ماااا بيك تستغرب إذا قلت مابيك !!!

[المرحب]

مابيك تستغرب إذا قلت مابيك
قلبي من اللي صار غيّر كلامه..

000

تدري وش اللي حدني يوم اناديك
بودعك واقوووول مع السلااااامه ..

000

بودعك وانسى زمانك وماضيك
وداع من ذاق الجفا و الملاااامه..


000


لكنّ , ودي أسألك قبل اخليك
وابيك تعطي للسؤال اهتمامه..


000

في ذمتك... وشلون غيرتني فيك
وخليتني انسى غلاك و نظامه..


000

وانا عشانك كل ماتطلب يجيك
رفعتلك هامه و نزلت هامه..


000


ما عاد لك في داخلي حيّ يبكيك
صدري قِبَر كل الحوااااس بعظامه..

000

اغليك صح اشهد.. إن كنت انا اغليك
والحين راس المال منك.. السلامه..

000

لا تقول ليه..وكيف..وشلون..وشفيك
ماضيك يعطيني لبكره علامه ..

000

ما ودي اضيّع حياتي بأياديك
دام إن من عزك تنزل مقامه ..

000

غلاك \ ماعلمك تكسر تغليك
وغلاي اثبت لي الوفا والشهامه..

000

كاااافي نضيع وقتنا في بلاويك
ما يِرجِع اللي راح كثر الندامه ..

000

وإن ضاقت الدنيا بزحمة طواريك
الليل الأسود , مايطول ظلامه ..

000

والحين تعرف ليه انا قلت مابيك
و قلب ٍ يحبك ليه غير كلامه..

000

ودعتك الله لاتجيني ولا اجيك
ولاعاد تسأل خاطري وش علامه ..

000

ولا تنصدم في بسمتي يوم احاكيك
أحيان تلقى بالجريح ابتسامه


ممــــا راااق للمرحــــب

أرجوا أن ينـــال إعجاب الجميــــــــــع !!!

:nice:

[كــرت احمــر]

تدري وش اللي حدني يوم اناديك
بودعك واقوووول مع السلااااامه ..

000

بودعك وانسى زمانك وماضيك
وداع من ذاق الجفا و الملاااامه..

صــح السانك واللسان كاتبها

( المــرحـب )

وراااق لي ايضا اشكرك على هذه الذااائقة الجميلة كجماااال اختياااارك ، ابدعت يالمرحب وتحياتي لك .

[منصوربن حمد]

رفعتلك هامة ونزلت لك هامة لاهنت على الاختيار الجامد

[نعيمه علي]

من أجمل ما قيل عن الوداع

اطيب تحياتي


.

[المرحب]

تدري وش اللي حدني يوم اناديك
بودعك واقوووول مع السلااااامه ..

000

بودعك وانسى زمانك وماضيك
وداع من ذاق الجفا و الملاااامه..

صــح السانك واللسان كاتبها

( المــرحـب )

وراااق لي ايضا اشكرك على هذه الذااائقة الجميلة كجماااال اختياااارك ، ابدعت يالمرحب وتحياتي لك .


هلا وغلا بك يا الغالي

اسعدني تواجدك وتعليقك

دمت بود

[وطن]

ودعتك الله لاتجيني ولا اجيك
ولاعاد تسأل خاطري وش علامه ..

ولا تنصدم في بسمتي يوم احاكيك
أحيان تلقى بالجريح ابتسامه


اختيار رائع :)

[الجووري]

يعطيك العافيه ع الابياااات المعبره

لاهنت ع الاختيااااار