انتشار الفساد في الجيل الجديد ..

[كلاسيك قطر]

السلام عليكم ورحمة الله

اول شي اعذروني على طريقة طرح الموضوع ... لاني ماعرف اكتب مقدمات ..

ابي اتكلم اليوم عن سالفه .. " كبيره " "ضخمه " اللي بتسمي فيه الموضوع سمه على راحتك ..

في الاونه الاخير .. وبعد ظهور الانترنت .. اصبحت الدول الاسلاميه في انفتاحيه اكبر ..

وهذا شي ايجابي .. وممكن ان احنا ناخذ معلومات من دول ثانيه .. وممكن نستفيد

شي من تاريخنا القديم .. .@@

لكن نفس ماقلنا ان النت هو سلاح ذوو حدين .. واذا ماسيطرت عليه .. @@ اتعرفون النتيجه

والله العظيم اني ماصدقت اللي سمعته بإذني .. صغار " يهال " يتكلمون في الامور

الاباحيه بطلاقه ..ويتقاسمون الصور ويمكن الفيديوات .. وكذلك انواع الشتائم كلها موجوده ..!

احنا " جيلنا " يوم كنا في اعمارهم ماكنا انقول اللي يقولونه الحين ..!

وهل من المعقول ان يكون هذا هو الجيل الاسلامي الجديد ...

هذي هي ضريبة الانفتااح .. ان الجيل الجديد اللي بيكون في 2015 او 2020 <<

راح يكون جيل فاسد .. اذا محد قدر يسيطر على الوضع ...

احنا اللي كنا نفتخر بانفسنا .. وبأصلنا وبدينا .. الحين يصير جذيه

والله ماعرف شاقول ....

ماقول غير .. الله رقيب وحسيب لعباده ..!

[ابن الجزيره]

السلام عليكم ورحمة الله





هذي هي ضريبة الانفتااح .. ان الجيل الجديد اللي بيكون في 2015 او 2020 <<

راح يكون جيل فاسد .. اذا محد قدر يسيطر على الوضع ...

احنا اللي كنا نفتخر بانفسنا .. وبأصلنا وبدينا .. الحين يصير جذيه

والله ماعرف شاقول ....

ماقول غير .. الله رقيب وحسيب لعباده ..!



النزاهه والشفافيــه

((( مثل ماقال غانم السليطي : بسنا خرابييط )))

الله يرحم الحــال من المحال نرجع لماضينا !!!
بس شعارات على الأطلال ,,,,
ودمتم سالمين

[المقهوره]

اي والله حتى لو ربينا داخل البيت

العالم الخارجي يأثر فيهم اكثر


بس الله يحفظهم ونعرف نسيطر عليهم ونحميهم


بس سبب انتشار الفساد في الجيل اشوفه بسبب الرفاهيه الي تعطى للطفل ...


ولا بذمتكم طفل عمره 7 سنوات يمسك جوال بلاك بيري + لاب توب


وين ايامنا الجوال ان عطانا اياه ابوي بالثانويه اوووووووووه يعتبر ولد عز

والحين يادوب يدخل المدرسه يعطونه جوال؟؟؟؟؟؟

[قطرية فذة]

استغرب الجزع في وقت الزم مانكون فيه واقفون على الدين

وان يكن الفساد بأبوابه ومداخيله نحن هنا تكون مواقفنا

ان تصفيق الايادي على بعضها من قله الحيله وكانه لامفر سنباد

لماذا لانكون المواجهون لهذا التيار بقيمنا ومبادئنا

بتعزيزها وانارتها بالعلم

لو قالو لك في ممر ما لهيب ومررت به هل ستمر به مستمتعاً؟ بل انك ستكوت اشد ماتكون من الحذر على نفسك

كذلك نحن مع انفسنا وابنائنا ان تعلمهم وان تشعل فيهم المواجهه وان تحافظ على دينهم بالثبات بتزويجهم تحافظ على فطرتهم السليمه فيما يحب الله لامعصيته


هدانا الله واياكم
واعاننا على ديننا اللهم امين*

[سداوي&مدريدي]

ضريبة الأنفتاح والتطور

[شويهينــه]

الا من مبدأ ليش عيال فلان عندهم وعيالي ماعندهم

للاسف هذي الجمله صارت على لسان اغلب الاباء والامهات

[بنت ابوها 19]

ماقول غير الله يرحمج ياقطر


التطور قضا على قطر بشكل فضيع

فكرو بهيبة قطر كادوله بعد التفتح
لكن مافكرو بهيبة الدين والعادات والتقاليد و الجيل القادم من المواطنين بعد التفتح


وااللله قهررررر
حسبي الله ونعم الوكيل في من كان السبب

جيل فاشل
يجي بعده جيل افشل والى افشل والـــــخ....

[bo_s3ood]

الا من مبدأ ليش عيال فلان عندهم وعيالي ماعندهم

للاسف هذي الجمله صارت على لسان اغلب الاباء والامهات








بعض العواائل متبعه هالنظاام

وبعض الاولاد نفس الشي يكلمون اهاليهم ليش ولد عمي عنده وانا ماعندي بعضهم يسكته بكلمه من اهله وبعضهم يروح يشتر له على طوول

واحد من ربعي اخوه في صف رابع يقول لي جاني وقال لي تعطيني عيديه 500 ريال وابوي وامي نفس الشي بعد يوم قال له ليش يبي يشتري بلاك بيري قال له وليش تبي البلاك بيري عشاان اعيال عمه الي اصغر منه عندهم ويبي مثلهم بعد

[vtc_4.8]

اهم شي الديييين ياجماعه

بدونه بيضيعون شبابنا وعيالنا

[Qtr95]

تخاريف :)

انا احب اني اقوول وانوه لكم
ان الجيل اللي احنا فيه الان افضل من الجيل
اللي راح ..
والجيل الياي بيكون احسن انشالله :)

[مديون و مفلس]

اسمح لي اختلف معاك يمكن طرق الفساد صارت اسهل لكني اشوف الجيل القادم جيل واعي متدين اكثر من جيل الغفله في الستينات والسبعينات . صرنا نشوف في المساجد شباب تحت العشرين بعد ما كان هالشي مستغرب . الجيل القادم افضل من الاجيال السابقه في كثير من النواحي ومنها الثقافه الدينيه والالتزام

[Qtr95]

اسمح لي اختلف معاك يمكن طرق الفساد صارت اسهل لكني اشوف الجيل القادم جيل واعي متدين اكثر من جيل الغفله في الستينات والسبعينات . صرنا نشوف في المساجد شباب تحت العشرين بعد ما كان هالشي مستغرب . الجيل القادم افضل من الاجيال السابقه في كثير من النواحي ومنها الثقافه الدينيه والالتزام

انا معاك والله !!
وأفضل من الثمانينات :)
جيل التسعينات والألفين
بيكون واعي ومثقف ومتدين
وهم اللي بيرفعون راسنا ..

[شموخ دائم]

,

,


مرحبا

من المواضيع المهمه

لكل شي ضريبه

الناس بالبيوت صارت تتراخى بالرقابه وللاسف تفتكرهم اطفال

والا ن مفهوم الطفل تغير كان الي عمره 12 طفل بذيك الايام لانه ماعنده شي
لا محطات فضائيه ولا انتر نت ولا موبايل فهو بحق فيه البراءه وبعد ما يصي عمره 18 الى 20 يفهم هذي الامور ويحب يطلع عليها بدواعي الفضول

الان الي عمره 12 هو رجال فاهم الدنيا وفاهم كل شي وامامه كل شي متاح
ولذلك هذا الفضول يتحرك بعمر ال 12 بدل عمر ال 20 سابقا

لكن الي ابي اقوله التربيه والوازع الديني راح ترجعه ان شاء الله
بعد ما ينتهي الفضول راح يرجع الى ربه هي نزوات ( المراهقه )
مراهقه هذا الجيل تبتدي من 10 سنوات

هذا الي واجب ننتبه له

دمتي بطيب

,


,


اخوك


شموخ دائم

[الأصيلة]

فترة الطفولة والمراهقة مهمة جدا
يجب أن يحرص الوالدين والأهل والمربين على تنمية
المراقبة الذاتية لدى الأطفال والمراهقين وتعليمهم وشرح معنى
الحلال والحرام وموقع الإنسان من هذين الحكمين
ومصير من يتقيد بهما ومن يتهاون فيهما...
زرع الخوف من الله في قلوبهم...
أما التكنلوجيا فيحال أن نقف في وجهها ونصدرها إلى غيرنا...فهي معنا أينما كنا...

شكرا يا كلاسيك على الطرح..

[كلاسيك قطر]

الله يزاكم خير والله

[بوعيسى1]

انا من جيل الثمانينات واشوف ان جيل الحالي نوعاً ما قليل الادب
بس رغم هذا هم وصلوا الى اشياء احنا ما قدرنا نوصل له أو نقدر تقول جاتهم الوسائل
يعني في ايامنا كنا ندور على المعلومة نروح نشتري الكتب والمجلات علشان نتدارك الفقه الديني والدنيوي
الحين دش انترنت ومجرد ما تكتب الكلمة يطلع لك كافة التفاصيل .
وما كان عندنا وسيلة التواصل مع بعض . ربعنا كانوا بس ربع الفرجان .لو نحدد المباراة مع فريج ثاني
يبغيله على الاقل اسبوع . بس الحين دش بلاي ستيشن نت وثواني تلعب كرة مع الي قاعد في امريكا
احنا كان عندنا ربع بالاصابع . تعال شوف الحين كل واحد عنده اقل شيء 100 ربع والفضل يعود الى
بلاك بيري وربعه . شوفوا ياخوان انا اشوف ناس مواليد تسعينات افتح وافهم منا بمعلومات .
بس ينقصهم شيء واحد وهو آداب الكبار سواء الوالدين أو اخوة الكبار منهم .
المشكلة احنا القدامة شوي اصبر منهم هم تعودوا على زمن السريع . وبصراحة معهم حق لان الوسائل
تلبي احتياجاتهم بوقت قياسي واحنا تعودنا على الصبر ولانتظار لان ما كان عندنا مصادر لوصول الى موقع
الحدث او المعلومة . بس تعال الحين اول ما يشوفون رادار على طول ينتشر التحذير في بلاك بيري
تدري شنهو المشكلة . المشكلة ياطويل العمر احنا ما نقدر نتفاهم معاهم . حتى ولو حاولنا ندش في الجو الي هم عايشين فيه ما ناخذ راحتنا . والله ياخوان للحين احنا بخير بس الله يعين الي بيصير في المستقبل
شوفوا ياخوان خذوا مني معلومة وبتشوفونه بنفسكم في المستقبل .
انا اشوف بان في مستقبل القريب احنا ما بنحتاج ذهاب الى مستشفى لتحاليل الدم أو الله يعزكم ؟
اقول لكم شلون انا اتصور ان بيتم صناعة اجهزة تحاليل في الحمامات الله يعزكم مشبكة مع انترنت
وبمجرد تخلص من ؟ الله يكرمكم الجهاز بيفحص المادة ويطرش التقارير الى دكتور عن طريق الانترنت او ايميل ويتم الرد عن طريق الجوال او ايميل . ويعطيك الدكتور الوصف ويبين لك المرض
انا ادري بان هذا الكلام غريب بس هو شيء متوقع منه . يعني ناس الي بيتعودون على الاجهزة
اشوف بان صعب جدا على مواليد تسعينات تفاهم معاهم . واحنا خلنا قطعة تراثية ههههههههههه

[رُفق المجنّا]

من يوم ما سمعنا بالعولمة وحنّا مب مترقعين

العولمة تاخذ وتعطي , بس حنّا يالخليجيين ناخذ

ولو تلاحظون أن الانفتاح حصل في فترة بسيطة , وما كان هناك تهيئة لـ الشعوب

وهذه نتايجها

* الفرصة الأولى وضيعناها , وبقى لنا فرصة وهو زرع الدّين في قلوب الأطفال و اضفاف نوع اخر من التعامل داخل البيت لأنه هو الأساس

الله آمن روعاتي واستر عوراتي ويستر ع جميع المسلمين

[مسافر77]

نتيجة الأبتعاد عن الله سبحانه وتعالى
لا ضريبة انفتاح ولا شي
حنا قاعدين ناخذ القشور

[الأصيلة]

نتيجة الأبتعاد عن الله سبحانه وتعالى
لا ضريبة انفتاح ولا شي
حنا قاعدين ناخذ القشور


:nice:

[مستجدة]

نعم ضريبة الانفتاح واهمال الاهل وحط تحتها خط عريض
تعال شوف الرسوم اللي اطفالنا جالسين يطالعون فيها طول النهار
وانت تعرف ليه طلع لنا جيل يخوف

خليها على الله ماقول الا الله يعينا على هالجيل وايعينه على نفسه
نسأل الله الهديه والصلاح لابنائنا وابناء اخوانا المسلمين

[عزيزوف]

المخرج عاوز كده

[الباحثون]

المخرج عاوز كده

قال أحد أهم علماء النفس السلوكي: "اعطني التعليم والإعلام، اعطيك الجيل الذي تريد".
لا شيء يصنع الأفكار ويوجه السلوك العام اكثر من التعليم ومصادر الإعلام المختلفة من مرئيات وسمعيات ومقرؤءات. ومن امتلكهم او أثر في صنعهم سيحوز لا محالة ناصية التوجهات العامة للجماهير (دون انكار لبعض الشذوذات هنا وهناك. لكنها تبقى جزرا نائية لا تستهوي إلا الأقليات الفكرية).
في عالمنا العربي من يمتلك التعليم (طبيعيا) ومن يتحكم فيما يتلقاه الجماهير من وسائل اتصالات، هي السلطة. و لذلك تجد (كما قال ابن خلدون) الناس (الأغلبية) على دين ملوكها لما لهم من تأثير قوي عليهم عبر مايمتلكونه من وسائل التأثير والتوجيه وصناعة الرأي وقبله الفكر. فإن صلحوا صلح الناس و ان فسدوا فسد الناس. مصداقا لقول عثمان بن عفان رضي الله عنه (إن الله يزع بالسلطان ما لا يزع بالقرآن).
عموما لتعرف نوعية الجيل و توجهاته، فقط انظر إلى ماهية ما يقدم له من مواد تعليمية وما يراد و ما لا يراد له ان يعرف. و لا شك عندي و من خلال دراسات تحليلية أن الأجيال الحالية عموما اجيال نسأل الله ان يردها ردا جميلا. فبعد ان كانت قدواتنا خالد بن الوليد و عمر بن الخطاب و وخديجة بنت خويلد وصفية بنت عبد المطلب والخنساء وأم عمار، صارت قدوات الأجيال الجديدة (وعبر ضخ ممنهج و توجيه مدروس) اسماء احقر من ان اشوه بها موضوع اخوي كلاسيك قطــــــر.
لكن يبقى رغم ذلك كله الأمل لا ينقطع خاصة و بين ايدينا حديث رسول الله صلى الله عليه وسلم الذي رواه عدة صحابة مثل علي بن ابي طالب و عمار بن ياسر وعمران بن حصين وغيرهم رضي الله عنهم جميعا: {مثل أمتي مثل المطر لا يدرى الخير في أوله أو آخره}. وهو مايفسر مقاومة مجاميع قليلة ومتفرقة لمشروعات الهيمنة والاحتلال بجميع انواعه في زمن الانبطاح والعمالة والوكالات المشبوهة والقذرة.

مشكور اخوي كلاسيك قطــــر على طرحك المميز.

[بـــــــنت النوخـّــــذه]

لكني اشوف الجيل القادم جيل واعي متدين اكثر من جيل الغفله في الستينات والسبعينات .



اوووووووووياااااااااااامااااااااااااااااال


جيل الستينات والسبعينات جيل غفله :omen2:<<<صراحه انا كان ودي اعيش في تلك الحقبه الى الابد :(

المهم كل جيل وله معتقداته وافضل الاجيال بأعتقادي الجيل الي تأسس على اصاله الماضي وياحلو الجيل الجديد ليّ تطور وتمسك باصاله الماضي من عادات وتقاليد وقيم وموروثات بكل قوه ولا همه التطور بمفهومه الخاطئ0000عموما ترى من وجهة نظري كل مانسو الناس الماضي واصالته زادو رجعيه وللاسف جيل اليوم البعض منهم يعتقد ان الماضي ماهو الا دليل للجهل والرجعيه *_* ولا انكر البعض من الجيل الجديد وانا منهم نفتخر بعادات الماضي وانتماء اهلنا له وتأسيسهم لنا عليه على الرغم من مغريات الحاضر ولكن التأسيس القوي يكون بالاخذ بتطور الحاضر المتوج بأصله الماضي ونتمنى الكل يكون كذلك ولكن البعض الاخر فاهمين التطور غلط للاسف ننتظر ونعطيهم فرصه لعل وعسى يتداركون معنى التطور الصحيح ^_______^ولكن انرد وانقول كل جيل له ميزه تميزه عن الاخر 000ف سؤالي ماهو الي يميز الجيل الماضي والجيل الحاضر ؟؟؟؟؟ :)