المساعد الشخصي الرقمي

مشاهدة النسخة كاملة : حادث مروري .. من الغلطان ؟؟؟


عربسات
10-10-2010, 10:17 AM
السلام عليكم

الموضوع يا اخوان انه صار لي حادث :omg: ولله الحمد ان الحادث بسيط ومحد تأذى
وحطوا الغلط علي :nice:... وما ابي احط في ذمتي بس ابغى اتاكد ان الحق مع من ؟؟؟؟

السالفه وما فيها اني دخلت في شارع مزدحم .... من السيد الفرعي (يمين) ابي ادخل على الشارع الرئيسي (يسار) .... وواقف في الزحمه انطر واحد يعطيني مجال :waiting: عشان اطلع من الشارع الفرعي لقيت تريله كبيره :eek: قاعده تمشي شوي شوي فقدمت .... ولا طلع الحبيب ما كان شايفني لان سيارته عاليه وسيارتي صالون !!!!!!!! فدعم الرفرف الوراني مع الصدام وكانت سيارتي اكثر من 70 % داخله الشارع الرئيسي :con2:...

المحقق قال اني الغلطان :anger2: لان من الشارع الفرعي لين 30 متر قدام الحق معاه قالي حتى لو دعمك من ورى !!!!!! الصراحه انا استغربت من هالاكلام معقوله قانون المرور يقول شذي :oops: ؟؟؟
@north_star@
10-10-2010, 10:18 AM
كلام سليم لانك بجميع الاحوال داخل من شارع فرعي
والاولويه للي بالشارع الرئيسي والحمد لله على السلامة
الصريحه
10-10-2010, 10:20 AM
حمد الله على سلامتك
الله يعينك
أبورودي
10-10-2010, 10:21 AM
كلام سليم لانك بجميع الاحوال داخل من شارع فرعي
والاولويه للي بالشارع الرئيسي والحمد لله على السلامة

كلامك مظبوط
دائما الاولويه لمن هو على الشارع الرئيسي
عوض الله عليك خير
والحمدلله انك سليم
شبح الصمت
10-10-2010, 10:24 AM
حمد لله على سلامتك

ودام المحقق قالك غلطان يعني غلطان

محقــق أهو وحانا مشاهدين

يعني ما نقدر نقولك صح والا خطأ

الله يعوضك خير وما تشوف شر
fhd4
10-10-2010, 10:26 AM
اللي أعرفه انه حسب القوانين ...الاولوية للشارع الرئيسي ... وانت ما يحق لك تدخل الشارع الرئيسي إلا بعد التأكد من خلوه ...

يعني المفروض على حسب القانون ما تدخل الشارع الرئيسي إلا بعد ما تفضى الزحمة ... أو أحد يعطيك مجال ...


وحمدالله على سلامتك ...
انتر ميلان
10-10-2010, 10:37 AM
كلام المحقق صحيح
وفي التقرير بيكتبون لك الخروج من شارع فرعي إلى شارع رئيسي بدون التأكد من خلو الشارع

والحمدالله على السلامة
عربسات
10-10-2010, 10:45 AM
^^^^^^^^^^^^^^^

انا مو معترض ابداًً حتى في المرور كنت اضحك مع المحقق ونسولف على الموضوع بس انا استغربت من القانون ان 30 متر الحق لصاحب الشارع !!!!!!!!!

والله يوفق الجميع
khalid-qtr
10-10-2010, 10:46 AM
الحمدلله على السلامة اخوي اهم شي انك سالم

كلام المحقق صح يجب عليك اذا بتخرج على الطريق الرئيسي انك تتاكد مافية سيارة جاية

تتاكد انة الطريق فاضي بعدين تطلع

الامن والسلامة في خدمت الجميع
باراكودا
10-10-2010, 12:20 PM
أنا متأكد راعي التريله شافك ودعمك قاصد لانه زهق من ذي الحركة يوميا يتعرض
لها وهو يسابق الزمن المحدود له فلازم يدعم علشان يخليك عبرة للغير .
والحمدلله على سلامتك .
MAZEN37
10-10-2010, 04:43 PM
اعتقد الوضع واضح جدا انت غلطان - الشاحنات ما تتناحس
راعي الدتسن
10-10-2010, 05:27 PM
الاولوية للشارع الرئيسي اخوي
بو خليفه 123
10-10-2010, 05:32 PM
السلام عليكم

الموضوع يا اخوان انه صار لي حادث :omg: ولله الحمد ان الحادث بسيط ومحد تأذى
وحطوا الغلط علي :nice:... وما ابي احط في ذمتي بس ابغى اتاكد ان الحق مع من ؟؟؟؟

السالفه وما فيها اني دخلت في شارع مزدحم .... من السيد الفرعي (يمين) ابي ادخل على الشارع الرئيسي (يسار) .... وواقف في الزحمه انطر واحد يعطيني مجال :waiting: عشان اطلع من الشارع الفرعي لقيت تريله كبيره :eek: قاعده تمشي شوي شوي فقدمت .... ولا طلع الحبيب ما كان شايفني لان سيارته عاليه وسيارتي صالون !!!!!!!! فدعم الرفرف الوراني مع الصدام وكانت سيارتي اكثر من 70 % داخله الشارع الرئيسي :con2:...

المحقق قال اني الغلطان :anger2: لان من الشارع الفرعي لين 30 متر قدام الحق معاه قالي حتى لو دعمك من ورى !!!!!! الصراحه انا استغربت من هالاكلام معقوله قانون المرور يقول شذي :oops: ؟؟؟


عنده مسافة 30 متر قدام ؟ بعد خلاص وصلنا الدوار ..

قانون المرور بصراحه يبيله اعادة هيكله ..


خطاك السو اخي الكريم و لا باس عليك .. الحديد يتعوض ان شاء الله

يفضل انك تسأل الأخ jajassim هو المرجع او كبير المرور عندنا بالمنتدى :nice: