انت اعمى ما تشووف ؟

[MAZEN37]

تحياتي للجميع

شفت موقف امس بصراحه حطيت نفسي مكان الشخص الي دعم شبسوي بهالحاله ؟

واحد دعم بسياره الي قدامه ما تدري مب منتبه !

او مسرع بالسياره ! او لاهي بالتلفون !

المهم - الرجال المدعوم نزل بنص الشارع يبربر ويصارخ وسحب الرجال من سيارته

وقاله انت اعمى ما تفهم ما تشووف ؟ ويمكن تضاربوا انا مشيت .

هل يحق للانسان يغلط علي انسان ثاني حتى لو كان غلطان ؟
:omg::omg::omg:

[ريم الشمال]

لا ليس من حقه
في قانون ياخذ حقه بواسطته
لو سمح لكل واحد أن يفعل ذلك لا أصبحت الدنيا فوضه

ريم الشمال

[omega]

هذا لا يصح

[باراكودا]

يعتمد على قيمة السيارة أذا فوق 300 الف يستاهل الواحد ينزل ويبرش الداعم
وأذا فوق 500 الف يستاهل الواحد ينزل ويشلطة بالعقال وأذا تحت 100 الف مافي داعي ينزل .

[قناص 787]

يعتمد على قيمة السيارة أذا فوق 300 الف يستاهل الواحد ينزل ويبرش الداعم
وأذا فوق 500 الف يستاهل الواحد ينزل ويشلطة بالعقال وأذا تحت 100 الف مافي داعي ينزل .

لازم يخليه عبره لمن لا يعتفش ........ لا يختفش ....... لا ينتفش :eek5: خلا ص اللي هو

[بوحارب]

بعض الناس مايقدرون يمسكون نفسهم في بعض المواقف !!!

والواحد لو تعود على ذكر الله كان بتهون عليه كل الأمور وماراح ينفعل كذا

على العموم مااااااله حق يقول هالكلام ولو صارلي هالموقف اقل شي بحرك عنه عشن مارتكب فيه جريمة قتل:eek5:

[رمــش الغلا]

ذكرتني بسالفه بروح اكتب الموضوع :) وبارجع

[a7med0_0]

طبعا ما يحق لاي احد يصارخ او يمد يده على حد
وموب احسن له بس يصراخ
والله بسحب فيه حتى لو اني غلطان
وتقبلاو مروري

[أبو مناير]

حرام عليكم ، تدعمون سيارة الرجل ، وتبونه يقول مشكورين؟
السيارة الحين بتروح الكراج وتبي اتم هناك اسبوعين والا ثلاثة .
كيف يروح شغله ؟ كيف يوصل عياله المدارس ؟
حتى تكاسي بروة صارت عملة نادرة هالايام.
الله يعينه ماله إلا الباصات.

[ابو علاوي]

انا اشوف ان الواحد مايقدر يحكم وهو قاعد مرتاح واعصابه باردة
لكن اذا صار عليه الموقف يمكن يسوي غير اللي قاعد يكتبه الحين
يعني تخيل يجيك واحد سفيه ماعنده شغل ويدعمك .. وانت عندك مليون شغلة براسك
شتسوي فيه؟؟
او يدعمك تنكر .. مثل مرة ماصار معي وظليت 15 يوم بين الكراجات والتامين واخرتها صلحت على حسابي
الحكم بهالامور وليد اللحظة
لكن السب والتجريح امر غير محمود عند الكل

[M007]

"او مسرع بالسياره ! او لاهي بالتلفون !"
اذا واحد من الاثنين من حقه

[وهم قطر]

اذا دعمني لاحولا ولا قوه الا بالله

واذا الدعمه بسيطه جدا والسياره تمشي بقزر بها شغلي ومتى ماشفت عندي فرصه بوديها الكراج

واذا الدعمه قويه بشكر الله على أني سالم صحيح فيها معاناه ولكن قدرالله .

[qatari 111]

قدر الله وماشاء فعل

الصراحه على حسب الشخص اذا تأسفلي راح اسامحه اما اذا نفخ لراسه علي لي اسلوب خاص معاه

[كركم]

لو اللي داعمه رنج ولا مرسدس ولا لو كان الريال بعافيته ما نزل تهاوش معاه اكيد شافه مسكين وعلى قده قال باخذ حقي بيدي...
ذكرتني بسالفة واحد من الربع ما كان يمر يوم الا وهو متهاوش في الشارع ... مرة واحد لاف عليه او مرة واحد ضارب بريك في ويهه..الخ الخ
ومرت الأيام والسنوات العجاف وتزوج الريال وفي اول يوم طلعه مع زوجته عقب العرس بيومين ..لفت عليه تريلا ونزل الحبيب يثبت رجولته قدام حرمه المصون ونزل وهو يصارخ على راعي التريلا ويسبه وراعي التريلا من قبائل البونجا بونجا الافريقية ..ووعينه ما شافت الا نور الا وراعي التريلا نازل الا وهو طول بعرض ويمسك رفيجنا ويدبغه قدام زوجته... منقول عن المدبوغ

[بوعيسى1]

هو بصراحة واحد ينقهر خاصة لو سيارته جديدة
لان لو احتاج الفلوس ويبغي يبيع الموتر تعال شوف فحص الكمبيوتر
والله ياخوي الموتر جات له دعمة مصبوغ رفرف ومصبوغ صدام ورا مبدل شنطة الخ الخ الخ
يعني يخلي الرجال يكره موتره ... وينزل من قيمة الموتر اقل شيء 30%
يعني شلون ما تبي يصرخ على الرجال ينزل من قيمة الموتر وهو موب مسوي شيء
بس في كل الاحوال المفروض واحد يصبر ويتوكل على الله وهذا مكتوب من رب العالمين
واحنا لازم نصبر ونحمدلله في السراء والضراء

[ضيف الدولة]

يعتمد على قيمة السيارة أذا فوق 300 الف يستاهل الواحد ينزل ويبرش الداعم
وأذا فوق 500 الف يستاهل الواحد ينزل ويشلطة بالعقال وأذا تحت 100 الف مافي داعي ينزل

ههههههههههههههههههههههه

الله يهديك أضحكتني وأنا وحدي مثل المجنون

تصنيف جميل

[بو راشد 1]

الاسبوع الي طاف، قبل الدوار في مدخل اثنين اجانب يبون يطلعون من اللفه في نفس الوقت و الذي خلفي اجنبي بعد ما يبي يعطيهم فرصة.
المهم قامو يجاكرون بعض لين ما واحد منهم دعمني في الصدام من الخلف، قلت له اشفيك ما تشوف؟ خليتهم يولون و رحت عنهم.

I'm too old to fight

[الصريحه]

الاخلاق صارت عمله نادره اليوم ومو كل واحد اصبح يمتلكها