افضل كراج .. لموستنغ !

[ابو مشعل]

السلام عليكم
من بعد اذنكم
عندي موستنغ 2004

وحاب اجيك عليه وابدل كل الزيوت
وكل القطع الدورية .. يعني فلتر البترول و و و و.. الخ !

يا ريت لو تنصحوني بكراج معين ..
ويكون شغله نظيف .. عشان ما اضطر اوديها الوكاله
:omen2:

[القاضي 8]

والله ياخوك ودها الوكاله مابتكلفك واايد بس خل لك لسان واقعد فوق راسهم

واذا قالولك يبون قطع وشفت انها غاليه تقدر تجيبها من برع
ترا مابيكلفك واايد
شغل مضموون ومريح

[الـقـائـد]

من برا وين اخوي القاضي

محد يبيع قطع موستنج الا الوكاله

روح الله يسلمك دوار 15 وانت جاي من صوب القاعده الامريكيه

تاخذه يسار داخل على الصناعيه

اول ما تدخل اول لفه يسار

وعقب اول لفه يمين

وكمل لين قبل اخر الشارع

بتلاقي الكراج الاخير اللي على يمينك

بدون لافتات

فيه ميكانيكي فلبيني اسمه رويل

وهو بيضبطك

[ابو مشعل]

ما قصرتو يالربع
لكن استفسار الله لا يهينكم

الموتر وارد امريكا .. وقديم يعني 2004
( 6 سلندر ) ..

هل ممكن تكون بعض القطع مب متوفره بما انه وارد امريكا ؟
-_-


ويعطيكم العافيه

[بوراشد82]

مثل ما قالك القائد الكراج تعاملت معاه وشغله احسن من الوكالة وترايستار وصقلية على قوله الشباب

[القاضي 8]

من برا وين اخوي القاضي

محد يبيع قطع موستنج الا الوكاله

روح الله يسلمك دوار 15 وانت جاي من صوب القاعده الامريكيه

تاخذه يسار داخل على الصناعيه

اول ما تدخل اول لفه يسار

وعقب اول لفه يمين

وكمل لين قبل اخر الشارع

بتلاقي الكراج الاخير اللي على يمينك

بدون لافتات

فيه ميكانيكي فلبيني اسمه رويل

وهو بيضبطك


اخوي انا نصحته بالوكاله

اما بالنسبه لقطع الغيار اللي من برا يقدر يطلبهم بالنت

واكيد اصحاب الموستنقات يدرون ان الطلب بالنت وصوله اسرع وارخص من الوكاله

واما بالنسبة للكراجات فأنت ابخص مني

واما بالنسبه لقطع الغيار شي اكيد ان الوكاله ماعندها كل القطع اللي تبيها

حتى لو كانت السياره موديل السنه

بيقولون لك بنطلب لك وانطر