ممكن مساعدة بخصوص سويسرا

[سهم احمر]

السلام عليكم ورحمة الله وبركاته

أن ناوي أروح بأذن الله إلى سويسرا مع الأهل والصراحة أول مرة أروح لها ومادري شلون طبيعة هذه البلاد والمناطق السياحية والفنادق والمدن المميزة والمحلات التجارية والمدن الترفيهية بما فيها مدينة الملاهي (( أو مرشد سياحي في المنطقة نفسها)).... ألخ

للتكرم من الأخوة والأخوات الي زار ها المنطقة أو عنده خلفية عنها يفيدني بتقرير واااضح ((ولا تهونوووون)) وإذا حد يخبر رقم أي شخص مرشد سياحي في البلد نفسها يكون أفضل بعد والفنادق المميزة للسكن - وأي أفضل شهر للسفر لهذه البلدة من بين ها الأشهر 3 أو 4 أو 5 / 2011م ((فترة الرحلة أسبوعين))

ولكم مني خالص التقدير

[مررايم]

انا من عشاق سويسرا وافضل الاشهر5 واااايد البلد روووعه وهادية وكل احد في حاله واحلى الاماكن (لوزيرن -انترلاكن -زرمات- لوزان -مونتر -زيورخ )العاصمة جنيف ماانصح تقعد فيها اكثر من 3 ايام لانها ممله واذا محتاج شي انا في الخدمه

[ضوى]

اخوي الكريم

زيورخ وجنيف وزيرمات مافيهم شئ مملة وكئيبة ، وزيرمات مقلب من قلب

احلى المناطق لوزيرن - انترلاكن - لوزان - مونترو هذي المناطق خيااااااااااااال

[ابوهزاع]

السلام عليكم

اخوي الفترة الي تبي تروح فيها تعتبر هذة الشهور باردة وما راح تستمتع بسبب البرودة الزايدة

يعني لو تروح من شهر 6 وطالع بيكون الجو حلو ومناسب

اما بخصوص المناطق

عندك جنيف فيها اسواق وبحيرة جنيف والمدينة القديمة في جنيف

وممكن تجلس فيها 3 ايام كفاية

بعدها تروح انترلكن
فيها توب اف يورب اعلى قمة جبله في اوروبا تقدر تتزلج وتستمتع بثلوج

وعندك البحيرة الزرقاء قريبة من انترلكن

وعندك ايضا بحيرة اوشن تبعد عن البحيرة الزرقاء بــ 10 كيلو تطلع للبحيرة بتلفريك وتنزل منها بزحليقية الصيفية

وعندك قرية تون تبعد عن انترلكن نصف ساعة تقريبا ممكن تروحها تتمشى فيها وترجع بنفس اليوم فيها اسواق ومطاعم

المنطقة الثالثة هي : لوجانو وهي تقع جنب ميلانو في ايطاليا

فيها البحيرة

وفيها ميني سويس وهي سويسرا مصغرة

وفيها مطعم فوق الجبل تطلع له في التلفريك

وممكن تزول ميلانو في ايطاليا بنفس اليوم وترجع تقريبا ساعة بالقطار

بس اخوي ماتحتاج لمرشد سياحي اجر لك سيارة مع جارمن وتوكل على الله والسواقة سهلة جدا في الدول الاوروبية

واتمنى لك التوفيق

[منصوربن حمد]

عليك بلندن والباقي مضيعة وقت واحسن شي في سويسرا الريف السويسري ومدينة تاش وبعد المغرب اتقول في عزبة مب مثل لندن

[منصوربن حمد]

واذا معزم تروح بسويلك جدول حلو انصحك تروح تنزل في ميونخ وتاجر سيارة bmw 740 li 2010 ديزل بسعر 160يورو وفيها gbs يدلك على كل شي وتسكن في فندق سوفيتيل لان البوفية ماله حل وشرح وثاني يوم تطلع من ميونخ الى جنيف ومن جنيف الى لوزان يعني تخلي جنيف مطب ومن لوزان الى لوتزان هاذي من اروع مدن سويسرا (مدينة تاريخية) ومن لوتزان الى قرية اسمها تاش وتوقف سيارتك في المواقف وتطلع بالقطار الكهربائي لان المدينة اللي بتوصلها بعد تاش يمنع فيها السيارات حماية للبيئة واسم المدينة زيرمت وينصح بفندق زيرمت هوف حيث ان الفيو يعني المنظر والاطلالة شي لايوصف لانة يطل على جبال الالب وترى منة اعلى قمة جبال الالب هورن تربلن الدعاية اللي عالكافي تربلن ولاتضيع وقتك في شي اخر وسفرة ممتعة

[^امـ نواري^]

الصراحة جدولك يا منصور يشوق .. وسويسرا بكبرها تشوق .. طبيعة تجنن ولا اروع .. روح وانت مغمض
بس لازم تاخذ لك جولة في اوروبا حرام اسبوعين وكله بمكان واحد .. مثل ماقالو لك الاخوان
واحلى وقت للسفر هو شهر 5 ..

واجازة سعيده

[سهم احمر]

مشكورين على المرور والافادة ويعطيكم ألف عافية - ولو تكرمتوا إذا أمكن بتقرير من بداية السفرة وحتى نهايتها مع الفنادق في كل منطقة وأسمحولي على الأطالة

[هند88]

اخوي الكريم

زيورخ وجنيف وزيرمات مافيهم شئ مملة وكئيبة ، وزيرمات مقلب من قلب

احلى المناطق لوزيرن - انترلاكن - لوزان - مونترو هذي المناطق خيااااااااااااال

:victory:
وزيوخ طول الوقت مطر حتى بعز الصيف :rolleyes2:
استقر في لوزين .. وروح زيورخ تسوق فيها ورد لان بينهم 45دقيقه ويوم وانتر لاكن كفايه عليها مافيها شي

[مروج قطر]

السلام عليكم و رحمة الله و بركاته

انصحك اخوي بانترلاكن و ضواحيها و لوزيرن و فيه العديد من المدن السويسريه الجميله

و سويسرا حلاتها بتاجير سيارة و تسوي جدول سياحي بنفسك و تكون مرشد نفسك

و بالنسبة للفندق يعتمد على حسب ميزانيتك و المكان اللي حاب تستقر فيه

شوف الخاص و ان شاءالله تستفيد

[سهم احمر]

يعطيكم ألف عافية ومشكورين على الأفادة

[حمد911]

السلام عليكم اخوي

انا توني راجع امس... رحت فيينا وسويسرا وبعطيك رئيي الخاص عن سويسرا لان فيينا انت ماراح تروح لها حسب مافهمت من كلامك

بالبداية انا خرجت من فيينا عن طريق طيران داخلي تابع للطيران النمساوي ووصلت زيورخ وعلى طول خذت قطار واتجهت الى مدينة لوزيرن سكنت في فندق بلس لوزيرن وهو من فنادق الخمس نجوم وبصراحة لو تفكر تروح لوزيرن انصحك بهاذا الفندق وبقوة لانة فندق نظيف وحلو ويطل على النهر وقريب من محطة المتروح حتى مايحتاج تاخذ تاكسي تقدر تروح مشي يبعد تقريبا كيلو ونص بتحصل جنب محطة المترو كل شي في مدينة للعاب صغيرة وفيها محلات صغيرة بعضهم مطاعم وبعضهم للحلويات وكان في عندهم معرض موسمي يعرضون في سلع من دول مختلفة عندك بعد محطة السفن تقدر تاخذ لك سفينة وتروح مناطق معينة تنزل فترة ساعة او نصف ساعة وعقب تجيك السفينة بس شي حلو لايفوتك انا مثلا رحت منطقة اسمها بورق ستوك ومنطقة ثانية ويجن حلوين بس مناطق حلوة بتعجبك... مدينة لوزيرن بختصار تستحق الزيارة بس حدها 4 ايام عقب بتملل...

أنترلاكن بصراحة ماعجبتني كلش خاصة فندق متروبولي يعطيك اوامر تقول جنك في الجيش يعني المدينة تصلح حق شخص يحب التزلج او يحب البراشوت ولا هي ماتسوى ولاتستحق الزيارة بعد لان في مدن احسن منها بكثير وانا استغربت الناس ذبحة عليها على ايش ... وفي الليل ازعاج واذية

عقب زرت زرمات مدينة روقان بختصار اذا انت راعي روقان وهدوء روح لها وانصحك في فندق coeur des alpes فندق بصراحة فضيييييييييييييييع بكل معنى الكلمة والملاك هم اللي يديرون الفندق وحريصين اشد الحرص على راحة النزلاء انا كل مايشوفون يقولون لي كل شي زين واسعارة مناسبة وتقدر تحجزة عن طريق النت
شي ثاني بعد لايوفتك التلفريك تروح اعلى قمة الجبل منظر فضيع وعندك القطار يلفك على كل الجبال بس حدها 4 ايام

حاسب من فندق اسمة بست وسترون في زرمات فندق سيئ وغالي بنفس الوقت كنت باخذة بس الله ستر وهونت عنة

عقب رحت زيورخ هي بصراحة مدينة تريح فيها يومين اتشرى اذا انت حاب وتمشاية او تروح مدينة هايدي لاند انا كنت باروح لها اول امس بس للاسف كان الجو مطر عندهم قعدت فيها يومين وهي حليوة حق راحة وتشتري فقط
انصحك في فندق ماريوت زيورخ فندق فضيع وحلو وسعرة مناسب وبوفية البريك فاست كبير ومنوع

ولو بتروح احين جوهم زين مش برد قوي

رحلة موفقة

[N.QTR]

جنيف انصدمت فيها ممله جدا ، ولان رحت لها من غير تخطيط هذا اكبر خطأ
حدها يومين ، بس احلى شي الشوكولا (^ـ^)

[حمد911]

جنيف كنت بزورها بزيارتي الاخيرة بس بعد البحث أكتشفت أنها مافيها غير المنظمات الدولية يعني ماتستاهل الزيارة وأنصح اي شخص بيسافر الاطلاع على البلد الي بيزورها وفي منتديات كثيرة مخصصة للغرض هاذا