المساعد الشخصي الرقمي

مشاهدة النسخة كاملة : لائحة أجور"التعليم": راتب المدرس يتجاوز 20 ألفا


nyzk
10-10-2010, 03:06 PM
:علمت الشرق أن لائحة الاجور الخاصة بالمعلمين من المتوقع اعتمادها خلال ايام حسب مصدر مسؤول بالمجلس الاعلى للتعليم.
واشار المصدر في تصريح خاص لـ "الشرق" الى ان اللائحة تتضمن امتيازات مالية متعددة، حيث سيتجاوز اجمالي راتب المدرس المتخرج حديثا 20 الف ريال للمتزوج، اضافة الى امتيازات تتعلق بتذاكر سفر وتأمين صحي عالمي واشتراك في اندية وغيرها من الامتيازات التي تمنح لأول مرة.
واكد المصدر ان اكثر المستفيدين من لائحة الاجور شريحة المدرسين والمنسقين والنواب الاكاديميين، مشيرا الى انه لن يكون هناك سقف محدد للراتب، طالما استمر المدرس في ميدان التدريس، وواكب مراحل التطوير الذاتي.
وكشف المصدر ان اللائحة تنتظر اعتمادا رسميا من الجهات العليا، والتي من المتوقع ان يتم ذلك قريبا، مؤكدا ان اللائحة في حال اعتمادها ستشكل نقلة نوعية في سلك التدريس.
واوضح المصدر ان رواتب المدرسين قد تتجاوز رواتب اصحاب التراخيص (مديري المدارس )، وقد تصل الى اكثر من 40 الف ريال، مستطردا انه لا سقف لرواتب المدرسين ومن يقع في نفس شريحتهم.
وحسب مصادر الشرق فان موازنة الرواتب في لائحة الاجور المرفوعة لاعتمادها تتجاوز 800 مليون ريال.

http://www.al-sharq.com/articles/more.php?id=211899
شموخ دائم
10-10-2010, 03:12 PM
,

,



الله يسمع منكم


هذا القطاع يستحق كل خير وصبر كثير وتعب كثير وما زال ينتظر

والله يوفقهم ويستاهلون كل خير

ويارب يتحقق بالقريب لكل المعلمين والمعلمات

عندهم امانه اولادنا ويستاهلون كل خير

المعلمين والمعلمات عانو كثير بسبب ضعف رواتبهم

وبسبب توقف ترقياتهم في التربيه والتعليم

واجبروا على توقيع العمل بنظام الراتب المقطوع وتعرضوا للكثير من الاذى سابقا

ان شاء الله يتم انصافهم من الجهات العليا ويستاهلون كل خير

على صبرهم



,

,

اخوكم


شموخ دائم
نتفـه
10-10-2010, 03:15 PM
يا كثر ما تعلم الصحف والجرايد وف الاخير و لا شي
بس يستاهلون اهل التعليم
لكن اهم شي ما يكون فيه شروط تعجيزيه !!
nyzk
10-10-2010, 03:37 PM
يا كثر ما تعلم الصحف والجرايد وف الاخير و لا شي
بس يستاهلون اهل التعليم
لكن اهم شي ما يكون فيه شروط تعجيزيه !!

من تشوف علمت تئكد ان السالفه مطوله

بس من زمان وانا اسمع انهم بيعدلون اوضاعهم
nyzk
10-10-2010, 03:38 PM
,

,



الله يسمع منكم


هذا القطاع يستحق كل خير وصبر كثير وتعب كثير وما زال ينتظر

والله يوفقهم ويستاهلون كل خير

ويارب يتحقق بالقريب لكل المعلمين والمعلمات

عندهم امانه اولادنا ويستاهلون كل خير

المعلمين والمعلمات عانو كثير بسبب ضعف رواتبهم

وبسبب توقف ترقياتهم في التربيه والتعليم

واجبروا على توقيع العمل بنظام الراتب المقطوع وتعرضوا للكثير من الاذى سابقا

ان شاء الله يتم انصافهم من الجهات العليا ويستاهلون كل خير

على صبرهم



,

,

اخوكم


شموخ دائم

يستاهلون المدرسين كل خير
نور الكون
10-10-2010, 03:39 PM
كلام ....في كلام
mohammed68
10-10-2010, 03:42 PM
وإنا غدا لناظره قريب .. كله فشنيك
PP
10-10-2010, 04:03 PM
هل هذا كله حسد ؟
من بيقول انه ما راح يتحقق ؟


!
شي طبيعي ان رواتب المدرسين راح توازي المهندس واكثر .
اما يستحق ذلك ؟
نتفـه
10-10-2010, 04:06 PM
محد حاسد ولكن,, عسى ما شر من سنتين واحنا نسمع و ما نشوف ,,
ما تبي الناس يصيدها احباط يعني ,,
يبه كل الناس تدري شنو المدرس الحين ,, تقول عسكري مب مدرس
يستاهل بعد اكثر من جذي ,,
PP
10-10-2010, 04:12 PM
!!

اصلاَ المدرسين يستلمون حوالي 20 الف من سنين !.
وانت على حسب شهادتك !
Master أو P.h.D فوق و فوق !
روح الاطلس
10-10-2010, 04:23 PM
كلام بنك بانثر صحيح

المدرسين اصلا يستلمون فوق العشرين من زماااان

لكن الامتيازات الثانية تذاكر وتأمين صحي
هي الجديدة

وليه تقولون كلام في كلام !! اشدعوه يعني بيقولون شي في الجرايد وماراح يسوونه


يلا ياجماعه كلكم قدموا استقالات وروحو للتدريس احسن :)
PP
10-10-2010, 04:38 PM
:) روح الاطلس
بالمناسبة في برنامج مخصوص في جامعة قطر بأتفاقية مع المجلس الأعلى
يدرسون حوالي سنتين اعتقد !
وبعدها يقدرون يدرسون من صف اول الى رابع !

تخيل , عمرك 19 وتدرس :d
أم الحماس
هام السحاب
10-10-2010, 04:42 PM
يوم الخميس جريده الشرق قالوا ان في زياده للعساكر
و اليوم قالوا عن المدرسين
الله العالم بكره بيزيدون من
عنوووود
10-10-2010, 04:46 PM
كلام بنك بانثر صحيح

المدرسين اصلا يستلمون فوق العشرين من زماااان

لكن الامتيازات الثانية تذاكر وتأمين صحي
هي الجديدة

وليه تقولون كلام في كلام !! اشدعوه يعني بيقولون شي في الجرايد وماراح يسوونه


يلا ياجماعه كلكم قدموا استقالات وروحو للتدريس احسن :)

من قال المدرسين يستلمون فوق العشرين ؟؟؟؟؟

إنتوا تتكلمون عن الي صار له فوق 15 سنة ؟؟؟؟؟

لكن حديث التعيين تقريبا 11 الف ريال للأعزب و 14 الف للمتزوج
بوعمير
10-10-2010, 05:08 PM
بالأمس كان الحديث عن زيادة في رواتب الداخلية و اليوم رواتب المدرسين و غداً (و العهده على الراوي) قطاع البترول والغاز.

.. وفي نفس الوقت ..

الرقابة نايمه في العسل ..
إرتفاع مستمر ومتزايد في الاسعار ..
جشع التجار ..

وكأن الوضع عبارة عن بروفه إستعداد لزيادة في الاسعار ( الله يستر من الي جاي) !


*** كل ما قلنا انسدت نلاقي غيرها جدت ***
مستجدة
10-10-2010, 05:35 PM
يستاهلون المعلمين 20 الف ماتسوى تعبهم
وبالنسبه لتأمين اتمنى يشمل كل موظفين الدوله
روح الاطلس
10-10-2010, 08:35 PM
من قال المدرسين يستلمون فوق العشرين ؟؟؟؟؟

إنتوا تتكلمون عن الي صار له فوق 15 سنة ؟؟؟؟؟

لكن حديث التعيين تقريبا 11 الف ريال للأعزب و 14 الف للمتزوج

لا اقصد حديثي التعيين

وكان سلم الرواتب موجود بموقع المجلس الاعلى

واتذكر الاساسي كان 9000 ريال بس نسيت بدل السكن والاجتماعية كم

لكن االحين دخلت موقع المجلس شالوه مالقيته
jassim
11-10-2010, 06:59 AM
لا اله الا الله

يستاهلووووووووون معلمين عيالناااااا
moonبنتnight
11-10-2010, 07:10 AM
مبروك تستاهلون صرف قريب 00
ميزانية الاجور اعتمدوها بهل مبلغ 800 مليون معنها عملية صرف بتكون من شهر 12/2010 لين 1/4/2011م حسب قرار مجلس الاعلى التعليم 00 ألف مبروك 00
s o s o
11-10-2010, 09:06 AM
على البركة يستاهلون المعلمين كل خير ..
اذا في وظيفة يستحق شاغلها كل الدلع والرفاهية والرواتب الضخمة هي وظيفة المعلم ..
umabdulla77
11-10-2010, 09:59 AM
يستاهلون المعلمين

وربي يرزقهم كل خير

اصبرواااا وااايد هالفئة وربي يعطيهم على نياتهم
الألماسي
11-10-2010, 10:02 AM
أخبار الزياده و هـ الإمتيازات من شهـر 4 المـاضي . .
غيور
11-10-2010, 10:16 AM
يمكن يقولون بشرط معرفة اللغة الفرنسية كتابة وقرائه !!!!!!

او اللغة الصينية ؟

انا عارف بعضكم يضحك الحين لكن بتشوفون .
مشموم
11-10-2010, 11:24 AM
كلالالالالالالالالالالالالالالالالالالام
للتخديررررررررررررررررررررررررر:anger3:
jassim
12-10-2010, 08:37 AM
لا اله الا الله