عندي50.000 ابي اسوي شي فيهم

[NEW LOOK]

مرحبا

عندي مبلغ50000ابي استثمرهم شتنصحوني؟؟؟


بليز ساعدوني

[شموخ دائم]

,

,


مرحبا

الله يوفقك يارب راح اتكلم بشكل عام لتحديد افكار او تحديد وجهه معينه تساعدك على اتخاذ قرار وليست مشاريع محدده


عندك ( الاسهم ) قطاع البنوك الريان الدولي المصرف لهم ارباح

وعندك الامور التجاريه ( مشاركه شخص يملك نفس راس المال وتصير 100 الف )

وعندك العمل في الاستيراد من الصين في الامور الي انتي تحبينها

وعندك فتح محل مع شخص فاهم في شغله معينه من التجاره الي فيها الزبون يدفع مقدم حتى تشتغلين بفلوس الزبون لقله راس المال لديك

التجاره الموسميه

قبل الدراسه \ شنط ومقلمات ودفاتر ... الخ

قبل رمضان \ وخاصه الحلويات والمواد المستخدمه من اواني منزليه وخلافه

قبل العيد \ مكسرات حلويات ... الخ

قبل الشتاء \ فحم واجهزه تدفئه وملابس شتويه ...الخ

اذا تشوفين هذي الامور صعبه عليك راح تكون سهله على موظف هندي اذا عنده خبره وتوفقتوا بواحد زين


ان شاء الله الاعضاء يفيدونك بفكار احسن

,

,


اخوك


شموخ دائم

[كبير المتداولين]

عطني اياهم اخلص فيهم تشطيب

:discuss:

[مكنتوش]

بما ان راس المال صغير
ارشح مثل ماذكر اخوي شموخ الاسهم وقطاع البنوك بذات
الاستفادة من الارباح السنوية الموزعة وارتفاع سعر السهم






عندك ( الاسهم ) قطاع البنوك الريان الدولي المصرف لهم ارباح

[لوردغاليري]

موفقه يارب

[تبتلشٍ]

شاركي بوحارب تفتحوون محل كرك مشروع صغير بس مربح

[اخر العنقود]

الله يوفقج انشاالله

[البدع]

مبلغ بسيط مايكفي حتى خلو لمحل

وبالنسبة للاستيراد والتصدير .. صعبة عليك لان بنت وجديدة في السوق وماعندك خبر

ونصيحتي هي الاسهم لك

والنصيحة الاثنية تصدقي ب 1% من المبلغ قبل شراء الاسهم

والله يوفقك

[qatarlands]

عليك بالاسهم
والاسهم الاس اسعارها بسيطه الريان زين هالايام

[barod]

حطيهم في اسهم الريان وانسيهم كم سنه

[بـن عدوان]

اذا تبين ربح أكثر وسريع، حاولي تزيدين راس المال عن طريق الشراكة .. تدخلين مثلا 3 شركاء وكل وحدة 50 ألف

بيكون عندكم 200 ألف ريال، بتطلع الافكار عقبها

[كرستال]

ما شاء الله عليكم يخوي شموخ دائم ... افكار معقولة ومناسبة

تجارة الشنطة او التجزءة باي شيء تتقنه الاخت او تحبه بيكون مناسب ايضا

وحبذا الشريك عشان راس المال قليل هنا


بالتوفيق ان شاء الله

[bo_yasser]

ممكن الشراكه فكره حلوه بتزيدلج راس المال

[NEW LOOK]

الف شكر لكم

ولازلت ابحث عن حل

[prefetch]

لا انصح بالتجارة لقلة المبلغ ممكن الاسهم

[captin]

انا ما ابي اسكر الباب في ويهج واقول المبلغ
قليل ومايكفي للبدء في أي مشروع

لكن بالمقابل انا اشخص احب المنطق والامور تكون مدروسة
دراسة وافية وكل شي فيها محسوب لأن الواقع يقول ذلك

الايجارات في الدوحة للمحلات ما تقل عن 12000 ريال شهريا للباب الواحد
هذا ان وجد شاغر ومو مضطرة لدفع خلو يتجاور الـ 150 الف ريال


طبعا مثل ما قالوا الاخوان هناك أكثر من طريقة لبدء مشروع تجاري
بمبلغ 50 الف ريال منهم من ذكر الاسهم ومنهم من ذكر تجارة الشنطة اوالتجارة المنزلية منوعة وكل موسم على حسب المواد المطلوبة فيه.
فهناك موسم المدارس ومستلزماتها
وهناك المواد الخاصة بالنساء مثل العبايات والملابس المستوردة والعطورات غيرها من مواد.
وهناك المواد الغذائية المحضرة بالمنزل يمكن تغلف بطريقة راقية وترسل للمدارس وبعض الموظفين وكلها تعتمد على العلاقات الشخصية والاتصال مع مثل تلك الجهات.

انا انصح قبل ماتتخذين أي قرار تاخذين لج دورة من الدورات اللي تنظمها دار الإنماء الاجتماعي وخصوصا دورة دراسة الجدوى الاقتصادية للمشاريع

[saeed2005]

استغرب اللي يقول مبلغ 50000 مبلغ بسيط هذا المبلغ ممكن يدخل لك عشرين ألف شهريا بس لو في عقول تستثمره صح نصيحتي لك بما أنك تمتلكين هذا المبلغ فلا تدخليه في مشروع دفعة واحدة اشتري بضاعة بمبلغ بسيط وجربي التوزيع على المحلات إذا فيه طلب زودي البضاعة شوي وهكذا بس تحتاجين مندوب موفقة ومعانة

[مخطط قطري]

اذا عليك التزمات سددها وفك عمرك هذا احسن مشروع

[بوعيسى1]

الله يوفقك

[غايه الطواش]

اختي 50000 الف ريال
ممكن تشتغلين من البيت تجيبين لج خياطين 2 وتسوين مني دراعه ..جلابيات رمضات.... جلابيات قرنقعوه ...مفارش مستفى ولاده ..

وابتي حبه حبه ... واذا حابه جهه رسميه تقدم لج دعم او مسانده او حتى يشاركونج في معارض ... عندج دار الانماء الاجتماعي يساعدونج في الصغيره قبل الكبيره سواء من القرض الي من دون فوائد...الى الدعايه والاعلانه..الى المشاركه في المعارض ...الى كيفيه دراسه المشروع ..وعمل الحسابات ... جربي سووي ثلاث جلابيات واعرضيهم في منتديات وشوفي الاقبال عليهم شلون واهم شي ان تكون الاسعار معقوله عشان ربي يبارك لج في تجارتج وبالتوفيق ان شاء الله

[تاجر121]

استغرب اللي يقول مبلغ 50000 مبلغ بسيط هذا المبلغ ممكن يدخل لك عشرين ألف شهريا بس لو في عقول تستثمره صح نصيحتي لك بما أنك تمتلكين هذا المبلغ فلا تدخليه في مشروع دفعة واحدة اشتري بضاعة بمبلغ بسيط وجربي التوزيع على المحلات إذا فيه طلب زودي البضاعة شوي وهكذا بس تحتاجين مندوب موفقة ومعانة

عندي الحل الشيخه ومدخول انشالله بالشهر 3400
وراح تتدعين لي اذا حبيتي اتواصلي معاي عالخاص
ومايصير الا كل خير وانا متكلف اسوي لج كل شي

[كاشف الغطاء]

^^^^^^

ياليت تعطيني الفكرة اخوي

[منابر خالده]

بالتوفيق الشيخه

[منابر خالده]

خذي لج دورات في المكياج عند الخبيرات او عند القبيسي
فكره بسيطه من عندي
بالتوفيق الشيخه

[منابر خالده]

خذي لج دورات في المكياج عند الخبيرات او عند القبيسي
فكره بسيطه من عندي
بالتوفيق الشيخه

[كبشينو]

لا تجاره ولا عور راس خلي فلوسج عندج احسن لج نصيحه اخويه واذا كسبتي خبره في مجال التجاره بعدين افتحي لج