سؤال عن دفان الاساس للبيت

[ابو الحارث]

اخواني اللي لهم خبرة في البناء ارجو ان تفيدوني

عن افضل دفان للاساس


الابيض او اللي يقولوا عنه المغربل على ما اعتقد او فيه شيء افضل من ذلك


وشكرا مقدما على كل من يتجاوب معي

[المنسى]

اخواني اللي لهم خبرة في البناء ارجو ان تفيدوني

عن افضل دفان للاساس


الابيض او اللي يقولوا عنه المغربل على ما اعتقد او فيه شيء افضل من ذلك


وشكرا مقدما على كل من يتجاوب معي

سؤال مهم ويحتاج اجابه يعطيك العافيه

[شموخ دائم]

,


,

مرحبا


اخوي بالنسبه للدفان انا بشرح لك الصح وحسب اصول الصنعه

البودره هي الارخص للمقاول وهي الاحسن للرص لانها ناعمه جدا
ومشكلتها الوحيده هي الملوحه العاليه جدا فيها وممكن تسبب مشاكل مستقبليه باساس البيت ( والدوله في مشاريعها لا تفضلها ) وسبق تم منعي من استخدامها في مساجد الاوقاف في مشروعين لي معاهم
حتى تحت الانتر لوك في المواقف والساحات يتم منع استخدامها ويفضلون الدفان العادي

لكن لو اتبعنا نظام الحمايه وزودنا طبقه القار ( البوتومين) الاسود على الاساس
بدل وجهين عملنا 3 غاط ورصينا الدفان بالهزاز مع رش الماء بكميات كبيره
وحطينا نايلون مشمع سميك بعد الرص نفرشه على المكان كامل
بنكون عملنا عزل جيد وما تطلع الملوحه على الاساس

اما الحل الثاني فهو نبعد عن البودره ونحط الدفان العادي يكون نظيف تراب ومافيه احجار او تكون الاحجار صغيره ونرصه ونصب الماء عليه بكميات كبيره الى منتصف الحفر ونجيب الدكاك او الهزاز
وثاني يوم نكمل الدفان فوق الدفان المرصوص الى الاعلى
ونصب ماي كميات ونرص بالدكاك او الهزاز ايضا
يعني نعمل الدك على مرحلتين حتى نظمن ان الارض اندكت مضبوط
وانا افضل هذا الحل لقله الملوحه فيها

وايضا نعمل نفس الشي بعد الرص نفرش نايلون مشمع مع شبك حديد مربعات ونصب خرسانه على الارضيه كلها فوق الدفان
وان شاء الله بهذي الطريقه يكون الاساس سليم وقوي جدا ولا يحتوي على ملوحه
هذا الطريقه الثانيه هي الاحسن


ومنزل مبروك وبدايه خير ان شاء الله


دمت بطيب


,


,



اخوك


شموخ دائم

[ابو الحارث]

شكرا اخوي المنسى على الاهتمام


وشكرا خاص الى اخوي شموخ دائم على تجاوبه معنا وافادتي وافادة الاعضاء بخبرته