قصتي والمطعم الهندي

[فراغ]

قصتي والمطعم الهندي


أنا من الأشخاص الذين يحبون (الشكشوكة)=(بيض وطماط) وكنت كل صباح أفطر عند أبو بكر وهو يجيد عمل الشكشوكة
وعندما أرتفع سعر البيض دبل أبو بكر سعرصحن الشكشوكة سألتة لماذا يا أبوبكر أنا (كستمر)
قالي حبيبي هذيه سعرنا تبي تاكل أو أسمحلي
أنت صحيح كستمر بس ما يبي لي خسارة
قلت له أوكي أنا بحول على السبجي(أكلة خضرة هنديه)
قالي أوكي أسبجي نفس السعر
مشيت مع أبو بكر على السبجي
نزل سعر البيض بعد فترة (فأصابتني الفرحة)
ورجعت أطلب الشكشوكة وفي أول الأيام بدال الصحن صرت أطلب صحنين
لكن الفرحه لم تتم
كما تعلمون بأن الشكشوكة يدخل في أعدادها (الطماط)
فعاد وأرتفع سعر الشكشوكه بأرتفاع سعر الطماط
فقلت لأبو بكر خلاص برجع لسبجي
فقال لي لا حبيبي حتى السبجي أرتفع سعره
أنته ما يقرى جرايد
خضره كله سعره راح فوق
وسبجي بعد سعره راح فوق
قلت لا حول الله
لا سبجي ولا شكشوكه
التكملة في الحلقة القادمة

[عزيزوف]

بالعافيه

[ام شوشي]

انزين مايصير بيض وبصل:tease:

[الأصيلة]

أعتقد العدس مفيد يمكن اللجوء له في هذه المحنة...

[تبتلشٍ]

هههههههههههههه بالعافيه

[البحار00]

كل جباتي وجبن

لازم بيض وطماط

[rashid alkubaisi]

أعتقد العدس مفيد يمكن اللجوء له في هذه المحنة...

من فتره احد الاعضاء كاتب سعر خيشة العدس بعد فارتفاع دائم:tease:


بس ليش الخيشه:eek5:

[Searchon]

هههههه بالعافيه ،،

وفي انتظار التكمله ..

[نورالهدى]

كل في البيت ارخص

[..er..]

يازين اكل البيت

واذا ملزم على بيض وطماط الله لايهينك صلصل اشرف :p

[<اضرب واشرد>]

ههههههه بالعافية


قلت لا حول الله

قصدك لا حول ( إلا ) بالله

[00soma00]

هههههههههههههه

[naklan]

ههههههههههههههههههههههههه هههههههههههه

والله حاله الاسعار غير منتظمه والسبب الرقابه الي يبيلهم مراقبين

انصحك اخوي حول على البقصم هاذا على سعره ولا يدش فيه لا طماط ولا بيض

والطحين مدعوم الله يقومه بالسلامه ( مدعوم من الدوله ) :eek5:

هاه وش رايك :)

[ابو علاوي]

ههههههههه
احسن موضوع قريته لحد الان
افطر فوووول وتميس

[بو فهد]

ههههههههه
احسن موضوع قريته لحد الان
افطر فوووول وتميس

حتى الفول ماسلم الافغاني رفع سعر الخبزة الوحدة برالين

وفلسطين صار يبيعك نص خبزة مع معلقة فول مع معلقة سلطة بثلاث ريال

ومراقبة الاسعار

امس منزلين اعلان كاتبين فية ان صالون الازرق ومحلات السلام

ومحلات الماجد عندهم تخفيضات 50 %

با لله عليكم هذا كلام.

[الحبتور]

خبز وماي !!!

مثل البشه

[ماريسا]

أف خلاص مب داشة هالمنتدى بعد اليوم جد عورتوا قلبي

[بوعيسى1]

الحين عرفتوا ليش ويتناميين ياكلون لحمنا
كلها بسبب البيض واللحم يوم ارتفعت اسعارهم الحبايب ما يقدر يشترونه فلفو علينا
ترا لحومنا فرش عندهم . انصحكم ما تمشون مشيء في صناعية خاصة عند سكن العمال ويتنام
الله يحفظنا وياكم من شر آكل اللحوم في زمن الغلاية

[فراغ]

بعد سالفة المطعم الهندي

قابلت صديق
سلمنا على بعض
وقلت له وين يا بو فلان
قالي رايح الحسا
واه مسافر
قالي أيه بس نص يوم
شعندك
قالي مقاضي الشهر تعرف توني ماسك الراتب ولازم نشد الحزام مازلنا في التقشف ويجب على الواحد فينا يعمل رجيم قاسي على الراتب
شلون يا بو فلان
قالي الأسعار نار والحسا النص وهي حذفت حصاه مش بعيده , هي شمت هوى وتغيير جو وتوفير .
نص القاري عندنا بثمان أميه وترست القاري في الحسا بأربع أميه
قلت له والله فكره
قالي شفيك ما تدري
ياه لو تروح الحسا تحصل النمر القطرية أكثر من النمر السعوديه
حتى أهل الحسا ملو منا رفعنا السوق عندهم ومواقف السيارات مافيه باركنق من كثر السيارات القطريه .

المهم
مرت الأيام وقابلت صديق أخر
قالي ما دريت
قلت له شفيه
قالي فلان أنقلب على طريق الحسا والحين رافعين أريوله في المستشفى
بس هو حي
قلت له خلاص بكره بشتري حلويات وباروح أزوره
التكملة في الحلقه الثالثه
ولي عنده حلقه يكمل

[الملا]

مالك الا الدال ..

يمدحون اكل الدال


http://www.handibazaar.com/products/_images/dmud.jpg

[فراغ]

مالك الا الدال ..

يمدحون اكل الدال


http://www.handibazaar.com/products/_images/dmud.jpg
والله الدال مفيد ويمدحونه المساجين يقولك كله بروطينات

[فراغ]

انزين مايصير بيض وبصل:tease:
بكره بأسئل أبو بكر عن صحن البيض والبصل أمكن يكون أرخص
والله فكره

[فراغ]

أعتقد العدس مفيد يمكن اللجوء له في هذه المحنة...
يقولون رياحي وينفخ البطن وأنا معدتي حساسه

[فراغ]

كل جباتي وجبن

لازم بيض وطماط
ما يمشي مع الكرك

[دااانة قطر]

بيض وطماط البيت احلااا
بيض جبن حلو
زعتر وزيت بعد حلو



شفيكم كله طماط طماط بسكم
همكم الطماط


دوروا شي ثااني



اليوم ريوقنا بيض وطمام وجبن ومشروم وكرك وخبز

[rashid-1]

السلام

موضوعك عجيب طريف

والله يسامحك خليت بخاطري شكشوكه

قولي وين مكانه بوبكر طرش لي ع الخاص

[مهل]

عسانا نسلم على قواطي التونه :(

[مبتدئ]

جزاك الله خير

على هذا الطرح و ودنا نشوف حماية مستهلك !

[فراغ]

خبز وماي !!!

مثل البشه
الله يعزك أخوي شدعوه خليتني أدبشه عاد خبز وماي
خلنا أدميين وخلنا على الأقل على الشكشوكه والسبجي لا طلعنى خارج الموضوع

[سهم سهم]

افطر في البيت وفك عمرك لا بوبكر ولا راجوووووووووو

[MAZEN37]

افطر في البيت وفك عمرك لا بوبكر ولا راجوووووووووو


ولو الاهل راقديين يا ويلك ان سمعت صوتك انتبه :tease:

[الصريحه]

الله يعين المسلمين
البيض يسوي ارتفاع في الكريستول بعد 30 سنه انتبه
بدك لو كلش مره في الاسبوع

[captin]

فيه,

العافية ان شاء الله

الله راحمنا انهم للحين ما التفتوا على الخبز
يرفعون سعره

جان بتاكل بيض وطماط وعيش التموين الحكومي
هههههههههههههههههه

[wadha-qa]

خذ لك كورن فليكس و حليب و فك عمرك من السبجي والشكشوكه

[رنج سبورت]

خلك ع الكرك وانشد بوحارب عن فوايد الكرك :)

[أبو مناير]

كل في البيت ارخص





هذا الكلام العدل :nice: :nice:

[tawareq]

جرب الكيمه احسن لك مع خبز بوري

[هبوب الكوس]

http://www.gulfson.com/vb/img/up/34/ef1320ba8073247488acaf81a720f9b7.jpg

عليك بالمشلتت مع العسل :nice:

[فراغ]

القصة حبايبي
أنه أذا أرتفع سعر سلعة ترتفع أسعار سلع ثانيه فهي كالسلسلة
كل شئ مربوط بالأخر
أرتفع البيض أرتفع في المقابل أسعار أطباق أخرى في مكان أخر
أرتفعت الخضرة أرتفعات أسعار سلع ثانيه مربوطه بها
أرتفع سعر الحديد أرتفع سعر البناء
القضية ليست بسيطه كل شئ مرتبط بالأخر
أرتفعت أسعار المواد الغذائية جعلت أبو فلان يسافر لجلبها من مناطق أخرى تسبب ذلك الى تعرضه لحادث كاد يخسر حياته وخسر سيارتة وكله بسبب جشع التاجر المحلي
في الكويت كانت هنالك مظاهره على السلع الغذائية وكان أسم المظاهرة ((((( خلوها تخيس)))))

[الكوين]

هههههههاااي حتى البيض رفعوا سعره

[فراغ]

رجعت لمطعم أبو بكر

وكانت ظروفي الماديه صعبه لأن مصاريف الشهر دخلت فيها تصليح السيارات وشغل كراجات
المهم ((مالك ألا خشمك لو هو عوي))
قلت له
أبو بكر أنا باكل عندك وفتح لي حساب وبدفع أخر الشهر(( يعني أخر الشهر بنتحاسب))
قالي أبو بكر
أسمع أنته واجد زين
أنا ما فيه مشكله بس شوف لازم أخر الشهر يدفع
قلت له
وكي مرت الأيام والأكل أبلاش
وأنا أزط وأغسل يدي وأمش وأمشي
أخر الشهر وألا أبو بكر واقف جدام باب المطعم ويقولي وين رايح تعال أدفع
قالت له
كم وصل لحساب
قالي فيف هندريد (500) وهو يهز راسه
قلت له شوف أبو بكر أنا ماعندي أللحين
بس بعطيك البطاقه الشخصيه لضمان حسن النيه وبعدين بدفع وبرجع البطاقه
قالي أبو بكر وهو معصب وشوي بيعطيني راشدي
فيه عندي عشرين بطاقه مال قطري
وكل واحد حساب مال هو ألف ريال
يعني عشرين ألف ريال أنا يطلب
وكله هذا قطري يروح جوازات ويطلع بطاقه ثاني (بدل فاقد)
أنا يروح مره واحد مركز شرطه ويقدم بطاقه واحد مال كتري (قطري)
هو قطري يقول هذي بطاقه فيه ضايع وين أنته يحصل
هذا شرطي يقول هذا نفر يطالب فلوس
قطري يقول هذا أبو بكر فيه أستيل بطاقه (يسرق البطاقه) شرطي يمسك أنا
أنا فيه يقول أنا ما يبغي فلوس
هذا جنجال أنا ما يبغي (بليس) (من فضلك)
قلت
أوكي أبو بكر أنا يروح ماكينه يجيب فلوس
أتشا
فرد أبو بكر
أتشا هي
التكمله في الحلقه الرابعة

[روح الاطلس]

بانتظارك

[رجل مثالي]

قصتي والمطعم الهندي


أنا من الأشخاص الذين يحبون (الشكشوكة)=(بيض وطماط) وكنت كل صباح أفطر عند أبو بكر وهو يجيد عمل الشكشوكة
وعندما أرتفع سعر البيض دبل أبو بكر سعرصحن الشكشوكة سألتة لماذا يا أبوبكر أنا (كستمر)
قالي حبيبي هذيه سعرنا تبي تاكل أو أسمحلي
أنت صحيح كستمر بس ما يبي لي خسارة
قلت له أوكي أنا بحول على السبجي(أكلة خضرة هنديه)
قالي أوكي أسبجي نفس السعر
مشيت مع أبو بكر على السبجي
نزل سعر البيض بعد فترة (فأصابتني الفرحة)
ور

جعت أطلب الشكشوكة وفي أول الأيام بدال الصحن صرت أطلب صحنين
لكن الفرحه لم تتم
كما تعلمون بأن الشكشوكة يدخل في أعدادها (الطماط)
فعاد وأرتفع سعر الشكشوكه بأرتفاع سعر الطماط
فقلت لأبو بكر خلاص برجع لسبجي
فقال لي لا حبيبي حتى السبجي أرتفع سعره
أنته ما يقرى جرايد
خضره كله سعره راح فوق
وسبجي بعد سعره راح فوق
قلت لا حول الله
لا سبجي ولا شكشوكه
التكملة في الحلقة القادمة


صح كلامك الاسعار عاليه جدا في المطاعم بحجة أن البيض
والطماط عالي السعر على فكره الاسعار العاليه في كل شي
لانه لا توجد رقابه جيده والمتضرر المواطن الي عنده عيال
وعليه ديون وأقساط كثيره وأيضا موقف الانجاب لانه
ما يستطيع على هذه الاسعار العاليه وأحنا نبي الزياده في
عددنا لان الجاليات الاخرى زادت علينا عشرات المرات وذلك كله بسبب الغلاء في كل شي
والله يحفضنا أنشاءالله

[بصمة قطرية]

ياخوي مالك الا خبز وجبن وكرك أحلى منه مافي ..:nice:
واذا كلش بتغير اكسر لك بيضة واقليها يطلع شي وقص معاها طماطه..:tease:

والله صدقت اخوي ..
كل شي غالي ..
الخضرة صارت اغلى من الفواكه ..
كل شي مولع ..
لين وين بيوصلونا هالتجار ..!!!

يعني ماناكل خضره ..؟
المشكلة الخضرة جداً مهمة ..

[رجل مثالي]

ياخوي مالك الا خبز وجبن وكرك أحلى منه مافي ..:nice:
واذا كلش بتغير اكسر لك بيضة واقليها يطلع شي وقص معاها طماطه..:tease:

والله صدقت اخوي ..
كل شي غالي ..
الخضرة صارت اغلى من الفواكه ..
كل شي مولع ..
لين وين بيوصلونا هالتجار ..!!!

يعني ماناكل خضره ..؟
المشكلة الخضرة جداً مهمة ..


الله يحفظنا من هذا الغلاء في كل شي داخل الغلاء الله يرحمنا برحمته

[اخر العنقود]

متابعه ....

[al-sadd]

متابع =)

[بولينجر]

متابع