أنت وأنا نشبه حضارات الأغريق القوم راحو والحضاره مقيمه

[وسام الخليج]

أســـــعـــد الـــلـــه مــــســـاء \ صـــبـــاح الـــجــمــيــع

أبـــيـــات شـــاعــــر "





صدر الحزين يطاوع الضيق .. و يضيق
من كل صوب .. و تصبح العين ديمـه

ينزل مطر .. و يلوح براق . و تفيـق
كل الجروح .. المبطيـات .. القديمـه

يا فوح قلبـي مثـل فـوح الاباريـق
عليك ياللـي لـك عروقـي محيمـه

أقبلت لي و الحب .. حـظ و توافيـق
و أقفيت عنـي .. و النتايـج وخيمـه

علقت نفسـك فـي زوايـا المعاليـق
و حطيت لك بين الحنايـا .. وسيمـه

و أصبحت عندي فوق كـل المخاليـق
تخطي و لا لك غير قـدر و حشيمـه

و انا و ربـي مـا نقضـت المواثيـق
لا زلت أشوفك راس مـال و غنيمـه

دونك سحاب الدمع و مشارق الريـق
و عقبك ضياع و جرح قلب و هزيمـه

ليتك تشـوف ابـواب قلبـي مغاليـق
ما هيب لا و الله .. و عـادة حليمـه

ما همني و النـاس جمـع و تفاريـق
ما دمت منتـب فيـه روحـي يتيمـه

يا صاحبـي تبكـي عليـك الطواريـق
جزل البيوت .. الفـاردات .. العديمـه

أرحل .. و طيبك فوق روس الشواهيق
لا تلتفـت لـي يـا قـوي الشكيمـه

و أنا على خبـرك وريـث المطاليـق
راعي مواجيب و شجاعـه و شيمـه

مثل الجبل و أقرب مثل عندك .. طويق
شامخ .. لو ان الريح تنحت صميمـه

يالله عسـى فالـك معـزه و توفيـق
ياللي جعلت أهداف عمـري عظيمـه

عقبك لي الله ثـم شمـس المشاريـق
و الشرقي و هبّـة هـواه و نسيمـه

و الشوق و هموم الجـروح المفاتيـق
و البرد و الحزن و شـوارع ظليمه

يالغالـي اللـي كنـك بقلبـي اتويـق
جرحك كريـم .. و ذكرياتـك كريمـه

أنت و انا .. نشبه حضارات الأغريـق
القوم راحـوا .. و الحضـاره مقيمـه[/font][/center][/size][/color]

[نعيمه علي]

من قائل هذه الابيات اخوي

اطيب تحياتي لاختيارك


.

[الشمريه]

أبدعت ولا هنت

[آآآه ياقطــر]

يالغالـي اللـي كنـك بقلبـي اتويـق
جرحك كريـم .. و ذكرياتـك كريمـه

راااائعه يامبدع احسنت وبارك الله فيك

[وسام الخليج]

من قائل هذه الابيات اخوي

اطيب تحياتي لاختيارك


هلابك نبض ومايحضرني الشاعر وكل التحايا لك

[وسام الخليج]

يالغالـي اللـي كنـك بقلبـي اتويـق
جرحك كريـم .. و ذكرياتـك كريمـه

راااائعه يامبدع احسنت وبارك الله فيك

الأبداع الحضور الرائع وهلابك اخوي

[بن مفتاح]

صح لسان الشاعر والناقل ..

كلمات راااائعة ..


حفظكم الرحمن بحفظه ..