العقاريه مره ثانيه

[الغشيم]

شباب ماعاد فيه وقت شكل العقاريه بكره او بعده بيكون اخر لمت والسؤال هو
1) لو شريت فيهاهل توقعون لها ارتداد كبير يعني تعدي مثلا 120 او اكثر او هي ببس بتركد ولا بتطلع لين بعد الصيف
2) هل فيه اخبار طيبه عنها
3) اللي بيكتتبون فيها طبعا اضن بقيمة 40 ريال فيعني ماتقعون بيعرضونها يمكن باقل من 90 ريال وطبعا بيكونون ربحانين فيها وانا خسران لاني شاريها بسعر95؟ ارجو الاجابه :confused:

[العنان]

اخوي الغشيم بالنسبه لي اشوف ان سهم العقاريه ينفع للاستثمار وهذا واضح من خلال مشاريع الشركه ونشاطاتها اما بالنسبه للمضاربه فيها في الوقت الحالي فمادري اذا في مجال للمضاربه يعني هل راح يرتفع السعر ولا لاء وانا عن نفسي ابي اخذ فيها بس انطرها تنزل شوي...

[المراقب]

العقارية وصلت لسعر أكثر من ممتاز، والمكتتبين لن يستطيعوا الحصول على الأسهم إلا بعد إنتهاء الأكتتاب، أي بعد تاريخ 4/5.

ثانيا العارضين قلة، ويبغون فلوس على شان الأكتتاب.

سعرها سيرتفع لا محالة ويكون بين 125 - 150،

وصل سعرها إلى 253، واستثماراتعا أكثر من ممتازة.

أو حركة سحب تصبح لمت أب.

والله أعلم

[سهم عتيج]

الغشيم,, اذا بتاخذها استثمار على هالأسعار,, فتوكل على الله بدون تردد ..

[الوضع ما يطمن]

العقارية في الوقت الحالي اتوقع سهم استثماري خصوصا عند قرب انتهاء فترة الاكتتاب ومتوقع له ارتفاع في قيمته وكل اللي عليك تسويه الانتظااار واعتقد لا يصلح السهم للمضاربه في الفترة الحالية ..

وحبيت اقولك شي ... الارباح لهالشركة في الريع الاول للعام الحالي 2005م أكثر من الارباح في نفس الربع للعام الماضي 2004م عوضا عن زيادة راس مال الشركة .. ولا تنسى كثرة المشاريع والخطط الواضحه لهالشركة

وفيه شي ثاني انه الحكومه تدعم هالسهم بنسبة 25% من راس مال الشركة يعني مافيه خوف ان شاء الله على قيمة هالسهم .. لاتنسى ان السهم وصل او كسر حاجر الـ 200 ريال خلال الاشهر اللي مضت .. وقبل دخول الاجانب ...


والله يوفقك

[المراقب]

سهم ممتاز وفيه خير كثير، وبرأي بأنه سيرتد للأعلى وخلال الأيام القادمة، أتوقع له سعر معقول بين 110 - 125 خلال هذه المرحلة.

دون شك الإستثمار فيه أكثر من ممتاز.

أخوي الغشيم أنتظر على السهم قليلا والله يوفقك. أنا شاري كمية من الشركة وعند أي نزول اخر أشتري لأني واثق به تماما، ومن المتابعين لنشاطات الشركة ومشاريعها.

وبالتوفيق للجميع،

[نورس الخليج]

بلا مبالغه وبكل امانة اقول لك بان سهم العقارية من الاسهم الواعدة جدا ومستقبلها اكثر من رائع وخصوصا العام القادم


مع دعوتي لك الاحتفاظ باسهمك وبالتوفيق

[المراقب]

الأستثمار في الأسهم لمدة هو المطلوب ولا داعي للخوف غير المبرر والهرولة وراء البيع وبأي سعر.

والله الموفق.