اما ان يعود البيت القطري كما كان عام 1980 .. او توسع سجون ابوهامور

[البدع]

في الثماينات

كان البيت القطري غالبا يتكون من 3 الى 4 اسر في بيت واحد

كانت الرواتب قليلة

والنفوس كانت صافية

والالتزامات اقل

وكان البيت بالكثير في خدامة وحدة وسائق واحد

ووقت الغداء الكل يجتمع في جلسة واحدة

ووقت العشاء الكل يجتمع في نفس المكان

ولا اذكر ان في الفريج الذي عشته ... سجن شخص واحد بسبب الديون في تلك الايام

وسبب كتابتي لهذه المقالة

ان شخص يعمل في قطاع النفط اوشك على الافلاس

واوشك ان يدخل السجن من كثرة ديونه

والسبب

انه بنى بيت ضخم جدا يسكن فيه 6 اشخاص

وسيارة فارهة

وادخل ابناءه مدارس مستقلة

وعنده خدامتين

وسائق

ازمة الديون لن يحلها الا شيئين برايي

1. عودة الاسرة القطرية الى البيت الكبير الموحد والنفوس الصافية

2. التوقف عن المبالغة في الكماليات

[بـــــــنت النوخـّــــذه]

ازمة الديون لن يحلها الا شيئين برايي

1. عودة الاسرة القطرية الى البيت الكبير الموحد والنفوس الصافية

2. التوقف عن المبالغة في الكماليات





احسنت انت سئلت و جاوبت على سؤالك اجابه وافيه 00000000000
وملاحظه موضوع الاخ وتراكم الديون يختلف عن مواضيع أخرى وتراكم الديون لان موضوعه اهو السبب في ذلك ولكن المواضيع الاخرى لتراكم الديون هم السبب !!!

[الخفي]

(( للأسف التغريب ضرب باطنابه البيوت القطريه ونسفها نسف وقليل الا مارحم ربي ))

[كركم]

والله أعرف شباب لغو فكرة الزواج نهائيا والسبب الديون اللي تراكمت عليهم في لحظات الطيش ..الله يفرجها عليهم وعلى كل مديون

[الأصيلة]

نعم صدقت ..
ما أدري ليش التنافس في بناء القصور مع عدم القدرة ...
شي غريب لاحظته تراكم الديون للبناء والأثاث والرخام وآخر صيحات الديكورات...
طيب وين الراحة والسعادة اللي بني لها هذا البيت...؟
واللي يسكنونه يعيشون تحت وطأة الدين وغلبته...
كيف سيتمتعون بكثرة الغرف والأثاث والمصاعد وبرك السباحة...
الجميع الآن يحرص على أن يبني بيت متكامل وكان صاحبه مليونير
لا موظف عادي قرضه 1200000
أنا أعرف أن هناك من سرق المال وأكمل بيته بمال حرام...
البيت القطري القديم كان يأكل أفراده
ويشربون من الحلال...
يشعر سكانه ببعضهم البعض ويتنازلون لبعضهم البعض عن أبسط الحقوق...
يكفيهم أي شي من سائق وخادمة وطعام ...

شكرا يا البدع على الطرح المميز...

[مالي ومال الناس]

في الثمانينات كان كل شي رخيص , الحين ارتفع كل شي وزاد جشع التجار والجهات المختصه نايمه بالعسل لارقيب ولا حسيب

قبل كنا نعرف الفرق بين التاجر وبين الوزير والمنصب الكبير

الحين التاجر هو نفسه الوزير وهو نفسه المنصب الكبير

يعني القرارت تميل للتاجر اكثر من المواطن

[تحداني]

حلوه حياه الرفاهيه .. ورب العالمين يحب ان يرى ذلك على عباده
ولكن أن يبالغ في كل شئ على حساب دخله المتواضع وإمكانياته هنا شئ يحز في الخاطر

بخليك تقول هذا الي إمفلس وكاشخ .. وعلى إيش ؟؟ على ان الناس يقولون لك تعالوا شوفوا إفلان إشلون صار بيته عفوا قصره " صارت شائعه القصور هذه الايام "
ترى الناس في المقابل تعايرك ..
والدوحه ما عادت كبيره وايد حتى حياتنا الماديه الشخصيه مفضوحه عند الجميع ..
ونصير ذيك الساعه نكته في إحلوج العذال


عن نفسي إشتقت للحياه البسيطه
إشتقت للفقر
للشقه الصغيره
إشتقت لقعدات الغدى والعشى مع الخوال والخالات .. واعيالهم
إشتقت أحد يطق علينه الباب بدون ما يتصل


كل ما كانت الحياه بسيطه
كل ما قلت العقد وصفت القلوب .. وإنزاحت التعقيدات

مافي شئ تعب الناس وجاب لهم المرض والحسد والحقد غير البرستيجات إلي أوجدناها
والإفلوس إلي عمت إقلوبنا وإعقولنا وصرنا نركض وراها
والعمر يركض فينه
وما تلقى نفسك إلا على سرير المرض
أو على أكتاف الأحباب للقبور



جملك الله برضى الرحمن

[جلمود]

أخوي البدع موضوعك يعور القلب والله :p

يازين ذاك الوطر لافيه غل ولا حسد والراتب قليل ولكن في الخير كله

الحين الناس نست الوصل وحق الجيره ولتفتت لي أمور الدنيا الخداعه

[فراغ]

أعتقد المشكلة في الشخص وليس في الزمن
كان ذلك في الثمانينات أو الألفين وعشرة
المشكلة أن المواطن القطري عايش تحت مخدر أسمه (أنت غني)
وهو مفلس وبعد عليه ديون
لازم الأنسان يكون واقعي وعيش واقعه
خذوني أنا مثل
سيارة مديل 2000 لكن ديوني بسيطه وبيتي صغير
لكن ما لاحظته في الشارع هو عدم تقدير من السائقين القطريين
ولواحد يشوفك بغضب وعيونه تقول لك ليش أنت حالتك تشذيه وأحيانآ يرفع يدة كنه يقول وخر عن طريقي سيارتي أكشخ من سيارتك وأنت مش في مستواي
المشكله هنالك عقدة عند البعض أسمها (((الغنى))) ولذلك يحط على روحه ديون بعدها يطلبونه (لسجن)
والمثل يقول مد ريلك على قد لحافك
معلش السموحه لكنه هو الواقع ويجب مواجهته

[غدير البورصه]

لين الحين البيت القطري مثل الاول واحسن من الناحيه العلميه والماليه والدينيه

ييتمعون على الغدا


وييتمعون على العشا

ويسافرون مع بعض

ويروحون العمره مع بعض

صج ان الدنيا تغيرت لكن فيه ناس لين الحين على عاداتهم الاوليه.

[م. عبدالعزيز]

لين الحين البيت القطري مثل الاول واحسن من الناحيه العلميه والماليه والدينيه

ييتمعون على الغدا


وييتمعون على العشا

ويسافرون مع بعض

ويروحون العمره مع بعض

صج ان الدنيا تغيرت لكن فيه ناس لين الحين على عاداتهم الاوليه.
صح كلامك .. لكن للأسف الاغلب لا .. الموضوع يعور القلب صراحه ،، أول وين والحين وين ....

[القطو السمين]

السلام عليكم انا فهمت وانا على قد فهمي ماسوى شي خيالي سيارة فارهه وهذا من حقه وهو اولى من الاجانب الي توهم جايين امس حتى حمار مايركب في بلاده البيت له حق وحقه على بلاده الي ماحطت تسعيره موحده عشان تنقذ المواطنيين من جشع التجار بل خلتهم نهيبه وحقه على بلاده الي خلت البنوك يلعبون لعبتهم على المواطنيين المساكيين وبعدين جايب خدامتيين وشفييها كل بيت له ظروفه بدال ماتطالعونه شوفي هالاجانب تمشي وراها شغالة ياشين التقليد وعياله مدخلهم مدارس مستغلة لو اجنبي يشتغل معاه عيالهم في مدارس خاصة على حساب الدولة

[vtc_4.8]

انا مالحقت الثمانينات او كنت بيبي لحين

بس ال90 والله احلى ايام كانت .. الله يصلح الحال

[الماريّة]

كل ماكانت البساطه كانت الحياه اسهل وابسط

[الريـــاني 1]

ما احلي عيشة البساطة

[موضي قطر]

ياجماعة تكفوووووووووووون للمرة المليون اذا كتبتوا عن الديون ليش على المواطنين

كتبوا بين قوسين ((((( البـــــــعض ))))) ترى مب الكل ماخذ سلفية عشان يبني قصر !!!

لأن أغلب المسؤلين يبنون نظرياتهم عن الديون على كلام المنتديات :eek5:

[سيزن]

ازمة الديون لن يحلها الا شيئين برايي

1. عودة الاسرة القطرية الى البيت الكبير الموحد والنفوس الصافية

2. التوقف عن المبالغة في الكماليات


واضيف نقطه ...

3-التوقف عن اكل الربا

[jassim]

لا اله الا الله

[Doha Sun]

في الثماينات

كان البيت القطري غالبا يتكون من 3 الى 4 اسر في بيت واحد

كانت الرواتب قليلة

والنفوس كانت صافية

والالتزامات اقل

وكان البيت بالكثير في خدامة وحدة وسائق واحد

ووقت الغداء الكل يجتمع في جلسة واحدة

ووقت العشاء الكل يجتمع في نفس المكان

ولا اذكر ان في الفريج الذي عشته ... سجن شخص واحد بسبب الديون في تلك الايام

وسبب كتابتي لهذه المقالة

ان شخص يعمل في قطاع النفط اوشك على الافلاس

واوشك ان يدخل السجن من كثرة ديونه

والسبب

انه بنى بيت ضخم جدا يسكن فيه 6 اشخاص

وسيارة فارهة

وادخل ابناءه مدارس مستقلة

وعنده خدامتين

وسائق

ازمة الديون لن يحلها الا شيئين برايي

1. عودة الاسرة القطرية الى البيت الكبير الموحد والنفوس الصافية

2. التوقف عن المبالغة في الكماليات







جعل يمينك ماتعطب ان شاءالله على هالموضوع .. :nice:

والف شكر لك :victory:

[Rider]

ياليت الزمان يرجع ورى كان الخير موجود

[مضاد]

لكثرة المعاصي نزعت البركة .