آبل توضح الدول الغير متوفر بها خاصية الفيس تايم

[Navigator 85]

http://cl.ly/3fa26dd8e3ca1d673d40/content

حدثت آبل صفحتها الخاصة بمقدمين الخدمة الذين يقدمون الآيفون في العالم بوضع خانة

مخصصة للدول ومزودين الخدمة الذين لا يقدمون خدمة الفيس تايم، ومثل ما هو موضح في

الصوره اعلاة بأن دول الخليج بالإضافه للأردن ومصر لا تقدم خدمة الفيس تايم من قبل مزود

الخدمة خاصة بعد الكلام اللي طلع من فودافون وشركة الاتصالات الاماراتية وموبايلي

السعودية ان المشكلة من ابل وهم بصدد مراسلة الشركة لفتح الخدمة

وبعد قيام بعض المواقع المختصة بمراسلة شركة ابل

قامت شركة ابل بتحديث الصفحة الخاصة بمزودي الخدمة حيث اشارت بأن بأن خاصية الفيس

تايم ليست متوفرة على بعض مزودين الخدمة.

الأمر غريب بحيث ان شركات الإتصال يلقون اللوم على شركة آبل حيث هي من قامت بإلغاء

هذه الخاصية في بعض الدول والأن تقوم آبل وتلقي اللوم على مزود الخدمة، فمن نصدق

[بازار]

ياخي ممكن احد الاخوان يفيدنا ( الاخ / الحجاجي او غيره من المطلعين على المواضيع .. )

اللي وصلني من الربع اللي اقدر اسميهم خبراء في مجال الاتصالات والتلفونات

( ناس ما شاء الله كفاءة فوق ماتتصور )

انه الله يسلمك الفيس تايم عموما ماله شغل في مزود الخدمة لانه في الحالتين راح تشغل الفيس تايم عن طريق الواير ليس WiFi

واغلب الناس يعتقدون ان بالامكان اجراء مكالمة

هذا والله اعلم .... ياليت اخونا الاحجاجي يفدينا بالموضوع ..

[Qatarianes]

بس يالربع اذا المشكله من مزود الخدمه ليش
لما التلفون يكون على اصدار 4.0.1 او 4,0,2 فيه الفيس تايم
ولا حدثته الى 4.1 اختفت هالخاصيه؟
هذا الي سمعته انه يصير
تلفونات بريطانيا ماتواجه هالمشكله مثل ماهو معروف
ماعتقد التحديثات تتدخل فيها شركات الاتصالات.

[qatari1]

الفيس تايم كان مفتوح على الإصدارات ما قبل 4.1، ومن بعدها تم إلغاء هذه الخاصية في الدول المذكورة في الجدول أعلاه.

طبعاً الآن كل الهواتف إصدارها 4.1، وما ارح تشتغل الخدمة. كيوتل تقول أنها ستوفر هواتف آيفون، والفيس تايم يعمل عليها، ولم نتأكد من هذه النقطة حتى الآن.

كارفور يبيع آيفون مستورد من هونغ كونغ، وتعمل فيها خاصية الفيس تايم.

لذلك، من أراد شراء آيفون فليشتريه من كارفور، أو من هونغ كونغ أو بريطانيا. سمعت أيضاً أنه متوفر في إيطاليا، وفرنسا أيضاً مفتوح على كل الشبكات.

بالتوفيق للجميع.

[ماجد]

يعني الحين المسالة وضحت

ففودافون هي اللي معطلة الخدمة وحتى لو تشوفون الجدول عند علم قطر

ذاكرين فودافون بس وماذكروا كيوتل بعكس الامارات

ذكرين شبكات الامارات الثنتين وعلا كلام موظفين كيوتل

الفيس تايم بيكون شغال على شبكتهم

[Dream Team]

أتوقع والله العالم بأن الخدمه تتعطل مجرد ما توافق على تحديث اعدادات الشبكه في الآيتونز ويكون في الجهاز كرت فودافون

[BuFaisal]

احب افيدكم بتجربتي

اشتريت ايفون من فودافون ونسخة النظام 4.0.2 والفيس تايم يعمل بس ما جربته
ايضا اخوي اشترى جهاز مطابق والفيس تايم يعمل على كرت فودافون
رقيت الايفون لـ 4.1 واختفى الفيس تايم
رجعت الايفون واخذت فلوسي
-------------------------------------------------

اشتريت من كم يوم ايفون من كيوتل وموديله واضح انه من هونج كونج
حطيت كرت فوافون بدايته 30 وما تفعلت خدمة الفيس تايم
بعد ما نصحني اخوي ابر بص اني اغير الكرت حطيت كرت كيوتل والفيس تايم يعمل وجربته والحمد لله
-------------------------------------------------

الاجهزة اللي باعوها كارفور هي نفس الاجهزة اللي باعوها كيوتل وهي من هونج كونج
-------------------------------------------------

انصح بالشراء من كيوتل لان الجهاز مضمون والفيس تايم شغال ان شاء الله والضمان موجود
اذا كارفور ولا كيوتل جابوا اجهزة جديدة انصحك الجميع بالتأكد من الكود انه من هونج كونج او التأكد انه مفتوح قبل الشراء

[ll_4u_ll]

السلام عليكم
يا اخوان جوالي ماخذه من بريطانيا
واصداره اول مافتحته ٤.٠.٢
ومكالمة الفيديو شغاله علي الواي فاي
والكرت اللي مركبه فيه كرت كيوتل

[STAR]

بدش عليكم عرض..‏ شنهي خدمة الفيس تايم؟‏!‏‏!‏

[مهل]

السلام عليكم


يقال ان اساس الموضوع هو الامارات حيث ان الامارات طلبت من ابل وقف هذه الخدمه عن اجهزتها ،، و ربعنا طلبو من نفس الاجهزه

[Index Signal]

بدش عليكم عرض..‏ شنهي خدمة الفيس تايم؟‏!‏‏!‏



خدمة مكالمات الفيديو المجانيه عبر الواي فاي بين أجهزة الآيفون ٤ .

[Index Signal]

ياخي ممكن احد الاخوان يفيدنا ( الاخ / الحجاجي او غيره من المطلعين على المواضيع .. )

اللي وصلني من الربع اللي اقدر اسميهم خبراء في مجال الاتصالات والتلفونات

( ناس ما شاء الله كفاءة فوق ماتتصور )

انه الله يسلمك الفيس تايم عموما ماله شغل في مزود الخدمة لانه في الحالتين راح تشغل الفيس تايم عن طريق الواير ليس wifi

واغلب الناس يعتقدون ان بالامكان اجراء مكالمة

هذا والله اعلم .... ياليت اخونا الاحجاجي يفدينا بالموضوع ..



الأمر مو محتاج خبراء ..

أنا جهازي طلبته من بريطانها و كرتي فودافون و شغال عندي الفيس تايم زي الحلاوه ..

مع العلم إن الفيرجن 4.0.2 و ما حدّثته ل 4.1 عشان ما أفقد هالخاصيه ..

مع العلم إن في أعضاء أجهزتهم بريطانيه و عملوا تحديث للفيرجن و يقولون الفيس تايم لا زال شغال و ناس يقولون إختفى ..

ما حبيت أجازف .

[airbus]

جهازي من بريطانيا الفيرجن الي عندي ٤.١ كرتي فودافون الفيس تايم شغال ١٠٠٪

[Index Signal]

جهازي من بريطانيا الفيرجن الي عندي ٤.١ كرتي فودافون الفيس تايم شغال ١٠٠٪




يعني أتوكل على الله ..؟! على مسؤوليتك ..؟! :(

[airbus]

يعني أتوكل على الله ..؟! على مسؤوليتك ..؟! :(

للمرة :tease:1023349340,345 قتلك حدث وماتروح الفيس تايم والحين في جيلبريك بعد :victory:

[الحجاجي]

السلام عليكم ..

العملية بسيطة يا أخوان ..


الأجهـزة اللي اساسها بريطانيا او بالاصح مفتوح فيه الخاصية مسبقاً

مثل اجهزة بريطانيا او هونج كونج ..


اللي يصير بمجرد الشخص ما يشغلها تتفعل مباشرة

من البرمجه الموجودة في التلفون نفسه ..

شركة الأتصال مجرد وسيط لخدمة الأنترنت

عشان تتم عملية التفعيل ..

وما أعتقد يقدرون يسوون بلوك على عملية التفعيل

وان صار ..

الايفون يشتغل في الواير لس تقدر عن طريقة مباشرة تسوي اكتفشين


لكن اللي يصير
بعد بحث وسؤال كم شخص ..

اذا ايفونك جاي من بريطانيا
واساس السوفت وير اللي فيه انه الخاصية مفعلة بداخل النظام ..

على طول يشتغل معاك ..

ولما تجي تسوي تحديث ..

اللي يصير ان التلفون يرسل معلومات عن مكانك
وعن الشبكة اللي انت عليها ..

بالتالي الأبديت اللي ينزل في تلفونك
أبديت مـعدل ( مشيول منه بعض المميزات مثل الفيس تايم ) ..


وهالشيء اللي صار مع الاغلبية ..

يعني العملية كلها من السوفت وير اللي نازل ..

اذا كان مسبق التعديل قبل يوصل الدوحة
ومطلوب بشكل خاص لدول الخليج ( مثل الامارات وقطر ) .

ونفس الشيء
بعد عملية الأبديت ...


لذلك الحل الأنسب
الشراء من بريطانيا ..

او من الأماكن اللي ذكروها الأخوان
وتأكدو من هالشيء انه الأيفون جاء لبلد معين

يعني الايفون باعته شركة ابل لهونج كونج ..
وعقب ربعنا هنا
مثل كارفور او كيوتل استوردوه ..

وهالشكل ..


الله يوفق الجميع

والسموحة من الأخوان
في التاخير وعدم الرد ..
في كثير مما يخص الأيفون ..

[Index Signal]

للمرة :tease:1023349340,345 قتلك حدث وماتروح الفيس تايم والحين في جيلبريك بعد :victory:



إنت تقول حدّث و بو فيصل يقول لا تحدّث .. ضعت بينكم crazy

[anmfh]

انا جهازي من كيوتل

و4.1 وشغال الفيس تايم

وحلاوه

[BuFaisal]

إنت تقول حدّث و بو فيصل يقول لا تحدّث .. ضعت بينكم crazy

انا تكلمت بخصوص الاجهزة اللي جابوها الفودافون بقطر وما قلت اجهزة بريطانيا
لا توهقني مع اير بص :telephone:

[بوعلي-Qtr]

بالنسبه للفيس تايم ..
الخلاصه وهالكلام مب كلامي .. كلام ناس لهم خبره في هالمجال وتخصص

اول ماتشتري الايفون ويكون موديله ae نهايه رقم الموديل .. هذي لم تحدثها على ٤.١ ماراح تلقى خيار الفيس تايم نهائيا .. وكأن الكيمره الاماميه للزينه فقط
ومن شروط التحديث لـ ٤.١ لو قريتها راح تلقى انهم ذاكرين لك من النقاط ان خدمه فيس تايم راح تنلغي من بعض الاجهزه ! وهذا اللي صارلنا احنا


السالفه مب من مزود الخدمه بشكل خاص .. لكن في مزودين للخدمه يقدرون يوقفون الفيس تايم بحيث انه ماراح يتفعل عندهم
انت لم تبي تفعل الخدمه .. الايفون راح يرسل رساله التفعيل لرقم بريطاني اعتقد .. وتتفعل الخدمه .. حزات مزود الخدمه البريطاني تجيه ارقام مش موجوده عنده فاللسته فماراح يفعل الفيس تايم
فهذا اللي صاير الحين ان في ناس ارقامهم تبدا ب٣ مثلا .. وماتتفعل الخدمه عندهم هذا لان مزود الخدمه البريطاني مش موجوده عنده هالارقام على اساس يفعل خدماتها


الحل ان ابل ترد تفتح الخدمه لان هي اللي لها خص باللي صار .. سواء جاها بلاغ بالاغلاق او ماجاها .. هي الوحيده اللي تقدر ترد لنا الخدمه " الا في حال تدخل المبرمجين خصوصا بعد نزول الجيلبريك لـ٤.١ "

وسلامتكم

[Navigator 85]

مشكورين اخواني على المرور والردود

واهم شئ اتضحت الصورة للجميع

وفي مؤتمر لابل بتاريخ 20 هذا الشهر

وان شالله تتضح الصورة اكثر واكثر من خلال المؤتمر

[BuFaisal]

بالنسبه للفيس تايم ..
الخلاصه وهالكلام مب كلامي .. كلام ناس لهم خبره في هالمجال وتخصص

اول ماتشتري الايفون ويكون موديله ae نهايه رقم الموديل .. هذي لم تحدثها على ٤.١ ماراح تلقى خيار الفيس تايم نهائيا .. وكأن الكيمره الاماميه للزينه فقط
ومن شروط التحديث لـ ٤.١ لو قريتها راح تلقى انهم ذاكرين لك من النقاط ان خدمه فيس تايم راح تنلغي من بعض الاجهزه ! وهذا اللي صارلنا احنا


السالفه مب من مزود الخدمه بشكل خاص .. لكن في مزودين للخدمه يقدرون يوقفون الفيس تايم بحيث انه ماراح يتفعل عندهم
انت لم تبي تفعل الخدمه .. الايفون راح يرسل رساله التفعيل لرقم بريطاني اعتقد .. وتتفعل الخدمه .. حزات مزود الخدمه البريطاني تجيه ارقام مش موجوده عنده فاللسته فماراح يفعل الفيس تايم
فهذا اللي صاير الحين ان في ناس ارقامهم تبدا ب٣ مثلا .. وماتتفعل الخدمه عندهم هذا لان مزود الخدمه البريطاني مش موجوده عنده هالارقام على اساس يفعل خدماتها


الحل ان ابل ترد تفتح الخدمه لان هي اللي لها خص باللي صار .. سواء جاها بلاغ بالاغلاق او ماجاها .. هي الوحيده اللي تقدر ترد لنا الخدمه " الا في حال تدخل المبرمجين خصوصا بعد نزول الجيلبريك لـ٤.١ "

وسلامتكم

الجليبريك بحد علمي يحل مشكلة الفيس تايم باجهزة الفودافون ..
وهناك ناس كثيرة لا تريد تثبيت الجيلبريك
يعني ليش يجبرون الناس على تثبيت الجيلبريك علشان يشغلون الفيس تايم !!

حلي مع كل اسف هو ما قمت به انا وهو ارجاع الهاتف لفودافون واشتريت الايفون من كيوتل

ولا احتاج منّة الابل ولا الفودافون

[airbus]

مشكورين اخواني على المرور والردود

واهم شئ اتضحت الصورة للجميع

وفي مؤتمر لابل بتاريخ 20 هذا الشهر

وان شالله تتضح الصورة اكثر واكثر من خلال المؤتمر



20 الشهر خاص للماك فقط ولا بيجيب طاري الايفون اصلا الا ادا جاب كم انباع جهاز للحين