في البيت شي .. و برة البيت شي ثاني !!!! [الأرشيف] - منتديات شبكة الأسهم القطرية

الحياة الخالدة

09-10-2010, 09:10 AM

السلام عليكم و رحمة الله ..

شلونكم عساكم طيبين ..

مثل ما قريتو ..
وايد ناس تلقاهم .. في البيت شي ... و برة شي ثاني ..
و الكلام للنساء و الرجال .. و عن البعض و ليس الكل ..
عشان محد يتحسس ..

و أضرب المثل بالزوج .. و الزوجة ..

الزوج في البيت لما يكون مع زوجته و عياله .. مكشر .. و البوز أشبار ( مب شبر ) ..
و الأمبير ( الأعصاب ) طاق العالي .. يعصب و ينرفز على أقل سبة ..
و ماله طولة بال كلللللللللللش ..
يعني يا إما يهاوش و يصارخ .. و يتكلم بيده الرقيقة ..
يا إما يلتزم سياسة أبوالهول .. أو سياسة .. لا أرى .. لا أسمع .. لا أتكلم ..

أما إذا يكون مجابل الكمبيوتر فهو ريلاكس .. مستانس .. و يضحك .. و مندمج حده ..
و يا ويل اللي يقاطعه ..

شوفه عاد لما يطلع .. مع ربعه .. طلعات سواء خارجية ( البر .. البحر .. النجيان .. الخ )
أو داخلية ( المولات .. الميلس .. المطاعم .. الخ )
تعال عاد شوف الأناسة .. السوالف .. الدم الخفيف ..
غير الخدمات المجانية .. النصايح ..
الكشخة .. المثالية .. التضحية .. الأخلاق العالية .. و غيره و غيره ..

الزوجة ..
في البيت .. مع الزوج و الأولاد ( و أحياناً من غير أولاد ) ..
حنانة .. تدور النكد و الهواش دوارة ( و أحياناً تكون معذورة ) ..
متطلبة .. ما عساها تشوف رقعة ويه زوجها الا قالت هات و هات و هات .. طلبات ما تنتهي ..
شكاية .. فلانة سوت .. و علانة غلطت علي .. و أمك قالت .. و خواتك .. و غيره و غيره
مبهدلة .. لا لبس سنع .. و لا ريحة طيبة .. و لا حتى ويه بشوش ..

تعال شوفها برة ..
الكشخة و الغشمرة .. و الكشرة اللي شاقة الويه ..
تحاسب على كلامها مع الكل .. عشان لحد يزعل منها .. أو ياخذ فكرة غلط .. و تهتز صورتها قدام الناس ..
لسانها مثل العسل .. و صوتها رقيق .. و أسلوبها حلو و منمق .. اللي يشوفها يقول يا بخت زوجها بها ..

السؤال .. ليش بعض الناس جذيه .. ليييييييييييش
أليس أحق الناس بحسن المعاملة .. بيتك أولاً ؟؟!!!!!!
صح في ظروف وضغوط معيشية و حياتية على الطرفين ..
بس اشمعنى ما تطلع الا على أقرب الناس لنا .....

أترك لكم المايك ..

بس لي ملاحظات بسيطة أتمنى تتقبلونها بدون زعل :
1- اللي مب عاجبه الموضوع و شايفه مكرر .. و ماله بارض يرد .. مب مجبور ..
2- اللي شايف فيه شي غلط يرد بموضوعية .. و على الرحب و السعة ..
3- و الي بيدش يخرب و ما عنده سالفة .. أقول له ارحمنا .. الله يرحم والديك ..

تحياتي للجميع ..

09-10-2010, 10:09 AM

؟!؟!؟1؟!؟!

طيب , هل دخلتي كل البيوت معهم وطلعتي معهم ؟
محد يدري بالي داخل النفوس الا خالقنا !

والشي الثاني , انتي اي انوع منهم ؟
وعادي , ناس تتغير !. يشوف الموت للحظة يرجع كأنه منولد من جديد
-------------------------------------يشوف الكعبة يرجع انسان مختلف .
هذا من رحم ربي :)

s4qatar

09-10-2010, 10:09 AM

ناس كثير يحملون شخصيتين .. أنا أعرف واحد عز المعرفة .. يعني من الأهل .. في بيته تخسي الذبانة تطير .. مسوي حق هله فلم رعب يومياً ... لكن لين يانا الميلس أراجوووووز .

سبحان الله

جمال النعيمي

09-10-2010, 10:11 AM

هذه ليس القاعدة والعكس هو الصحيح

هذا النموذج شاذ ... لا يقاس علية

Special man

09-10-2010, 10:17 AM

الله يعينكم على هالنوعيه من الناس !!!!!

اظن هذا عنده مشكله فالشخصيه :)

simsim1963

09-10-2010, 10:31 AM

ماشي احسن من الاعتدال في كل شئ . هذا دليل على العقل ولكن من له شخصتين اقول لك بأنه غير سوي ونفسيا يضغط على اعصابه بشكل كبير وينتج عن هذا الضغط والكبت على الاعصاب امراض كثيرة وقاتله . لذا خلك من العمل بشخصيتين وخلك معتدل وريح نفسك ترى اهل بيتك واولادك ممكن يخافون منك وانت عندهم ولكن لما تغيب كل بيرجع الى قناعاته

الحياة الخالدة

09-10-2010, 10:36 AM

السلام عليكم ..

أخوي .. P!nk Panther

؟!؟!؟1؟!؟!

طيب , هل دخلتي كل البيوت معهم وطلعتي معهم ؟
محد يدري بالي داخل النفوس الا خالقنا !

والشي الثاني , انتي اي انوع منهم ؟
وعادي , ناس تتغير !. يشوف الموت للحظة يرجع كأنه منولد من جديد
-------------------------------------يشوف الكعبة يرجع انسان مختلف .
هذا من رحم ربي

أتشرف بدخولك موضوعي .. و ردك علي ..
بس أهم شي لا تعصب .. :)

ياخوي أنا طلعت مني كلمة اني دخلت بيوت الناس أو طلعت معاهم !! ..
أو اني أعرف اللي في نفوسهم
( حاشا لله )
..

أنا عطيت نماذج ..
و النماذج هاذي موجودة .. سواء شئئا أم أبينا ..
يعني أنا مو صغيرة .. و عاشرت ناس وايد .. و دخلت بيوت وايد ..
و استمعت إلى شكاوي واااااااايد ..
يعني ما تبليت على أحد .. و لا عممت ..

و الشي الثاني .. أنا من أي نوع منهم ؟؟
أنا ما أمدح نفسي و لا أقول إني كاملة .. لأن الكمال لله وحده ..
و ممكن تكون عندي صفة .. أو ثنتين أو حتى أكثر من الصفات السيئة اللي ذكرتها ..
بس هذا ما يمنع ان الانسان يحاول يصلح من نفسه .. أو ينصح الناس اللي يحبهم ..

بالفعل أخوي .. في ناس ما تتعظ إلا بصدمة .. و صدمة كبيرة ..
و أحياناً .. و للأسف بعد فوات الأوان ..

الله يرحمنا برحمته ..
و جزاك الله خير ..... :)

09-10-2010, 10:40 AM

المعذرة ولكن
انا ما احب يلي يعمم شوي
وحتى ولو , كلهم شواذ ومحد يبي يكون مثلهم .

خليفـة

09-10-2010, 10:45 AM

الحياة الخالدة

09-10-2010, 10:46 AM

السلام عليكم ...

أخي الكريم .. s4qatar

ناس كثير يحملون شخصيتين .. أنا أعرف واحد عز المعرفة .. يعني من الأهل .. في بيته تخسي الذبانة تطير .. مسوي حق هله فلم رعب يومياً ... لكن لين يانا الميلس أراجوووووز .

سبحان الله

رحم الله والديك ..
و هذا بالضبط اللي أقصده ..
و اذا انت تعرف واحد .. اللي أنا اعرفهم وااااااااايد ..
و ناس فعلاً ما تتوقعهم أحياناً ..
الله يهدينا وياهم ..

الحياة الخالدة

09-10-2010, 10:54 AM

السلام عليكم ...

أخي الكريم .. جمال النعيمي

هذه ليس القاعدة والعكس هو الصحيح

هذا النموذج شاذ ... لا يقاس علية

جزاك الله خير ..
راجع الكلام اللي أنا كاتبته ..
و اذا شفتني معممة .. أو قايلة ان هذه النماذج هي القاعدة .. لك علي حق ..
و أعتذر .. :)

الحياة الخالدة

09-10-2010, 11:06 AM

السلام عليكم ..

أخي الكريم .. Special man

الله يعينكم على هالنوعيه من الناس !!!!!

اظن هذا عنده مشكله فالشخصيه

جزاك الله خير ياخوي ..
الله يعين الجميع ..
ياما ناس عندها هالمشكلة .. و يا ريت تعترف بوجودها و ما تكابر ..
عالأقل ساعتها ممكن تدور لها على حل ..

حياك الله ..

قطرية فذة

09-10-2010, 11:18 AM

حقيقه فيه ناس بهذه الطريقه

شفت منهم ومازلت اشوف

كثير في نفسي عليهم علقت لكن الله يعين من يعيش معهم

والحق يقال

شفت عائلتين كانو بهذه الطريقه

لكن احكام الزمن والحياه بدلت الحال

والله يبدل حال من عنده نفس الموضوع الى حال افضل منه

الحياة الخالدة

09-10-2010, 11:21 AM

السلام عليكم ..

أخي الكريم .. simsim1963

ماشي احسن من الاعتدال في كل شئ . هذا دليل على العقل ولكن من له شخصتين اقول لك بأنه غير سوي ونفسيا يضغط على اعصابه بشكل كبير وينتج عن هذا الضغط والكبت على الاعصاب امراض كثيرة وقاتله . لذا خلك من العمل بشخصيتين وخلك معتدل وريح نفسك ترى اهل بيتك واولادك ممكن يخافون منك وانت عندهم ولكن لما تغيب كل بيرجع الى قناعاته

رحم الله والديك ياخوي ..
بعض البشر وده لما يقعد مع أهله .. يلبس قناع نفس شكل الأخ اللي انت حاطه في الصورة ..
عباله ان هذا الشي هو اللي بيخلي أهله يحترمونه و يخافون منه ..
مادرى انه بهالطريقة يبعدهم عنه و يكرههم فيه
و في النهاية هو اللي بيتعب و يعاني ..
و المشكلة بيتشكى ان زوجته فيها و فيها .. أو إن العيال متعبينه و صايرين شياطين و ما يسمعون الكلام ..

ما شي أحسن من الاعتدال .. صدقت ..
ذكرتني بصديقاتي الاماراتيات .. يا حلو كلامهم .. :)

شكراً لك ..

شموخ دائم

09-10-2010, 11:43 AM

,

,

مرحبا

للاسف الامثله هذي موجوده في بعض البيوت الله يعين اهل البيت

السبب الاول هو ضعف الايمان الانسان المؤمن حقيقه لا يكون بهذه الصوره

السبب الثاني امور نفسيه ونقص ومحاوله اثبات هذا النقص بالبيت
على من هم اضعف منه

والسبب الثالث نقص ثقافه وجهل

اما مشكلها الحريم وصوتهم العالي بالبيت وصراخ مع الخدم ومع الاطفال
هذا عاد لوحده سالفه ثانيه ياريت المرأه تنتبه انها بهذه الطريقه اصبحت خارج نطاق الانوثه
وتحول البيت الى ثكنه عسكريه

وخارج البيت النعومه كلها ( تمثيل )

:)

شكرا على الموضوع

دمت بطيب

,

,

اخوك

شموخ دائم

الحياة الخالدة

09-10-2010, 01:17 PM

السلام عليكم ..

أخي الكريم .. P!nk Panther

المعذرة ولكن
انا ما احب يلي يعمم شوي
وحتى ولو , كلهم شواذ ومحد يبي يكون مثلهم .

حياك الله مرة ثانية ..

الحياة الخالدة

09-10-2010, 01:29 PM

السلام عليكم ..

أخي / أختي .. مالكم أمل

صحيح ان الموضوع مكرر .. ولكن طريقة كتابتج جميلة جدا .. ومعبره ايضاً
واتفق معاج في كل ما ذكرتي اختي .. واحب ان ازيد نقطة صغيره بالنسبة للرجل :
تلاقين ( بعض ) الازواج يتعاملون مع حريمهم باسلوب جاف وناشف .. وخالي من اي نوع من انواع الرقة والطيبه والرومنسية .. ولما يكون برع البيت .. ويصادف امرأة يتكلم معاها يكون في قمة الذوق والرقي والطيبة .

الامثله عديدة وكثيرة .. واعتقد ان خير الكلام ماقل ودل

جزاك الله خير .. الله يجبر بخاطرك .. :)
احترت أخاطبك بضمير المذكر أو المؤنث .. فعذراً ..

أما عاد هاذي النقطة .. فانت جبتها عالوتر الحساس عند أغلب الحريم ..
و هالزوجة المسكينة .. إذا ما لاقت الرقة و الرومانسية و الذوق و الرقي في تعامل زوجها معاها ..
يعني وين بتلاقيها ..!!!
و العكس أحياناً صحيح .. تلقى الوحدة مثل ما قلت ناعمة و رقيقة و رومانسية مع كل الناس .. إلا زوجها ..

مشكورة على المشاركة الطيبه واهلاً وسهلاً فيج بين اخوانج في الشبكة

تسلم ياخوي / أختي ..
الله يخليك حق كل عين ترجيك ..

الحياة الخالدة

09-10-2010, 01:41 PM

السلام عليكم ..

أختي العزيزة .. قطرية فذة

حقيقه فيه ناس بهذه الطريقه

شفت منهم ومازلت اشوف

كثير في نفسي عليهم علقت لكن الله يعين من يعيش معهم

والحق يقال

شفت عائلتين كانو بهذه الطريقه

لكن احكام الزمن والحياه بدلت الحال

والله يبدل حال من عنده نفس الموضوع الى حال افضل منه

هلا و غلا أختي .. نورتي الموضوع ..

والله يا أختي .. أحياناً الواحد ينصدم لما يشوف هالناس من أقرب الناس له .. اللي كان يعتقد انه أكثر واحد يعرفهم و مستحيل يكونون من هالنوع ....
لكن .. سبحان الله ..
صج البيوت أسرار ..

أتمنى الحال يتعدل .. بأقل الخسائر الممكنة ... :)
ياما ناس عاملناهم بقسوة و شدة .. و هم أقرب لنا من أنفسنا ..
و حقهم علينا قبل أي حق ثاني ..
و راحو قبل لا نعتذر لهم .. أو حتى نعدل أسلوبنا معاهم ..
الله المستعان ..

الحياة الخالدة

09-10-2010, 02:14 PM

السلام عليكم ..

أخي الكريم .. شموخ دائم

مرحبا

للاسف الامثله هذي موجوده في بعض البيوت الله يعين اهل البيت

السبب الاول هو ضعف الايمان الانسان المؤمن حقيقه لا يكون بهذه الصوره

السبب الثاني امور نفسيه ونقص ومحاوله اثبات هذا النقص بالبيت
على من هم اضعف منه

والسبب الثالث نقص ثقافه وجهل

هلا فيك ياخوي ..

ضعف الإيمان ..
أمور نفسية و عقدة النقص ..
جهل و نقص ثقافة ..
تحليل في محله .. و أسباب جوهرية ..
يمكن أن نضيف إليها الغفلة و سوء تقدير للعواقب ..
و أحياناً قلة الخبرة بالحياة ..
قد تتغير الأمور بالتقدم في السن .. و ما يصاحبه من خبرات مكتسبة و تجارب تعلم الإنسان غصبن عنه ..

اما مشكلها الحريم وصوتهم العالي بالبيت وصراخ مع الخدم ومع الاطفال
هذا عاد لوحده سالفه ثانيه ياريت المرأه تنتبه انها بهذه الطريقه اصبحت خارج نطاق الانوثه
وتحول البيت الى ثكنه عسكريه

وخارج البيت النعومه كلها ( تمثيل )

والله يا خوي لا تلوم الحريم وايد ..
لأن هناك أزواج يطلعون حق زوجاتهم قرون .. و ينتزعون الأنوثة منهم انتزاعاً ..
بتصرفاتهم و إهمالهم .. و لا مبالاتهم ..
يعني لما يصير شغل البيت و العيال و التدريس و التربية و الزوج كله على راس الزوجة .. شنو تتوقع ..
غصبن عنها تتحول للمرأة الحديدة .. :)

شكرا على الموضوع

دمت بطيب

حاضرين .. و حياك الله ..

العـوا

09-10-2010, 02:27 PM

كلام صحيح وهذي نماذج من البشر موجوده فعلا

الحياة الخالدة

09-10-2010, 02:33 PM

السلام عليكم ..

أخي الكريم .. العـوا

كلام صحيح وهذي نماذج من البشر موجوده فعلا

حياك الله ياخوي ..
شهادة طيبة من عضو مميز ..

قلب قطر..!

09-10-2010, 04:25 PM

اكيد انهم مب طبيعييين وفيهم خلل

@@

اخبر الواحد يرتاح فالبيت مع هله مب العكس

الوعد2016

09-10-2010, 04:29 PM

المجلس ونقيان ؟؟؟؟؟؟؟؟؟؟؟

خليفـة

09-10-2010, 04:31 PM

جزاك الله خير .. الله يجبر بخاطرك .. :)
احترت أخاطبك بضمير المذكر أو المؤنث .. فعذراً ..

اخوج العود / مالكم أمل
:)

الحياة الخالدة

09-10-2010, 05:21 PM

السلام عليكم ..

أختي العزيزة .. قلب قطر..!

اكيد انهم مب طبيعييين وفيهم خلل

@@

اخبر الواحد يرتاح فالبيت مع هله مب العكس

حياج الله أختي ...

مثل ما تفضلتي ..
الطبيعي ان الانسان تكون راحته في بيته و وسط أهله ..
أكثر من أي مكان ثاني ...

الحياة الخالدة

09-10-2010, 05:30 PM

السلام عليكم ...

أخي الكريم .. الوعد2016

المجلس ونقيان ؟؟؟؟؟؟؟؟؟؟؟

يعني شنو ؟؟!!
تصحيح للكلمات و الا كلمات غير مفهومة ؟؟!!
الميلس = المجلس = الديوانية
النجيان = النقيان = الكثبان الرملية
شالمشكلة ؟؟

عموماً شكراً لتشريفك ..

الحياة الخالدة

09-10-2010, 05:34 PM

السلام عليكم ..

أخي الكريم ... مالكم أمل

شكراً للتوضيح ..
و أعتذر ..

و انا قلت بعد مب معقولة كل هالفلوس تقعد عند وحدة طول هالمدة بدون ما تنصرف .. :)

Qt.1

09-10-2010, 05:47 PM

لو ان هالشي موجود لكن اتوقع بنسبة بسيطه ,

القمه

09-10-2010, 06:00 PM

الحياه صعبه والله ضحكتني جدا للغايه
بكل صراحه وقولها على الملى الحمدلله حياتنا شمس مشرقه
ولابها أي كآبه وتخيل عصفورين سعيدين بظل وجود عيالهم وعلى رغم
تحديات واقع الحياه للي انتعايشها سعادتنا لاتوصف بشئ ،،ولاعمرنا شتكينا
لاحد هاذا دقايق وبديم تعرفون ليش او شنهي لاسباب تفاهم بين طرفين
وتشارك في تبادل الأراء ،،والعهد لابد له أحترامه والايخل بهما أي نزاع
بتواجد التعهد ويتجدد هاذا تعهد مهما تداعت الأمور وتمنى الحياه للي اتعايشها
في كل بيت بدنيا والله يهدي سر المؤمنين والمؤمنات

الصريحه

09-10-2010, 08:43 PM

الدنيا ايقاعها صار سريع والواحد اوقات لابد انه يغير جو ويخرج من ضغوط الحياه شوي
وكل انسان وله عذره

الحياة الخالدة

09-10-2010, 09:42 PM

السلام عليكم ..

أخي الكريم .. Qt.1

لو ان هالشي موجود لكن اتوقع بنسبة بسيطه ,

جزاك الله خير
ان شاء الله تكون النسبة بسيطة ..
و ان شاء الله تختفي من الوجود بعد ..

تحياتي ..

الحياة الخالدة

09-10-2010, 09:49 PM

السلام عليكم ..

أختي العزيزة .. القمه

الحياه صعبه والله ضحكتني جدا للغايه
بكل صراحه وقولها على الملى الحمدلله حياتنا شمس مشرقه
ولابها أي كآبه وتخيل عصفورين سعيدين بظل وجود عيالهم وعلى رغم
تحديات واقع الحياه للي انتعايشها سعادتنا لاتوصف بشئ ،،ولاعمرنا شتكينا
لاحد هاذا دقايق وبديم تعرفون ليش او شنهي لاسباب تفاهم بين طرفين
وتشارك في تبادل الأراء ،،والعهد لابد له أحترامه والايخل بهما أي نزاع
بتواجد التعهد ويتجدد هاذا تعهد مهما تداعت الأمور وتمنى الحياه للي اتعايشها
في كل بيت بدنيا والله يهدي سر المؤمنين والمؤمنات

ان شاء الله تكونين دوم مستانسة ..
الله يديم عليكم هاذي الحياة المثالية .. و يبعد عنكم عيون الحساد ..
و الله يهدي النفوس ..

شكراً لك ..

الحياة الخالدة

09-10-2010, 09:58 PM

السلام عليكم ..

أختي العزيزة .. الصريحه

الدنيا ايقاعها صار سريع والواحد اوقات لابد انه يغير جو ويخرج من ضغوط الحياه شوي
وكل انسان وله عذره

كلامج صحيح يا غالية ..
و التغيير شي جيد .. و فيه تجديد للحياة ..
و ما ننكره على أحد ..
بس مثل ما قلتي .. أوقات ..
وانا ما ألوم أحد إذا تعكر مزاجه مرة أو مرتين .. أو عدة مرات ..
أنا أتكلم عن ناس صار هذا طبع دائم فيهم .. على مدى أشهر .. و حتى سنين ..

حياج الله يا عزيزتي .. :)

وضحى قطر

10-10-2010, 12:07 AM

صحيح ان الموضوع مكرر .. ولكن طريقة كتابتج جميلة جدا .. ومعبره ايضاً
واتفق معاج في كل ما ذكرتي اختي .. واحب ان ازيد نقطة صغيره بالنسبة للرجل :
تلاقين ( بعض ) الازواج يتعاملون مع حريمهم باسلوب جاف وناشف .. وخالي من اي نوع من انواع الرقة والطيبه والرومنسية .. ولما يكون برع البيت .. ويصادف امرأة يتكلم معاها يكون في قمة الذوق والرقي والطيبة .

الامثله عديدة وكثيرة .. واعتقد ان خير الكلام ماقل ودل
:)

مشكورة على المشاركة الطيبه واهلاً وسهلاً فيج بين اخوانج في الشبكة
:)

للاسف فعلا اختي الحياه صعبه هذولا مرضى نفسسين وصاروا كثر ال.... في حياتنا رجال ونساء داخل شي وبرى شي ثاني

والاخ مالكم امل ذكر نوع اخر من هالافنصام والمرض النفسي

الحياه صعبه والله ضحكتني جدا للغايه
بكل صراحه وقولها على الملى الحمدلله حياتنا شمس مشرقه
ولابها أي كآبه وتخيل عصفورين سعيدين بظل وجود عيالهم وعلى رغم
تحديات واقع الحياه للي انتعايشها سعادتنا لاتوصف بشئ ،،ولاعمرنا شتكينا
لاحد هاذا دقايق وبديم تعرفون ليش او شنهي لاسباب تفاهم بين طرفين
وتشارك في تبادل الأراء ،،والعهد لابد له أحترامه والايخل بهما أي نزاع
بتواجد التعهد ويتجدد هاذا تعهد مهما تداعت الأمور وتمنى الحياه للي اتعايشها
في كل بيت بدنيا والله يهدي سر المؤمنين والمؤمنات

اخوي لاتضحك ترى صدق في ناس كذا لاتستهزا وتفوشر بحياتك السعيده ترى في ناس ضميا سعاده وممكن لاقدر الله ينظولنك العين حق

بوحارب

10-10-2010, 12:10 AM

مايعجبني بوجهين

ويعجبني راعيي الشخصية الواحده :)

والله يعين هالأشكال على انفسهم

زقرتي ومزاجي

10-10-2010, 01:33 AM

متابع

جلمود

10-10-2010, 01:43 AM

وايد ناس جذيه

لا جاه اتصال من أهله شفت وجهه يتغير ويصرخ واذا سكر غشمره وضحك

السموحه يمكن خاني التعبير

بس حبيت اشارك بالموضوع :p

الحياة الخالدة

10-10-2010, 05:20 AM

السلام عليكم ..

أختي العزيزة .. وضحى قطر

للاسف فعلا اختي الحياه صعبه هذولا مرضى نفسسين وصاروا كثر ال.... في حياتنا رجال ونساء داخل شي وبرى شي ثاني

والاخ مالكم امل ذكر نوع اخر من هالافنصام والمرض النفسي

الله يشفينا و يشفيهم و يشفي كل مريض ..
سواء مرضى نفسيين أو غيرهم ..
أنا شايفتهم كثار .. بس في بعض الردود شككتني قلت يمكن أكون أنا غلطانة .. :)

اخوي لاتضحك ترى صدق في ناس كذا لاتستهزا وتفوشر بحياتك السعيده ترى في ناس ضميا سعاده وممكن لاقدر الله ينظولنك العين حق

يمكن القمه ما تقصد / يقصد الاستهزاء بس اللي ما يشوف هاذي النماذج فعلاً ما يتخيل انها موجودة ..
و صدقتي .. في ناس ضميا سعادة .. عجبني التعبير .. :)
و بعضهم يكرهون يشوفون غيرهم مرتاح و مستانس ..
و يتمنون لو كانوا مكانه ( و العياذ بالله ) ...

حياج الله يا وضحى ..
اسمج حلو .. الله يبارك لج فيه .. :)

الحياة الخالدة

10-10-2010, 05:33 AM

الحياة الخالدة

10-10-2010, 05:39 AM

السلام عليكم ..

أخي الكريم .. زقرتي ومزاجي

متابع

تابعونا .. تجدوا ما يسركم ..
حياك الله ..

الحياة الخالدة

10-10-2010, 05:47 AM

السلام عليكم ..

أخي الكريم .. جلمود

وايد ناس جذيه

لا جاه اتصال من أهله شفت وجهه يتغير ويصرخ واذا سكر غشمره وضحك

السموحه يمكن خاني التعبير

بس حبيت اشارك بالموضوع

هلا فيك أخوي ..
عاد السكر هذا سالفة ثانية .. و حديث ذو شجون ..
بس في ناس ممكن تسكر بدون ما تشرب ..
يكفي ان الواحد فيهم يشوف ربعه .. عشان ينشكح و تنفرج أساريره .. و أحياناً يقط خيط و خيط من كثر الوناسة ..

لا تعتذر ياخوي .. عبر بالطريقة اللي تريحك ..
و البيت بيتك ..

عابر سبيل

10-10-2010, 08:56 AM

السلام عليكم ..

أخوي .. بوحارب

مايعجبني بوجهين

ويعجبني راعيي الشخصية الواحده

والله يعين هالأشكال على انفسهم

ذكرتني باغنية حسين جاسم .. :)
عفت ال... و ال.... منك يابو ويهين ( وجهين لغير المتكلمين بالحضري ) ..

الانسان الواضح هو صاحب الشخصية الواحدة ..
و هو الانسان السوي ..
صح ممكن يتغير مزاجه أحياناً .. نتيجة ضغوط معينة ..
بس هذا التغير يكون مؤقت .. و لا تكون له نتائج مدمرة .. سواء عليه .. أو على من يعز عليه ..

أخوي .. قحطه .. قصدي بوحارب ..
جزاك الله خير ..

تشكرينه على إيش!!؟؟

ما شفتي الشعر اللي في الصورة في (توقيعه)

اخر بيت شيقول:

كل واحد فيهم مجرب و مخبور
ما شاور الحرمة بخوة ارباعه

حقيقة..و انا اقرا رد بو حارب..
اتذكر البيتين الخالدين الذي جاء فيهما:

"عجب عجب عجب عجب..
قطط سود و لها ذنب

تصطاد الفأر من الاوكار..
تنط الحيط فتنقلب:rolleyes2:
"

عموما..انا مثل (فلان):nice:

متابع للموضوع و فن ادارته..
فبالتوفيق

jassim

10-10-2010, 01:17 PM

لا اله الا الله

الكوين

10-10-2010, 01:34 PM

فيه ناس كثير كذا بس مووو كلهم
عشان مانظلم الكل

ZURICH

10-10-2010, 01:44 PM

الرجال رجال سواء كان في بيته ولا خارج بيته

ولا حتى نيكاراجوا .... شدخل نيكارجوا مادري

الحياة الخالدة

10-10-2010, 08:21 PM

السلام عليكم ..

أخي الكريم .. عابر سبيل

تشكرينه على إيش!!؟؟

ما شفتي الشعر اللي في الصورة في (توقيعه)

اخر بيت شيقول:

كل واحد فيهم مجرب و مخبور
ما شاور الحرمة بخوة ارباعه

عابر سبيل عندنا .. يا مرحبا يا مرحبا .. طفو نور الكهربا ..

أخونا بوحارب ما شاء الله عليه مسوي زحمة في توقيعه ( أكثر من زحمة إشارات المعمورة ) .. اختلط فيه الحابل بالنابل .. بتنتبه على شنو و الا شنو ..
بس أهم شي الكرك ..
يعني أنا لو فهمت البيت المذكور .. يمكن كنت بزعل و اهون ما أشكره ..
أحياناً الواحد اذا ما يفهم وايد أبرك له ..

و بعدين انت خليتني أعيد قراءة توقيعه ..
لحظة كأنه غيره ..
كان فيه بيت عاجبني ما لحقت عليه .. :weeping:

حقيقة..و انا اقرا رد بو حارب..
اتذكر البيتين الخالدين الذي جاء فيهما:

"عجب عجب عجب عجب..
قطط سود و لها ذنب

تصطاد الفأر من الاوكار..
تنط الحيط فتنقلب

ايش هالبيتين النقازيين ..
من وين تييبونهم !!!

عموما..انا مثل (فلان)

أما فلان .. الصراحة رده عجيب .. أثرى الموضوع ..

متابع للموضوع و فن ادارته..
فبالتوفيق

شكراً للمتابعة ..
أي فن إدارة صل عالنبي .. :) .. نحاول قد ما نقدر ..
خوفك تغمض و تفتح تلقى المخربين تسببوا في إغلاق الموضوع ..
بس الله يستر ..

الحياة الخالدة

10-10-2010, 08:24 PM

السلام عليكم ..

أخي الكريم .. jassim

لا اله الا الله

محمداً رسول الله ..

الحياة الخالدة

10-10-2010, 08:33 PM

السلام عليكم ..

أختي الكريمة .. الكوين

فيه ناس كثير كذا بس مووو كلهم
عشان مانظلم الكل

حياج الله أختي ..
الله لا يجعلنا من الظالمين ..
و الله يهدي و يعين كل مبتلي ..

الحياة الخالدة

10-10-2010, 08:38 PM

السلام عليكم ..

أخي الكريم .. حوران

الرجال رجال سواء كان في بيته ولا خارج بيته

ولا حتى نيكاراجوا .... شدخل نيكارجوا مادري

حياك الله ياخوي ..
و الرجال يظل رجال ..
حتى لو راح موزمبيق .. يعني اشمعنى نيكاراجوا ..

maruuma

10-10-2010, 09:09 PM

زين واللي له ويه واحد بس 16 شخصية

شخصية مع النفس

شخصية مع الاهل

شخصية مع الربع

شخصية في الشغل

شخصية مع الخدم

شخصية في السوق

شخصية مع الكبار

شخصية مع الصغار

شخصية حتى مع اخو واخو

الشخصيات وايد كلها حسب المكان والزمان والطرف الآخر

بس ترا كلها حلوة وواقعية ومافيها انفصام

والله المستعان

الحياة الخالدة

10-10-2010, 09:39 PM

السلام عليكم ..

أختي العزيزة .. maruuma

زين واللي له ويه واحد بس 16 شخصية

شخصية مع النفس

شخصية مع الاهل

شخصية مع الربع

شخصية في الشغل

شخصية مع الخدم

شخصية في السوق

شخصية مع الكبار

شخصية مع الصغار

شخصية حتى مع اخو واخو

الشخصيات وايد كلها حسب المكان والزمان والطرف الآخر

بس ترا كلها حلوة وواقعية ومافيها انفصام

والله المستعان

ما شاء الله تبارك الرحمن ..
هذا مسوي الشخصيات مثل الملابس معلقها في الكبت ..
متى ما بغى بدل ..

سبحان الله ..
في ناس تبدل وجهها ..
و ناس تبدل شخصيتها ..
و ناس تبدل عاداتها و اطباعها ..
و ناس تبدل مفاهيمها و معتقداتها ..
أو بمعنى أصح .. تبدل جلدها ..
اللهم يا مقلب القلوب و الأبصار .. ثبت قلوبنا على دينك ..

تسلمين يا غالية ..
إضافتج للموضوع جات في الصميم .. :)