التنبيييييه لتاريخ صلاحية شاي Wu-long الصيني /ضروري جدا

[الماريّة]

بسم الله الرحمن الرحيم

اخواني واخواتي السلام عليكم ورحمه الله وبركاته

حبيت انوه وانبهكم بالنسبة لتشاي Wu-long الصيني للتنحيف

بالنسبة لتاريخ الصلاحية للاسف ان الشركه تبيعه للناس ومابقى على

انتهاءه الا فتره بسيطه اقل من شهر

هذي صورته
http://i586.photobucket.com/albums/ss305/noor_033/tea3.jpg

الي صار اني طلبته من النت من هنا وخذت ثلاث علب

لكن خذتها في بدايه رمضان يعني تاريخ 19 / 8/ 2010

وتاريخ انتهاءه في 26/9/ 2010

يعني شوفوا كم يوم وينتهي .. ليش يبيعونه علينا وتاريخه قريب يخلص

شوفوا تاريخ الانتهاء
http://i586.photobucket.com/albums/ss305/noor_033/tea1.jpg


http://i586.photobucket.com/albums/ss305/noor_033/tea.jpg

في البدايه لما استعملته قبل لاينتهي تاريخه كان مفعوله قوووي وبالعكس حسيت اني
خفيت وايد وصرت خفيفه .. وشبعني من الاكل


لكن بعد مانتهت مدته :( وطبعا انا ماتبهت تميت اشربه 10 ايام بالضبط لين اليوم اخر يوم


هني فعلا حسيت اني اشربه طول هالفتره وماياثر في وبالعكس الا حسيت بتقلصات في بطني واسهال ..:weeping: ومانتبهت ان تاريخه منتهي لأن الخدامه هي الي تسويه لي


وسبحان الله اليوم بعد ماخلصت العلبه كامله خذته قلت خل اقرا وتفاجئت يوم شفت تاريخه
منتهي :eek5: ليش ليش هالشركه الي صنتعه تبيعه وهو قريب ينتهي بس همهم

الفلوس حسبي عليهم ونعم الوكيل


وللعلم التاجر الي جابه لي ترى ماله ذنب ولا يدري هو بعد لان الطلب وصل مغلف
بس كان المفروض منهم الشركه الصينية انهم يبعثون نوع مده انتهاءه طويلة
http://i586.photobucket.com/albums/ss305/noor_033/tea2.jpg

والحين علبتين كامله راحت علي خساره ماستعملتها


لذلك اقوووووووووولكم اخوااااااااااتي انتبهوا انتبهوا اذا اشتريتوا هالاشياء

من تاريخ الانتهاء لحد يغلط غلطتي ..



والله يشفينا جميعآ ويبعد عنا الامراض والله يستر علي الي صار 10 ايام اشربه وهو
منتهي ... :)


//
اختكم لافام فاتال




.

[بنت شيوخ]

الله يحفظج اختي

والله وايد من المنتجات اللي من بره تكون مده الصلاحيه قريبه الانتهاء والغلط من المستورد نفسه

شكرا على التنبيه

[حياة]

الله يعينج
ويعوضج خير

[الماريّة]

الله يحفظج اختي

والله وايد من المنتجات اللي من بره تكون مده الصلاحيه قريبه الانتهاء والغلط من المستورد نفسه

شكرا على التنبيه



تسلمييييين بنت شيوخ وصدقتي والله

بس المفروض انهم مايطرشون بضاعتهم المنتهيه

ولا خلاص يبون يفتكون منها على حسابنا

[نورالهدى]

حصلته منتهي
بس هو عندي من سنه ونص وانا لما شربته ماجاب معاي نتيجه وقمت اكل اكثر
فأهملته وتوه منتهي من شهرين
بقوم اتخلص منه

[قلم صادق]

نفس الشي انا ..طلبته من موقعهم الرسمي ويوم وصلي مابقى الا شهر وينتهي

[مشتاقة لقطر]

الله يحفظكم ؟؟


انا ما اثق بهالامور ؟؟

خففي اكل ورياضة وانتهى الموضوع

[الماريّة]

الله يعينج
ويعوضج خير

الله يسلمك اخوي وماقصرت على دعائك

[الماريّة]

حصلته منتهي
بس هو عندي من سنه ونص وانا لما شربته ماجاب معاي نتيجه وقمت اكل اكثر
فأهملته وتوه منتهي من شهرين
بقوم اتخلص منه

نور الهدى

انا في البدايه جاب نتيجه معاي بس لما انتهى وانا استعملته ومادريت

حسيت بلوعه والله يكرمج اسهال

[باسكن روبنز]

لاتحاتيـن مافيه مضره بآذن الله حتي لو طاف شهـر على مدة آنتهائه ،
نصيحه لج لاتوسوسين يالمرأه الخطـره ،;)



وشكـــراً للتنبيــــه ،

[بنت ذياب]

امبييييييه

تصدقييين !!!!

انا خذت علبتين

واستخدمتهم بدون فايده
ولا حسيت باي نتيجه !!

وتميت استخدم شهر شهرين .. مافي اي نتيجة !!

وبعدها اصبت بجرثومة المعدة ,, ووقفت ماقمت اشربه !..

امي شكت و اسالت الدكتور قالت يمكن من هالجاي .. انا قلت لها مستحيل كل الناس تستخدمه

مايندرى .. بروح اجيك .. تخرعت لان كلش كلش ماتغير اي شي!!!!!!!!!!! :eek5:

[بنت ذياب]

الحمدلله

تاكدت من التاريخ !

استخدمته من تقريبا 9 شهور..

وتاريخ الانتهاء: 11-2010

يعني للحين

بس غريبه ! ماستفدت منه كلش

[ماريسا]

آنا اشرب هالشاي
و عندي بالضبظ نفس التعبئة الي عندج و مكتوب عليها best before 26 sep
بس مو شرط منتهية بعد هالتاريخ!! تذكري ان هذا شاي و ممكن يتم صالح لشرب لعشرات السنين
و الشي الثاني صحيح هو شاي صيني لكن المنتج امريكي و منظمة fda تجبر كل شركات الأغذية انها تحط تاريخ صلاحية على المنتجات بس مو شرط ان الشاي غير صالح للشرب بعد شهر سبتمبر

راي شخصي و أعيد انا لغاية اليوم اشرب من الشاي من غير مشاكل و باقي عندي 3 علب من هالتعبئة

[الماريّة]

حصلته منتهي
بس هو عندي من سنه ونص وانا لما شربته ماجاب معاي نتيجه وقمت اكل اكثر
فأهملته وتوه منتهي من شهرين
بقوم اتخلص منه

غريبة ماجاب نتيجه معاج

انا بالعكس زين معاي بس تاريخه قريب انتهى وتخلصت منه

[الماريّة]

نفس الشي انا ..طلبته من موقعهم الرسمي ويوم وصلي مابقى الا شهر وينتهي

الله يعينا ويعوضنا خير

تسلم على مرورك

[الماريّة]

الله يحفظكم ؟؟


انا ما اثق بهالامور ؟؟

خففي اكل ورياضة وانتهى الموضوع

ويحفظج فديتج

والله حتى انا ماحبها بس مادري شلي خلاني اغامر هالمره

[غابت الشمس~]

عندي علبتين منه ورحت اشوف التاريخ طلع في ديسمبر 2010

بس بصراحه ماجاب معاي اي نتيجه

مادري على شنو قيمتة 190 ريال
والله الشاي الاخضر العادي احسن منه وطعمه مركز اكثر