أبشركم فية شاطى مخصص للنساء في الحي الثقافي قريبآ الافتتاح

[صلاتي]

أبشركم فية شاطى مخصص للنساء

في الحي الثقافي قريبآ الافتتاح

المصدر مدير المشروع

[ضوى]

واخيرا
شاطئ بحر نظيف للحريم

الصراحة لو نفس تجربة ايران بيكون شئ خياااااااااال

[بوراشد82]

اي والله بيكون خيال لو يحطون الامن الوقائي من الحريم ويغرقون المسترجلات والبويات الي مايخلون وحدة في حالها ومتسببين على العالم ..!!

[ضوى]

اي والله بيكون خيال لو يحطون الامن الوقائي من الحريم ويغرقون المسترجلات والبويات الي مايخلون وحدة في حالها ومتسببين على العالم ..!!


الغريب ماشفنا هالشئ على شواطئ ايران !!!

الله يحفظنا ويحفظ بناتنا من شر المتشبهات بالرجال ، شخصيا انا وبنتي بنودي الصاعق الكهربائي مانسمح لهالاشكال انها تقرب منا وتخرب وناستنا ( باطلبه من اميركا :secret:)

[ركان]

الحمد لله

[هبوب الشمال]

ياليت بس في حدود الادب والاحتشام يعني ما يكون مكان مزبله الله يعزكم للساقطه واللاقطه

ياليته يكون مكان مرتب ونظيف من الاشكال الغير مستحبه

[khalid-qtr]

انا اطالب يخصصون بعد شاطى لرجل فقط كل شي في هذي الديرة للحريم :anger1:

[الخير كله]

يعني نبرز قلم بو كاميرا؟؟؟؟؟؟؟؟


مستحيل اامن في شي كذا

[مسك البر]

لا اله الا الله

بس ياليت يكون فيهااا حدود من ناحية اللبس والاحتشام
ويكون فيه هيئة حريم بحريه ... :)

[السعدي999]

وين الحي الثقافي

[رمــش الغلا]

ماصدق :)

شلون شاطئ مسكر من أي جهه يعني
والا برجه يمكن

[الكوين]

اخيررررررا واااي وناسه ان شاء الله يكوم صدق

[الكوين]

بس وين الحي الثقافي؟؟

[شيط ويط]

بس وين الحي الثقافي؟؟

صوب فندق الانتر

[شيط ويط]

وين الحي الثقافي

صوب فندق الانتر

[مهل]

انصح مدير المشروع يركب كمرات مراقبه على هذا الشاطىء ،، بس مايشغلها ،، شكل بس
عشان الناس هالوقت تخاف من الناس ماتخاف من رب الناس :omen2:

[ZURICH]

خلاص عيل الشباب يهجرونه إلي شواطئ أفريقيا :nice:

مساكين هالشباب وين يروحون !!!

[وطن]

شلون شاطئ نسائي في وسط البلاد
ولا بعد عند منطقة السكوترات والشباب !!
بيمنعونهم مثلا ؟؟
ولو منعوهم اي حد يلقطهم بدربيل
المفروض يكون في مكان بعيد شوي وما يكون حوله مباني تكشفه

[مهل]

شلون شاطئ نسائي في وسط البلاد
ولا بعد عند منطقة السكوترات والشباب !!
بيمنعونهم مثلا ؟؟
ولو منعوهم اي حد يلقطهم بدربيل
المفروض يكون في مكان بعيد شوي وما يكون حوله مباني تكشفه

اختي وطن قريت مشاركتج و سبحان الله دار شي في نفسي .

اروح البحر و انزل غطس مع ربعي .. اللبس الي البسه يا بدله مخصصه للغطس يا لبس رياضي اغطس فيه (شورت و تي شيرت) الشورت لين الركبه و التي شيرت اكون لابسه و انا غاطس .. يعني لبس ينفع اصلي فيه ،، هذا حياء و احترام لانفسنا و بعضنا بعض .

النسوان ليش ماعندهم هالشي ليش مايستحون من بعضهم ،، وش هاللبس الي بتلبسه المره و تخاف حد يشوفها بدربيل من البحر .

طبعا ردي عليج يا وطن و انا اعرف انج مره كبيره و ام عيال ماعندج هالسوالف .. الله يستر و يوفق الجميع

[حقيقه]

ونااااسه اخيراً

بس ان شاءالله يكون باسرع وقت ومايكون مجرد كلام

زي الاكوا بارك قالو لنا فيه يوم نساء :anger1:

[بعيد النظر]

امحق بشارة !

زيين والي على السكوترات !
شلون بيمنعونهم ؟

[ابو محمد7]

مرة اخرى ومن جديد في ناس مستحيل ترضى وفي كل شي ممكن تشكك وتنتقد الظاهر هذا شغلهم ومخهم شغال فقط بهالطريقة يعني هذا البرنامج اللي منزل عليه !

كانوا يقولون نبي شواطيء عائلات ويم نزل موضوع شواطىء عائلات انتقدوا وفي ناس قالوا نبي شواطيء للنساء وفي ناس قالوا شواطيء العائلات في مناطق بعيدة وايد ليش نبي شي قريب

الحين الموضوع يقول شاطيء للنساء والمكان قريب قالوا لا ماينفع بيشوفونا من بعيد لازم يكون بعيد

المثال هذا مب مهم لكن المهم طريقة التفكير وثقافة الانتقاد

[التيما]

طيب الحي الثقافي مكشوف على الابراج اللي جهة الانتر وين الخصوصيه ؟؟ افففففففففف يا فرحه ماتمت

[جرح الزمان]

للأسف واضح انه لفئه معينه من النساء

الموقع المختارينه يقول هالكلام .......

أتمنى أني أكون غلطان

[تحداني]

.. شاطئ نسائي يا سلام ولا احلى ..
اذا ما قدرنا نسبح على الاقل نقعد إبراحتنا .. نحط رجلنا في الماي ابراحتنا :) ..
نلعب مع اليهال ابراحتنا .. بدون ما يزاحمنه هذا ابنظراته وذاك بتعليقاته


إن شاء الله يكون قريب


شباب قطر ما شاء الله عليهم بعد يبون مكان مخصص لهم .. وليش ان شاء الله ؟
قطر ابرها وابحرها كله لكم .. متى ما عزمتوا حطيتوا اغراضكم وتوكلتوا على الله
وما اعتقد البنات ياذونكم في شي .. هم يستحون منكم :)



جملكم الله برضى الرحمن

[بوراشد82]

يا اخواتي في الله ..

انا باقولكم شي ..

اكيد لين حطوا شاطئ للنساء .. بيكون قارب الخفر قريب .. مش قريب ان يكشفكم .. وبيكون مواجه البحر عشان الشمس مثل المؤتمرات الي تصير.. ظهره للشاطئ ووجهته بحر.. وليمنع مرور السكوترات قريب من المنطقة المحددة .. ومابي احلف يا اخوات .. لكن اكيد انتوا بتروحون حزة العصر . وهل السكوترات حتى لو قرب وحتى لو معاه دربيل .. بتنبط عينه من الشمس .. يعني اشعة الشمس بتكون بتجاهه .. وفكروا فيها .. اصلا بيبينون اوادم من بعيد لكن لا اجسام بتبين ولا وجيه بتبين يعني تسبحوا واخذوا راحتكم واذا بطلوه على الموسم بتستانسون اكثر .. لان صوب كورنيش الدوحة بتكون بطولات محلية ودولية للسكوترات والزوارق السريعة .. يعني العالم كلها بتكون هناك .. بتستانسون ووحدة منكم بتغرق ولا حد بيدري عنها خخخخخخخخخخخخخخخخخخخخ

ومبروك عليكم والله يستر عليكم دنيا وأخرة << مسرور من الخبر السعيد :)

[بومحمد1]

السلام عليكم


قال تعالى : {يَا أَيُّهَا الَّذِينَ آمَنُواْ لاَ تَتَّخِذُواْ بِطَانَةً مِّن دُونِكُمْ لاَ يَأْلُونَكُمْ خَبَالاً وَدُّواْ مَا عَنِتُّمْ قَدْ بَدَتِ الْبَغْضَاء مِنْ أَفْوَاهِهِمْ وَمَا تُخْفِي صُدُورُهُمْ أَكْبَرُ قَدْ بَيَّنَّا لَكُمُ الآيَاتِ إِن كُنتُمْ تَعْقِلُونَ }آل عمران118

الحذر الحذر

أخشى أن تكون مكيدة
طبعا نساء أهل البلد محتشمات
فكيف يتم كسر هذا الإحتشام
المرأة القطرية سوف ترى غيرها من النساء الاجنبيات أو بعض الجنسيات " العربية " يسبحن
بالبكيني ( معذرة لا أحب التلفظ بهذه الكلمات لكن مجبر أخاك )
وهي بالعباية أو بلبس محتشم طبعا مع مرور الوقت وكثرة هذه المناظر والتي تميت القلب وتهدم المبادئ
يصبح الأمر عاديا كما هو الحاصل اليوم في كثير من الأمور أصبح المنكر معروفا والمعروف منكرا
نخشى أن نرى المرأة القطرية المتحررة تلبس هذا اللباس الفاضح عياذا بالله من ذلك
وهذا الذي لانتمناه ولانرضاه

الحاصل :
أن المؤمن كيس فطن
والحر تكفيه الاشارة

يا أيُّها الساعي بِرَأْيٍ أَشْأَمٍ

عَزَفَ الفَسادَ مُؤَنقًا كي يَرْقُصا

[maruuma]

أخيرا :nice:

في بحر للحريم

بعباية .. بخيشة .. بخيمة .. :tease:

اهم شي بحر للحريم

والله نبي نتسبح .. اوحشتنا الملوحة :shy:

والله المستعان

[غــ قطر ــلا]

الله خوش شي ونااسه

يسلمووو على الخبر

[ضوى]

أخيرا :nice:

في بحر للحريم

بعباية .. بخيشة .. بخيمة .. :tease:

اهم شي بحر للحريم

والله نبي نتسبح .. اوحشتنا الملوحة :shy:

والله المستعان

ياحلو الملوحة والله ، صج وناسة وتغيير

[المستقل]

والله أخواتنا في أمس الحاجه لمثل هذه الأماكن

ولكن

واضح من الموقع إن المستهدف غير بنات البلد

ولو كان المستهدف من هذا المتنزهه أهل البلد كان أختاروا أحد شواطئ قطر البعيدة شمال ولا جنوب ولا غرب




وفيه شيء ثاني

من باب السؤال وليس من باب خلق عقبات أمام مثل هذا المشروع بشرط مش في نفس المكان المقترح



السؤال

فيه شيء أسمه (درع الوطن) برنامج جبار لحماية حدود قطر كاملة وتوجد كامرات جبارة تغطي جميع هذه الحدود ويقلون إن الكامرة ممكن تعطي زوووم لدرجه أنا توضح وتعرف خشمك كم شعرة فية :)

والله من وراء القصد

[وطن]

اختي وطن قريت مشاركتج و سبحان الله دار شي في نفسي .

اروح البحر و انزل غطس مع ربعي .. اللبس الي البسه يا بدله مخصصه للغطس يا لبس رياضي اغطس فيه (شورت و تي شيرت) الشورت لين الركبه و التي شيرت اكون لابسه و انا غاطس .. يعني لبس ينفع اصلي فيه ،، هذا حياء و احترام لانفسنا و بعضنا بعض .

النسوان ليش ماعندهم هالشي ليش مايستحون من بعضهم ،، وش هاللبس الي بتلبسه المره و تخاف حد يشوفها بدربيل من البحر .

طبعا ردي عليج يا وطن و انا اعرف انج مره كبيره و ام عيال ماعندج هالسوالف .. الله يستر و يوفق الجميع

مب مره ولا ام عيال للحين ...

بس صحيح مالي في هالسوالف

اخوي البنات لما يكون الشاطئ مخصص لهم بياخذون راحتهم
مو كل الناس تفكر مثلك ولا تستحي .. في ناس عادي عندهم
فمن باب ان الواحد يحافظ على بنات بلاده
يختار لهم مكان صاد وآمن


والسكوترات شوف عيني
ما يهمهم لا خفر ولا غيره
يزرقون من عندهم ولا يقدرون عليهم

[ميمي 88]

ع طاري البحر

لاابي بحر عام ولابحر مخصص للنساء ابي بحر لي بلحاااااالي اقعد اجابله واتنفس بعمق :(

[مهل]

مب مره ولا ام عيال للحين ...

بس صحيح مالي في هالسوالف

اخوي البنات لما يكون الشاطئ مخصص لهم بياخذون راحتهم
مو كل الناس تفكر مثلك ولا تستحي .. في ناس عادي عندهم
فمن باب ان الواحد يحافظ على بنات بلاده
يختار لهم مكان صاد وآمن
والسكوترات شوف عيني
ما يهمهم لا خفر ولا غيره
يزرقون من عندهم ولا يقدرون عليهم

الله يرزقج بدرزن عيال و زوج صالح .. السموحه خلطت بينج و بين الاخت ضوى و كلكم خوات فاضلات ان شاءالله .

بخصوص الشاطيء ،، من الي مسويه عشان يحافظ على بنت بلاده .
الشاطيء ماسووه حق مريم و منيره و فاطمه و عايشه ،، سواه جوني ،،، حق كاتي و سوزي و مايا :rolleyes2:

[مرحوم قطر]

والله هو شي حلو

بس صراحه


صراحه


صراحه



صراحه








صراحه





و عن نفسي


مستحيييييييييييييييييييييييييييييييييييل اخلي اهلي يروحون

اوديهم بنانه في نص الاسبوع يلعبون و يستانسون و محد حولهم ابرك

من اني اخليهم بين مسترجلات


صراحه عندي يروحون مكان في يوم عوايل و انا معهم ولا يروحون يوم مخصص للنساء


مع احترامي للجميع

[كازانوفا]

بحر وما عليه مراقبه من قريب والا بعيد والا تجسس علىالحريم ما اظن

[Doha Sun]

شي مبالغ فيه بصراحة..

[FAUCHON]

مدري ليش انا دايم اشوفكم معترضين على كل شي


يعني




" تجهزون العلاج قبل الفلعه "


ليش تحكمون من الحين ..

يصير خير لين افتحو هالشاطئ عقب كم سنه من حي من ميت

وعقب نشوف الشي على ارض الواقع ونبتدي في الانتقاد

لاتستعجلوون

[MaRuKoO]

حلو والله بس المسترجلات الي غزونا حتى بالعروس :eek5: وش الحل معاهم بالضبط !! :rolleyes2: .....

[سعادة الوزير]

والله انه هالبلاد عجيبه !! .. نص اسيافنا شاليهات خاصة ، والنص الثاني محميات ممنوع تقرب منها ، وآخر شي يتصدقون عليكم بهالكم متر في وسط البلاد عشان تكونون فرجه لخلق الله!

ماقول غير ... الله كريم!

[الطيبة كلها]

خل يسوون اول للعوائل نبي عيالنا يتسبحون ومعانا ازواجنا هذا بحر مب لعبه بسم الله عليهم لين صار شئ من بينقذهم شنو شاطئ للحريم للتفسخ والمايوهات مانبي مع اني حرمه اااااااه على ايام ابحر المحرقه منطقه كبيرة والكل يتسبح ومرتاح احرمونا من كل صوب شبه جزيرة وما في شواطئ داخل البلاد

[black@white]

سوف نسمع ونسمع ونسمع عن هذا الشاطئ الكثير من الانتقادات
من وجههه نظري النساء لسن بحاجه الى شاطئ

[maruuma]

حلو والله بس المسترجلات الي غزونا حتى بالعروس :eek5: وش الحل معاهم بالضبط !! :rolleyes2: .....

ياناس هاللوث في كل مكان .. غزونا في الاعراس

ومع هذا نلبس ونكشخ ولا ننشد فيهم

غزونا في الاسواق

غزونا في المدارس

غزونا في الجامعات

يعني شنو نحرم نفسنا علشانهم



سوف نسمع ونسمع ونسمع عن هذا الشاطئ الكثير من الانتقادات
من وجههه نظري النساء لسن بحاجه الى شاطئ

عيل النساء بحاجة شنو .. الدفن

والله من الردود احس نفسي يا اما اني حيوان ناطق عايشة مع حيوانات غير ناطقة

او اني حيوان غير ناطق عايشة مع حيوانات ناطقة

والله المستعان

[missperfect]

انا اطالب يخصصون بعد شاطى لرجل فقط كل شي في هذي الديرة للحريم :anger1:

احلف عاد !!!