كحل+بنطلون +عطر+كعب عالى = ما حد يغازلنى !!!!

[بوحارب]

السلام عليكم ورحمة الله وبركاته




منقول

من المخطيء ؟؟؟
ومن المتسبب ؟؟؟
وما هـو الحـل ؟؟؟



أخواتي المحترمات ... أخواني الأفاضل



طبعاً قرأتم العنوان (وأكيد معادلة صعبة)
فالكثير منا أصبح يخجل مما يراه من
تبرج وســفور وأحياناً قلة حـياء من
بعض البنات (( وأنا أقول البعض ))
وهذه الظاهرة زادت عن حدها وفقدنا
الســيطرة عليها فـي الوقـت الحـالي :
المنكرات في ( اللباس ) إنتشــرت حتى
صرنا نشـوفه ( عادي ) ولا نســـتغرب
بل الأغرب من ذلك هو أن نرى ( بنت )
أو زوجــه متســــترة بالكامــل !!!!!!!!!


إليكم هذه القصــة التي ترويها إحـدى الفتيـات
تقول: خرجت للتسوق مع أهلي وبرفقتنا خالي
الذي يبلغ من العمر 27 سنه وأثناء وجودنا في
أحد المجمعات الكبيرة في أحد الأماكن رأينا فتاه
ســاترة نفســها ورب الكعبة ما شفت منها شيئ
حتى يدها، فكيف كانت ردة فعل خالي وهو في
عـز شــبابه ... خالي قال: اللة يوفقها ويســتر
عليها دنيا وآخرة ما أغرتها المظاهر مثل غيرها
وطووول ما كنا بالمجـمع وهـو يدعـو لها تخيلوا
لا يعـرفها ويدعـو لهـا ،,, فكم من الحسـنات يـا
ترى أخـذت تلك الفتـاة...بــس وهي تمشـي !!!
تقول راوية القصة تعمدت أن أمشي وراها لأرى
ردة فعـل الآخـرين تجـاهها...والله أن الرجــال
(يخجـلون) من النـظر إليها من شــدة (عفتها)
حتى أصحاب المحلات يختصرون الكلام معها
لأنها محترمة جداً في لبسـها الساتر المحتشم
وبالمقابـل فـإن الكاســيات العاريـات المائـلات
المميلات يتدلعن وينظر الجميع إليهن ويضحكون
معهن، وبعض أصحاب المحلات يضحكون على
خيبتهن وهن مش داريين !!!!!!!!!!!!!!!!!!!!



أنا عندي كم سؤال وأتمنى من الجميع
أن يحــاول معـي الإجــابة عليهــا ...


1- لماذا لا تلبـــس البنـت اللي تحــبه في
بيت زوجها ؟؟؟ أو بيت أبوها ؟؟؟



2- لماذا تحاول بعض البنات أن تفتن الرجال
في الأسواق وتأتي بعد ذلك لتشتكي وتتذمر
من تصـــــــرفات بعــض الرجــــــــــــال ؟؟؟


3- لماذا تلبـس بعض البنات نقاب واســـع مع
الكحل أو بنطلون مع عباية مفتوحة من الأمام
(يعني إللي ما يشتري يتفرج)
(وعلــى عينـــك يــا تـاجـــــر)
دون خجل من الله أولاً ثم من خلقه ثانياً ؟؟؟


4- لماذا تلبس بعض الفتيات عبايه على الكتف
ومخصرة على الجسـم حتى يكاد الجسـم يكون
مرســــــوم رســــــــم ؟؟؟
قد ترد إحداهن بقولها أجد فيها راحة ... ما
في مشكلة بس وسعيها شوي ... مو كأنها
فســــتان ســــــهرة ...... لا وملونـة


أما بالنسبة لنا نحن الرجال


صدقوني إنا ما بنغازل ولا بننظر للبنت المتسترة
والمحتشمه بشكل محترم، بل بالعكس نبتعد عنها
ونفســح الطريق من أمامها إحتراماً لها ولعفتها
وأصبح القابض منا على دينه كالقابض على الجمر


ممكن لو تكرمتم كل واحد أو وحده يقول لي
رأيــه وبكـل صــراحة في هــذه الظاهره ؟؟؟

[الأصيلة]

عليك عناوين للمواضيع يابوحارب * عجيبة *
على العموم كلامك صحيح 100%
عمر البنت المحتشمة ما يحاول أي شاب مهما
كانت أخلاقه أن يعاكسها أو يتصرف معها تصرفات لاتليق...
وياليت كل النساء والبنات يعرفن قيمة الستر والعفاف...
لـ تعلم كل واحده أنها درة مكنونة بسترها لا ينظر لها أي أحد ...
كـ البائع وعامل النظافة والماشي والقاعد
وكأنها سلعة يمل الجميع من رؤيتها...
فـ لتكن غالية الثمن لا يراها إلا من يستحقها...
فــ الدرر النادرة عندما يريد أحد شرائها تجد البائع
يخرجها من صندق مخفي في مكان آمن ليتم
عرضها فقط لمن يريد شرائها
لا من أجل الفرجة ...
لـ تكوني كذلك أيتها المرأة المكرمة العفيفة الطاهرة...

تسلم يابوحارب على الطرح المميز...

[بوحارب]

احسنتِ اختي الأصيلة على كلامج الطيب وياريت البنات يفهمونه عدل

[a7med0_0]

ما نقول الا الله المستعان على تصرفات البنات هالايام
والله يصلح حال الامه
وتقبلوا مروري

[رنج سبورت]

بوحارب تسلم على موضوعك

امسك الكرك بيمناك وغض البصر :)

[بوحارب]

ما نقول الا الله المستعان على تصرفات البنات هالايام
والله يصلح حال الامه
وتقبلوا مروري
امين ولاهنت على المرور الطيب :)

بوحارب تسلم على موضوعك

امسك الكرك بيمناك وغض البصر :)

المشكلة حتى عند الكرك مزعجينا:(

وتشكرات على النصيحة الطيبة يالغالي :)

[ابو ريم]

يعطيك العافيه

[الـخـالـدي]

حنا في زمن كثرة فيه الفتن .. والقابض على دينه كالقابض على الجمر

لاتعور راسك .. غض البصر .. ادعو دعوه صالحه .. احتسب الاجر ..

انتهى الموضوع

اخوك الخالدي

[جمال النعيمي]

كحل+بنطلون +عطر+كعب عالى = لحم رخص ما تاكلـــــه الا الكلاب

وانتم بكرامـــــــــــــــــــــة

[وهم قطر]

مساء الخير أخوي بوحارب

لو تحفظ هذا الدعاء عن ظهر غيب

حاول ولو مره وحده انت او الاعضاءمن تدخل المجمع تقوله وحوس المجمع كامل واذا طلعت راجع نفسك

هل حسيت أن هذيك البنت هزت شعورك أو شغلت بالك

دعاء السوق

قال الرسول صلى الله عليه وسلم : « من دخل السوق فقال: "لا إله إلا الله وحده لا شريك له ، له الملك وله الحمد يحيي ويميت وهو حي لا يموت بيده الخير وهو على كل شيء قدير" كتب الله له ألف ألف حسنة ومحا عنه ألف ألف سيئة ورفع له ألف الف درجة » .

[qatari 111]

الله المستعان والله يهدي النفوس المريضه

[اخر العنقود]

معاك حق بعض البنات الله يهداهم تعدوا حدودهم
واحنا اصلا البنات من نشوف وحده متمكيجه ولا العباه مفتوحه ولا مادري شنو نقعد انطالع فما بالكم الشباب اذا طالعوا .

وخاصه هالعباه المفتوحه اللي طلعت موضه مو مشكله تنلبس بس اتكون رايحه زياره مو مجمع وربي اول مانزل هالموديل شفته على وحده في احد المجمعات والله على بالي ماتدري انه العباه مفتوحه قلت مسكينه باقولها وفي الاخير طلعت انا المسكيه شفتها اتعدل البدي:eek5::eek5: اللي لابسته ماصدقت قلت قلعتها هي ادري بمصلحتها ولا رحت لها

الله يهدي البنات

واي شاب يغازل وحده بهالمظهر يوصخ نفسه >> السموحه اذا تعديت حدودي

[تبتلشٍ]

كحل+بنطلون +عطر+كعب عالى = لحم رخص ما تاكلـــــه الا الكلاب

وانتم بكرامـــــــــــــــــــــة

:victory::victory::victory::victory:

[ابن قطر]

كلامك صحيح اخوي حااااااارب

بس الموضوع صار عند البعض هواية

البنت مستورة مب مستورة وراااااااها وما همه شي

وتعزيزا على كلامي تلقى شباب ما عندهم شغلة الا ينطرون بنات خلق الله عند مخرج المجمعاااات بس

على طول يبغي يرقم وخرابطهم وااااااااايد للاسف انا اقول الحل الامثل الي يتحرش ببنات خلق الله

والله يكرعونه ويحطون صورته بالجريدة

ومن امن العقوبة اساء الادب؟؟؟؟؟؟؟

للاسف

[latty]

مع احترامي للي تحب تتكحل وتتكشخ وهي بالسوق والاماكن العامه انها تحس بنقص وتبي احد يحسسها انها فعلا رحيتها مب خايسه وعيونها مب حمراء وان هي مب قصيره
واللي مطلعه شعرها تبي تقول ترى انا مب صلعاء شوفوا قذلتي والشيله بس منظر

الصراحه صار حالهن يحزن ويفشل


بو حارب

موضوع الصراحه بوقته لكن وش بعد نقول غير الله يهدي من يشاء

[جلمود]

إللي حاشمه عمرها يابوحارب الواحد يستحي يرفع عينه عليها

اما هذي ام كعب صدقني انا مريضه نفسين ومهي بمرتاحه بدنياها

الله يستر على بنات المسلمين .

[بنت شيوخ]

بصراحه يابو حارب

صار كل شي عندهم عااااااااااااااااااادي لما تنصح حد يقول عاااااااااااااادي صارت المعصيه عاااااادي ومافي مراقبه للرب يمكن تخاف من رفيجاتها اكثر من ربها واهلهااا



الله يهديهم ويستر عليهم



واللي اردى من اللي قلتوه لاشافو وحده منقبه قالو متخلفه في حد يلبس نقاب وجلسو يضحكون عليهاا

الله يصلح بنات وشباب المسلمين
ويديم علينا الستر بالدنيا والاخره يارب

[الصريحه]

معاك كل حق
الله يهديهم اكثرهم مراهقات يبون الاهتمام وفاقدينه عند اهلهم وهذا شيء واضح
المصيبه في الاهل وينهم وكيف الام ترضى ببنتها تسير على هذا الشكل بل كيف ترضى تطلع مع صديقاتها بدون ماتشوف ملابسها ومع رفضي لذهاب المراهقات الى اماكن مفتوحه بروحهم لما ينقصهم من وعي وعقل
البنات امانه والفتن زادت وكلكم راع وكلكم مسؤول عن رعيته
الله يهديهم

[بوراشد82]

هذا طال عمرك بسبب التربية وقلة الاهتمام والاحترام في البيت .. فا تكشخ عشان الكل يطالعها ويهتم فيها وبالعكس ماتدري ان يهتمون بأمور معينة لين خلصوا منها ..شاتوها .. والمصيبة ان اغلبيتهم يعرفون ..!!

عندك للاستفادة من هالامر ماديا .. ومايحتاي اشرح ..

الصاحب ساحب .. البنت ملقوفة وتبي تجرب او ما عاشت هالعالم الموحل ..!!

تجيك متزوجة ومب محصلة الاهتمام في البيت من زوجها وتحصل الي يهتم فيها في الخارج ..

تحصلها متسترة ومتغشية من تشوف بوحارب تكشف غشوتها وتقول :يا ربي شهالقمر ..!!!! << فلا تطلع من البيت عشان ماتفتن الناس يابوحارب ههههههههههه

[شبح الصمت]

الله يهديهم
بس بقولك شيء بوحارب مثل هالبنات اعرف انها تسوي هالشيء لنقص في نفسها تبي تجذب العالم تبي تاخذ آثام تحب أنها تشوف نفسها حلوه ما تدري أنه هالمكياج الي حاطته لو كتيت عليها كلك ماي بتطلع حقيقتها ..
الله يستر عليهم
استري على نفسج ليش تخلين نفسج سبوس ويلعبون فيج الدياي
واخرتها يقولون الشباب يغازلونهم ويتحرشون
يعني مسوي كل هالكلام الي قايله بوحارب وما تبي احد يلاحقها
الله يستر علينا فوق الارض وتحت الارض ويوم العرض

http://www.roo7oman.com/gallery/displayimage.php?imageid=3349

[بـــــــنت النوخـّــــذه]

السلام عليكم ورحمة الله وبركاته




منقول

من المخطيء ؟؟؟
ومن المتسبب ؟؟؟
وما هـو الحـل ؟؟؟




أما بالنسبة لنا نحن الرجال


صدقوني إنا ما بنغازل ولا بننظر للبنت المتسترة
والمحتشمه بشكل محترم، بل بالعكس نبتعد عنها
ونفســح الطريق من أمامها إحتراماً لها ولعفتها
وأصبح القابض منا على دينه كالقابض على الجمر


ممكن لو تكرمتم كل واحد أو وحده يقول لي
رأيــه وبكـل صــراحة في هــذه الظاهره ؟؟؟




دامك تبغي الصراحه يابوحارب ابشر :


سؤال بارك الله فيك والبنت الي مهب مستتره هل مباح شرعا" انكم تغازلونها لجل انها كاشفه ومتبرجه؟؟

يعني هل هذا عذر مقبول امام الله في يوم الحساب؟؟؟؟؟؟؟؟

صج لي قالو عذر اقبح من ذنب 0(غض النظر واجب وفرض على الكل)0000

عموما" نرجع لمحور حديثنا سبب التبرج نقطتين ماغيرهم :

الانفتاح بمفهومه الخاطئ الي دخل ديرتنا وهذي ضريبه فهم التطور خطأ 00+ الحرمان العاطفي في الاجواء الاسريه والتفكك الاسري الي ينتج عنه سوء التربيه


سلام (ن) عليكم

[JN000N]

امممم
يعطيك العافيه

اخاف اعلق ويطلعون لي مفتين

لكن بقول اللي فخاطري،،

بوحارب تدري ان الاصلاح يكون من الداخل قبل يكون من الخارج؟

تبدا بالنفس قبل النصح للاخرين


جفت انت قلت البنت المحتشمه محد بيتعرض لها
غيرك تعرض لها لكن هذا مش محورنا

الي ابي اوصل له
ان انتو اللي وصلتو لهالمرحله
لان النصح والاصلاح يوم فكرتو تسوونه

بديتوه بالخارج ونسيتو النفس الاماره بالسووء

عيل يحق للاب المدخن ان يقول لابنه لا تدخن!!!!! بيقوله انت تدخن :)


جفت بنت راضيه ع نفسها وعارضه مفاتنها بقصد المغازل
ليش تبردون خاطرها وتغازلونها!؟؟؟

هي تجوف تشجيع وتزيد
البنت تحتاج تطنيش وتوجيه واصلاح

يعني انا لما اسوي شي والغرض منه تحقق اكيد بتشجع وبزيد وبزيد وبسوي اكثر
قبل ماكانت موجوده هالاشكال الا ناااااادر
لكن مع التشجيع زادو
ووقلنا لهالزمن نستنكر للغير وبانفسنا مانتكلم


فالاخير

الخطأ مش بس عالبنات يا بوحارب
جوف الاجانب اكثر من انهم مفاصيخ!!!!
يلا قول صارت عندهم مثلنا

لا تقولي ديسكو وهالسوالف
انا اقصد فالشوارع والمجمعات

محد يقول شي ليش؟ لان الشباب مايتعرضون لهم


جفتو بنات فاسدين ليش تلتفتون ناحيتهم؟
وعقبها اتيون وتتكلمون عليهم بنت كذا وبنت كذا

هذا مب كلام ولا هو نصح
مجرد تغطيه او مثاليه لا فائده ترجا منها
لان بالعربي هاالكلام كله مكرر

[بوعلي2]

انا حاس بالقريب العاجل بيصيدونك الحريم عند وقت الشاي وبيذبحونك :telephone:

[موضي قطر]

الله يهدي الجميع يابو حارب وادعي لهم بالهداية تعبنا من الكلام .. الله المستعان

[سوبر]

لا حول ولا قوه الا بالله ... جزاك الله الف خير على موضوعك ... وعلامات الساعه .. تبين صدق حديث الرسول صلى الله عليه وسلم ..

((مِنْ أشْراطِ الساعةِ أَنْ يَقلَّ العلمُ ويَظْهَرَ الْجَهْلُ، ويَظهرَ الزِّنا، وتَكثرَ النساءُ، ويَقِلَّ الرِّجالُ حتّى يكونَ لخَمسينَ امرأةً القَيِّمُ الْواحِدُ))


وليس المراد هنا حقيقة العدد (خمسين) فقد جاء في حديث أبي موسى عن الرسول صلى الله عليه وسلم : ((ويرى الرجل يتبعه أربعون امرأة يلُذن به)) فيكون ذلك مجازاً عن الكثرة

قال النووي : إن سبب ذلك كثرة الفتن ، فيكثر القتل في الرجال لأنهم أهل الحرب دون النساء.

[بو خليفه 123]

لو البنت من شجره طيبه كان اهلها ماخلوها على هذا الحال

على قولة اخوانا المصريين : المخرج عاوز كدا

[maruuma]

ملل صح :whistling: ؟

موضوع مكرر بعنوان جديد

يعطيك العافية

[حنان الدنيا]

شوف اخوي بوحارب

ادري ان الكل مابيعجبه كلامي بس اسمح لي اقولك شفت مره وحده لابسه عبايه راس

بس عيونها تفرفر وماعجبتني طريقتها وادري مب الكل نفسها

بس في نفس الوقت عن نفسي البس عبايه كتف ومصكره والحمدلله محد يجي صوبي

فصدقني اخوي بوحارب اهم شى يكون الخوف من الله

وماراح اتكلم عن اللى يلبسون ضيق ومخصر وزينه وبقول الله يستر عليهم بس

[Breakaway]

يا بو حارب جزاك الله خير،،

سؤال لذوي هذه الفتاه المتزينة الفاتنة: لمن تزينت بنتكم؟

الإسلام أتى لينزه المرأة و يسمو بها عن بعض الصفات البهيمية، لا أجد فرقا بين أنثى احد الحيوانات أو الطيور وبين تلك الفتاه، فكلهم يخرجون متزينين متفننيين في جذب الذكور لهن!

[قطريه ماركه]

مرحبا بوحارب ....

معادلة صعبة !!

نفس الشي استغرب من هانوعية من النساء الله يهديهن ......

[بنت الدوسري]

والله كلامك عدل ميه ميه يا بو حارب

[شاهيناز]

الجمال كل وليس جزء؟

مابقول اكثر من ذلك حتى ماستغل الاخرين ردي لظهور بمظهر غير الواقع

بعدين من اجاز لرجل النظر للمرأة المتبرجه.؟

واخيرا
الكعب وش دخله في السالفه؟

[عبدالله العلي]

عمر البنت المحتشمة ما يحاول أي شاب مهما كانت أخلاقه
أن يعاكسها أو يتصرف معها تصرفات لاتليق...


نعم صحيح

ولكن حتى لو هذا ( الرجل ) الخلوق قد صادف بنت غير محتشمه ( كما هي بالوصف في الموضوع )

فاللذي يمنعه من التحرش بها أو ملاحقتها أو مطاردتها هو

( الخوف من الله ) ( الأدب اللذي يتحلى به ) ( عدم إنجرافه لهذا ) ( لا يكون إمعه )

شاب مبدئه عدم المبالاه في هذه الأمور و عدم الخوض بها

حتماً ستكون تلك البنت أمامه مجرد عابر لا يعنيه

[نتفـه]

انتشرت هالظاهره لانهم متشجعات و عارفات ان في احد بيشوفهم ,,
لو كل الشباب مب معطينهم ويه كان بيطيحون بجبود نفسهم وبيتفشلون وبيحترمون نفسهم ,,
عيل ليش في الدين غض البصر لاااااااازم !!!
لان في ضعيفات نفوس ,, وضعاف نفوس بعد للاسف ,,
والله لو تنركن جذي جان استعدلت الوحده اللي جذي ..
لاكن اذا العين تتلاقط عليها شنقول !!!!
هل هي مشكلتها بس ؟؟
مشكلة الاهل وقلة الدين وبعض الشباب اللي معطينهم مجال ومحسسينهم انهم ملكات جمال يا دافع البلا !!!
الله يهدي ويصلح الجميع و يستر علينا و عليكم ,,

[بوحارب]

يعطيك العافيه

الله يعافيك بوريماني :)


حنا في زمن كثرة فيه الفتن .. والقابض على دينه كالقابض على الجمر

لاتعور راسك .. غض البصر .. ادعو دعوه صالحه .. احتسب الاجر ..

انتهى الموضوع

اخوك الخالدي
كلامك صحيح

والله يجزاك خير

ولكن حال خواتنا المسلمات مايرضي الله ولا رسولة !




كحل+بنطلون +عطر+كعب عالى = لحم رخص ما تاكلـــــه الا الكلاب

وانتم بكرامـــــــــــــــــــــة
حتى الكلاب بعض الأحيان تمتنع عن الجيف ( الجيفة )

مشكور على المرور اخوي جمال :)



مساء الخير أخوي بوحارب

لو تحفظ هذا الدعاء عن ظهر غيب

حاول ولو مره وحده انت او الاعضاءمن تدخل المجمع تقوله وحوس المجمع كامل واذا طلعت راجع نفسك

هل حسيت أن هذيك البنت هزت شعورك أو شغلت بالك

دعاء السوق

قال الرسول صلى الله عليه وسلم : « من دخل السوق فقال: "لا إله إلا الله وحده لا شريك له ، له الملك وله الحمد يحيي ويميت وهو حي لا يموت بيده الخير وهو على كل شيء قدير" كتب الله له ألف ألف حسنة ومحا عنه ألف ألف سيئة ورفع له ألف الف درجة » .
مساء النور

كلامك صحيح والحمدلله مافيه امل ادخل اي مجمع الا وانه قايل هالدعاء العظيم ويكفي الأجر اللي نكتسبة من وراه :)

بس الدعاء هذا ما يرد الأنسان عن الوقع في الأثم لأنه حتى المصلي بعد انتهاء صلاتة في المجمع يروح يخربط ويلعب بذيلة !!!

المسألة من الداخل ونسأل الله الهداية للجميع


الله المستعان والله يهدي النفوس المريضه

اللهم امين



معاك حق بعض البنات الله يهداهم تعدوا حدودهم
واحنا اصلا البنات من نشوف وحده متمكيجه ولا العباه مفتوحه ولا مادري شنو نقعد انطالع فما بالكم الشباب اذا طالعوا .

وخاصه هالعباه المفتوحه اللي طلعت موضه مو مشكله تنلبس بس اتكون رايحه زياره مو مجمع وربي اول مانزل هالموديل شفته على وحده في احد المجمعات والله على بالي ماتدري انه العباه مفتوحه قلت مسكينه باقولها وفي الاخير طلعت انا المسكيه شفتها اتعدل البدي:eek5::eek5: اللي لابسته ماصدقت قلت قلعتها هي ادري بمصلحتها ولا رحت لها

الله يهدي البنات

واي شاب يغازل وحده بهالمظهر يوصخ نفسه >> السموحه اذا تعديت حدودي
خليج غبية ومسكينه في هالسوالف لأنه هالحركات ماتسويها الا بنت مب متربية وانتي محشومة من هالأشكال :)

وكلامج صحيح ماتعديت الحدود ولا شي


:victory::victory::victory::victory:
نبي برود كاست يمين يسار :(

كلامك صحيح اخوي حااااااارب

بس الموضوع صار عند البعض هواية

البنت مستورة مب مستورة وراااااااها وما همه شي

وتعزيزا على كلامي تلقى شباب ما عندهم شغلة الا ينطرون بنات خلق الله عند مخرج المجمعاااات بس

على طول يبغي يرقم وخرابطهم وااااااااايد للاسف انا اقول الحل الامثل الي يتحرش ببنات خلق الله

والله يكرعونه ويحطون صورته بالجريدة

ومن امن العقوبة اساء الادب؟؟؟؟؟؟؟

للاسف
اي والله انا شفت بعيني شباب يتحرشون ببنات محتشمات !!

خاطري اعرف هذا ماعنده حيا يمنعه من هالحركات !!

الله المستعان

منور اخوي ابن قطر




مع احترامي للي تحب تتكحل وتتكشخ وهي بالسوق والاماكن العامه انها تحس بنقص وتبي احد يحسسها انها فعلا رحيتها مب خايسه وعيونها مب حمراء وان هي مب قصيره
واللي مطلعه شعرها تبي تقول ترى انا مب صلعاء شوفوا قذلتي والشيله بس منظر

الصراحه صار حالهن يحزن ويفشل


بو حارب

موضوع الصراحه بوقته لكن وش بعد نقول غير الله يهدي من يشاء

الله يعديهم ويعينهم على هالنقص اللي في نفسهم :)



إللي حاشمه عمرها يابوحارب الواحد يستحي يرفع عينه عليها

اما هذي ام كعب صدقني انا مريضه نفسين ومهي بمرتاحه بدنياها

الله يستر على بنات المسلمين .
صدقت اخوي يلمود

والله المستعان




بصراحه يابو حارب

صار كل شي عندهم عااااااااااااااااااادي لما تنصح حد يقول عاااااااااااااادي صارت المعصيه عاااااادي ومافي مراقبه للرب يمكن تخاف من رفيجاتها اكثر من ربها واهلهااا



الله يهديهم ويستر عليهم



واللي اردى من اللي قلتوه لاشافو وحده منقبه قالو متخلفه في حد يلبس نقاب وجلسو يضحكون عليهاا

الله يصلح بنات وشباب المسلمين
ويديم علينا الستر بالدنيا والاخره يارب
هني المشكلة لما يصير الذنب عااااااادي !!!

ترك الصلاة عادي

النظر للحرام عادي

المكياج عادي

خروج جزء بسيييييط من الشعر عادي

ملاحق البنات في السوق عادي

خلاص عقب هالأنسان يصير هو والحيوان واحد لأنه الحيوان مايفرق بين الحلال والحرام !!




معاك كل حق
الله يهديهم اكثرهم مراهقات يبون الاهتمام وفاقدينه عند اهلهم وهذا شيء واضح
المصيبه في الاهل وينهم وكيف الام ترضى ببنتها تسير على هذا الشكل بل كيف ترضى تطلع مع صديقاتها بدون ماتشوف ملابسها ومع رفضي لذهاب المراهقات الى اماكن مفتوحه بروحهم لما ينقصهم من وعي وعقل
البنات امانه والفتن زادت وكلكم راع وكلكم مسؤول عن رعيته
الله يهديهم
مانبي نطلع لهم اعذار ونقول انهم فاقدين حنان ومن هالكلام

بالعكس يمكن بعضهم يلقون اهتمام مب نفس اهتمام بنات الملوك :eek5:

المسألة من النفس اللي بين صدر الواحد حق ايش تميل وفي ايش متعلقة

!


هذا طال عمرك بسبب التربية وقلة الاهتمام والاحترام في البيت .. فا تكشخ عشان الكل يطالعها ويهتم فيها وبالعكس ماتدري ان يهتمون بأمور معينة لين خلصوا منها ..شاتوها .. والمصيبة ان اغلبيتهم يعرفون ..!!

عندك للاستفادة من هالامر ماديا .. ومايحتاي اشرح ..

الصاحب ساحب .. البنت ملقوفة وتبي تجرب او ما عاشت هالعالم الموحل ..!!

تجيك متزوجة ومب محصلة الاهتمام في البيت من زوجها وتحصل الي يهتم فيها في الخارج ..

تحصلها متسترة ومتغشية من تشوف بوحارب تكشف غشوتها وتقول :يا ربي شهالقمر ..!!!! << فلا تطلع من البيت عشان ماتفتن الناس يابوحارب ههههههههههه

مسكينه تبي تجرب شي يخليها متندمة طول عمرها :(

وبعدين ليش تقول عني قمر !!

مافيه شي ثاني احلى مثلا :shy:خخخخخخخخخخخخخ

ترى ام الغشوة مشكلة اكثر من الكاشفة :( خلاص اسكت يابوراشد :omg:



الله يهديهم
بس بقولك شيء بوحارب مثل هالبنات اعرف انها تسوي هالشيء لنقص في نفسها تبي تجذب العالم تبي تاخذ آثام تحب أنها تشوف نفسها حلوه ما تدري أنه هالمكياج الي حاطته لو كتيت عليها كلك ماي بتطلع حقيقتها ..
الله يستر عليهم
استري على نفسج ليش تخلين نفسج سبوس ويلعبون فيج الدياي
واخرتها يقولون الشباب يغازلونهم ويتحرشون
يعني مسوي كل هالكلام الي قايله بوحارب وما تبي احد يلاحقها
الله يستر علينا فوق الارض وتحت الارض ويوم العرض

http://www.roo7oman.com/gallery/displayimage.php?imageid=3349



دامك تبغي الصراحه يابوحارب ابشر :


سؤال بارك الله فيك والبنت الي مهب مستتره هل مباح شرعا" انكم تغازلونها لجل انها كاشفه ومتبرجه؟؟

يعني هل هذا عذر مقبول امام الله في يوم الحساب؟؟؟؟؟؟؟؟

صج لي قالو عذر اقبح من ذنب 0(غض النظر واجب وفرض على الكل)0000

عموما" نرجع لمحور حديثنا سبب التبرج نقطتين ماغيرهم :

الانفتاح بمفهومه الخاطئ الي دخل ديرتنا وهذي ضريبه فهم التطور خطأ 00+ الحرمان العاطفي في الاجواء الاسريه والتفكك الاسري الي ينتج عنه سوء التربيه


سلام (ن) عليكم

لا من قال المتكشفة حلال انشوفها الا حرام ومافيه اي خلاف

لاتركزين على الكلام وتوجهين السؤال لي ترى الموضوع منقول :anger1:

بس الظاهر قصد الكاتب ان المتكشفة زيادة عن اللزوم تلفت النظر اكثر :)

والأسباب اللي ذكرتيها صحيحة واذا تبي تجوفين الأنفتاح عدل تعالي خذي لفة في النورث :(

منورة الموضوع خالتي

[العـوا]

بوحارب كلامك صحيح لكن لو اسستتر ت من لا تستتر قد تجد في نفسها شيء من النقص كما تراه ليشش لانها قد لا تلفت الانظار وهذي مشكله في حد ذاتها والمشكله في تصاعد مستمر
نسال الله السلامه والستر

[الخفي]

(( حتى وأن تزينت وتعطرت وكبرت في اعين الناس يكفيها انها سقطت من عين الله وتلعنها

الملائكه ويستشرفها الشيطان الى ان ترجع وتأخذ ذنوب كل من ينظر اليها وترجع وقد جمعت ذنوب

لا يعلم بها الا الله وعلى هذا المنوال بشكل يومي حتى تقابل الله يوم القيامه وقد تبرجت وفتنت

الناس وكان الله اهون الناضرين اليها هناك ستتمنى انها لم تخرج جزء من جسمها لتكون فاتنه

وستعلم حينها مغبت وفداحه ماعملت ))

[مشتاقة لقطر]

معادلة صعبة

[شيط ويط]

نسيت اهم شي (قوطي الروب) في قمة الراس :weeping:

[بوحارب]

امممم
يعطيك العافيه

اخاف اعلق ويطلعون لي مفتين

لكن بقول اللي فخاطري،،

بوحارب تدري ان الاصلاح يكون من الداخل قبل يكون من الخارج؟

تبدا بالنفس قبل النصح للاخرين


جفت انت قلت البنت المحتشمه محد بيتعرض لها
غيرك تعرض لها لكن هذا مش محورنا

الي ابي اوصل له
ان انتو اللي وصلتو لهالمرحله
لان النصح والاصلاح يوم فكرتو تسوونه

بديتوه بالخارج ونسيتو النفس الاماره بالسووء

عيل يحق للاب المدخن ان يقول لابنه لا تدخن!!!!! بيقوله انت تدخن :)


جفت بنت راضيه ع نفسها وعارضه مفاتنها بقصد المغازل
ليش تبردون خاطرها وتغازلونها!؟؟؟

هي تجوف تشجيع وتزيد
البنت تحتاج تطنيش وتوجيه واصلاح

يعني انا لما اسوي شي والغرض منه تحقق اكيد بتشجع وبزيد وبزيد وبسوي اكثر
قبل ماكانت موجوده هالاشكال الا ناااااادر
لكن مع التشجيع زادو
ووقلنا لهالزمن نستنكر للغير وبانفسنا مانتكلم


فالاخير

الخطأ مش بس عالبنات يا بوحارب
جوف الاجانب اكثر من انهم مفاصيخ!!!!
يلا قول صارت عندهم مثلنا

لا تقولي ديسكو وهالسوالف
انا اقصد فالشوارع والمجمعات

محد يقول شي ليش؟ لان الشباب مايتعرضون لهم


جفتو بنات فاسدين ليش تلتفتون ناحيتهم؟
وعقبها اتيون وتتكلمون عليهم بنت كذا وبنت كذا

هذا مب كلام ولا هو نصح
مجرد تغطيه او مثاليه لا فائده ترجا منها
لان بالعربي هاالكلام كله مكرر
ماعجبتني مقارنة شباب وبنات المسلمين بالغرب

روحي جوفي كم عدد حالاة الحمل عند العازبات في الغرب وعقب بتعرفين انه مافيه مقارنه بينا وبينهم

على العموم كلامج صحيح يمكن احنا يالشباب اللي شجعنا البنات على هالشي بالضحك معهم وقط الكلام والترقم وووو من هالحركات الصبيانية !!!

ملاحظة: اكبر مغازلجي من ربعي بعض الأحيان يتصلي من بعد جولات في احد المجمعات ويتم ينتقد حال البنات لين وين وصل من تبرج وقلة ادب ووووو

يعني حتى الشباب اللي يبون هالسوالف ماتعجبهم هالحركات :)

واذا صلح الأأنسان من الداخل بين هذا الشي في جوارحه كلها

مشكورة على المرور مجنونه:nice:


انا حاس بالقريب العاجل بيصيدونك الحريم عند وقت الشاي وبيذبحونك :telephone:
عيل لزوم انبلغ الشيخ بالسالفة :eek5:

ترى بكتلهم كتل يابوعلوش :(



الله يهدي الجميع يابو حارب وادعي لهم بالهداية تعبنا من الكلام .. الله المستعان
الله يهدينا ويهديهم




لا حول ولا قوه الا بالله ... جزاك الله الف خير على موضوعك ... وعلامات الساعه .. تبين صدق حديث الرسول صلى الله عليه وسلم ..

((مِنْ أشْراطِ الساعةِ أَنْ يَقلَّ العلمُ ويَظْهَرَ الْجَهْلُ، ويَظهرَ الزِّنا، وتَكثرَ النساءُ، ويَقِلَّ الرِّجالُ حتّى يكونَ لخَمسينَ امرأةً القَيِّمُ الْواحِدُ))


وليس المراد هنا حقيقة العدد (خمسين) فقد جاء في حديث أبي موسى عن الرسول صلى الله عليه وسلم : ((ويرى الرجل يتبعه أربعون امرأة يلُذن به)) فيكون ذلك مجازاً عن الكثرة

قال النووي : إن سبب ذلك كثرة الفتن ، فيكثر القتل في الرجال لأنهم أهل الحرب دون النساء.
بارك الله فيك اخوي سوبر على المشاركة القيمة والله المستعان

لو البنت من شجره طيبه كان اهلها ماخلوها على هذا الحال

على قولة اخوانا المصريين : المخرج عاوز كدا

صحيح يابوخليفة :)
كل اناء بما فيه ينضح




ملل صح :whistling: ؟

موضوع مكرر بعنوان جديد

يعطيك العافية
ليكون الموضوع ماعجبج !! :tease: وليش !!





شوف اخوي بوحارب

ادري ان الكل مابيعجبه كلامي بس اسمح لي اقولك شفت مره وحده لابسه عبايه راس

بس عيونها تفرفر وماعجبتني طريقتها وادري مب الكل نفسها

بس في نفس الوقت عن نفسي البس عبايه كتف ومصكره والحمدلله محد يجي صوبي

فصدقني اخوي بوحارب اهم شى يكون الخوف من الله

وماراح اتكلم عن اللى يلبسون ضيق ومخصر وزينه وبقول الله يستر عليهم بس

اهم شي الأصلاح يكون من الداخل قبل الخارج :)

مشكورة على المرور اختي والله يهديهم


يا بو حارب جزاك الله خير،،

سؤال لذوي هذه الفتاه المتزينة الفاتنة: لمن تزينت بنتكم؟

الإسلام أتى لينزه المرأة و يسمو بها عن بعض الصفات البهيمية، لا أجد فرقا بين أنثى احد الحيوانات أو الطيور وبين تلك الفتاه، فكلهم يخرجون متزينين متفننيين في جذب الذكور لهن!
ويجزاك بمثله

والله ياخوي تعبنا واحنا انحاول انوصل لهم هالمعلومة بس الظاهر الجماعة مستانين على هالوضع !!



مرحبا بوحارب ....

معادلة صعبة !!

نفس الشي استغرب من هانوعية من النساء الله يهديهن ......
صعبه جدا

منورة الموضوع ابلتي :)

والله كلامك عدل ميه ميه يا بو حارب
شكرا



الجمال كل وليس جزء؟

مابقول اكثر من ذلك حتى ماستغل الاخرين ردي لظهور بمظهر غير الواقع

بعدين من اجاز لرجل النظر للمرأة المتبرجه.؟

واخيرا
الكعب وش دخله في السالفه؟

كيف يعني كل

بعدين قولي اللي تبيه لاتخافين من حد انا بفزع لج :(,,,,<<< بيتسطر معاها :rolleyes2:

محد اجاز للرجل النظر للمرأة الأجنبية ومحد قال هالكلام شاهيناز !!!

والكعب تراه بلوة بس انتي ماتدري عنه

ترى مع كل دقة كعب يدق القلب :eek5:

[المستريح]

ياليت على البنات الحين الامهات تشوفها تمشى مع بنتها متبرجه اكثر منها وعلى قوله المثل الحب يطلع على بذره

[maruuma]

امنية .. والله امنية

اتوجهون هالكلام للاباء والاخوان .. لان هم الراعيين عن تلكم النساء والبنات

يعني طالما الاب والاخ مايدري عن اهل بيته .. شي طبيعي بتكون هاي النتيجة

ولما يكون عاجبه المنظر اللي يطلعون به .. شي طبيعي بتكون هاي النتيجة

ولما يتنازل الزوج او الاب بعض الشي .. شي طبيعي بتكون هاي النتيجة

كل البنات والحريم يدرون ان اللي يسوونه حرام .. طالما في تراخي من الاهل ..

بيتمون على هالحالة واردى لين الله يشوف لهم

والسبب من ولي الامر أب كان أو أخ أو زوج

يعني البلا منكم

مع اني والله يشهد ما اشوف هالمناظر الا نادر .. واحس ان انتوا اتبالغوون شوي

علشان جذيه احس بالملل من كثر ما تكررون هالسالفة .. ترى الدنيا مازالت بخير

والله المستعان

[**هـتــــــان**]

الاعضاء كفوا ووفوا كل اللي بقولها ان الغريب انك تشوف بعض من هالاشكال اللي تكلمت عنها تمشي مع ابوها ولا اخوها ولا زوجها وهو شاق الحلج ومستانس وعادي عندة ان العنز اللي معاة بكامل زينتها وعبايتها مخصرة ولا عبايه مفتوحه ولابسه بنطلون والمكياج حشى مكياج اعراس والغذله صافطتها فوق الشيله بالله عليك مب اذا عرف السبب بطل العجب فلا تتعجب من هالنوع من الحريم .
اذا كان رب البيت بالدف مولع فشيمه اهل البيت كلهم الرقص ...:)
تقبل مروري ..ويعطيك العافيه ع الموضوع ..وربنا يستر على ولايانا ...:)

[الخفي]

التربيه ثم التربيه وخصوصا الام ومثل ماقال الشاعر

هي الاخلاق تنبت كالنبات - - - - - - - اذا سقيت بماء المكرمات

وهل يرجى باطفال كمال - - - - - - - - اذا رضعو حليب الناقصات

وليس ربيب عاليه الصفات - - - - - - - كمثل ربيب سافله الصفات

ان كان الوالدين والمربين يخافون الله في ابنائهم ويربوهم على الاحتشام

والتستر ستكبر البنت على الفضيله وعلى الستر

وان كان الوالدين اخر همهم ستر بناتهم وتربيتهم على الفضيله والستر

فستشاهد التبرج والسفور ولا نلوم البنات بقدر مانلوم الوالدين لانهم هم من

ينشئ اولاده وبناته اما على الستر والفضيله او السفور والرذيله

[عيون Qatar]

موضوع جميل وطرح مفيد جزاك الله الف خير بوحروب

على غيورك على دينك وعلى أدبك وكثر الله من أمثالك الطيبين ...

[شاهيناز]

:)

:nice:[/color]


:(













!!






!



:)






كيف يعني كل

بعدين قولي اللي تبيه لاتخافين من حد انا بفزع لج :(,,,,<<< بيتسطر معاها :rolleyes2:

محد اجاز للرجل النظر للمرأة الأجنبية ومحد قال هالكلام شاهيناز !!!

والكعب تراه بلوة بس انتي ماتدري عنه

ترى مع كل دقة كعب يدق القلب :eek5:


الجمال كل مب جزء
لان البنت الجمال عندها فطره وحب الجمال والتزين فطره االبنوتات من عمر سنتين تبدئتهتم في نفسها وللما توصل 5 سنوات ماتحب تطلع من البيت الا هي في كامل زينتها هل هي تفكر حد يغازلها
انا مابرر تصرفات البنات الي اوفر
انا ابرر الي قلته في موضوع
كحل كعب
شوف البنوتات في المجعات لابسين احلى ملابس واكسسوارات هذي من الفطره
الي اشوفه الحين البنت اما في كامل زيتنها في اي مكان تشوفها
او اخر بهدله حتى في بيتها
لان البنت الي تطلب منها تخالف الفطره حتى في البيت تهمل نفسها
التزين يبي لياقه
البنت حتى قبل ماتنام تتزين
لكن المهمله تهمل نفسها في كل الاوقات
الجمال كل حب الجمال فطره في المراة
مو كل وحده تروح حاطه كحل ولابسه كعب تنتظر حد يغازلها
لانها الي اعرفه ان المرأة تحتقر الرجال المغازل
وتتستهزء فيه في جلساتها الخاصه

والله يهدي الجميع

[واحد 11]

الله يهديهم ان شاء الله
كل يوم نشوف العجب
المشكلة ان السمعه صارت هينة عند بعض الناس

[واحد 11]

الجمال كل مب جزء
لان البنت الجمال عندها فطره وحب الجمال والتزين فطره االبنوتات من عمر سنتين تبدئتهتم في نفسها وللما توصل 5 سنوات ماتحب تطلع من البيت الا هي في كامل زينتها هل هي تفكر حد يغازلها
انا مابرر تصرفات البنات الي اوفر
انا ابرر الي قلته في موضوع
كحل كعب
شوف البنوتات في المجعات لابسين احلى ملابس واكسسوارات هذي من الفطره
الي اشوفه الحين البنت اما في كامل زيتنها في اي مكان تشوفها
او اخر بهدله حتى في بيتها
لان البنت الي تطلب منها تخالف الفطره حتى في البيت تهمل نفسها
التزين يبي لياقه
البنت حتى قبل ماتنام تتزين
لكن المهمله تهمل نفسها في كل الاوقات
الجمال كل حب الجمال فطره في المراة
مو كل وحده تروح حاطه كحل ولابسه كعب تنتظر حد يغازلها
لانها الي اعرفه ان المرأة تحتقر الرجال المغازل
وتتستهزء فيه في جلساتها الخاصه

والله يهدي الجميع

اختي طبعا التزين فطرة في الانسان وليس المرأة نعم حتى المطوع يتطيب ويهذب لحيته ويحاول ان يكون هندامه جيد ولائق
لكن هناك خلط كبير بين تطبيق حسن المظهر وهذا ما يأمرنا به ديننا وعاداتنا
ومانراه في الطرف المقابل من تبرج .. وليس بالضرورة الحديث عن مغازل لان هذا شأن وان كان ذو صله لكن لنركز على قضية التبرج
ما الهدف من ان تضع الفتاة نفسها في منظر غير لائق باللبس .. هناك لبس واسع وضيق وهناك لبس يشف ولبس يستر الجسم... الخيارات كثيرة مامعنى ان تكون العباءة مفتوحة
والروج والكحل يشد النظر اليه ... هل تتبرج لكي تصبح جميلة .. لامانع من ذلك .. من حقها ان تكون ملكة جمال
لكن امام الناس جميعهم ... تفعل الفتاة ذلك ... والكل يراها ... ليس بالضرورة ان تكلم الشباب وان كنت اؤمن بأن لكل فعل توابعه وانا امر كهذا يؤدي لما هو اكبر

الكثير من البنات تتزين وتتصيد ضحاياها طمعا في فارس الاحلام ... والواقع والمنطق لايقول ولايقر بذلك

وشكرا

[بوخالد911]

الله يهديهن

وتسلم للمووضووع الممتازز

[OTOsan]

من وجهة نظري ان سيدنا يوسف عليه السلام عندما راودته امرأة العزيز عن نفسها لم ياخذه تيار الفتنة ليتعذر بانها هي من ارادت !!

بالتاكيد ..حاشا وكلا ان نكون مثل نبي الله ..ولكن المغزى في الموضوع ان رمي العذر على المتبرجة والمتعطرة وجعلها السبب في جعل الرؤية لها جائزة امر لايجوز ،،

لها زينتها .. وتبرجها ..وحسابها عند رب العالمين ، ولكن لك كذلك اثم نظرتك ، وذنب مايلي من لواحق للتعارف ان حصل .. ويوم الحساب لن يقبل العذر بانها كانت ..تلبس كعب !!
فالعيون عيونك انت .. وان كانت خرقاء لاتعي ذنوبها ..فالواجب الا تكون انت اخرقا كذلك وتتبعها الى التهلكة !

الرسول (صلى الله عليه وسلم ) قال : عفــوّا .. تعـفّ نسائكم !
فعفاف الرجل .. يقود الى عفاف المرأة ويتبعه ،،

شكري وتقديري للجميع ،،

[شـعـشـبـونـه]

الحل

قال الرسول صلى الله عليه وسلم : « من دخل السوق فقال: "لا إله إلا الله وحده لا شريك له ، له الملك وله الحمد يحيي ويميت وهو حي لا يموت بيده الخير وهو على كل شيء قدير" كتب الله له ألف ألف حسنة ومحا عنه ألف ألف سيئة ورفع له ألف الف درجة » .


جزاك الله خير عالموضوع

[فلتة زمانها]

مساكين الشباب اغلب مواضيعهم وتفكيرهم فالبنات والحريم
مب صاحيين وليش اصلا تلاحقونهم حتى لو متبرجات غضوا البصر واحشموا نفسكم
ماتحسون انه الشاب اللي يلاحق بنت مثل الجلب اجلكم الله

وعلى فكره ترى مافي اي حل حتى الدعاء لانه احنا في نهاية الزمن
زمن الكاسيات العاريات اللي قال عنهم وزمن القابض على دينه كالقابض عالجمر

[Doha Sun]

هالفئة من البنات ماتنفع معاهم النصحية ولا اي كلمة فيها خير ..
والرد بيكون جاهز بطوالة لسان وقلت حيا

[باسكن روبنز]

صباح الخير ،


عندي وجهة نظر خاصه بهالموضوع ،
كل وحده تستحمل ماجاها على حسب لبسها ،


وآفهم يافهيـم ،:victory:

[غيور]

تصدقون ان المتبرجة كريمة و مجانا !!!!! لانها ملك الشعب عامة ؟؟

والمحتشمة درة وصعبة المنال .

[بوحارب]

نعم صحيح

ولكن حتى لو هذا ( الرجل ) الخلوق قد صادف بنت غير محتشمه ( كما هي بالوصف في الموضوع )

فاللذي يمنعه من التحرش بها أو ملاحقتها أو مطاردتها هو

( الخوف من الله ) ( الأدب اللذي يتحلى به ) ( عدم إنجرافه لهذا ) ( لا يكون إمعه )

شاب مبدئه عدم المبالاه في هذه الأمور و عدم الخوض بها

حتماً ستكون تلك البنت أمامه مجرد عابر لا يعنيه
ابشرك فيه شباب كثير من النوع اللي ذكرته وحتى لو تمر من جنبه وحده في كامل زينتها يعتبرها هي والطوفة واحد :)

منور الموضوع محللنا العزيز :)


انتشرت هالظاهره لانهم متشجعات و عارفات ان في احد بيشوفهم ,,
لو كل الشباب مب معطينهم ويه كان بيطيحون بجبود نفسهم وبيتفشلون وبيحترمون نفسهم ,,
عيل ليش في الدين غض البصر لاااااااازم !!!
لان في ضعيفات نفوس ,, وضعاف نفوس بعد للاسف ,,
والله لو تنركن جذي جان استعدلت الوحده اللي جذي ..
لاكن اذا العين تتلاقط عليها شنقول !!!!
هل هي مشكلتها بس ؟؟
مشكلة الاهل وقلة الدين وبعض الشباب اللي معطينهم مجال ومحسسينهم انهم ملكات جمال يا دافع البلا !!!
الله يهدي ويصلح الجميع و يستر علينا و عليكم ,,
ترى والله اكثر الشباب خذوا على الوضع ومحد صار يفتكر بشكل البنت اذا كانت متبرجة او متمكيجة
وبالعكس الشباب صاروا يكرهون هالأشكال لأنهم عاصيين لله والعاصي الله يحط له الكره في الأرض :(




بوحارب كلامك صحيح لكن لو اسستتر ت من لا تستتر قد تجد في نفسها شيء من النقص كما تراه ليشش لانها قد لا تلفت الانظار وهذي مشكله في حد ذاتها والمشكله في تصاعد مستمر
نسال الله السلامه والستر
هذي المشكلة لما يكون الأنسان فيه نقص من الداخل !!!!

اشكرك على المرور عزيزي


(( حتى وأن تزينت وتعطرت وكبرت في اعين الناس يكفيها انها سقطت من عين الله وتلعنها

الملائكه ويستشرفها الشيطان الى ان ترجع وتأخذ ذنوب كل من ينظر اليها وترجع وقد جمعت ذنوب

لا يعلم بها الا الله وعلى هذا المنوال بشكل يومي حتى تقابل الله يوم القيامه وقد تبرجت وفتنت

الناس وكان الله اهون الناضرين اليها هناك ستتمنى انها لم تخرج جزء من جسمها لتكون فاتنه

وستعلم حينها مغبت وفداحه ماعملت ))
احسنت اخوي المختفي والله يجزاك خير على الكلام الطيب :)


معادلة صعبة
وايد



نسيت اهم شي (قوطي الروب) في قمة الراس :weeping:
بعضهم تقول حاطين قدر مب قوطي بيبسي :omen2:


ياليت على البنات الحين الامهات تشوفها تمشى مع بنتها متبرجه اكثر منها وعلى قوله المثل الحب يطلع على بذره
والمشكلة الأم تكون احلى من بنتها ههههههههه

مادري ليش شاده حيلها العيوز على كبر :omen2:



امنية .. والله امنية

اتوجهون هالكلام للاباء والاخوان .. لان هم الراعيين عن تلكم النساء والبنات

يعني طالما الاب والاخ مايدري عن اهل بيته .. شي طبيعي بتكون هاي النتيجة

ولما يكون عاجبه المنظر اللي يطلعون به .. شي طبيعي بتكون هاي النتيجة
ولما يتنازل الزوج او الاب بعض الشي .. شي طبيعي بتكون هاي النتيجة
كل البنات والحريم يدرون ان اللي يسوونه حرام .. طالما في تراخي من الاهل ..

بيتمون على هالحالة واردى لين الله يشوف لهم

والسبب من ولي الامر أب كان أو أخ أو زوج

يعني البلا منكم

مع اني والله يشهد ما اشوف هالمناظر الا نادر .. واحس ان انتوا اتبالغوون شوي

علشان جذيه احس بالملل من كثر ما تكررون هالسالفة .. ترى الدنيا مازالت بخير

والله المستعان

غلطانه مريومة مافيه شي اسمه شي طبيعي ان توجد المعصية اذا غاب دور الناصح في البيت !!

طيب لو كل البيوت مافيها رجال هل كل البنات شي طبيعي بيكونون صايعات ومتبرجات ومتمكيجات !!!

المفروض الأصلاح يكون من الداخل اول شي ولا النصيحة تأثيرها مب ذاك الزود !!


والبنت تربيتها على الأم في كثير من الأحيان فالمفروض هي اللي تربي بنتها مب الأب ولا ألأخ صح ؟؟






الاعضاء كفوا ووفوا كل اللي بقولها ان الغريب انك تشوف بعض من هالاشكال اللي تكلمت عنها تمشي مع ابوها ولا اخوها ولا زوجها وهو شاق الحلج ومستانس وعادي عندة ان العنز اللي معاة بكامل زينتها وعبايتها مخصرة ولا عبايه مفتوحه ولابسه بنطلون والمكياج حشى مكياج اعراس والغذله صافطتها فوق الشيله بالله عليك مب اذا عرف السبب بطل العجب فلا تتعجب من هالنوع من الحريم .
اذا كان رب البيت بالدف مولع فشيمه اهل البيت كلهم الرقص ...:)
تقبل مروري ..ويعطيك العافيه ع الموضوع ..وربنا يستر على ولايانا ...:)

واحد من الأعضاء الله يذكره بالخير سما هالنوع من الرجال بالخرفان !!! :)

الله يعافيج ابلتي والله يستر على الجميع



التربيه ثم التربيه وخصوصا الام ومثل ماقال الشاعر

هي الاخلاق تنبت كالنبات - - - - - - - اذا سقيت بماء المكرمات

وهل يرجى باطفال كمال - - - - - - - - اذا رضعو حليب الناقصات

وليس ربيب عاليه الصفات - - - - - - - كمثل ربيب سافله الصفات

ان كان الوالدين والمربين يخافون الله في ابنائهم ويربوهم على الاحتشام

والتستر ستكبر البنت على الفضيله وعلى الستر

وان كان الوالدين اخر همهم ستر بناتهم وتربيتهم على الفضيله والستر

فستشاهد التبرج والسفور ولا نلوم البنات بقدر مانلوم الوالدين لانهم هم من

ينشئ اولاده وبناته اما على الستر والفضيله او السفور والرذيله
درر درررر اخوي المختفي

مافيه منك 2 في المنتدى :shy:

موضوع جميل وطرح مفيد جزاك الله الف خير بوحروب

على غيورك على دينك وعلى أدبك وكثر الله من أمثالك الطيبين ...
اشكرج على الكلام في حقي وأن شاء الله اكون عند حسن الظن :)

[بوحارب]

هالفئة من البنات ماتنفع معاهم النصحية ولا اي كلمة فيها خير ..
والرد بيكون جاهز بطوالة لسان وقلت حيا
:secret:

الله يهديهم

ورفقٍ بالقوارير




صباح الخير ،


عندي وجهة نظر خاصه بهالموضوع ،
كل وحده تستحمل ماجاها على حسب لبسها ،


وآفهم يافهيـم ،:victory:

وافهم يافهيم كيد النسا والله عظيم هههههههههه

اكثر البنات المتبرجات والمستلعنات بزينتهمن يتعرضن لأنواع التحرش

يستاهلون محد قالهم يدخلون السوق وكأنهم داخلين عرس

ومساك الله بالخير ايسكريم


تصدقون ان المتبرجة كريمة و مجانا !!!!! لانها ملك الشعب عامة ؟؟

والمحتشمة درة وصعبة المنال .

مقارنه حلوة

والله يحفظ خواتنا المحتشمات ويهدي المتبرجات :(

[maruuma]

غلطانه مريومة مافيه شي اسمه شي طبيعي ان توجد المعصية اذا غاب دور الناصح في البيت !!

اخوي مع كل المغريات اللي تحوم حول الشخص وبغياب الناصح اكيد بتكون هذه النتيجة



طيب لو كل البيوت مافيها رجال هل كل البنات شي طبيعي بيكونون صايعات ومتبرجات ومتمكيجات !!!

الام اكيد بتكون تربية اب وأم هذا اذا افترضنا ان البنات ما معاهم رجال




المفروض الأصلاح يكون من الداخل اول شي ولا النصيحة تأثيرها مب ذاك الزود !!


بوجود الناصح والصحبة الطيبة وطبعا قبلها التربية الطيبة اكيد بيكون الاصلاح من الداخل





والبنت تربيتها على الأم في كثير من الأحيان فالمفروض هي اللي تربي بنتها مب الأب ولا ألأخ صح ؟؟


اما ان تربية البنت على الام فانا اعارضك فيها .. لان قبل تربية البنت تيجي تربية الام اللي هي الزوجة .. اذا الزوج سنع مرته ولزمها بيتها فهي اتوماتيك بتسنع البنات .. لكن اذا خل لها الحبل على الغارب بتهمل البنات


يعني بالعربي

كل واحد يضبط زوجته علشان تضبط له بناته

والله المستعان

[شاهيناز]

اختي طبعا التزين فطرة في الانسان وليس المرأة نعم حتى المطوع يتطيب ويهذب لحيته ويحاول ان يكون هندامه جيد ولائق
لكن هناك خلط كبير بين تطبيق حسن المظهر وهذا ما يأمرنا به ديننا وعاداتنا
ومانراه في الطرف المقابل من تبرج .. وليس بالضرورة الحديث عن مغازل لان هذا شأن وان كان ذو صله لكن لنركز على قضية التبرج
ما الهدف من ان تضع الفتاة نفسها في منظر غير لائق باللبس .. هناك لبس واسع وضيق وهناك لبس يشف ولبس يستر الجسم... الخيارات كثيرة مامعنى ان تكون العباءة مفتوحة
والروج والكحل يشد النظر اليه ... هل تتبرج لكي تصبح جميلة .. لامانع من ذلك .. من حقها ان تكون ملكة جمال
لكن امام الناس جميعهم ... تفعل الفتاة ذلك ... والكل يراها ... ليس بالضرورة ان تكلم الشباب وان كنت اؤمن بأن لكل فعل توابعه وانا امر كهذا يؤدي لما هو اكبر

الكثير من البنات تتزين وتتصيد ضحاياها طمعا في فارس الاحلام ... والواقع والمنطق لايقول ولايقر بذلك

وشكرا

اخي ليمتي بنضل على نفس النظره الرجل الضحيه والمراة الصياد الي تلبس الشباك عباره عن روج وكحل وعطر
لكي تشبك الرجل ويطيح في شباكها
لماذا الرجل ضعيف سهل ينصاد بشوي روج ورسمه كحل ورشه عطر
المرأة الحين تغير تفكيرها بس الي اشوفه الرجل لازال على نفس النظره
ينظر لزينه في وجه المرأه شباك تحاول تصطاده
ويحاول يبادر بالصيد قبل مايطيح في الشباك
اقول على رجالنا السلام اذا هذا تفكيرهم
واقول الله يرحم الانوثه الي تبحث عن فارس الاحلام في اروقه المجمعات التجاريه

[maruuma]

اخي ليمتي بنضل على نفس النظره الرجل الضحيه والمراة الصياد الي تلبس الشباك عباره عن روج وكحل وعطر
لكي تشبك الرجل ويطيح في شباكها
لماذا الرجل ضعيف سهل ينصاد بشوي روج ورسمه كحل ورشه عطر
المرأة الحين تغير تفكيرها بس الي اشوفه الرجل لازال على نفس النظره
ينظر لزينه في وجه المرأه شباك تحاول تصطاده
ويحاول يبادر بالصيد قبل مايطيح في الشباك
اقول على رجالنا السلام اذا هذا تفكيرهم
واقول الله يرحم الانوثه الي تبحث عن فارس الاحلام في اروقه المجمعات التجاريه


ايه عليج يا شاهيناز

والله انك كدا :ok:

المرأة تطورت وتطور فكرها ولين الحين المرحوم يفكر انها تبي اتصيده بروج وكحل وعطر
اووف لا ننسى الكعب بعد

والله المستعان

[بوحارب]

ايه عليج يا شاهيناز

والله انك كدا :ok:

المرأة تطورت وتطور فكرها ولين الحين المرحوم يفكر انها تبي اتصيده بروج وكحل وعطر
اووف لا ننسى الكعب بعد

والله المستعان

يعني مستانسة على هالجملة



المرأة الحين تغير تفكيرها بس الي اشوفه الرجل لازال على نفس النظره

:(

ترى هذا كلام العلمانيين ومحشومة شاهيناز منهم ويمكن سقطت منها سهوا

يعني يحللون لهم الأشيا اللي يبونها بدافع شي ثاني

فالمكياج والمغريات عادي عندهم لأنها من باب التزين فقط :omen2: وليس بقصد اغراء الأخرين

فأذا كنتوا من اللي يحبون الكشخة في امام الناس وفي الطرقات والأسواق مالي زود على كلام شيخي المختفي


(( حتى وأن تزينت وتعطرت وكبرت في اعين الناس يكفيها انها سقطت من عين الله وتلعنها

الملائكه ويستشرفها الشيطان الى ان ترجع وتأخذ ذنوب كل من ينظر اليها وترجع وقد جمعت ذنوب

لا يعلم بها الا الله وعلى هذا المنوال بشكل يومي حتى تقابل الله يوم القيامه وقد تبرجت وفتنت

الناس وكان الله اهون الناضرين اليها هناك ستتمنى انها لم تخرج جزء من جسمها لتكون فاتنه

وستعلم حينها مغبت وفداحه ماعملت ))

وبس :omen2: