( مغسلة - دوبي - laundry )

[M O 7 A M M E D]

مرحبا شباب ..

في واحد من الربع يبي يفتح له مشروع صغير واللي هو ( مغسلة - دوبي - laundry )

ويبي يعرف من اللي عنده خبره في هالمجال ..

يعني كم يحتاج لراس المال ؟؟
والاجهزة المطلوبة كم تكلف؟؟ ومن وين يحصلها؟؟

ارجو الرد ممن لديه الخبرة في هذا المجال ..

ومشكورررررررررررررين .

[طالب علم]

السلام عليكم أخوي
المغسلة مشروع جيد ومربح وخفيف وأنا أشجع أخواني على المشاريع الخفيفة والمربحة.
رأس المال عبارة عن :
200 ألف ريال للمكائن ومصدرها الهند أو تركيا وتقدر تلقى اللي تبيه على النت.
وتحتاج 100 الف تشغلك فترة 4 شهور .

[طالب علم]

العائد الشهري المتوقع للمغسلة للسنة الأولى حوالي 6000 ريال صافي لجيبك والسنة الثانية 15000 شهري صافي وممكن توصل في السنة 30000 شهري صافي لو موقعك حلو واللي يشتغلون محترفين
ودير بالك أخوي نص اللي خسرو في المشاريع بسبب العمالة

[M O 7 A M M E D]

مشكور يالغالي وما قصرت ..

كفيت ووفيت ..

بس ممكن توضح ايش تقصد بالعمالة بالضبط ؟؟ يعني مثل ايش ؟؟

وممكن تعطيني الموقع اللي اقدر احصل فيه المكاين

طولت عليك يالغالي واسمحلي

[lwfabs]

المقصود بالعمالة أخوي ميردر يعني الموظفين اللي شغالين في المحل إذا كانوا يخافون من الله بتكسب ذهب أما إذا نصف اللي للمحل يروح لجيوبهم فهذه هي المشكلة.

[أغلى البـشر]

والله مشروع مربح

[M O 7 A M M E D]

المقصود بالعمالة أخوي ميردر يعني الموظفين اللي شغالين في المحل إذا كانوا يخافون من الله بتكسب ذهب أما إذا نصف اللي للمحل يروح لجيوبهم فهذه هي المشكلة.


اهاااا الحين فهمت ..

مشكور اخوي عالتوضيح ..

[Chambray]

الدوبي يالربع ايش رايكم فيه ؟ وكم راس المال؟؟

[الغـــيور]

صراحه ان أشوف انه مشروع راس ماله صغير وسهل مابين 50 الف و250 الف

وإذا كانت الخساره وارده فبتكون بسيطه انشاء الرحمن

بس اقول لكم يالربع هذا المشروع بالخصوص لازم

تهتم في الموقع بشكل رأيسي يعني اذا وسط فريج وماله منافسين وايد

فبيدر عليك بالربح بإذن واحد أحد.

بعد الموقع فكر في الخطوات الثانيه كالعمال والمعدات والديكور.....إلخ

هذا رايي والله ولي التوفيق

دمت بود