المساعد الشخصي الرقمي

مشاهدة النسخة كاملة : بويت للايجار


Bint Qatar
19-04-2005, 10:50 PM
السلام عليكم

يا جماعه عجزت وانا ادور بويت للايجار ( سكن للعمال )

الله وكيلكم الايجارات اتقص الظهر :eek3:


فاللي خابر لي بيت شعبي او ملحق ... لا يبخل به علي

مالي مواصفات معينه بس ليته ما يكون بعيد عن الدوحه

العزيزيه .. المعموره .. اوكيه


وشكرا

تقبلوا تحياتي
roadrunner
20-04-2005, 03:06 PM
اختي..
اذا كانوا عمال .... في غرف تتأجر باستورات الصناعية ... ... اذا لج خاطر تقعدينهم هناك عطيني خبر ... اعرف اكثر من شخص يملك ستورات هناك وعندهم غرف تتأجر على العمال
عزيز
05-05-2005, 03:21 PM
الرفع لأفاده الأخت بنت قطر وجزاك الله خير أخوي المبرمج :)
بدوي
07-05-2005, 02:28 PM
السلام عليكم

أختي انا عندي بيت ومأجره على شركه (سكن عمال) في الريان خلف شارع آل شافي

ومدة عقدي وياهم سنه وقابل للتجديد وباقي على نهاية المده 4 شهور تقريبآ

نصيحه : ترى الأجار غالي هالأيام


اخوج بدوي
دنيا الاسهم
07-05-2005, 04:07 PM
صح السانك بدوي
بس عجبني التوقيع
بدوي
08-05-2005, 12:02 AM
صح بدنك (دنيا الأسهم)

وتسلم لي يالغالي على إعجابك

ويشرفني ردك

أخوك

بدوي
مهندس
08-05-2005, 07:45 AM
بدوي....مرحبا :d


البيت الي مأجرة ممكن أسال على كم اجارك للشركة؟؟..
لأنة و الله يابدوي عندي بيت شعبي هناك و مستحي أرفع الإيجار على المؤجر (عائلة) و الله يا بدوي الرجال يدفع أقل من 1000 ريال بالشهر ....أفكر ببيعتة بس مب رافع الإيجار عليه...على كم واصل الفوت هناك بالمنطقة الي خلف طازج و المكتبة؟؟؟ ياريت تفيدني ياخوي :)
بدوي
08-05-2005, 11:18 PM
مرحبا بك

أخوي مهندس ، أنا مأجره على الشركه بــ 3500 وأبشرك إحتمال أرفع السعر

بس الشركه اللي انا مأجره عليها شركه مقاولات وصاحبها ماعليه قصور ومأذيني أذيه عشان أبيع له البيت

والله ياخوي بيني وبينك ، تأجره على شركه أحسن لك لأنك اذا رفعته مب حسافه على الشركه

ملاحظه : مساحة بيتي 810 م وفيه 7 غرف وحوش وسيع والمنطقه مرغوبه لأنها قريب من الدوحه


بالنسبه لسعر الفوت أعتقد انه في الـ 45 وكأني سمعت انه وصل أو بيوصل الـ 50


اتمنالك التوفيق أخوي

وتحياتي لك

بدوي
خوش ولد
09-05-2005, 04:14 AM
شكرا..........................
مهندس
09-05-2005, 07:55 AM
بدوي

مشكور على الرد يا الغالي ...و بالنسبة للمنطقة جدا ممتازة لقربها للدوحة و أيضا للخدمات الشارع(السلاو أو آل شافي) ما يبعد عنها شي أبد خطوتين ...بس يا الغالي أنا متضايق من شغلتين الأولى هي كيف أرف الأيجار و الثانية إني لازم أهتم بالبيت شوي في الترميم لأني بكل صراحة مب فاضي ...و الله يا بدوي إني تارك نص البيت فاضي و مب مؤجرة لأنة النص الثاني محتاج ترميم و مفكر إذا تأجر كيف على الكهرب من الي بيدفعها لأن العداد واحد...الصراحة أنا تاركة لأنة البورصة تبي من يجابلها و خاصة بهالوقت ذي يالبدوي ...و إذا عندك أي إقتراح ترى أخوك بودة يسمعلك :d
ROSE
09-05-2005, 01:48 PM
بل ليش الاجارات شذي مرتفعه


انا لما جيت ابي اسكن هني انصدمت من الاسعار


:(


وابي احصل بيت او شقة غرفتين وصالة بس مب محصلة اقل من 3500 :(


ليششششششششششششششش الغلاء
عزيز
09-05-2005, 04:24 PM
بل ليش الاجارات شذي مرتفعه


انا لما جيت ابي اسكن هني انصدمت من الاسعار


:(


وابي احصل بيت او شقة غرفتين وصالة بس مب محصلة اقل من 3500 :(


ليششششششششششششششش الغلاء


السلام عليكم

أختي كل شي مرتفع ألحين والله يعينج بصراحه علي هالغلاء

بس أذا أنتي عايشه مع أسرتج أقدر أساعدج وأدور لج بيت أجار لأنه صاحبي شغال بالعقارات والله يشهد أختي أنه مابيج تقولين الأ (جزاك الله خير ) لأني ناوي أخدمج خدمه أنسانيه فقط لأكثر والله يشهد علي كلامي

ياهلا بج أختي :)
بدوي
09-05-2005, 10:48 PM
تحياتي لك يالمهندس

والله ياخوي أستغربت من كلامك بيني وبينك ، هذا حلالك ولازم انت اللي تهتم فيه

ياخوي البيت عدله ورممه وتوكل على الله سبحانه ، الحين على قولتك هاد حلالك (بيتك)

ومقابل البورصه ، في ذمتك البورصه تنشاهد هالايام كللللللللله اللون الأحمر يغلب عليها

اذا تبي شوري قابل حلالك وبيتك وفكر في عمرك ، ترى حلالك (بيتك) اولى من البورصه

أنت يامهندس اللي تقدر تتحكم فيه ، بيدك ترفع إيجارك وبيدك تنزله مب مثل البورصه

تنتظر كبااااااااار المستثمرين والهوامير انهم يرفعون السوق

لا وانا أخوك ، أهتم بحلالك والبورصه لاحق عليها وعلى فكره في الصيف هبوط والشتاء إرتفاع

بعدين البورصه تقدر تقابلها وانت في بيتك وكمبيوترك قدامك ، بس حلالك انت اللي لازم تروح وتسعى وراه

وفي النهايه حبيت أقولك فيه مقوله دائمآ يرددها أصحاب العقارات

ألا وهي (العقار إبن بارّ) واعتقد معناها واضح .. وصدقني :

(الرزق مايجي للواحد وهو قاعد ، لابد من يسعى له ويتعب وراه)

واتمنى لك الرزق الحلال

وتقبل أرق وأصدق التمنيات لك بالتوفيق


اخوك

بدوي
ROSE
10-05-2005, 07:07 AM
السلام عليكم

أختي كل شي مرتفع ألحين والله يعينج بصراحه علي هالغلاء

بس أذا أنتي عايشه مع أسرتج أقدر أساعدج وأدور لج بيت أجار لأنه صاحبي شغال بالعقارات والله يشهد أختي أنه مابيج تقولين الأ (جزاك الله خير ) لأني ناوي أخدمج خدمه أنسانيه فقط لأكثر والله يشهد علي كلامي

ياهلا بج أختي :)


تسلم اخوي وماقصرت

وجزاك الله كل خير

انا ساكنه مع الوالد يعني اذا شقة بغرفتين او بيت صغير بعد تمام

ومشكووووووووووووور وماقصرت وجزاك الله كل خير على هالخدمة


بس ماتم مكتب عقارات ماتصلت عليه كلهم نفس الجواب يعطوني يعني ماراح تحصل :(
مهندس
10-05-2005, 08:08 AM
بدوي

مشكور حبيبي على النصيحة بس إسمحلي أقولك إن الوقت الحالي وقت أسهم و خاصة الحين أنا أقصد هاليومين ...بعض الأسهم أسعارها جدا ممتازة و مغرية بس إنت عارف إذا الواحد داخل البورصة لازم يكون معاه كاش طول الوقت وأنا بكل صراحة الكاش الي عندي لازم أخلي فيه شوي للظروف الحالية و إيضا للظروف المستقبلية الي البورصة ممكن تنزل بزود بعد...إذا خلصت إنشاء الله من عوار الراس ذا ..إنشاء الله راح نكون جيران و ماتدري يمكن آخذ الشركة الي إنت موقع معها عقد و أعطيهم سعر أرخص من سعرك و أخلي بيتك مهجوووور :p :D :D :D :D :D :D
بدوي
10-05-2005, 01:37 PM
صج انك مهندس

تخطط على بعــــــيــــــــــد ههههههههههههه

كلامك صحيح دام عندك كاش تقدر تستغل الأسهم والله يوفقك خيوووو

بس على فكره بيتي الصوب الثاني 00 يعني شارع (آل شافي) يفصل بيني وبينك

وصعبه نكون جيران هههههههههههههههههههه ..

تسلم أخوي (مهندس) على ردودك الجميله .. كل التمنيات لك بالتوفيق اخوي

أخوك


بدوي
مهندس
10-05-2005, 02:08 PM
بدوي

ههههههههههههههه ههههه ....يمكن أبيع البيت و أشتري بالجهة الثانية وش تقوووول :)

على فكرة ؟؟.....عندك أي فكرة عن الترميم؟؟..وش رايك ؟؟؟وش اسوي؟؟؟؟...عندي السقف ينزل موية بالنص الثاني للبيت (المهجور) وش رايك...شنو الحل؟؟
بويوسف
18-05-2005, 10:29 AM
مهندس هل بيتك طابقين او طابق واحد ؟

بيتك يحتاج صيانة عاجلة انتظر منك التوضيح
مهندس
18-05-2005, 02:24 PM
البيت دور واحد و قديم
بويوسف
20-05-2005, 09:56 PM
في البداية شيك على العازل الموجود وهل هناك امكاية معالجته ام لا .. واذا كان قديم جدا فالاولى وضع عازل جديد.