معرفة جنس الجنين

[جرح الزمان]

السلام عليكم ورحمة الله وبركاته

صبحكم الله بالخير

أصبح الغالبيه من الناس عنده فضول لمعرفة جنس الجنين .... مع أني أشوف أنه خطاء لبعض الناس (اللي عيالهم بنات فقط أو أولاد فقط ) لانه له تأثير على نفسية الأم والجنين ...... ويمكن الأم تهمل نفسها

شرايكم ؟؟
انا ما أحب أعرف .... وكثير يستغربون مني ومن زوجتي :omg:

الحمد لله .... الله رزقني 3 أولاد وبنت وحده :weeping: بث

ولا حد منهم عرفت جنسه الا بعد الولاده

وحالياً المدام حامل وأكيد ما أنعرف ولد ولا بنت ....... أدعولي أن الله يرزقني بنوته


ما أعرف هل في حد معانا ما يحب يعرف جنس المولود الا بعد الولاده ؟

وشنو الفايده من معرفة جنس الجنين ؟؟؟

[الوحداني]

عشان المصاصه
اشتريها زرقا ولا ورديه

[الأصيلة]

لا بالعكس أفضل معرفة الجنين هذه الأيام
وأصبح شي ضروري لـ شراء مستلزمات الطفل
اللي صارت الألوان مهمة بالنسبة لهم...
ولدرئ القلق المصاحب للحمل والتفكير في جنس الجنين..
لكن زوجتك أكيد تعرف وماتعلمك حتى يكون مفاجأة
وهذا أحلى شيء مفاجأة الزوج بجنس الجنين يفرح أكثر يوم الولادة...

الله يسهل عليها...

[wadha-qa]

الام لازم تعرف عشان تجهز اغراض البيبي اي لون
و تجهيز الغرفه اي لوون ؟؟

بس هذا اهم ما في الموضوع

[black@white]

من باب الفضول ....واحيانا للاستعداد لنوع الجنين ..وعمل التجهيزات واختيار الالوان المناسبه لكل نوع
لا اكثر ولا اقل
قد تعرف الام بنوع الجنين ولا تخبر الاب لتجعل له مفاجأه يوم الولاده وخصوصا اذا كان ولد لان معظم الرجال مشغفين بالاولاد .
اما عن نفسي فحب الفضول ومعرفه نوع الجنين يشدني من الشهر الرابع

الله يرزقك بنتا صالحه تكون قره عين لك ولا امها

[هند88]

هاذي سياسة زوجي
مايبي يعرف ولد او بنت:(
وانا توهق في لبس البيبي كله ابيض :rolleyes2:

بس بصراحه انا اسأل من وراه بس ماقوله:secret:
ماستحمل ابي اعرف :shy:
وبالنسبة ماأثر علي لاني احب البنات
بس دام انت وزوجتك ماتبون تعرفون خلاص مافي مشاكل
وانشالله تجيك البنوته:victory:

[جرح الزمان]

عشان المصاصه
اشتريها زرقا ولا ورديه

يهمني الفقره الأولى في الموضوع
الناس اللي تنتظر ولد أو بنت وبالأخص ولد

وبالنسبه للون للمصاصه فهذي بسيطه أشتريها برتقالي :)

شاكر لك مرورك

[%حورية قطر%]

طبعا لازم اعرف جنس الجنين نووع من الفضول :)

والله يرزقك بنوته

[جرح الزمان]

لا بالعكس أفضل معرفة الجنين هذه الأيام
وأصبح شي ضروري لـ شراء مستلزمات الطفل
اللي صارت الألوان مهمة بالنسبة لهم...

مستلزمات الطفل سهله جداً وأنا كأب أقدر اشتريها كلها .. أو بكلف وحده من خواتي
والألوان مهمه لنا ... مب لهم لانهم ما يميزون شي


ولدرئ القلق المصاحب للحمل والتفكير في جنس الجنين..

ممكن توضحي لي هالنقطه أكثر ... اللي أعرفه أن القلق المصاحب للحمل ناتج عن عملية الولاده .. مب عن الجنس

لكن زوجتك أكيد تعرف وماتعلمك حتى يكون مفاجأة
وهذا أحلى شيء مفاجأة الزوج بجنس الجنين يفرح أكثر يوم الولادة...

زوجتي عرفت بجنس الولد الرابع فقط (( محمد )) وقالت لي ان الدكتوره قالت جنسه بدون ما تسئلها ....وسئلتني اذا ابي اعرف قلت لها لاء

الله يسهل عليها...

جزاكي الله خير على الدعوه الطيبه

يهمني رأيك في النقطه الأولى
اللي هي (اللي عيالهم بنات فقط أو أولاد فقط ) وبالأخص الولد

[جرح الزمان]

الام لازم تعرف عشان تجهز اغراض البيبي اي لون
و تجهيز الغرفه اي لوون ؟؟

بس هذا اهم ما في الموضوع

أغراض البيبي شنهي ؟؟
كلها قطعتين بأخذ اربع 2 ازرق و أثنين وردي >> اذا كان ولد أستخدمت الأزرق والوردي بتصدق فيه

وبالنسبه للغرفه ما أدري عن أي غرفه تتكلمين ... اذا المستشفى ف أحنا ما نعطي هالموضوع هالأهتمام .... أهم شي سلامة الأم والمولود

للأسف أن ما حد مركز على النقطه المهمه في الموضوع
معرفة جنس الجنين للي عيالهم من جنس واحد

شاكر لك مرورك أختي

[شويهينــه]

اللي يجي من الله حياه الله

[جرح الزمان]

من باب الفضول ....واحيانا للاستعداد لنوع الجنين ..وعمل التجهيزات واختيار الالوان المناسبه لكل نوع
لا اكثر ولا اقل
قد تعرف الام بنوع الجنين ولا تخبر الاب لتجعل له مفاجأه يوم الولاده وخصوصا اذا كان ولد لان معظم الرجال مشغفين بالاولاد .
اما عن نفسي فحب الفضول ومعرفه نوع الجنين يشدني من الشهر الرابع

الله يرزقك بنتا صالحه تكون قره عين لك ولا امها

الفضول من هذا النوع يقتل متعة الرزق اللي رزقني اياه الله .... في لحظة ميلاده بعرف كل شي جنسه ووزنه وصحته وصحة أمه ....هنا تكتمل اركان الفرحه عندي

والملابس أمرها سهل

وبالنسبه لجنس المولود ... اللي يجي من الله حياه الله .... مع حبي للبنات أكثر

جزاك الله خير على الدعوه الطيبه .... اللهم آمين

[الصريحه]

يااخي انا فوضوليه واحب اعرف وش نوع الجنين ؟وعلشان اجهز له؟؟؟؟؟؟؟؟؟؟؟؟؟؟؟؟؟؟؟؟
والكل حر في رغبته بالابلاغ ام لا؟
والله فيه ناس تقول لهم الدكتوره حامل ببنت وبعد الولاه تطلع ولد او العكس
اهم شيء سلامه مرتك بعد الولاده والبيبي يكون سليم الخلقه ومعافى
الله يتتم عليها وتولد بالسلامه ويرزقكم باللي فيه صلاح لكم

[غزلان]

بالنسبه لسؤالك عن الى عيالهم بنات او اولاد اشوف بيكون الفضول عنده اكثر

وبعدين كلها 9 شهور ومصيره بيعرف ماظن بيأثر بشي اذا ما سأل عن جنس الجنين

[العـوا]

معرفه الجنس ماراح يغير من المكتوب لك
وجهة
نظر

[مهل]

السلام عليكم


الي من الله حياه الله ،،، الله يرزقنا وياك الذريه الصالحه

[انا حره]

المصيبه لاقالوولك بالسونار بنت وجهزت على انه بنت واخر شي يطلع ولد:tease:

[طلعة الروح]

كلهم حلوين اول ماينولدون

[ضوى]

المصيبه لاقالوولك بالسونار بنت وجهزت على انه بنت واخر شي يطلع ولد:tease:



لا تقولين :secret:

[ضوى]

شخصيا احب اعرف ، لانه تترتب عليه التجهيزات من لبس وخلافه ، والبنت تختلف تماما عن الولد ، يعني في لها قطع وملابس واكسسورات ماتتوفر دايما لذلك تكون لقطة وحلو تعرف الواحدة اذا فيها بنت وتبتدي تجمع هالقطع الحلوة ، عكس الولد كل شئ يمشي حاله معاه المهم مايكون اللون الوردي او الاحمر :)

[vtc_4.8]

الي يجي من الله حياه الله

الله يرزقك الذرية الصالحه ياخوي ^_^

[ضوى]

بالنسبة لسؤالك للي عندهم جنس واحد بس

جارتي الله يحفظها عندها ست بنات وفي حملها الاخير ( السادس ) الكل يسألها ولد والا بنت وقالت انا ماسويت سونار بس عرفت انها بنت لانه نفس الوحام ونفس وضعية الياهل ونفس الحركات فعرفت انها بنت وفعلا طلعت بنت ، وبالطبع هي وزوجها خاطرهم بالولد ، بس الله يخلي لهم البنات ماشاء الله عليهم درر في البيت الله يحفظهم ، وواحدة من جارتي بعد عندها خمس صبيان وفي حملها السادس تجننت عشان تعرف جنس الجنين من الشهر الثاني وهي تحاول تطلع جنس المولود ، ومارتاحت الا يوم عرفت انها بنت ومستانسة عليها

سبحان الله الولد له فرحته والبنت لها فرحتها وكل واحد فيهم ينشر السعادة والفرح في البيت وفي قلب امه وابوه بنفس القدر وبنفس الاحساس

[جرح الزمان]

هاذي سياسة زوجي
مايبي يعرف ولد او بنت:(
وانا توهق في لبس البيبي كله ابيض :rolleyes2:

بس بصراحه انا اسأل من وراه بس ماقوله:secret:
ماستحمل ابي اعرف :shy:
وبالنسبة ماأثر علي لاني احب البنات
بس دام انت وزوجتك ماتبون تعرفون خلاص مافي مشاكل
وانشالله تجيك البنوته:victory:

الحمد لله حصلت واحد نفسي ما يحب يعرف :)

جزاكي الله خير على الدعوه

شاكر لك مرورك أختي هند88

[جرح الزمان]

طبعا لازم اعرف جنس الجنين نووع من الفضول :)

والله يرزقك بنوته

اللهم آمين

جزاكي الله خير على الدعوه الطيبه

شاكر لك مرورك أختي %حورية قطر%


اللي يجي من الله حياه الله

أكيد اللي يجي من الله حياه الله


شاكر لك مرورك أخت شويهينــه


يااخي انا فوضوليه واحب اعرف وش نوع الجنين ؟وعلشان اجهز له؟؟؟؟؟؟؟؟؟؟؟؟؟؟؟؟؟؟؟؟
والكل حر في رغبته بالابلاغ ام لا؟
والله فيه ناس تقول لهم الدكتوره حامل ببنت وبعد الولاه تطلع ولد او العكس
اهم شيء سلامه مرتك بعد الولاده والبيبي يكون سليم الخلقه ومعافى
الله يتتم عليها وتولد بالسلامه ويرزقكم باللي فيه صلاح لكم

اللهم آمين

أكيد سلامة ام العيال والمولود أهم شي

جزاكي الله خير على الدعوه الطيبه

شاكر لك مرورك أختي الصريحه

[بنت شيوخ]

مهم

خصوصا لتجهيزات البيبي


الله يقومها بالسلامه

[روح الاطلس]

في ناس حتى لو تعرف ماتعلم

يخافون من العين !!

[جرح الزمان]

بالنسبه لسؤالك عن الى عيالهم بنات او اولاد اشوف بيكون الفضول عنده اكثر

وبعدين كلها 9 شهور ومصيره بيعرف ماظن بيأثر بشي اذا ما سأل عن جنس الجنين

الله يرزقهم اللي يتمنون ... في هالحاله لو ما يعرفون جنس المولود أفضل لأن الأم بتهتم بنفسها

شاكر لك مرورك أخت غزلان

[مناحي السادس عشر]

بالنسبة لسؤالك للي عندهم جنس واحد بس

جارتي الله يحفظها عندها ست بنات وفي حملها الاخير ( السادس ) الكل يسألها ولد والا بنت وقالت انا ماسويت سونار بس عرفت انها بنت لانه نفس الوحام ونفس وضعية الياهل ونفس الحركات فعرفت انها بنت وفعلا طلعت بنت ، وبالطبع هي وزوجها خاطرهم بالولد ، بس الله يخلي لهم البنات ماشاء الله عليهم درر في البيت الله يحفظهم ، وواحدة من جارتي بعد عندها خمس صبيان وفي حملها السادس تجننت عشان تعرف جنس الجنين من الشهر الثاني وهي تحاول تطلع جنس المولود ، ومارتاحت الا يوم عرفت انها بنت ومستانسة عليها

سبحان الله الولد له فرحته والبنت لها فرحتها وكل واحد فيهم ينشر السعادة والفرح في البيت وفي قلب امه وابوه بنفس القدر وبنفس الاحساس



الله يرزقها بولد ان شاء الله
هالايام صاروا البنات اذا عدد زايد هم وغم وتعب وتربيه
ياخي الولد قطه بالشارع بيتربى اما البنت سالفتها سالفه بالتربيه

[بو خليفه 123]

بعض الحريم ينتابهم الخوف لأنه الرجل دائماً يميل الى الرغبه بالمولود الاول ان يكون بكره ولد .


و لكن الآن بحكم الزام التجهيزات المسبقه مثل الغرفه والملابس و الخ الخ يجب على المرأه معرفة نوع الجنين .

أول مولود لي اذكر قعدت انتظر خارج العياده و زوجتي كانت خايفه تروح لانه لو بنت كانت خايفه اتزوج عليها ههههه :nice:


نصيحتي لك أخي الكريم معرفة نوع الجنين سواءً ولد او بنت كلهم حلوين .. و اللي يجي من الله حياه الله .. غيرك يتمنى مولود واحد فقط .

[طماطه]

هو فعلا اللي عندهم كله اولاد او كله بنات .. افضل لهم ان مايعرفون جنس البيبي .. لان فعلا الام نفسيتها تتعب وبالتالي بتهمل روحها بدون قصد .. واذا على الملابس .. مب مشكله ياخذون االالوان المحايده ..
بس انا الصراحه ماقدر .. لازم اعرف ^_^

[ولد شرق]

عشان المصاصه
اشتريها زرقا ولا ورديه

انا معاك 100%

[ابوعلي]

الله يرزقها بولد ان شاء الله
هالايام صاروا البنات اذا عدد زايد هم وغم وتعب وتربيه
ياخي الولد قطه بالشارع بيتربى اما البنت سالفتها سالفه بالتربيه

صدقت اخوي البنت تربيتها صعبه سواء وهي صغير او لما تكبر وحتى وهي في بيت زوجها تشيل همها ولكن بنفس الوقت البنت اقرب للوالدين من الولد وتهتم فيهم اكثر

وبالنسبة لي عادي عندي اعرف ولا لا في النهاية كلهم رزق من رب العالمين

وبصراحة خاطري في بنت :shy:

الله يرزقك باللي تتمناه :nice:

[تحداني]

إن شاء الله تولد بالسلامه .. ويرزقك ما تتمنى .. ويطرح في المولد الخير والبركه
ويكون قره عين لوالديه

غالبا البنات سبحان الله أقرب لقلب الأب
وفي المقابل الشباب أقرب لقلب الأم



جملك الله برضى الرحمن

[جرح الزمان]

معرفه الجنس ماراح يغير من المكتوب لك
وجهة
نظر

ما في اي أعتراض على المكتوب يا أخوي العوا ... وأحمد ربي على نعمه التي أنعم بها على .... بس انا طبع فيني ما أحب اعرف

شاكر لك مرورك


السلام عليكم


الي من الله حياه الله ،،، الله يرزقنا وياك الذريه الصالحه

اللهم آمين

جزاك الله خير على الدعوه الطيبه

شاكر لك مرورك أخوي مهل

[المقهوره]

لنكن واقعين اكثر واوضح

غالبا ابو البنات هو الي مايحب يعرف نوع ال جنين في بطن الام على شان النفسيه ماتسئ


اما الي عيالها ذكور دائما فما اظن يدققون بنت ولا ولد؟؟؟


اما الي عيالهم مكس بنات واولاد بعد ماتفرق معهم


عن نفسي ناويه اشوف جنس الجنين على شان استعد له نفسيا وشتري له اغراضه

مب نفس الاول شريت كل شي بيج وابيض وفستقي لاعت كبدي

مابديت اشتري الازرق إلا بعد ما انولد

وفي ولدي الثاني نفس الشي ماشريت الازرق إلا بعد الولاده

لاني اشك في السونار خاصه انه يخطأ عند البعض

فخفت اخسر وعقب يطلع العكس؟؟؟؟؟؟؟


بس المعرفه فضول فقط ومب شي مهم وانا ناويه في الحمل الثالث ان انكتب لي ما اقول لزوجي كنوع من التشويق @_@

[المقهوره]

الله يرزقها بولد ان شاء الله
هالايام صاروا البنات اذا عدد زايد هم وغم وتعب وتربيه
ياخي الولد قطه بالشارع بيتربى اما البنت سالفتها سالفه بالتربيه



حلوه قطه بالشارع بيتربي

اي تربيه تتكلم عنها مخدرات ولا شباب ضايع مايعرف معنى الرجوله ولا المسؤوليه


في نظري تربيه الولد اصعب خاصه ان يطلع برى البيت اكثر من البنت


وهذا الي اشوفه

البنت سهل التعامل معها عكس الولد

[مناحي السادس عشر]

حلوه قطه بالشارع بيتربي

اي تربيه تتكلم عنها مخدرات ولا شباب ضايع مايعرف معنى الرجوله ولا المسؤوليه


في نظري تربيه الولد اصعب خاصه ان يطلع برى البيت اكثر من البنت


وهذا الي اشوفه

البنت سهل التعامل معها عكس الولد


انا قلت قطه بالشارع كاستعاره مكنيه وليس تصريحيه
يعني للمبالغه بالشيء اختي
وهذي وجهة نظرج واحترمها عزيزتي المقهوره
والله يشيل عنج القهر قولي امين

[جرح الزمان]

المصيبه لاقالوولك بالسونار بنت وجهزت على انه بنت واخر شي يطلع ولد:tease:

يعني السونار يغلط .... للحين

وش بيسون في الملابس اللي شروها :secret:

وأذا طلع الأبو مقفل >>> بيقولهم ليش غيرتوها

شاكر لك مرورك أخت أنا حره

كلهم حلوين اول ماينولدون

هم حلوين أول ما ينولدون

وحلوين وهم يحبون

وحلوين أول ما يتكلمون

بصراحه كل مرحله ولها متعتها

شاكر لك مرورك ... طلعة الروح

[جرح الزمان]

شخصيا احب اعرف ، لانه تترتب عليه التجهيزات من لبس وخلافه ، والبنت تختلف تماما عن الولد ، يعني في لها قطع وملابس واكسسورات ماتتوفر دايما لذلك تكون لقطة وحلو تعرف الواحدة اذا فيها بنت وتبتدي تجمع هالقطع الحلوة ، عكس الولد كل شئ يمشي حاله معاه المهم مايكون اللون الوردي او الاحمر :)

في هاي صادقه أختي ضوى أسواقنا على كبرها وكثرها وغلاها للأسف قليل جداً نحصل فيها ملابس حلوه ومميزه للبنات ... في الماضي كنت اتعذب مع أخواتي الصغار
والحين الله يعيني على ذوق (( الأميره )) الله يحفظها وأخوانها ويحفظ عيالك وبناتك

شاكر لك مرورك أخت ضوى

[جرح الزمان]

الي يجي من الله حياه الله

الله يرزقك الذرية الصالحه ياخوي ^_^

جزاك الله خير على الدعوه الطيبه

شاكر لك مرورك ...... vtc_4.8

[جرح الزمان]

بالنسبة لسؤالك للي عندهم جنس واحد بس

جارتي الله يحفظها عندها ست بنات وفي حملها الاخير ( السادس ) الكل يسألها ولد والا بنت وقالت انا ماسويت سونار بس عرفت انها بنت لانه نفس الوحام ونفس وضعية الياهل ونفس الحركات فعرفت انها بنت وفعلا طلعت بنت ، وبالطبع هي وزوجها خاطرهم بالولد ، بس الله يخلي لهم البنات ماشاء الله عليهم درر في البيت الله يحفظهم ، وواحدة من جارتي بعد عندها خمس صبيان وفي حملها السادس تجننت عشان تعرف جنس الجنين من الشهر الثاني وهي تحاول تطلع جنس المولود ، ومارتاحت الا يوم عرفت انها بنت ومستانسة عليها




سبحان الله الولد له فرحته والبنت لها فرحتها وكل واحد فيهم ينشر السعادة والفرح في البيت وفي قلب امه وابوه بنفس القدر وبنفس الاحساس

زين ما سوت جارتك ... مع انها متأكده انها بنت بس تمت على أمل انه ولد ... الله يرزقها الولد الصالح ويخلي لها أميراتها السته
وفعلا في اشياء تسهل معرفة جنس الجنين
بدون سونار ... مثل ما تفضلتي

أختي نفس جارتك عندها 5 أولاد وتحب كل بناتنا وهم يحبونها موت ...

الله يرزق كل الناس الذريه الصالحه ويحفظ عيالهم وبناتهم

سعدت بمداخلتك أخت ضوى

[شموخ-qtr]

انا اذا الله كتب لي وحملت
مابقووول لزوجي ولا حتى انا ابي اعرف
حلوه المفاجأه والكل ينتظر جابت بنت ولا ولد .؟
وحلوه المفاجأه على وجه الزوووج

لان لو قلت للكل شالي ف بطني بيعرفون ومابيتحمسوون للموضوع واول ماتربي خلاص ندري شالي ببطنها !!
فعشان جي حلووو لما الكل ينتظر ويتحمس شجابت بنت او ولد



والله يرزق كل محروووم ويرزق كل من يتمنى ...

[جرح الزمان]

مهم

خصوصا لتجهيزات البيبي


الله يقومها بالسلامه

جزاكي الله خير على الدعوه الطيبه

شاكر لك مرورك بنت شيوخ

في ناس حتى لو تعرف ماتعلم

يخافون من العين !!

حقهم في هالزمن .... الله يبعد عنا وعنك شر العين

شاكر لك مرورك روح الأطلس

[جرح الزمان]

الله يرزقها بولد ان شاء الله
هالايام صاروا البنات اذا عدد زايد هم وغم وتعب وتربيه
ياخي الولد قطه بالشارع بيتربى اما البنت سالفتها سالفه بالتربيه

اللهم آمين

جزاك الله خير على الدعوه الطيبه لجارة الأخت ضوى
التربيه للولد والبنت شيء صعب جداً ودوم أدعي الله أنه يعيني ويوفقني على تربيتهم تربيه صحيحه ... ومع خروج الولد بروحه من البيت يصير الموضوع محتاج جهد أكبر من الأب .


بعض الحريم ينتابهم الخوف لأنه الرجل دائماً يميل الى الرغبه بالمولود الاول ان يكون بكره ولد .


و لكن الآن بحكم الزام التجهيزات المسبقه مثل الغرفه والملابس و الخ الخ يجب على المرأه معرفة نوع الجنين .

أول مولود لي اذكر قعدت انتظر خارج العياده و زوجتي كانت خايفه تروح لانه لو بنت كانت خايفه اتزوج عليها ههههه :nice:


نصيحتي لك أخي الكريم معرفة نوع الجنين سواءً ولد او بنت كلهم حلوين .. و اللي يجي من الله حياه الله .. غيرك يتمنى مولود واحد فقط .

نعم صحيح في بعض الأباء يستعجلون رزق الله ويبون الولد هو البكر ... بس انا أشوفها عادي كله رزق من الله .. والحمد لله

حبيبي ما في اعتراض على جنس الموهوب ... حد يرفض هبه من الوهاب سبحانه وتعالى
بس أنا طبعي ما أحب أعرف نهائياً

جزاك الله خير على النصيحه
وأسعدني مرورك أخوي بوخليفه 123


هو فعلا اللي عندهم كله اولاد او كله بنات .. افضل لهم ان مايعرفون جنس البيبي .. لان فعلا الام نفسيتها تتعب وبالتالي بتهمل روحها بدون قصد .. واذا على الملابس .. مب مشكله ياخذون االالوان المحايده ..
بس انا الصراحه ماقدر .. لازم اعرف ^_^

الحمد لله في حد يشاركني الرأي

أنا أتكلم عن واقع ملموس

شاكر لك مرورك أخت طماطه

[جرح الزمان]

صدقت اخوي البنت تربيتها صعبه سواء وهي صغير او لما تكبر وحتى وهي في بيت زوجها تشيل همها ولكن بنفس الوقت البنت اقرب للوالدين من الولد وتهتم فيهم اكثر



وبالنسبة لي عادي عندي اعرف ولا لا في النهاية كلهم رزق من رب العالمين


وبصراحة خاطري في بنت :shy:

الله يرزقك باللي تتمناه :nice:

كل شجره ولها ثمارها .... اذا سقيناها بالحب والطيبه والحنان ..... صدقني يا أخوي وقت الحصاد راح ننسى كل هالتعب ونحصد أحلى ثمار من هالشجره .

جزاك الله خير على الدعوه الطيبه
الله يرزقني ويرزقك بتوأم بنات ... آمين

سعدت بمرورك أخوي أبوعلي

[&بوشهد&]

اانا بالنسبة لي ماحب اعرف بدري ودي اعرف في الشهور الاخيرة عشان نشتري الملابس فقط

[جرح الزمان]

إن شاء الله تولد بالسلامه .. ويرزقك ما تتمنى .. ويطرح في المولد الخير والبركه
ويكون قره عين لوالديه

غالبا البنات سبحان الله أقرب لقلب الأب
وفي المقابل الشباب أقرب لقلب الأم



جملك الله برضى الرحمن

جزاكي الله خير على الدعوات الطيبه ... اللهم آمين

كنت مؤمن في هالقاعده ... بس أكتشفت أنها غير صحيحه ....
في أمهات خذوا الأولاد والبنات
والعكس صحيح

سعدت بمرورك أخت تحداني الزمن

[جرح الزمان]

لنكن واقعين اكثر واوضح

غالبا ابو البنات هو الي مايحب يعرف نوع ال جنين في بطن الام على شان النفسيه ماتسئ


اما الي عيالها ذكور دائما فما اظن يدققون بنت ولا ولد؟؟؟


اما الي عيالهم مكس بنات واولاد بعد ماتفرق معهم


عن نفسي ناويه اشوف جنس الجنين على شان استعد له نفسيا وشتري له اغراضه

مب نفس الاول شريت كل شي بيج وابيض وفستقي لاعت كبدي

مابديت اشتري الازرق إلا بعد ما انولد

وفي ولدي الثاني نفس الشي ماشريت الازرق إلا بعد الولاده

لاني اشك في السونار خاصه انه يخطأ عند البعض

فخفت اخسر وعقب يطلع العكس؟؟؟؟؟؟؟


بس المعرفه فضول فقط ومب شي مهم وانا ناويه في الحمل الثالث ان انكتب لي ما اقول لزوجي كنوع من التشويق @_@


بالنسبه لي ما عندي أحصائيه من اللي يبي يعرف أكثر الزوج أو الزوجه ...

أنا طرحت موضوعي بهدف أننا نوصل لنقطه أن الأم اللي ما عندها أولاد أوبنات من الأفضل لها ولجنينها إنها ما تعرف ... والله من وراء القصد عليم

بس معظم الأعضاء أهتموا بالنقاط الثانيه
جزاهم الله خير

بما أنك تشكين في السونار ... شلون بتصدقين جهاز مو واثقه في نتائجه ؟

الله يرزقك الذريه الصالحه

شاكر لك مرورك أختي المقهوره

[ماريسا]

لانه له تأثير على نفسية الأم والجنين ...... ويمكن الأم تهمل نفسها ؟؟؟؟


جد هالكلام؟؟ :( انتبه هذا من الاعتراض على قدر الله

[جرح الزمان]

لانه له تأثير على نفسية الأم والجنين ...... ويمكن الأم تهمل نفسها ؟؟؟؟



جد هالكلام؟؟ :( انتبه هذا من الاعتراض على قدر الله

عفوا أختي من وين هذا الأقتباس

ممكن تنقليه كامل ...

[ماريسا]

عفوا أختي من وين هذا الأقتباس

ممكن تنقليه كامل ...


السلام عليكم ورحمة الله وبركاته

صبحكم الله بالخير

أصبح الغالبيه من الناس عنده فضول لمعرفة جنس الجنين .... مع أني أشوف أنه خطاء لبعض الناس (اللي عيالهم بنات فقط أو أولاد فقط ) لانه له تأثير على نفسية الأم والجنين ...... ويمكن الأم تهمل نفسها

شرايكم ؟؟
انا ما أحب أعرف .... وكثير يستغربون مني ومن زوجتي :omg:

الحمد لله .... الله رزقني 3 أولاد وبنت وحده :weeping: بث

ولا حد منهم عرفت جنسه الا بعد الولاده

وحالياً المدام حامل وأكيد ما أنعرف ولد ولا بنت ....... أدعولي أن الله يرزقني بنوته


ما أعرف هل في حد معانا ما يحب يعرف جنس المولود الا بعد الولاده ؟

وشنو الفايده من معرفة جنس الجنين ؟؟؟


سامحني أخوي مجرد تنبيه و أنا عارفة انك مو قاصد شي غلط بس المرأة الي تتضايق او تهمل نفسها علشان جنس المولود اكيد انها معترضة او غير راضية عن الي ربنا قدّر لها و هذه مجرد طريقة فهمي و قد أكون مخطئة
سامحني مرة أخرى

[جرح الزمان]

سامحني أخوي مجرد تنبيه و أنا عارفة انك مو قاصد شي غلط بس المرأة الي تتضايق او تهمل نفسها علشان جنس المولود اكيد انها معترضة او غير راضية عن الي ربنا قدّر لها و هذه مجرد طريقة فهمي و قد أكون مخطئة
سامحني مرة أخرى

هذا نص كلامي (( مع أني أشوف أنه خطاء لبعض الناس (اللي عيالهم بنات فقط أو أولاد فقط ) لانه له تأثير على نفسية الأم والجنين ...... ويمكن الأم تهمل نفسها ))

وأعتقد أنه واضح .... انا أنصح الأخوات وأزواجهم (الفئه المعنيه) أنهم ما يعرفون جنس الجنين لانه لو كانت النتيجه سلبيه ... ممكن يترتب عليها تأثيرات نفسيه سلبيه ويكون لها تأثير على الجنين ....

وموضوع الأعتراض على قدر الله يكون لو حاولت تسقط اللي في بطنها ....
أما شعورها بالحزن فهذي ردة فعل فقط ....والله أعلم
وممكن تتأكدين من أهل الذكر إذا تحبين تتعمقين

شاكر لك مرورك أختي ماريسا

[جرح الزمان]

انا اذا الله كتب لي وحملت
مابقووول لزوجي ولا حتى انا ابي اعرف
حلوه المفاجأه والكل ينتظر جابت بنت ولا ولد .؟
وحلوه المفاجأه على وجه الزوووج

لان لو قلت للكل شالي ف بطني بيعرفون ومابيتحمسوون للموضوع واول ماتربي خلاص ندري شالي ببطنها !!
فعشان جي حلووو لما الكل ينتظر ويتحمس شجابت بنت او ولد



والله يرزق كل محروووم ويرزق كل من يتمنى ...

المفاجأه .... حلوه جداً

ومثل ما قلتي اذا الكل عرف ما راح يهتمون


جزاكي الله خير على الدعوه الطيبه ... الله يرزقك الذريه الصالحه .... اللهم آمين

شاكر لك مرورك أخت شموخ-qtr

[جرح الزمان]

اانا بالنسبة لي ماحب اعرف بدري ودي اعرف في الشهور الاخيرة عشان نشتري الملابس فقط

المعظم يبي يعرف علشان التجهيز للمولود

الله يرزق الجميع الذريه الصالحه


شاكر لك مرورك أخوي &بوشهد&