تكفون يا الأخوان ماهو أفضل مكتب سفريات ...........؟؟؟

[الكاسر99]

السلام عليكم ورحمة الله وبركاته

ماهو أفضل مكتب سفريات للحجز من ناحية الأسعار


اللي عنده معلومات لا يبخل علينا وله الأجر إن شاء الله


ناوي الأسبوع الجاي أروح العمره والله يتقبل منا الطاعات وحبيت أعرف


ما هو أفضل مكتب سفريات من ناحية الأسعار والمعامله وتأكيد الحجز


ننتظر ردودكم


وجزاكم الله كل خير

[يحفظك ربي]

انا تعاملت مع ريجنسي فرع الغرافه واشوفهم تمام

والله يسهل عليك ويتقبل منك

[الكاسر99]

جزاك ربي الجنان

بس أخوي اللي أعرفه عن ريجنسي أن أسعارهم نار

[ابن قطر]

الدرويش

[captin]

الله ييسر لك سفرك

ويتقبل منك عمرتك وصالح اعمالك ان شاء الله

بالنسبة لمكاتب السفر والسياحة في قطر
الأشهر هم الخمسة الكبار في السوق

ريجنسي

كليوباترا

توريست

المناعي

الدرويش

وهناك عدد من المكاتب الأخرى تاتي في فئة الوسط

مثل
آسيا للسفريات والديرة والرحلة السعيدة
وغيرهم كثير حيث يصل عدد مكاتب السفر والسياحة
في الدوحة لأكثر من 230 مكتب مرخص

عموما المختصر المفيد أنه لاتوجد فروقات ملحوظة
في سعر تذاكر السفر بين مكتب وآخر بسبب تحديد
نسبة الربح من قبل شركات الطيران اللي لاتتجاوز 5%

بالنسبة للسكن عندك ( فندق دار التوحيد - أبراج مكة - أبراج زمزم )
وتقدر تحجز لهم من مواقعهم مباشرة
http://www.ichotelsgroup.com/intercontinental/en/gb/locations/makkah-daraltawhid

http://directrooms.com/saudi-arabia/hotels/grand-zamzam-hotel-makkah-12335.htm

http://www1.hilton.com/en_US/hi/hotel/MAKHITW-Makkah-Hilton-Towers/index.do?WT.srch=1

يعني تشتري التذكرة من الدوحة من اي مكتب والسكن يكون حجزه عن طريق النت

رحلة موفقة وعمرة مقبولة مقدما

[شويهينــه]

انا اشوف تحجز انت بنفسك عن طريق النت احسن

لان كمن مره تعاملنا مع مكاتب سفريات وبالاخير ينكبونا

[يحفظك ربي]

صحيح الافضل انك تجيك على الاسعار في النت بالاول وعقب تشوف السفريات

مره حجزنا في هيلتون مكه ع طريق النت طلعت لنا الليله 1000 وشي مع افطار !!!!!

ولما رحنا هناك شفنا انواااع الجاليات @@

قلنا معقوله هذول دافعين هالمبلغ نفسنا ! الا طلع ان مسوين عرض في الجريده والليله على 600 ريال مع فطور بعد .. ومادرينا الا بعد ماحجزنا ورحنا خخخ

بس احنا غلطنا لان حجزنا من موقع الهيلتون دايركت بدون اي وسيط وهالسبب هو اللي رفع السعر !

ف الافضل انك تتاكد من الاسعار قبل الحجز

لو حاب ممكن اجيك لك في النت بس عطني اسم الفندق :)

[القانوني]

سفريات السفير - تاون سنتر

سفريات الفرقان - شارع الخليج

[المتحدث الرسمي]

اخوي انا اتعامل مع ريجنسي وتعاملهم ممتاز واسعارهم مقبوله

[بوخالد911]

ريجنسي

ومووفقيين

[الكاسر99]

جزاكم الله كل خير وبارك الله فيكم وتقبل الله مني ومنكم صالح الأعمال


وألف ألف ألف شكر لكم جميعاً على المساعده

[Qatar564]

من ناحية السعر للعمرة.. سفريات الفرقان - شارع الخليج أرخص شي حصلته.. وكل شي كان تمام
والله يوفقك

[نجمة في سماه]

الرحله السعيده ... احنا دايما نتعامل معهم اسعارهم روعه..

[h9466]

نصيحة احجز كل حاجة عن طريق النت ...وفي موضوع مثبت لاخونا غير البشر يشرح لك الخطوات بالتفصيل..

[وحيد-الشوق]

ريجنسي عن تجربة اوكي لكن في الفنادق ما انصح جيك النت بالاول

مره اخبر جيكت في النت وكنت عليمي ما اعرف احجز ورحت حجزت من ريجنسي طلع الحجز اغلى من النت ب100 او 150 قلت له ليش اغلى ياخوي قالي مافيك تقارن اسعارنا بالنت

من عقبها جربت موقع بوكنج العملاق والحمدلله راويتهم رقم الحجز وبس وحتى الدفع دفعت كاش وما خصموا شيء من الفيزا

http://www.booking.com/

انت شوف النت والسفريات وقارن بين الاثنين

عمرة مقبولة وربي يحفظك

[المعنى88]

توريست افضل سفريات

[هند88]

ريجنسي ..
وفاتحين 24 ساعه