنزل من السياره ولا انت مره مستحي من الشباب تنزل ولا مب متعود ولا ماتتنزل يشوفونك
وزين سوو فيهم

:victory: معاك في كل كلمه

[الرويـس]

اذا كان الأمر فيه مخالفة صريحة ( كعرقلة سير مثلا ) فأتصور الأمر طبيعي
سواء كان وقوف أو ربط حزام أو غيره

[الصريحه]

؟؟؟؟؟؟؟؟؟؟؟؟؟؟؟؟؟؟؟؟؟؟؟

[الوحداني]

ودي اسويها بس تهقين ينفع نبلغ عن اللي يسوون هالحركات اليومية ..ياكثرهم والاخ اللي تحت يقول بلاليط ..اخاف اتصل بالمرور يقولون لي متريق بلاليط



الاولويات اهم من فرد العضلات..المرور يروحون هالاماكن عشان يقولون احنا نشتغل .. ويتركون واجبهم في حفظ النظام في الشوارع
يروحون للشي السهل اللي مايتعب..يوقف بدفتر ويكتب الرقم ..بس

اشوف انه تطبيق النظام في الشوارع اهم من مخالفة ناس عند معصرة.. في ناس سكارى يطلعون من الفنادق ما يتخالفون ولاحد يدري عنهم لان الشرطة يهتمون بالشباب بس

انت لما تتجاوز السرعة القانونية امام دورية الشرطة ( اذا تواجدو في الشارع وهو شي نادر)هل يوقفونك؟ هل يخالفونك
لما تطلع من الشارع الفرعي للرئيسي بدون ما تتاكد انه خالي وشافك الشرطي( اذا وقته يسمح بعد نفاذ اوراق الدفتر) هل يكلمك؟ حتى لو صار حادث هل يتدخل الشرطي ولا يقول لك انطر تحقيق المرور ويمشي

ياخي الغلط غلط والصح صح يعني تبون تخالفون القانون لاتخالف ولا تخليهم يخالفونك ووشعليك من الي بالشوارع والي يتجاوزون اهم شي انت عليك من نفسك وانك تلتزم بالقوانين الي تسويها الدوله
مع اني اشوف المرور الصراحه قايمين بواجبهم في الدوارات مساكين بعز الضهر والصبح تلاقيهم يمشوون السير لولاهم كان وصلنا الدوام الساعه 9
الرادارات بكل الشوارع مخالفات حزام الامان الي كل يوم نشتكي منها هذا شتسميه مب شغل بعدين الي يخالفون ماجو من نفسهم عند كرك النعيمي وخالفوا العالم هاذيلا جتهم اوامر انهم يخالفون يعني هم يقومون بواجبهم والصراحه سالفة كرك النعيمي زادت عن حدها لان المكان صار فوضه وكنك داخل ساحة استعراض كل واحد واقف على كيفه وين احترام القوانين وبعد جت متاخره من المرور وينهم السنين الي طافت من المخالفات في هالمكان الحين ذكروا
وبخصوص الي يسرع او انه طالع من لفه مثل ماتقول ويمر على الدوريه ومايوقفونه هذا يرجع لضمير الشرطي اذا انه يشتغل بذمه وضمير بيوقفه

[باسكن روبنز]

بصراحه؟ ،
حركه مااصخه والله ،



بآي حق وعلى آي آساس كان تركزهم هناك؟؟؟؟ ،
لاحول ولا قوة الآ بالله يعني خلاص مانطلع من بيوتنا ،

آنا آكثر واحد مؤيد للقانون وآتمنى التشدد على الشباب وآنا منهم حتي لايتم الآستخفاف بالحوادث ،
بس شمعنى راحوا عند آماكن تجمع الشباب؟؟




الواحد مايسوا عليه يطلع من بيته العصر يروح يشرب كرك ويروق ويلصق له كم آستكر آصفر على جامته ،:(
عيب والله مايسوا علينا هالمخفي بو20% وفالت الحزام وآنا صاف براحتي!! ،

[بوحارب]

والله ما عندهم سالفة

يعني لازم يقطعون رزق راعي المطعم

انا بعيني اشوف الدوريات تصف عند الكرك بس الظاهر راعي الدورية اللي جى مزاجة تعبان ويبي يبرد خاطرة في الشباب المساكين !!!!!!


على فكرة امس جاني الخبر على البي بي وحولت صوب وقت الشاي والحمدلله المكان نظيف من الدوريات

[بنت ابوها 19]

والله قصدهم الاول والاخير


الشباب بس


ولا شله شادين الهمه ورايحن لمكان تجمع الشباب

اشكرا عيني عينك

والاجانب لاعبين لعبتهم بالشوارع

[مرتبش]

الاجانب 90% من سكان قطر
الشباب القطريين (المستهدفين) مايجون 25% من مجموع القطريين
يعني 2.5% مستهدفينهم ولاحقينهم للمعصرة
بينما ال 97.5% محد يدري يعنهم ..يسوون اللي يسونه بس لايصيدهم الرادار ..يلفون عليك يطلع في ويهك ..يضرب بريك والاشارة خضرة بعدها ماصارت صفرة بعد انت غلطان..المرور مايهمهم

اهم شي الشباب لازم استعراض العضلات عليهم

اما عن سالفة ماعليكم من اللي يخالفون في الشوارع..هذي حلوة ..الحين نهتم بمكان واحد مسوي زحمة ونترك كل الشوارع في ازمة

شي غير منطقي كل هالتركيز على تجمعات الشباب..

بسبب هالاهتمام الغير مبرر مانشوف دوريات في شوارعنا..وين الدوريات وين الشرطة؟

[عزووز قطر]

والله ما عندهم سالفة

يعني لازم يقطعون رزق راعي المطعم

انا بعيني اشوف الدوريات تصف عند الكرك بس الظاهر راعي الدورية اللي جى مزاجة تعبان ويبي يبرد خاطرة في الشباب المساكين !!!!!!


على فكرة امس جاني الخبر على البي بي وحولت صوب وقت الشاي والحمدلله المكان نظيف من الدوريات

والله من ناحية قطعوا رزقه انا معاك
لو تشوف أمس شلون المكان شبه فااااااضي والله شي غرريب
والسبب اتصالات الشباب بينهم وبين بعض

حرررررام عليكم ياإدارة المرور في حق صاحب المطعم وفي حقنا احنا الشباب

[باراكودا]

في ناس تخرب على ناس وأنا أويد هذه الحملة على الكفتريا لانه حاولت أكثر من مرة
أطلب منها ماقدرت لانه في بعض الشباب مسكرين الشارع ويستاهلون مخالفة على هذا التعدي .

[ماجد]

زحمة والشارع فاضي عشان كرك

[مهل]

السلام عليكم



والله سرني هذا الخبر جدا و اول مره احس حركات المرور مفيده وفي محلها .. المحطه هذي اقل محطه ادخلها في حياتي بسبب كرك النعيمي هذا المحل الي اكرهه بسبب الشباب و الزحمه و قله الحيا و الذوق الي اشوفها منهم في هذي المحطه .

المطاعم و المعاصر الي مثل النعيمي و وقت الشاي و غيرهم المفروض مايعطونهم تصاريح الا في الخلا الوسيع بعيد عن خلق الله

[سداوي&مدريدي]

اذا السالفه فيها فلوس مايمنع :telephone:

[qatari 111]

الصراحه اللي ما يحترم الطريق ويصف في نص الطريق ويعرقل السير فهذا يستحق المخالفه ولاحد يزعل
وبعدين ما اظن ان شرطي المرور بيخالفك اذا ملتزم بالقوانين صف في موقف خاص وانزل واشتري اللي تبيه
ورد سيارتك وانت فالسليم وانا واحد من الرواد فالمنطقه هاذي الصراحه في شباب الله يهديهم اذا شاف سياره ما تملي عينه ومعرقل الطريق ماراح يفتح لك اما لو كروزر او سيارة تملي عينه يفرش لك سجاد احمر ويقولك تفضل فهذا تصرف غير لائق وهذا سارت معاي في بيك اب 94 كأني محد فالطريق والطريق له احترامه للكل واللي يقول محد يخالف الاجانب روحوا قسم دفع المخالفات وشوفوا بنفسكم يا مكثرهم الاجانب اللي مخالفينهم كلهم سوا بالقانون والشباب الله يعطيهم العافيه على شغلهم وجهدهم هذولا اخوانا وربعنا

وللي يسونه اوامر من الضباط مب منهم واكيد جت شكوى على هالمكان

ولا حد يزعل من كلامي وكل واحد وله رايه وتفكيره

[شمعة الدوحه]

ماعندهم سالفه
مالقوا الا االمعاصر !!
اصلا وين هالقانون اللي يقول خالفوا اللي عند المعاصر والجمعيات
تلقاهم هم بروحهم رايحين يشربون كرك ويخالفون على كيفهم بس علشان التقييم